დაუკვირვებელი არჩევნები, აფეთქება ფილარმონიასთან და გაზრდილი კორონა

      როცა კორონა მატულობს, დღის ყველა ამბავი მის გარშემო ბრუნავს. ურწმუნოებაცა და მორმწუნეობაც ვირუსის რეალურობასა და გამოგონილობაზე. ცხადია, პოლიტიკური აქტიურობა და ქულების წერა თავისუფალ მიმოსვლაზე თუ დარიგებულ ფულებზეც. ამას გარდა, საარჩევნოდ დამკვირვებლების ჩამოსვლის თემაც აქტუალურია და ჩვენი ქვეყნისთვის მსოფლიო მხარდაჭერაც რუსეთთან „ომობანაში“. როგორც ჩანს კიბერ ომშიც არ ვართ მაინცდამაინც ძლიერები.

საქართველოს და მსოფლიოს ამბები / 4 სექტემბერი, 2020

      პოლიტ ამბები კორონას გარშემო - აჭარაში კორონავირუსის 13 ახალი შემთხვევა გამოვლინდა. კორონავირუსის 28 ახალი შემთხვევიდან 12 „დონას“ კლასტერთანაა დაკავშირებული, 3 „ავერსის“ კლინიკის თანამშრომელია, 4-ის ინფიცირების წყარო კი უცნობია. საზოგადოებრივი ჯანდაცვის ცენტრის დირექტორის ინფორმაციით, აჭარაში 58 კოვიდინფიცირებულიდან 17-ს პნევმონია აღენიშნება, ერთის მდგომარეობა საყურადღებოა. „ავერსის“ კლინიკების ქსელის რუსთავის ფილიალში აცხადებენ, რომ სამედიცინო დაწესებულების დახურვას ამ ეტაპზე მიზანშეწონილად არ მიიჩნევენ. დავით ზალკალიანის განცხადებით, საქართველო, ევროკავშირის 10 არაწევრ ქვეყანასთან ერთად, კვლავ უსაფრთხო ქვეყნების სიაში რჩება. გიორგი კანდელაკი მთავრობას რეგულარული ფრენების აღდგენის და უცხოეთიდან დაბრუნებული საქართველოს მოქალაქეებისთვის კარანტინის მოხსნისკენ მოუწოდებს. საზოგადოებრივი ჯანდაცვის ცენტრის ხელმძღვანელი - 31 აგვისტოდან დღემდე „ავერსის“ რუსთავის ფილიალში მედპერსონალის ინფიცირების 13 შემთხვევაა. ეკატერინე ტიკარაძე ექიმებს მიმართავს და თხოვს, კონფერენციები ონლაინ რეჟიმში გამართონ და წესების დაცვის მაგალითი აჩვენონ. ოკუპირებულ აფხაზეთში კორონავირუსის 40 ახალი შემთხვევა გამოვლინდა.

      ბანკების ფულიანობა - კობა გვენეტაძე - დარწმუნებული ვარ, დავძლევთ მნიშვნელოვან გამოწვევებს და კიდევ უფრო გავაძლიერებთ არასაბანკო სექტორს. ეროვნული ბანკი - სავალუტო ფონდის შეფასებით, არასაბანკო საკრედიტო ინსტიტუტების რეგულირება მნიშვნელოვნად გაძლიერდა.

      დაუკვირვებელი #არჩევნები2020 - NDI საქართველოში საერთაშორისო დამკვირვებლებს არ გამოგზავნის. ელენე ხოშტარია - დარწმუნებული ვარ, NDI ძალიან მნიშვნელოვან როლს ითამაშებს იმისთვის, რომ არჩევნებს დეტალურად დააკვირდეს. ბადრი ჯაფარიძე - აუცილებელია, რაც შეიძლება დიდი ოდენობით დამკვირვებლის ჩამოსვლა, რათა გამოვრიცხოთ ხელისუფლების მხრიდან ცდუნება არჩევნების გაყალბების მიმართულებით. ნინო ბურჯანაძე - ჩვენი ამოცანაა, რომ ხელისუფლება ვაიძულოთ ჩაატაროს სამართლიანი და დემოკრატიული არჩევნები. კელი დეგნანი - NDI-მ შეიმუშავა მიდგომა, რომლითაც შეეძლებათ ამავდროულად დაიცვან თავიანთი თანამშრომლების ჯანმრთელობა და ჩართულნი იყვნენ პროცესებში. ლევან თარხნიშვილის თქმით, ცესკო-მ არ გაითვალისწინა ეუთო-ს, ასევე სხვა საერთაშორისო და ადგილობრივი სადამკვირვებლო მისიების რეკომენდაციები და საარჩევნო ოლქებში „დამოკიდებელი“ წევრები დანიშნა, რომლებიც სინამდვილეში „ქართული ოცნების“ პარტიულ აქტივს წარმოადგენს. თბილისის საქალაქო სასამართლო პარტია „ევროპული საქართველოს" არჩევნებიდან მოხსნის საკითხზე მსჯელობს. სერგი კაპანაძე - სასამართლოს მოქალაქე სერგო ჯავახიძემ მიმართა. სარჩელი აბსურდულია და არანაირი საფუძველი პარტიის არჩევნებიდან მოხსნის თაობაზე არ არსებობს. კარლ ჰარცელი - დარწმუნებული ვარ, რუსეთი საქართველოს საპარლამენტო არჩევნებს თვალყურს ძალიან აქტიურად მიადევნებს. გიგი უგულავა - კოალიციური მმართველობა არის სწორი გამოსავალი, უნდა ვისწავლოთ პარტნიორობა და ეს დაგვაზღვევს იმ შეცდომებისგან, რასაც ხალხი მეორედ არ გვაპატიებს.

      თბილისის „ავარიები„ - ფილარმონიასთან აფეთქება მოხდა. შედეგად ერთი ადამიანი დაიღუპა. საგანგებო სიტუაციების სამსახურის წარმომადგენელი ფილარმონიასთან აფეთქებაზე - შენობაში მიმდინარეობდა სარემონტო სამუშაოები - აფეთქებას ხანძარი არ მოჰყოლია. „თბილისი ენერჯის“ ინფორმაციით, ფილარმონიასთან აფეთქება ბუნებრივი გაზით არ არის გამოწვეული. ფილარმონიასთან აფეთქებისას დაშავებულებს შორის ერთი გამვლელია. პირველადი ინფორმაციით, ფილარმონიასთან ჟანგბადის ბალონი აფეთქდა. აბო თბილელის ქუჩაზე ხანძარი გაჩნდა. თბილისში, საოჯახო ტიპის სასტუმროში გაჩენილი ხანძარი ლიკვიდირებულია.

      სამეგობრო საზღვარგარეთ - გიორგი გახარია საქართველოს საკითხზე გაეროს მიერ მომზადებული რეზოლუციის მხარდამჭერისთვის პარტნიორებს მადლობას უხდის. ეუთო-ში საქართველოს მეგობართა ჯგუფმა რუსეთ-საქართველოს ომის მე-12 წლისთავთან დაკავშირებით ერთობლივი განცხადება გაავრცელა. განცხადებაში გამოთქმულია ღრმა შეშფოთება რუსეთისა და ცხინვალისა და სოხუმის რეჟიმების გახშირებულ პროვოკაციებთან დაკავშირებით, გლობალური პანდემიის პირობებში. ამ კუთხით, ყურადღება გამახვილდა მავთულხლართებისა და სხვა ხელოვნური ბარიერების აღმართვასა და ე.წ. გადასასვლელების ხანგრძლივ დახურვაზე, რაც იწვევს ვითარების დესტაბილიზებას და მკვეთრად უარყოფითი გავლენა აქვს ადგილზე არსებულ უსაფრთხოების, ადამიანის უფლებათა და ჰუმანიტარულ ვითარებაზე, განსაკუთრებით ახალგორისა გალის რაიონებში. მეგობართა ჯგუფმა განაცხადა, რომ გადაადგილებაზე დაწესებული შეზღუდვების გამო, მოქალაქეებს ადგილობრივებს არ აქვთ წვდომა სასიცოცხლოდ აუცილებელ სამედიცინო სერვისებზე, რის გამოც, გასული წლის მანძილზე არაერთი ადამიანი დაიღუპა. ეუთო-ს მუდმივი საბჭოს სხდომაზე აფხაზეთისა და ცხინვალის რეგიონების ოკუპაციის შესახებ მსჯელობა გაიმართა. სალომე ზურაბიშვილი - მადლობას ვუხდი გაეროს 84 სახელმწიფოს რეზოლუციის მხარდაჭერისთვის, უპრეცედენტო მხარდაჭერაა. აშშ-ის ელჩი ეუთოში - აშშ ეუთო-ს ქვეყნებს მოუწოდებს, მხარი დაუჭირონ საქართველოში ეუთო-ს მისიის განახლებას. სახელმწიფო მინისტრის აპარატი - ოკუპირებული ტერიტორიებიდან იძულებით გადაადგილებულ პირთა შესახებ რეზოლუციის მხარდამჭერი ქვეყნების რაოდენობამ უპრეცედენტო ნიშნულს მიაღწია.

      კიბერომი - დავით ზალკალიანი კიბერშეტევაზე - არ მოგვერიდება სახელების დარქმევა თუ საიდან და ვინ განახორციელა ეს უკანონო ქმედება. სალომე სამადაშვილი - როცა სახელმწიფო მოწოდების სიმაღლეზე არ არის, თავდასხმა ლუგარის ლაბორატორიაზე და სხვა ობიექტებზე შესაძლოა, გაძლიერდეს. ლევან ბოძაშვილი - თუ ლუგარი დაუცველია, არჩევნები როგორ იქნება დაცული კიბერჩარევისგან?! კარლ ჰარცელი - ევროკავშირი და წევრი ქვეყნები ყურადღებას გამოიჩენენ, რათა მოხდეს მტკიცებულებების პოვნა ამ კიბერთავდასხმის უკან მდგომი ორგანიზატორებისა და მიზნის შესახებ. პრეზიდენტის განცხადებით, ლუგარის ცენტრის წინააღმდეგ განხორციელებული კიბერშეტევა, ანტიჰუმანურ აქტად უნდა შეფასდეს. ვანო მაჭავარიანი - კიბერშეტევა საქართველოს დაშინების მცდელობა არ არის, ეს არის ძალის დემონსტრირების მცდელობა. კელი დეგნანი კიბერთავდასხმაზე - ეს ფაქტი არის კიდევ ერთი შეხსენება, რომ მავნე, საზიანო აქტორები აგრძელებენ თავიანთ საზიანო მოქმედებებს.

      ახალგაზრდების საქმეები - გიორგი შაქარაშვილის საქმეზე დაკავებულ საბა გოგშელიძეს, ირაკლი მუმლაძეს, ირაკლი წაქაძეს და ვახტანგ ჩიქოვანს ბრალი დაუმძიმდათ. შაქარაშვილის საქმეზე ერთ-ერთი ბრალდებულის, საბა გოგშელიძის ადვოკატის განცხადებით, მისი დაცვის ქვეშ მყოფი ბრალს არ ეთანხმება. პროკურორის განცხადებით, შაქარაშვილის საქმეში ფიგურანტი 4 არასრულწლოვნის აღკვეთის ღონისძიება გადაისინჯა და ოთხივე პატიმრობაში დარჩა. მირიან ნიკოლაძის განცხადებით, შაქარაშვილის საქმეში ჩანთის საკითხთან დაკავშირებით ბუნდოვანება ისევ რჩება და შესაძლოა, ის საქმის დამთავრების შემდეგაც არ აღმოიფხვრას.

      ბაჩალიაშვილთან - პროკურატურა თამარ ბაჩალიაშვილის საქმეზე ამ ეტაპისთვის მიღებული ექსპერტიზების შედეგებს და მასთან შემხებლობაში მყოფ მტკიცებულებებს ასაჯაროებს. პროკურორი - ექსპერტიზის თანახმად, თამარ ბაჩალიაშვილის ორგანიზმში აღმოჩენილი მედიკამენტების შემადგენლობა მანქანაში აღმოჩენილი პრეპარატების ცარიელი ფირფიტების და აბების იდენტურია. პროკურორის განცხადებით, თამარ ბაჩალიაშვილის გარდაცვალების მიზეზის დასადგენად სასამართლო-სამედიცინო ექსპერტიზაა დანიშნული. თამარ ბაჩალიაშვილის საქმეში მხოლოდ ერთი მეხსიერების ბარათი ფიგურირებს, რომელზეც ექსპერტიზაა დანიშნული. თამარ ბაჩალიაშვილის youtube-ის გვერდიდან 16 და ტელეფონიდან 3 ვიდეო ჩანაწერი მოვიპოვეთ, მასში დაფიქსირებული ინფორმაცია გამოძიებისთვის მნიშვნელოვანია. იმ ადგილის კადრები, სადაც გარდაცვლილი თამარ ბაჩალიაშვილი იქნა ნაპოვნი, დრონის ჩანაწერებში არ ფიქსირდება. პროკურატურა - ექსპერტიზის დასკვნით, ბაჩალიაშვილის ორგანიზმში არსებული მედიკამენტების ოდენობა ასეულობით აღემატება დადგენილ მინიმალურ ლეტალურ ოდენობას. პროკურატურა თამარ ბაჩალიაშვილთან დაკავშირებით ვიდეოკამერების ჩანაწერები გააასაჯაროვა. მიხეილ რამიშვილი - მივეხმარები გამოძიებას და ბევრ ჩვენებას, რაც საქმეშია, მეც გავასაჯაროებ - ეს ჩვენებები რადიკალურად ცვლის გამოძიების ვერსიას. ადვოკატი - როდესაც აბებზეა საუბარი, რატომ არ ავრცელებენ ინფორმაციას, რომ გასახდომი ჩაიც შეიძინა თამარ ბაჩალიაშვილმა - თუ თვითმკვლელობას აპირებდა, ვისთვის ყიდულობდა ამ ჩაის? კელი დეგნანი ბაჩალიაშვილის საქმეზე - FBI -ის იურისდიქცია აშშ-ის გარეთ ძალიან შეზღუდულია და მათი კომპეტენცია არ არის ჩაერთონ.

      ჩვენი მოსავლის ექსპორტი - 3 სექტემბრის მდგომარეობით, საქართველოდან 24,240 ტონა ატამი და ვაშლატამაა ექსპორტირებული. საქართველოდან 1,797 ტონა თხილია ექსპორტირებული, რაც გასული წლის ანალოგიური პერიოდის მაჩვენებელს 81%-ით აღემატება.

საზღვარგარეთულები:

      #WorldCorona2020 - სომხეთში კორონავირუსის 190 ახალი შემთხვევა გამოვლინდა და 4 ადამიანი გარდაიცვალა. უკრაინაში ბოლო 24 საათის განმავლობაში კორონავირუსის 2 723 ახალი შემთხვევა დაფიქსირდა, მათ შორს 161 ბავშვია. ინდოეთში კორონავირუსის 83 341 ახალი შემთხვევა დადასტურდა, რაც ქვეყნისთვის რეკორდულად მაღალი დღიური მაჩვენებელია. რუსეთში ბოლო 24 საათში კორონავირუსით 5 110 ადამიანი დაინფიცირდა და 121 ადამიანი გარდაიცვალა. საფრანგეთში კორონავირუსის შემთხვევების მატების გამო 22 სკოლა დაიხურა. ბრიტანეთის მოქალაქეებს, რომლებიც პორტუგალიიდან და საფრანგეთის პოლინეზიიდან დაბრუნდებიან, 14-დღიანი კარატინის გავლა მოუწევთ. აზერბაიჯანში კორონავირუსის 132 ახალი შემთხვევა გამოვლინდა, 2 პაციენტი კი გარდაიცვალა.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 54

ტეგები: qwellynews, ამბები, ბლოგი, ნიუსები, სექტემბერი, სიახლეები

Kakha: სექტემბერი 4, 2020||11:20pm

კი, დამკვირვებლების ენ-დი-აის ჩამოსუვლელობამ, მეც დამაფიქრა, ნეტა იქნება მაგათ გარეშე კი არჩევნები? ყოფნა არ ყოფნა დადგება საკითხავი :d

ლაშა: სექტემბერი 4, 2020||11:45pm

თუ ენ-დი-აი არ იქნება, არჩევნები არ ერქმევა მაგას, რაც იქნება! ((

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

თითებზე ასხმული ქალაქები

გამოაქვეყნა Tamila Moshiashvili_მ.
თარიღი: სექტემბერი 19, 2021.
საათი: 10:24pm 1 კომენტარი

      დიდი ხანია ოქრომჭედელი არ ყოფილა ჩვენი ბლოგის სტუმარი. დღეს ოლა შეხტმანი (Ola Shekhtman) უნდა გავიცნოთ. ოლას უყვარს მოგზაურობა და მოგზაურობისას, ამა თუ იმ ქალაქის სუვენირების შეგროვება. ერთხელაც გადაწყვიტა რომ თავად შეექმნა მუდმივი თანამგზავრი სუვენირი. ქალაქში ჩასვლისას, ოლა ფართო პეიზაჟებს აკვირდება, სწავლობს, ხატავს და ერთ სიბრტყეზე გადააქვს. შემდეგ იწყება ყველაზე რთული. თითოეული მისი ბეჭედი ხელით არის დამუშავებული, დახერხილი,…

გაგრძელება

ექსტრადირების ამბავი, კოკაინი და მიყურადება

გამოაქვეყნა Giorgi_მ.
თარიღი: სექტემბერი 17, 2021.
საათი: 11:26pm 1 კომენტარი

      ნელ-ნელა იწყება კოვიდის მეხუთე ტალღაზე საუბარი და შესამზადებლად ვაქცინაციის წახალისება. დღის მთავარ ამბებში კვლავ საარჩევნო „სისუფთავეა“, ასევე ფარული ჩანაწერები ნელ-ნელა გამომზეურება მტყუან-მართლის გარკვევის პარალელურად. მეგის ქარდავას ექსტრადაცია განხორცილდება. ვალუტის კურსი - 1 აშშ დოლარი - 3.1129 ლარია.

საქართველოს და მსოფლიოს ამბები | 17 სექტემბერი, 2021…

qwellynews, სიახლეები, ნიუსები, ამბები, სექტემბერი

გაგრძელება

სახელმწიფო უსაფრთხოების სამსახური და პროტესტები საარჩევნოდ

გამოაქვეყნა Giorgi_მ.
თარიღი: სექტემბერი 16, 2021.
საათი: 11:30pm 0 კომენტარი

      როგორც ჩანს დაანონსებული წვიმები მხოლოდ ქობულეთს აუხდა მძიმედ - ძლიერმა წვიმამ სახლები დაიტბორა, რამდენიმე სოფელში კი მეწყრული პროცესები განვითარდა. ქვეყანაში ისევ მოსმენების ამბავია აქტუალური და კვლავ სუს მიმართ ისმის კითხვები და პროტსტები. ცხადია, ყველაფერი არჩევნებს უკავშირდება და მის გარშემო ტრიალებს. ვალუტის კურსი - 1 აშშ დოლარი - 3.1141 ლარია.

საქართველოს და მსოფლიოს ამბები | 16…

გაგრძელება

საარჩევნო ტრადიცია - მოსმენები, მიყურადებები და ჩანაწერების გამომზეურება, მერე კომენტარები

გამოაქვეყნა Giorgi_მ.
თარიღი: სექტემბერი 15, 2021.
საათი: 10:30pm 1 კომენტარი

      გამოდარებას არ შეგარგებენ რა, ხვალ და ზეგ წვიმა და ძლიერი ქარი გველოდებაო. დღეს კი მეინსტრიმული აღმოჩნდა ჩვენი საარჩევნო ტრადიცია - ფარული მიყურადების, მოსმენოების, ჩანაწერების მოულოდნელი გამომზეურება და სკანდალ-სკანდალ ნიუსები. დღის მთავარი თემა სწორედ ეს იყო. მეორე მთავარი ამბავია მოახლოებული არჩევნები. ვალუტის კურსი - 1 აშშ დოლარი - 3.1129 ლარია.

საქართველოს და მსოფლიოს ამბები | 15…

გაგრძელება

Qwelly World

free counters