ევროპაში ჩავარდნილი პროექტი, დიპლომატები საქართველოში და უგულავას მილიონები

      დედაქალაქი ძალიან დაიჩაგრა. ეს ის შემთხვევაა, როდესაც ცენტრალიზებული მართვის პირობებში, მთავარი ქალაქი ბუნებამ დაჩაგრა - ყველგან თოვს, ზღვისსპირეთში, მთის კალთა-კიდეებზე, დიდ-მცირე ქალაქებში, გორშიც კი, მაგრამ თბილისში არა და არ თოვს. რაც შეეხება პოლიტიკურ ამბავნარს, დღის მთავარი თემა ევროკავშირთან პროეტების და კანონების განხილვა იყო და უგულავას საქმეზე კომისიობანა და კომენტარობანა.

საქართველოს და მსოფლიოს ამბები / 13 თებერვალი, 2020

      არჩევნებისთვის ემზადება პოზიცია და ოპოზიცია - დავით ბაქრაძე - ჩვენი გეგმები დარჩენილ 8 თვეში ოქტომბრის არჩევნების მოგებას ემსახურება. ზვიად ძიძიგური - არ გამოვრიცხავ, რომ არჩევნები ოქტომბრამდეც ვიხილოთ - შესაძლებელია არჩევნები მაისში ან აპრილში დაინიშნოს.

      ანაკლია ადრე თუ გვიან აშენდება - მამუკა მდინარაძე ანაკლიის კონსორციუმზე - ნებისმიერ ადგილას გაასაჩივრებენ თუ არა, ქართული სახელმწიფო თავის სიმართლეს გაიტანს

      ევროპა, დიპლომატია, დემოკრატია და სამართალი - ყველაფერი დატრიალდა უგულავას გარშემო - დავით სონღულაშვილი უგულავას საქმეზე - მზად ვართ, ევროპარლამენტის ფაქტების შემსწავლელი მისიის წვერებს ვთხოვოთ, გაგვიწიონ დახმარება ამ საკითხის მაქსიმალურად გამჭვირვალედ წარმოსაჩენად. ედგარს რინკევიჩი - უზენაესი სასამართლოს განაჩენი გიგი უგულავას საქმეზე კითხვებს და შეშფოთებას იწვევს. ირაკლი ოქრუაშვილი - 7 თვის თავზე უგულავა დამაწიეს, 3 კვირაში ხაზარაძე-ჯაფარიძესაც მოგვისვამენ გვერდით და მოლაპარაკებების მე-5 რაუნდი „მატროსოვზე“ გაიმართება. გიორგი ვაშაძე - ვერ შეგვაშინებენ, ნიკა მელია ღირსეულად იბრძვის ყველა სხვა პოლიტიკურ ლიდერთან ერთად. „ლეიბორისტული პარტიის“ ოფისში „პოლიტიკური დევნის საკითხთა შემსწავლელი კომისიის” სხდომა გაიმართა. „პოლიტიკური დევნის საკითხთა შემსწავლელი კომისია” გიგი უგულავას დაკავების საქმეზე საერთაშორისო ორგანიზაციებს დოკუმენტაციას გაუგზავნის. დავით ბაქრაძე უგულავას საქმეზე მისიის გამოგზავნაზე - მივესალმებით საერთაშორისო ჩართულობას, მაგრამ ეს„ოცნების“ „ტრიუკია“, ჩვენი მეგობრები მოატყუონ. ია მეტრეველი - ხალხნო, არ შეიძლება დავივიწყოთ წარსული! არ შეიძლება ბოკერია გვირჩევდეს საქმეს და უგულავა გმირად გამოყავდეთ. ევროპარლამენტარები - გიგი უგულავას შესახებ უზენაესი სასამართლოს გადაწყვეტილებამ გააჩინა კითხვები პროცედურასთან დაკავშირებით, მის დროულობასა და მოტივაციის შესახებ. გენერალურმა პროკურატურამ ნიკა მელიას საქმეზე სააპელაციო სასამართლოს მიმართა. დონალდ ტუსკი - უგულავას განაჩენითა და ოპოზიციონერი პოლიტიკოსების მიზანში ამოღების გამო, შეშფოთებული ვარ. ადვოკატი - პროკურატურა ნიკა მელიასთვის 7-დან 10 წლამდე პატიმრობას ითხოვს. ირაკლი კობახიძე - ოპოზიცია ობიექტურად ნერვიულობს, რადგან ეს მისია დაადგენს ყველაფერს, რაც უკავშირდება უგულავას მიერ 48 მილიონის მოპარვას. რომან კაკულია - ევროპარლამენტარებს უფრო მეტი ინფორმაცია უნდა ჰქონდეთ, როდესაც გიგი უგულავას საკითხზე განცხადებას აკეთებენ. გიგი უგულავას საქმეზე ევროპარლამენტის ფაქტების შემსწავლელი მისიის შექმნა მნიშვნელოვანია, რადგან არის მცდელობა, ქვეყნის იმიჯი დაზიანდეს.

      მარგველა პოლიტიკაში - მამუკა ხაზარაძე - ჩვენ ჯერ არანაირი კონსულტაცია არ გვაქვს გიორგი მარგველაშვილთან - მივესალმები მის მზაობას, რომ ქართულ პოლიტიკაში დაბრუნდეს.

      სტრასბურგის ელჩობა - კახა კალაძის და ირაკლი კობახიძის სტრასბურგში ვიზიტი გრძელდება. სალომე სამადაშვილი - კალაძე და კობახიძე დადიან ლანდებივით, არავინ იცნობს, არავის გაუგია, სიმწრით რამდენიმე შეხვედრა დანიშნეს. კახა კალაძე სამადაშვილის განცხადებაზე - ევროპარლამენტში არავინ გვიცნობს, არც გვიშვებდნენ, საქართველო სად არის, არ იციან, ბოლოს ვუთხარით, რომ სამადაშვილის ქვეყნიდან ვართ და შეგვიშვეს.

      ასოცირების კომიტეტში რეფორმების განხილვა - ევროპარლამენტში ევროკავშირი-საქართველოს საპარლამენტო ასოცირების კომიტეტის მეცხრე სხდომა გაიხსნა. დავით სონღულაშვილი - საქართველო არ გადაუხვევს რეფორმების არჩეულ კურსს, რადგან გვწამს, სწორედ ეს არის წარმატებისკენ მიმავალი ერთადერთი გზა. რომან კაკულია - საქართველოს საზოგადოების ევროპული ორიენტაცია დღეს ვერანაირად ვერ დადგება ეჭვის ქვეშ. მამუკა მდინარაძის განცხადებით, ევროსაბჭოს მინისტრთა კომიტეტის სხდომაში მონაწილე დელეგაციების საკითხი საერთაშორისო პარტნიორებთან ერთად გადაწყდება. დავით სონღულაშვილი - ძალიან უხარია ოპოზიციას, რეზოლუციის ჩავარდნა, ეს არ არის რომელიმე პარტიის წარუმატებლობა, ეს არის ქვეყნის წარუმატებლობა. ოთარ კახიძე - ევროპარლამენტმა „ოცნების“ მომზადებული განცხადების პროექტი ჩააგდო, რაც „ქართული ოცნების“ სრული კრახია. მამუკა მდინარაძე რეზოლუციის ჩავარდნაზე - საბედნიეროდ, მიმდინარე საკითხი პრობლემას ვერ შექმნის და ამით "ნაცმოძრაობა" ვერ გაიხარებს. სალომე სამადაშვილი - „ქართულმა ოცნებამ“ დაბლოკა, როგორც ევროპარლამენტის წევრების, ასევე ოპოზიციის შესწორებები. მამუკა მდინარაძე - ვინაიდან ასოცირების კომიტეტის დეკლარაციაში ქვეყნისთვის ნეგატიური შესწორებები არ შევიდა, „ნაციონალურმა მოძრაობამ“ პარტნიორი კოლეგების მეშვეობით დოკუმენტი ჩააგდო. ევროპარლამენტარი რეზოლუციის ჩაგდებაზე - ეს არ არის სიგნალი ქართველი ხალხისთვის - ეს სიგნალია საქართველოს მთავრობისთვის. კახა კალაძე - გულდასაწყვეტია, რომ ქვეყანაში არსებობს პოლიტიკური პარტიები, რომლებიც მოხარულები არიან, რაღაც არ გაკეთდეს.

      რუსეთის დიპლომატიური კორპუსი საქართველოში - გრიგორი კარასინი - რუსეთი თბილისში დაგეგმილ ევროსაბჭოს მინისტრთა კომიტეტის სხდომაში მონაწილეობას მიიღებს. რომან გოცირიძე - სერგეი ლავროვის ჩამოსვლა უნდა გამოირიცხოს, თორემ ხელისუფლება ისეთ საპროტესტო ტალღას მიიღებს, მთავრობას და ივანიშვილს ლავროვის თვითმფრინავით მოუწევთ გაქცევა. ხატია დეკანოიძე - პრემიერი მიუნხენში იმყოფება, ლავროვიც იქ არის კონფერენციაზე, არ გამოვრიცხავ, რომ ლავროვმა გახარიასგან უსაფრთხოების გარანტიები მიიღოს. პრემიერის პრესსამსახურში აცხადებენ, რომ გიორგი გახარია მიუნხენში გაემგზავრა, თუმცა უარყოფენ ინფორმაციას, რომ გახარიას და ლავროვის შეხვედრა იგეგმება. გიორგი გახარია მიუნხენის უსაფრთხოების კონფერენციაში მიიღებს მონაწილეობას. გიგა ბოკერია - სერგეი ლავროვის შემოშვება და მონაწილეობა საერთაშორისო ღონისძიებაში, საქართველოს ინტერესების საწინააღმდეგო ნაბიჯი იქნება, რასაც პროტესტი მოჰყვება.

საზღვარგარეთულები

      ტრამპის უდარდელობა - დონალდ ტრამპი აცხადებს, რომ მას ფილიპინებთან სამხედრო შეთანხმება არ ადარდებს და მისი გაუქმებით ფული დაიზოგება.

      გერმანია კონორა ვირუსზე - გერმანიის ჯანდაცვის მინისტრი ევროკავშირს კორონავირუსის შესაჩერებლად თანხების გამოყოფისკენ მოუწოდებს.

      აზერბაიჯანული არჩევნები - ილჰამ ალიევი - ზოგიერთი დამკვირვებელი ამბობს, რომ ჩვენი საპარლამენტო არჩევნები სამაგალითო უნდა იყოს სხვა ქვეყნებისთვის.

      BBC - გაერო-მ დასავლეთ სანაპიროზე ისრაელთან დაკავშირებული 100-ზე მეტი კომპანიის საქმიანობა უკანონოდ ცნო.

      იაპონიის შემთხვევა - იაპონიაში ახალი კორონავირუსით გარდაცვალების პირველი შემთხვევა დაფიქსირდა.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 765

ტეგები: qwellynews, ამბები, ბლოგი, თებერვალი, ნიუსები, სიახლეები

Kakha: თებერვალი 14, 2020||12:18pm

გერმანია რატო ნერვიულობს, რუსული გაზი ვერ ეხმარება კორონას დამარცხებაში? არვიცი მერკელი აქამდე სად არის, ახალი გაზის პარტიაა საზღვათან და იქნებ შეიშვას? 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

გირჩულ-ელისაშვილური ტანდემი, პანდემიის შემცირება და ნავალნის დაპატიმრება

გამოაქვეყნა Giorgi_მ.
თარიღი: იანვარი 18, 2021.
საათი: 10:49pm 1 კომენტარი

      როცა შიდა ამბებში აქტიურობა კლებულობს, გარედან მეტი ნიუსი ისმისო, უთქვამთ. ასე იყო დღესაც - ნავალნის რუსეთში ჩასვლა და მისი დაპატიმრება ჩვენი პოლიტიკური ამბების ნაწილიც გახდა და შეფასებებიც ისმოდა ქართულ ინტერვიუებში. ქვეყნის შიგნით ელისაშვილის და გირჩის დამეგობრების და დანარჩენ ოპოზიციასთან კინკლაობის ამბავია. რაც შეეხება კორონავირუსს - დადასტურებული შემთხვევა - 247915, გუშინ დილის შემდეგ - 110; გამოჯანმრთელებული - 234636, გუშინ დილის შემდეგ…

გაგრძელება

კაპიტოლიუმის დაცვა

გამოაქვეყნა Tamila Moshiashvili_მ.
თარიღი: იანვარი 17, 2021.
საათი: 6:46pm 1 კომენტარი

      უკვე დიდი ხანია, ამერიკას ასეთი რამ არ უნახავსო, ასეთი სირცხვილი არ უგემია და ასეთი უსუსური არ ყოფილაო - ასეთი შეფასებები ისმოდა ტრამპის მხარდამჭერების კაპიტოლიუმში შეჭრის შეფასებებში. ეს ამბავი, მართლაც იანვრის მთავარი ნიუსი იყო და სულ მალე, შეჭრილი „აჭრილები“ მსოფლიოს ვირუსულად მოედნენ, გაპოპულარულდნენ და გავარსკვლავდნენ.…

გაგრძელება

შეცვალე შენი ცხოვრება - გაუხსენი გზა პირად განვითარებას

გამოაქვეყნა EFTcheat_მ.
თარიღი: იანვარი 15, 2021.
საათი: 2:30pm 0 კომენტარი





Sometimes we reach a point in our life whenever we are ready for change and self improvement. Items aren't going so well for all of us, or painful or disappointing events seem to be to keep repeating themselves in our lives. You know very well what I mean; such things as continually choosing the wrong partner or the wrong job, or maybe it's just the feeling you are stuck in a rut with absolutely nothing exciting to look forward to on the horizon. A person start to think, "I need…

გაგრძელება

რელიგიური არეულობა ჩოხატაურში და საპარლამენტო მანდატები

გამოაქვეყნა Giorgi_მ.
თარიღი: იანვარი 14, 2021.
საათი: 10:24pm 0 კომენტარი

      როცა ქვეყანას ორი ახალი წელი აქვს ნაბახუსევი უფრო დიდხანს გრძელდება და დღის ამბები ცოტა უინტერესო ხდება. დღეს ზეიმის დღე იყო მრავალი მიმართულებით - ბასილი დიდი ხსენების დღე, დროშის დღე, თეატრის დღე და ბითლზის დღეც კი. ჩოხატაურში კი რელიგიური არეულობაა. რაც შეეხება კორონავირუსს - დადასტურებული შემთხვევა - 244612, გუშინ დილის შემდეგ - 1357; გამოჯანმრთელებული - 228359, გუშინ დილის შემდეგ - 748; გარდაცვლილი - 2867, გუშინ დილის შემდეგ - 21;…

გაგრძელება

Qwelly World

free counters