თურნავას ეკონომიკური პრეზენტაცია, ოკუპაციის ზოლი, ინტერნეტ ძრომიალი და WorldCovid19

      ვარდობისთვეც დადგა, წვიმით დაიწყო და როგორც ჩანს, პირველი კვირა სულ წვიმიანი იქნება - ასე ვარაუდობენ სინოპტიკოსები. დღის მთავარი ამბები კი ეკონომიკის მინისტრის პრეზენტაციას უკავშირდებოდა, ასევე ახალი პაციენტების კვლევა-წამლობას, საოკუპაციო ხაზსა და ინტერნეტ შეჭრა-წაშლა-დაბლოკვებს. რაც შეეხება კოვიდ-სტატისტიკას - დადასტურებული - 566, გამოჯანმრთელებული - 207, გარდაცვლილი - 1. მსოფლიოში - დადასტურებული შემთხვევა - 3 370 953, გამოჯანმრთელებული - 1 070 775, გარდაცვლილი - 238 007. აპრილს დოლარის ფასი სამიან ნიშნულზე ასრულებს - 1 აშშ დოლარი - 3.2060 ლარი.

საქართველოს და მსოფლიოს ამბები / 1 მაისი, 2020

      ახალი პაციენტები, მკურნალები, განკურნებულები და სავალალო შემთხვევები - მარინა ეზუგბაია - 27 ახალი პაციენტიდან 13 პაციენტი ბოლნისის წყაროა, 1 თეთრიწყაროს, 2 მარნეულის, 4 საკარანტინე სივრციდანაა, დანარჩენის წყაროს მოძიება კი ახლა ხდება. ბოჭორიშვილის კლინიკას ოთხი ახალი ინფიცირებული პაციენტი დაემატა. ამბროლაურისა და ონის მუნიციპალიტეტებში მასობრივი თერმოსკრინინგი დაიწყო. ლევან რატიანის განცხადებით, რეანიმაციაში მყოფი რვა პაციენტიდან სამის მდგომარეობა გაუმჯობესდა, ხუთის კვლავ მძიმე რჩება. პირველ საუნივერსიტეტო კლინიკაში მათი ექიმის დაინფიცირების შესახებ ინფორმაციას უარყოფენ. მარინა ეზუგბაია - პირველ ხუთეულში შემავალი პაციენტი განსაკუთრებულ სტრესში არ იმყოფება და არც იმის მტკიცებულება არსებობს, რომ სტრესმა გამოიწვია მისი გამოჯანმრთელების გაჭიანურება. კორეის რესპუბლიკიდან საქართველოში COVID-19-ის ტესტების ახალი მარაგი გამოიგზავნა. ლევან რატიანი - რა კარანტინი? 11 მარტიდან ამ რეჟიმში ვართ, ყურებზე დავდივართ და არ გრცხვენიათ? ამირან გოგიტიძე - კორონავირუსით სასწრაფო დახმარების სულ 25 თანამშრომელი დაინფიცირდა, საიდანაც 21 ბოლნისის სასწრაფო დახმარების ექიმია. ლალი ტურძელაძე - კორონავირუსით გარდაცვლილი მე-7 პაციენტი 83 წლის მამაკაცია, არც ერთი კიდური არ ჰქონდა, შაქრიანი დიაბეტის გამო მოკვეთილი ჰქონდა, ერთ-ერთი ყველაზე მძიმე პაციენტი იყო. დღეს გარდაცვლილი მამაკაცის მეუღლეც ჩვენთან რეანიმაციულ განყოფილებაში იმყოფება, ისიც უმძიმესი პაციენტია, ქრონიკული დაავადებებით. ხათუნა ზახაშვილი - ადამიანები საავადმყოფოდან ეწერებიან მხოლოდ ორჯერადი ოქროს სტანდარტის უარყოფითი ლაბორატორიული შედეგის შემდეგ, რაც იმის გარანტიაა, რომ ისინი ჯანმრთელები უბრუნდებიან საზოგადოებას. „კოვიდის“ შეკავებისთვის მოწოდებული რეკომენდაციები თუ გაგვიჯდა ჩვევაში, დარწმუნებული ვარ, ვირუსის გავრცელება კიდევ უფრო შემცირდება.

      მშრომელთა დღე - ბექა ნაცვლიშვილი - საქართველოში, გარანტირებული 8-სათიანი სამუშაო დღე ამ დრომდე ოცნებად რჩება, არაფერს ვამბობ მინიმალურ ხელფასზე, უმუშევრობის შემწეობასა და ზეგანაკვეთურ ანაზღაურებაზე.

      ინტერნეტ ამბები, გაუქმება და ჰაკერობანა - მოძრაობა „შეცვალე“ - „ფეისბუქსა“ და „ინსტაგრამზე“ გაუქმდა ოპოზიციურად განწყობილი რამდენიმე პირის კუთვნილი გვერდი. სერგი კაპანაძე - ხელისუფლება პირდაპირ იყენებს იმ რესურსს, რასაც პრორუსული დეზინფორმაცია და „ბოტებისა“ და „ტროლების“ ფაბრიკა ჰქვია. ასევე წაიშალა სამთავრობო მხარდამჭერი გვერდები და დეზინფორმატორი საინფორმაციო ფეიჯები. რომან გოცირიძე - რუსული დეზინფორმაციის საშუალებები და საქართველოში მათი ფილიალები საქართველოს ხელისუფლებისთვის მისაღებია სწორედ მისი პირადი პოლიტიკური მიზნების გამო. სალომე ზურაბიშვილი - ლუგარის ლაბორატორიაზე თავდასხმა, ცრუ ინფორმაციის გავრცელება აღიქმება, როგორც საქართველოსა და მისი მიღწევების დისკრედიტაციის მცდელობა. კელი დეგნანი - ჰაკერები და უპასუხისმგებლო ადამიანები რუსეთსა და სხვა ადგილებში თავს ესხმიან საქართველოს და ლუგარის ლაბორატორიას პანდემიის კონტროლის პროცესში.

      თურნავას პრეზენტაცია - წლევანდელი წელი სულ მცირე მინუს 4%-ით დასრულდება ჩვენი ეკონომიკისთვის. დღგ-ს ავტომატური დაბრუნების მექანიზმით, სულ მცირე, 600 მილიონი ლარი დაბრუნდება ეკონომიკაში. ტურიზმის ბიზნესისთვის ქონების და საშემოსავლო გადასახადის გადახდა 4 თვით გადავადდა. „აწარმოე საქართველოში“ ფარგლებში 500-ზე მეტი ბიზნესი შეიქმნა, რომელმაც პანდემიის დროს საკუთარი პროდუქციის დღეს მოთხოვნადი საქონლის წარმოებით ჩანაცვლება მოახერხა. მიკროგრანტების ბიუჯეტი 4-ჯერ გაიზარდა და 40 მილიონ ლარს შეადგენს. პოსტკრიზისული გეგმის პირველი და მნიშვნელოვანი მიმართულება ადგილობრივი წარმოების განვითარებაა. საკრედიტო-საგარანტიო პროგრამის მოცულობა იზრდება. ჩინეთიდან სხვა ალტერნატიულ პლატფორმებზე ბიზნესების გადანაწილების ტენდენცია წავა, ჩვენ ასეთი კორპორაციებისთვის ერთ-ერთი პირველი ქვეყანა ვიქნებით. ჩვენ ვიქნებით ქვეყანა, რომელიც ერთ-ერთი პირველი გახსნის უსაფრთხო დერეფნებს სხვა ქვეყნებთან და კვლავ აღდგება ტურისტების მიმოსვლა, მაგრამ განსაკუთებული შრომა გვმართებს. ეკონომიკური ზრდის 2.7 პროცენტიან კლებაში ტურიზმის ზეგავლენა დიდია. გლობალური ბიზნესკორპორაციები თავიანთი წარმოების სხვა ქვეყანაში გადატანისას რატომ შეაჩერებენ საქართველოზე არჩევანს. ნათია თურნავა კომპანიებს მოუწოდებს, ეკონომიკის გახსნის ეტაპებზე ჯანდაცვის რეკომენდაციების შესრულების მიმართ პასუხისმგებლობა გამოიჩინონ. მცირე ბიზნესის ხმა არ უნდა იკარგებოდეს, ჩვენ მაინც ორიენტირებულები ვართ მცირე და საშუალო ბიზნესის და მიკრობიზნესის დახმარებაზე. მიუხედავად მოსახლეობის სურვილისა, რომ 80-მდე აგრარული ბაზარი ერთბაშად გაიხსნას, ეს მხოლოდ ძალიან მკაცრი ნორმების დაცვის შემთხვევაში მოხდება. ჯამში 1200-ლარიან დახმარებას უმუშევრად დარჩენილი ყველა დასაქმებული მიიღებს განურჩევლად იმისა, რამდენი ჰქონდა ხელფასი. ენერგეტიკის სექტორში ერთ-ერთმა გიგანტმა იაპონურმა კომპანია TEPCO-მ საქართველოში ინვესტიცია განახორციელა. მიკროგრანტების პროგრამით განსაკუთრებული პრიორიტეტი ქალ მეწარმეებს, შშმ პირებს და სხვა მოწყვლად ჯგუფებს მიენიჭებათ. უკვე ვფიქრობთ, რომ შეიძლება გარკვეული მიმართულებებით ავიარეისები აღვადგინოთ - ეს დამოკიდებულია იმ ქვეყნების ნებაზე და ვითარებაზე, ვისთანაც მოლაპარაკებებს ვაწარმოებთ. თურნავა პროდუქტებზე ფასების მომატებაზე - ეს არის გლობალური შოკი, ეს არის შოკი ჩვენი ბაზრისთვის და აქედან გამომდინარე, ფასების რყევაც ამითაა განპირობებული. კომპანიები ფიქრობენ, რომ გადაიტანონ გარკვეული წარმოებები სხვა ქვეყნებში, საქართველო ამისთვის არის საუკეთესო პლატფორმა. გპირდებით, ერთ-ერთი პირველი ქვეყანა ვიქნებით, ვინც გარკვეულწილად მოახერხებს ფრენების აღდგენას.

      ჯარიმები - ბოლო 24 საათის განმავლობაში საგანგებო მდგომარეობის რეჟიმის და ე.წ. კომენდანტის საათის შეზღუდვების დარღვევის 156 ახალი ფაქტი გამოვლინდა.

      ბაზრები - რუსთავში, ე.წ. სტამბოლის ბაზრის ტერიტორიაზე ღია ტიპის აგრარულმა ბაზარმა ფუნქციონირება დაიწყო. გლდანის აგრარული ბაზრის მოვაჭრეებმა ბაზრის გახსნის მოთხოვნით აქცია გამართეს.

      ოკუპაციის ზოლი - ქეთევან ციხელაშვილი საოკუპაციო ხაზთან ჩავიდა და ადგილზე არსებულ ვითარებას გაეცნო. საქართველოში აშშ-ის ელჩი საოკუპაციო ხაზთან იმყოფებოდა. გია ვოლსკი აშშ-ის ელჩის განცხადებაზე - მზად ვართ, ყველანაირი დახმარება აღმოვუჩინოთ მავთულხლართების მიღმა დარჩენილ ჩვენს მოსახლეობას.

      წერილი უკრაინას - საქართველოს ოპოზიციური პარტიების და საზოგადოებრივი ორგანიზაციების წარმომადგენლები უკრაინის პრეზიდენტს, უმაღლეს რადას და უკრაინის მოქალაქეებს მიმართავენ. გიგა ბოკერია ოპოზიციური პარტიების ნაწილის უკრაინის პრეზიდენტისადმი მიმართვაზე - ამ წერილში აქცენტი არასწორადაა დასმული, ჩვენს გუნდს სხვა ტიპის პოზიცია გვაქვს. გია ვოლსკი - ქართველი ხალხის სახელით, დესტრუქციული სააკაშვილის კლასტერის გაერთიანებიდან რამდენიმე პარტია ცდილობს მსოფლიო დაარწმუნოს. ქეთევან ციხელაშვილი - ვეხმარებით მოქალაქეებს ოკუპირებულ ტერიტორიებზე, რომ გაუმკლავდნენ პანდემიის საფრთხეს. ირაკლი ბერაია - ოკუპირებულ რეგიონებში ჰუმანიტარული თვალსაზრისით შექმნილია უმძიმესი ვითარება.

      ბოლნისელების შფოთი - არსებული ინფორმაციით, ბოლნისის სოფელ მუშევანში ადგილობრივები სამართალდამცველებსა და სასწრაფოს ექიმებს დაუპირისპირდნენ. გოგი მეშველიანის განცხადებით, ბოლნისში, სოფელ მუშევანში მომხდარი ინციდენტის დროს არავინ დაშავებულა, კორონავირუსით ინფიცირებულები კი, რომლებიც ერთი ოჯახის წევრები არიან, სოფელში რჩებიან

      გამოცდები - ერთიანი ეროვნული გამოცდებისთვის 39 300-ზე მეტი აბიტურიენტი დარეგისტრირდა. მაია მიმინოშვილი განათლების სამინისტროს ეროვნული გამოცდების ჩატარების თაობაზე რამდენიმე რეკომენდაციით მიმართავს, მათ შორის არის ონლაინ ფორმატი.

      საგარეო უწყება - 1-ლი მაისის მონაცემებით, ადგილზე დახმარება გაეწია უცხოეთში მყოფ 18 033 მოქალაქეს, ხოლო სამშობლოში დაბრუნდა 8 954.

საზღვარგარეთულები:

      #WorldCovid19: დონალდ ტრამპი - ჯანდაცვის მსოფლიო ორგანიზაციას უნდა რცხვენოდეს საკუთარი საქციელის, რადგან ის ჩინეთის საზოგადოებასთან ურთიერთობების სააგენტოსავით მოიქცა. ბილ გეითსი - თავდაცვის ბიუჯეტის 5%-იც რომ ყოფილიყო პანდემიასთან მზადებისთვის გამოყოფილი, მსოფლიო კორონავირუსთან ბრძოლაში ბევრად წარმატებული იქნებოდა. რუსეთში, ბოლო 24 საათში, კორონავირუსის 7 933 ახალი შემთხვევა გამოვლინდა, ხოლო 96 ადამიანი გარდაიცვალა. სომხეთში, ბოლო 24 საათში, კორონავირუსის 82 ახალი შემთხვევა გამოვლინდა. ესპანეთში, ბოლო დღე-ღამის მანძილზე, კორონავირუსით 268 ადამიანი გარდაიცვალა. იტალიის პრემიერი მოსახლეობას ბოდიშს უხდის - ბევრი თქვენგანის წერილი წავიკითხე და ვიგრძენი ის ტვირთი, რასაც თქვენ განიცდით. აზერბაიჯანში კორონავირუსით ერთ დღეში 1 ადამიანი გარდაიცვალა, 40 გამოჯანმრთელდა, 50 კი დაინფიცირდა.

      ჰესბოლას ძალა - ირანი - „ჰესბოლას“ აკრძალვის გამო, რეალურ ტერორისტულ ორგანიზაციებთან ბრძოლაში, გერმანია ნეგატიურ შედეგს მოიმკის.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 66

ტეგები: qwellynews, ამბები, ბლოგი, მაისი, ნიუსები, სიახლეები

Kakha: მაისი 2, 2020||10:07am

მსოფლიო ისევ ჩვეულ რეჟიმში ბრუნდება, ისევ ერთმანეთს ებრძვიან საკუთარი კომფორტის გამო :D

vako: მაისი 3, 2020||6:11pm

საქართველოში მონების დღე დაარქვან და ეგ იქნება :)))

Kakha: მაისი 5, 2020||5:41pm

მართველობას ორი გზა ენათესავება: ერთი შანტაჟი მეორე ქრთამი(საჩუქრები), როცა არცერთი მუშაობს, საჯაროდ აუდიო ჩანაწერები უნდა გამოაქვეყნო :D კომპრომატებად გაასაღო და, პარტიული მესამე სექტორი ხო აქვეა? :D :D 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

რეალობის აღქმა

გამოაქვეყნა Kakha_მ.
თარიღი: ნოემბერი 28, 2021.
საათი: 7:00pm 0 კომენტარი

   რეალობა პირობით მოვლენაა, თან ცვლადი და არც ისე შორს არ იძლევა გახედვის საშუალებას, რაც დღეს მონაპოვარი და განმტკიცებული და სწორი გვგონია ის ხვალ არა, ზეგ უკვე დიდი შეცდომააა, ადამიანის ფსიქიკა ძალიან სენსიტიური მოვლენაა, რაც იმას ნიშნავს მეგობრებო რომ დღეს უცებ რომ ვინმემ გვითხრას 18 წლის უკან მომხდარი ფაქტი რაც ყველას ჰგონია რომ…

გაგრძელება

DR8926-300 Nike Air Max 90 "Green Snakeskin" will be released in 2022

გამოაქვეყნა W Y_მ.
თარიღი: ნოემბერი 27, 2021.
საათი: 6:30am 0 კომენტარი

As the Nike Air Max 90 inches approaches its 32nd anniversary, it has some non-original but eye-catching styles. Recently, Tinker Hatfield's iconic design incorporates green snakeskin panels and pink-style children's exclusive suits. Although the new surface layer retains the model's standard mesh sole, synthetic leather and TPU components, most of its upper also has a scaly covering layer. This detail can pay tribute to the upcoming animal-inspired Nike Sportswear series, as other Air Max…

გაგრძელება

როგორ იღებენ ფინალური ფანტაზია XIV მოთამაშეები Taffeta Cloth?

გამოაქვეყნა Selena_მ.
თარიღი: ნოემბერი 24, 2021.
საათი: 6:30am 0 კომენტარი

Players who have entered the charm of Final Fantasy XIV must have heard of Taffeta Cloth suits, which are known for their attractive appearance. To make this suit, players need Taffeta Cloth, which is specifically for Taffeta Shawl and Loincloth. Any craftsman in Final Fantasy XIV will know that rare crafting materials usually require a lot of polishing. Taffeta Cloth is no exception. Player retainers are the only way to Buy FFXIV Gil.

To obtain Taffeta Cloth, Final Fantasy XIV…

გაგრძელება

აზარტული თამაშების აკრძალვები, სოც. გარემო და დასჯილი პრეზიდენტი

გამოაქვეყნა Giorgi_მ.
თარიღი: ნოემბერი 22, 2021.
საათი: 11:23pm 1 კომენტარი

      როგორც ჩანს თბილი გიორგობა გვექნება და ზამთარსაც, მეტწილად თბილად შევხვდებით. ვნახოთ, როგორ გამართლდება სინოპტიკოსების პროგნოზი. ქვეყანაშიც დათბა და აქციებიც კვლავ ანონსდება. მსჯავრდებული პრეზიდენტი უკეთ არისო და მის სტუდია კვლავ აქტიურია, პრემიერი და მისი ინიციატივები იყო დღეს მეინსტრიმული, განსაკუთრებით აზარტული თამაშები და სოც. დახმარებები. დოლარის ღირებულება - 3.1134 ლარია.…

გაგრძელება

Qwelly World

free counters