ნარცისი, ნარცისიზმი, თვითკმაყოფილება, ღამე, მცხეთა, სიბნელე, ქალაქი, წერის_სტილი, წერის_მანერა, ავტორი, ავტორის_დამოკიებულება, დღიური, ბლოგი, qwelly, night, mtskheta, emotion
ფოტო

      ზოგჯერ მოურიდებლად ცხელი ღამეები იცის შემოდგომის გარიჟრაჟზე. მითუმეტეს თუ ცა მოქუფრულია - ავადმოსაგონარ ფილმებში შემზარავი წუთების მოლოდინისთვის ზეცას რომ დააბნელებენ ხოლმე, აი იმის მსგავსი. მაგრამ წვიმა არ ჩანს. ჰაერიც არ იძვრის. მუდამ ერთ ადგილზე მბრუნავი სამყურა ბალახის ფორმის მოტორიანი პლასტმასი, ვინტილატორის სახელით მონათულილი, ძალიან ხმაურიანია, ამიტომ ასეთ დროს აივანს მივაშურებ ხოლმე, გასაგრილებლად, მაგრამ არ გამიმართლა - არც იქაა ნიავი. ვზივარ და ვუყურებ ჩემს ქალაქ-სოფელს. შესაშურად წყნარია დღეს მცხეთა, არადა ჯერ ორი საათია. რესტორნები დროზე ადრე დახურულან, ზოგჯერ ასე რომ მაბრაზებს გზის განათება - დღეს ისიც კი უხდება მცხეთას. მანქანები აორთქლებულან - ნუთუ არავინ ბრუნდება სახლში? კი, მაგრამ ჭრიჭინები და ბაყაყები სადღა არიან? მტკვარს ზუსტად ახლა მოუწია იმ ერთმა პირმა, მდინარეებს რომ ჩაეძინებათ ხოლმე. მოკლედ, მე და ჩემი წილი მცხეთაღა ვართ დარჩენილები ამ გაბრაზებული ზეცის წინაშე.

      ვიღაცას ის ქუჩის განათებაც შეეზედმეტა და დაბნელდა. ახლა მხოლოდ ჩემი ლეპტოპის მაგრილობელას ქშუტუნი მაწუხებს და კიდევ გზის გადაღმა შავი ოქროს ყვითელი ფერებით განათებული "ოფისის" "დვიჟოკის" ხმაური. ჯვრის მონასტერზე ახალი განათება დაუმატებიათ - რომ იცოდეთ ბნელ მცხეთას ზემოდან რა ნათელი ადგას მისი სახით, ბედნიერ ღიმილს კაი ხანს ვერ მოიშორებდით სახიდან, მაგრამ არ იცით - ამიტომ შემიძლია შავ-თეთრი შურით შეგაშურინოთ.

      ხანდახან ძაღლს რაღაც მოეპრიანება და ყეფს - სამწუხაროდ არავინ ეხმაურება იმ საწყალს.

      წერის ამინდი და დროა, წერის სურვილიც, მაგრამ არანაირი იდეა რაზე უნდა დაწერო ამ დროს. სწორედ ამიტომ, ჯდები და იწყებ იმის აღწერას რასაც ხედავ შენს გარშემო, წერ იმის იმედით, რომ დაახლოებით შუა ტექსტში, როცა იმას დაწერ თუ რატომ დაიწყე საერთოდ წერა (ანუ ახლა), უკვე მოგივა აზრი როგორ გააგრძელო ნაწერი და მისცე რამე ფორმა. ეძებ მოგონებებს რომელიც შესაძლოა წაკითხვად ღირდეს. მერე ამ მოგონებებიდან ამორჩევის პროცესია მთავარი. ერთი მოგონება დაწერე, მაგრამ იმ მოგონებას სათქმელი არ აქვს, მოგონება კი მოგონებად ვის რაში სჭირდება? ამიტომ სხვა მოგონებაზე გადადიხარ, თან ამ პროცესში სულ აღწერ, რომ მოგონებებზე ფიქრობ, ეს გაძლევს იმის გარანტს რომ ნაწერის მოცულობა გაიზრდება და მკითხველიც აბუჩად არ დატოვებს შენს ნაწვალებს. თან იმის ფიქრიც არ გასვენებს, რომ ყოველწამიერი ფიქრების აღწერა - ძაან მაგარი რამეა - ამას მხოლოდ ჩვენ, თვითკმაყოფილი, საკუთართავში შეყვარებული, მონარცისო ტიპები ვგრძნობთ (საკუთარი თავის ასე აღწერაც, ჩვენნაირი ტიპებისთვის დამახასიათებელია, რადგან მკითხველი ამ აღწერაში იმას კი არ დაინახავს რომ მართლა ნარცისი შეიძლება ვიყო, არამედ იმას დაინახავს რომ "ნახე საკუთარ თავს რა საინტერესოდ აღწერს, რა კარგი ვინმეაო"). გულახდილობის არაგულწრფელობას ვუწოდებ მე. ახლა მოვიფიქრე და ვიდრე კარგად ჩამოვაყალიბებდი რა მეწოდებინა, რამდენიმე ვერსია მოვსინჯერ და რატომღაც ყველაზე "მაგარი" ეს მეგონა.

      ჰოდა, რას გიყვებოდით. მოკლედ ღამეა, ბნელა, შუქი არ გაქვს, "დვიჟოკი" დრიხინებს, კომპიუტერის მაგრილობელა შიგადაშიგ ამოიგმინებს ხოლმე და რომ ვერ იძინებ ის მომენტია. თან, ერთადერთი ნათელი წერტილი შენი მონიტორია, ამიტომ ზოგჯერ კარგად ვერ არჩევ პეპლის ქვემოთ ლ წერია თუ ღ.

      ახლა ის მომენტია, როცა საკუთარი თავით ტკბობის საშუალება გეძლევა, ანუ თავიდან კითხულობ შენსავე დაწერილ ტექსტს, კითხულობ არა კრიტიკით, არამედ სიამოვნებით, ჩადიხარ ბოლოში და კვლავ არ გაქვს იდეა, რა შეიძლება მოამატო ამ ნაწერს, ამიტომ იწყებ იმის წერას რაც ახლა ბოლო აბზაცში მე დავწერე - რომ თვითკმაყოფილებას ეძლევა ავტორი საკუთარი ნაწერის კითხვისას.

      .... ..... ...... ........ ...... ....

      ეს წერტილები იმის ნიშანია, რომ ამ დროს ვფიქრობდი რა დამეწერა. ვერაფერი მოვიფიქრე, ამიტომ გადავყწყვიტე ეს ვერ მოფიქრების პროცესიც როგორმე აღმწერა, გამომესახა. გამოვსახე წერტილებით და შემდეგ დავიწყე იმის აღწერა რა იყო ეს წერტილები - ესეც იმის იმედად, რომ მკითხველი კომენტარებში დაწერს - ვაუ რა მაგარია.

      ძალიან ბევრი უაზრობის წაკითხვა რომ არ მოგიწიოთ, უნდა დავამთავრო. დამთავრებისთვის კი ჩვენ - ნარცისები, ზოგჯერ ტყუილებს ვიგონებთ, ასე მაგალითად, ახლა ამ ნაწერის დაბოლოება იქნება:

      მარჯვენა კუთხეში შეტყობინება გამოხტა - ჩემი ლეპტპის აკუმულატორს ძაბვა აკლდება, აღარ შეუძლია მონიტორიც ენთოს, მაგრილობელაც აქშუტუნოს, ეს ტექსტ ფაილიც შეინახოს და ა.შ. ამიტომ დღეს ამით და აქ დაგემშვიდობებით. ჰოდა, ბოლო აბზაცის შეფასება თქვენთვის მომინდვია.

P.S. პოსტში დაბრუნება - შუქი არ მოვიდა, უკვე ვბრაზდები - ვერ ვაქვეყნებ თვითკმაყოფილების შედევრს.

ნახვა: 393

ტეგები: Qwelly, ბლოგი, თვითკმაყოფილება, ნარცისიზმი, სიბნელე

khatuna zitanishvili: სექტემბერი 14, 2015||6:03pm

გულახდიობის არაგულწრფელობა როგორია?))) რაღაც დავიბენი))

George: სექტემბერი 14, 2015||6:14pm

ძალიან მართივია ,ზი : *ღირებულებათა სისტემაში* გამაგრებული იდიოტიზმების წყალობით - გულწრფელად გწამს *სისულელეების* (რბილად დავწერე) და ამიტომ გულახდილად გაიძახი ლოზუნგებს, რომელთა უკან არანაირი ინფორმაცია *არ იმალება* - მაშასადამე არაგულწრფელი ხარ (უპირველეს ყოვლისა შენი თავის წინაშე, მერე კი იმასთან ვისაც აძალებ შენი *არაგულწრფელობის*  მიღებას ვით ჭეშმარიტებას )

khatuna zitanishvili: სექტემბერი 14, 2015||6:47pm

ეს გულახდილობის არაგულწრფელობის განმარტებაა?))) უარესად დავიბენი)))

khatuna zitanishvili: სექტემბერი 14, 2015||6:50pm

ნუთუ შესაძლებელია, ვინმეს  "დააძალო" რამე?

George: სექტემბერი 14, 2015||7:03pm

გულწრფელად მეკითხები *ნუთუ შესაძლებელია, ვინმეს  "დააძალო" რამე* ? (

jina: სექტემბერი 14, 2015||10:30pm

''გულახდილობის არაგულწრფელობა'' ღამის ფხიზელი ფიქრების დასკვნაა...გულახდილი რეალობა სასიამოვნოა,მაგრამ არაგულწრფელობა მასაზეა გათვლილი.

ლალი დავითაძე: სექტემბერი 15, 2015||8:55pm

ვფიქრობ, ლაშას გულახდილობის არაგულწრფელობა იმაში მდგომარეობს რომ წერის სურვილი გაუჩნდა და ცდილობდა ყველანაირად რაღაც დაეწერა რაღაც საინტერესო და სასიამოვნო საკითხავი...ხო და რადგან მუზები არ ჭარბობდენ მასში საკმარისად დაწერა მხოლოდ ეს,მისი აზრით ცოტათი უაზრო და ჩემი აზრით საკმაოდ აზრიანი რადგან მკითხველი დააინტერესა თუნდაც ამიტომ :D

Ann: სექტემბერი 15, 2015||10:14pm

ჩემი აზრით, ეს (წერის სურვილი) მხოლოდ დასაწყისია, შესამზადებელი ეტაპია ,  და  ლაშა აუცილებლად დაწერს იმას რისი თქმაც უნდა... :))

ლაშა: სექტემბერი 16, 2015||11:22pm

ყველას დიდი მადლობა კომენტარისთვის, იმაზე საინტერესო მოსაზრებები წავიკითხე სათაურთან დაკავშირებით, ვიდრე მე მექნებოდა, რისგანაც სათაურს გამოვიყვანდი. ამიტომ სიმართლე გითხრათ არ ვიცი რას ნიშნავს "გულახდილობის არაგულწრფელობა". დიდი ალბათობით, ამ სათაურის იდეა ის იყო - ამეხსნა მთელი ჩემი ნაწერი ორიოდ სიტყვით და ვინაიდან ამ ნაწერში გულახდილობაც იყო და გულწრფელობის დაწერა, რაც არაგულწრფელად ხდებოდა, ამიტომ შევარქვი ეს სათაური. ვიმეორებ, კომენატრებში იმაზე საინტერესო მოსაზრებები ამოვიკითხე, ვიდრე მე გამიჩნდა თავის დროზე. 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

რეალობის აღქმა

გამოაქვეყნა Kakha_მ.
თარიღი: ნოემბერი 28, 2021.
საათი: 7:00pm 0 კომენტარი

   რეალობა პირობით მოვლენაა, თან ცვლადი და არც ისე შორს არ იძლევა გახედვის საშუალებას, რაც დღეს მონაპოვარი და განმტკიცებული და სწორი გვგონია ის ხვალ არა, ზეგ უკვე დიდი შეცდომააა, ადამიანის ფსიქიკა ძალიან სენსიტიური მოვლენაა, რაც იმას ნიშნავს მეგობრებო რომ დღეს უცებ რომ ვინმემ გვითხრას 18 წლის უკან მომხდარი ფაქტი რაც ყველას ჰგონია რომ…

გაგრძელება

DR8926-300 Nike Air Max 90 "Green Snakeskin" will be released in 2022

გამოაქვეყნა W Y_მ.
თარიღი: ნოემბერი 27, 2021.
საათი: 6:30am 0 კომენტარი

As the Nike Air Max 90 inches approaches its 32nd anniversary, it has some non-original but eye-catching styles. Recently, Tinker Hatfield's iconic design incorporates green snakeskin panels and pink-style children's exclusive suits. Although the new surface layer retains the model's standard mesh sole, synthetic leather and TPU components, most of its upper also has a scaly covering layer. This detail can pay tribute to the upcoming animal-inspired Nike Sportswear series, as other Air Max…

გაგრძელება

როგორ იღებენ ფინალური ფანტაზია XIV მოთამაშეები Taffeta Cloth?

გამოაქვეყნა Selena_მ.
თარიღი: ნოემბერი 24, 2021.
საათი: 6:30am 0 კომენტარი

Players who have entered the charm of Final Fantasy XIV must have heard of Taffeta Cloth suits, which are known for their attractive appearance. To make this suit, players need Taffeta Cloth, which is specifically for Taffeta Shawl and Loincloth. Any craftsman in Final Fantasy XIV will know that rare crafting materials usually require a lot of polishing. Taffeta Cloth is no exception. Player retainers are the only way to Buy FFXIV Gil.

To obtain Taffeta Cloth, Final Fantasy XIV…

გაგრძელება

აზარტული თამაშების აკრძალვები, სოც. გარემო და დასჯილი პრეზიდენტი

გამოაქვეყნა Giorgi_მ.
თარიღი: ნოემბერი 22, 2021.
საათი: 11:23pm 1 კომენტარი

      როგორც ჩანს თბილი გიორგობა გვექნება და ზამთარსაც, მეტწილად თბილად შევხვდებით. ვნახოთ, როგორ გამართლდება სინოპტიკოსების პროგნოზი. ქვეყანაშიც დათბა და აქციებიც კვლავ ანონსდება. მსჯავრდებული პრეზიდენტი უკეთ არისო და მის სტუდია კვლავ აქტიურია, პრემიერი და მისი ინიციატივები იყო დღეს მეინსტრიმული, განსაკუთრებით აზარტული თამაშები და სოც. დახმარებები. დოლარის ღირებულება - 3.1134 ლარია.…

გაგრძელება

Qwelly World

free counters