მესამე ტალღაში ვყოფილვართ და აპრილის ბოლოსკენ პიკი იქნებაო. ვაქცინაციაც ისე არ მიდის, როგორც უნდა მიდიოდეს, ამიტომ ასაკობრივმა ბარიერებმაც დაიწიე და მსურველებსაც მეტს ელიან. მელია კვლავ პოლიტპატიმარია, რომელიც არსადაც არ გამოვა! კოვიდპანდემია საქართველოში ასეთია - დადასტურებული შემთხვევა - 299038, ბოლო დღე-ღამეში - 1310, გამოჯანმრთელებული - 282869, ბოლო დღე-ღამეში - 632, გარდაცვლილი - 3971, ბოლო დღე-ღამეში - 12; კარანტინის რეჟიმში - 249. დოლარის ფასი ლარში - 3.4521.

საქართველოს და მსოფლიოს ამბები | 21 აპრილი, 2021

qwellynews, სიახლეები, ნიუსები, ამბები

      #კოვიდსაქართველო - საქართველოში კორონავირუსით ინფიცირების 1 310 ახალი შემთხვევა გამოვლინდა, ქვეყანაში ბოლო 24 საათში 30 241 ტესტი ჩატარდა. 12 ადამიანი გარდაიცვალა. შსს-მ კოვიდ-19-ის წინააღმდეგ ბრძოლის მიზნით მოქმედი რეგულაციების დარღვევის 1344 ფაქტი გამოავლინა. თორნიკე რიჟვაძე - სრული „ლოკდაუნი“ არ განიხილება, დინამიკის მიხედვით შესაძლოა განვიხილოთ კონკრეტული წერტილოვანი შეზღუდვები. ბიძინა კულუმბეგოვი - თბილისში ზრდასრული მოსახლეობის მესამედის მიერ კორონავირუსის გადატანა პოპულაციური იმუნიტეტისთვის საკმარისი არ არის - ქვეყანა ამისგან ჯერ კიდევ შორს არის. თამარ გაბუნია - ჰოსპიტალურ სექტორზეც დაწოლა გაიზარდა, 4400 საწოლიდან 3600 დაკავებულია, კოვიდსასტუმროების დამატების საჭიროებაც გამოიკვეთა. 30 აპრილს „ასტრაზენეკას“ 46 ათასი დოზა შემოვა, რათა მეორე დოზით ვაქცინაცია მაისის შუა რიცხვებში დაიწყოს. უქმე დღეებში მუშაობას ჯანდაცვის, ეკონომიკის და სოფლის მეურნეობის სექტორში არსებული სტრატეგიული მნიშვნელობის სამსახურები გააგრძელებენ. აღდგომის წინა პერიოდში ეპიდემიოლოგიურ მოვლენებს დააკვირდებიან და შესაძლოა, დამატებითი შეზღუდვების შემოღების საკითხიც დადგეს. ამირან გამყრელიძის განცხადებით, კორონავირუსის მესამე ტალღის პიკი აპრილის ბოლოს, მაისის პირველ ორ კვირაში იქნება. ჩვენი თხოვნაა, აღდგომის წინა დღეებში ტაძრებში მაქსიმალურად იყოს დაცული ის რეკომენდაციები, რაზეც ვსაუბრობთ. ველოდებით 100 ათას დოზა „სინოვაკის“ ვაქცინას, მიმდინარეობს მოლაპარაკება ისევ „სინოფარმთან“ ნახევარ მილიონ დოზაზე, რომლის ნაწილიც შეიძლება, ივნისში მივიღოთ. ოკუპირებული ტერიტორიებიდან ცენტრალური ხელისუფლების კონტროლირებად ტერიტორიაზე 587 ადამიანი გადმოვიდა, საიდანაც ერთს კორონავირუსი დაუდასტურდა. უკვე აღარც ვითვლით იმდენია ბრიტანული შტამის შემთხვევა.

      ამნისტია როგორც მელიას ხსნა - ალეკო ელისაშვილი ამნისტიის კანონზე - ავწონოთ, დავწონოთ, არავის ღირსება არ უნდა შეილახოს - ძლივს მინელდა ეს ხანძარი და ნუ ვართ მიდრეკილი იმისკენ, რაღაცებზე შევქმნათ აჟიოტაჟი. სლოგანით - „ნიკას თავისუფლებით ნურავინ ივაჭრებს“, რუსთავის ციხესთან „ნაციონალური მოძრაობის“ მხარდამჭერები მელიას მხარდასაჭერად აქციას მართავენ. ნიკა მელია აქციის მონაწილეებს საკნიდან მიესალმა. შალვა პაპუაშვილი - დაჩქარებული წესით ამნისტიის შესახებ კანონი ვერ მიიღება - დაახლოებით სამი კვირა, ერთ თვემდე დასჭირდება. ფაქტობრივად, უნდა შევიწყალოთ ნიკა მელია, გარკვეულწილად პარლამენტის პატიების აქტია. ადვოკატი - ხელისუფლება ცდილობს აიძულოს ნიკა მელია უარი თქვას მის პრინციპებზე, გააკეთოს კომპრომისი ღირსებაზე, მაგრამ ეტყობა კარგად ვერ გაიცნეს. მიხეილ სარჯველაძე - ამნისტიის აქტის მხარდაჭერა მოგვიწევს ერთად, როგორც ხელისუფლებას, ისე ოპოზიციას. გურამ მაჭარაშვილი - ნიკა მელიამ გულწრფელად გადაწყვიტა ალბათ, რომ ციხეში ჯდომით მოინანიოს ის საქციელი, რაც 20 ივნისს ჩაიდინა - მეტი ახსნა მის პათოსს და განცხადებებს არ აქვს. ადვოკატი - ნიკა მელია არის მხნედ, მიაჩნია, რომ ბრძოლა აუცილებლად გამარჯვებით დამთავრდება. ლადო მგალობლიშვილი - ნიკა მელია ღია საკნის ორპირ ქარში დგას - ან გამოვიდეს, ან შევიდეს, რადგან ასე შეიძლება გაცივდეს. დავით ბაციკაძე ნიკა მელიას მოუწოდებს, რომ პრაგმატული გადაწყვეტილება მიიღოს და პატივი სცეს საერთაშორისო პარტნიორების ძალისხმევას. ანრი ოხანაშვილი - ყოველგვარი გამონაკლისის გარეშე ყველა თანასწორია - ამნისტია არ ეხებათ ანგელოზებს, ის ეხებათ სავარაუდო დამნაშავეებს. ტიტე აროშიძე - ნიკა მელია აცნობიერებს იმ მძიმე დანაშაულს, რაც 20 ივნისის ღამეს ჩაიდინა, სავარაუდოდ, სინდისის ქენჯნა არ აძლევს უფლებას, რომ დატოვოს საკანი. ირაკლი ქადაგიშვილი ნიკა მელიაზე - უნდა გამარჯვებული, თეთრ ცხენზე ამხედრებული გამოვიდეს, უნაგირზე კიდევ სააკაშვილი ჰყავდეს შემოსმული. მამუკა ხაზარაძე - მელიას საკითხი უმთავრესია, რადგან ეს კრიზისი არ გაიწელოს - „ლელოს“ ევროპარლამენტარებთან ერთად ამასთან დაკავშირებით ექნება კონკრეტული ხედვა, რომელიც შეიძლება იყოს ღირსეული გამოსავალი. ვახტანგ მეგრელიშვილი - მელიას ქცევა გაუგებარია - ევროკავშირისგან აქვს შეთავაზება, მის საქმეში გარანტორის როლი შეასრულოს, ეს ხომ ავტომატურად ნიშნავს, რომ პოლიტპატიმრად გაღიარებს?

      რურუა შეწყალებაც - პრეზიდენტი აცხადებს, რომ გიორგი რურუას შეწყალების აქტი 27 აპრილს გამოიცემა.

      შესვლა - არ შესვლა - თორნიკე შარაშენიძე - „ნაცმოძრაობა“ ყველა ვარიანტში ზარალდება, თუმცა ქუჩაში დარჩენით უფრო დაზარალდება - სააკაშვილი ამას ხვდება და პროცესიდან გამოძრომას ცდილობს. ზურაბ ჯაფარიძე - ხვალ უნდა ვამტკიცო, რომ კობახიძის მონა არ ვარ. გიორგი ვაშაძე - გამარჯვებას, რომელიც მოვიპოვეთ, ჩავაბეტონებთ კონკრეტული კანონით და მას უკან ვერ წაიღებს ვერც „ქართული ოცნება“ და ვერც ერთი ის ადამიანი, ვინც ხელს აწერს დოკუმენტს.

      აკრძალვები მეუფეს - ჭყონდიდის ეპარქიაში, სალხინოს ღვთისმშობლის შობის სახელობის ტაძარში ხმაური და დაპირისპირება იყო.მეუფე სტეფანე ტაძარში მივიდა, თუმცა კარი დაკეტილი დახვდა და არ შეუშვეს. ტაძრის ყოფილი წინამძღოლის, მამა დანიელის განცხადებით, მეუფე სტეფანემ პასუხი უნდა გასცეს, რატომ გადააყენა წინამძღოლობიდან და ასევე დაამტკიცოს ის, რის გამოც მეუფე პეტრეს „ცილს სწამებს“.

      ფიცის ძალა - ნაფიც მსაჯულთა სასამართლომ, პროკურატურის მიერ წარდგენილი მტკიცებულებების საფუძველზე განზრახ მკვლელობაში ბრალდებული დამნაშავედ ცნო.

საზღვარგარეთულები:

      #კოვიდმსოფლიო - სომხეთში კორონავირუსით ინფიცირების 1 033 ახალი შემთხვევა გამოვლინდა და 25 პაციენტი გარდაიცვალა. რუსეთში კორონავირუსის 8 271 ახალი შემთხვევა გამოვლინდა და 399 ადამიანი გარდაიცვალა. Bloomberg - მსოფლიოში კოვიდ 19-ის საწინააღმდეგო ვაქცინების 925 მილიონზე მეტი დოზაა გამოყენებული, რაც პლანეტის მოსახლეობის 6%-ის ვაქცინაციისთვისაა საკმარისი. აზერბაიჯანში კორონავირუსის 2 075 ახალი შემთხვევა გამოვლინდა და 32 ადამიანი გარდაიცვალა.

      ვლადიმერ პუტინი - კოლექტიური დასავლეთი თითქოს ვერ ამჩნევს ლუკაშენკოს მკვლელობის მომზადების ისტორიას. რუსეთის წინააღმდეგ ნებისმიერი პროვოკაციის ორგანიზატორები ინანებენ ისე, როგორც დიდი ხანია არაფერი უნანიათ. რუსეთმა 10 ამერიკელი დიპლომატი პერსონა ნონ-გრატად გამოაცხადა. რუსეთში ალექსეი ნავალნის პრესმდივანი დააკავეს. რუსეთში ალექსეი ნავალნის მხარდამჭერ აქციებზე 200-ზე მეტი ადამიანი დააკავეს.

      ვლადიმერ ზელენსკიმ მობილიზაციის გამოცხადების გარეშე რეზერვისტების გამოძახების შესახებ კანონს ხელი მოაწერა.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 78

ტეგები: qwellynews, ამბები, აპრილი, ბლოგი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

IGVault Rocket League Trading Guide: Certifications, market, scammed, more

გამოაქვეყნა itemsigv rocket_მ.
თარიღი: აგვისტო 11, 2022.
საათი: 5:41am 0 კომენტარი

We will therefore discuss how you can improve your Rocket League inventory using our tips and tricks in this Rocket League guide. This guide is intended for traders who are just getting started. These aren’t necessarily new players, but rather people who want to get their feet wet in the Rocket League trading world.

Understand the market

If you want to become an expert in the Rocket League market, earn more credits and expand your inventory, you have to understand the nature of…

გაგრძელება

ომის გმირების და ომის „ბრალდებების“ დღე

გამოაქვეყნა Giorgi_მ.
თარიღი: აგვისტო 8, 2022.
საათი: 11:08pm 0 კომენტარი

      ტრადიციად ქცეული კითხვის დღე - 08.08.08 - ვინ დაიწყო ომი? და დაუსრულებელი ბრალდებები ერთმანეთის რუსეთუმეობაზე, ასეთია აგვისტოს პირველი დღეების პოლიტიკური ცხოვრება საქართველოში. დღესაც 08.08.22-ში, კვლავ გმირების საფლავები შეამკეს, დაგმეს ოკუპაცია და პარალელურად ქსენოფობიაც, ასევე განიხილებოდა ცესკოს თავმჯდომარეობის კანდიდატები. დღეს 1 აშშ დოლარის ოფიციალური ღირებულება 2.7141 ლარია.…

გაგრძელება

ბრენდებით უკმაყოფილება

გამოაქვეყნა Muxia_მ.
თარიღი: აგვისტო 2, 2022.
საათი: 10:00am 0 კომენტარი



The Shattered League is running from today through March 3. If you've been wanting to get back into Old School RuneScape, this might be the right time to take the plunge. If you're planning on jumping into let us know your reasons below!

Runescape And Outriders aren't two games that people consider in tandem so the sight of a Runescape player address r/Outriders may be a shock. This led to an interesting discussion and post between fans of both games. The whole thing boils down…

გაგრძელება

კოსმოსური ემბლემები

გამოაქვეყნა Tamila Moshiashvili_მ.
თარიღი: ივლისი 31, 2022.
საათი: 11:25pm 0 კომენტარი

      მას შემდეგ რაც, ჯეიმს ვებმა სამყარო ახალი თვალით გვაჩვენა, რა გასაკვირია რომ გაიზარდა მისი პოპულარობა მარკეტინგულ სამყაროშიც. ჯერ კიდევ გაფრენის წინ დამზადდა მოვლენის აღმნიშვნელი პატჩი (ჩვენებურად ალბათ უფრო ემბლემა, იარლიყი, სიმბოლო, რომელიც როგორც წესი ამოქარგულია გარკვეულ მატერიაზე და შემდეგ მაგრდება ტანისამოსზე ან სპეც ტანსაცმელზე. შეიძლება ბეიჯიც ეწოდოს და ა.შ.). ტიმ განიონის (Tim Gagnon) ემბლემებს თითქმის ყველა კოსმოსური მიღწევა ახსოვთ…

გაგრძელება

Qwelly World

free counters