ევროკავშირი ჩვენს უვადო მოსამართლეებზე, თბილისის ახალი თამასა და გალში გარდაცვლილი მამაკაცი

      მარტის ცამეტი წინა დღეებთან შედარებით მეტი ღრუბლებით და დაბალი ტემპერატურით დაიწყო. ეს უკანასკნელი ვერც პოლიტიკურმა ამბებმა აწია განსაკუთრებულ ნიშნულზე. დღის მთავარ თემებში გამოარჩევდით ისევ მოსამართლეების საკითხს, გალში გარდაცვლილი ახალგაზრდის ამბავს და თბილისის ახალ სტანდარტებს.

საქართველოს და მსოფლიოს ამბები / 13 მარტი, 2019/


      მოსამართლეების საკითხი - ვენეციის კომისია - მოსამართლეთა უვადოდ დანიშვნა, მკაფიო და გამჭვირვალე კრიტერიუმებსა და პროცედურებზე დაყრდნობით, აუცილებელია სასამართლო სისტემის დამოუკიდებლობისთვის. ჯანი ბუკიკიო - ვენეციის კომისია სწრაფად შეასრულებს საქართველოს პარლამენტის თავმჯდომარის თხოვნას, მოსაზრება გამოთქვას უზენაესი სასამართლოს მოსამართლეების დანიშვნის საკითხზე. ეკა ბესელია - ირაკლი კობახიძის მიერ შემოტანილ პროექტს პირდაპირ აწერია, რომ ის იუსტიციის საბჭოს უმრავლესობამ საკუთარი თავისთვის დაწერა. ანრი ოხანაშვილი - ვენეციის კომისიამ კიდევ ერთხელ შეგვახსენა ყველას, რომ მოსამართლეთა უვადოდ დანიშვნა მათი დამოუკიდებლობის გარანტია. ნუკრი ქანთარია - კობახიძის მიერ წარმოდგენილი კანონპროექტი შეიძლება იდეალური არ არის, მაგრამ შევჯერდით იმაზე, რომ მოსამართლეობის კანდიდატი თავის თავს არ მისცემს ხმას. ოთარ კახიძე - ვენეციის კომისია უნდა გაესაუბროს არასამთავრობოებს, ომბუდსმენს, ოპოზიციას და მიიღოს ინფორმაცია რეალურად რას გვთავაზობს მმართველი ჯგუფი.

      ქართული პარლამენტარიზმი 100 წლისაა! პარლამენტარიზმის 100 წლის იუბილე საქართველოს მეგობარმა სახელმწიფოებმა მიულოცეს.

      გახმოვანებული გზავნილები - ეკა ბესელია - არ შეიძლება მესიჯებს უგზავნიდე ადამიანებს და ეუბნებოდე, რომ ეს მესიჯი უნდა გაახმოვანო.

      ექსპერტების პროგნოზები - ირაკლი კობახიძე - ქართულ პოლიტიკაში გვყავს ხუთი ექსპერტი, რომელთა არც ერთი პროგნოზი დღემდე არ გამართლებულა.

      ღია კარის თავმჯდომარე - ირაკლი კობახიძე - ჩემი კაბინეტის კარი ნებისმიერი დეპუტატისთვის იყო ღია, დღემდე ასეა და ნებისმიერი მათგანი ამას დაადასტურებს.

      განათლება სწორ გზაზე - ჯეფრი დევიდ საქსი - არის სწორი გზა, რომელიც ქვეყანაში საგანმანათლებლო სექტორს მოწინავე დარგად აქცევს.

      თიბისის საქმე - საქართველოს ბიზნეს ასოციაცია - საჭიროების შემთხვევაში, მზად ვართ დავიცვათ „თიბისის“, როგორც ჩვენი ასოციაციის წევრის ობიექტური და სამართლიანი ინტერესები. „თიბისი ბანკმა“ იაპონიის, ყატარის და ნიდერლანდების კომერციული ბანკებისგან 25 მილიონი აშშ დოლარის საკრედიტო რესურსი მიიღო.

      საქმიანი ვიზიტი სომხეთში - საქართველოს პრეზიდენტმა სომხეთში ოფიციალური ვიზიტი დაიწყო. სომხეთში საქართველოს პრეზიდენტის დახვედრის ოფიციალური ცერემონია გაიმართა. სალომე ზურაბიშვილმა ნიკოლ ფაშინიანთან შეხვედრაზე, სომხეთში მდებარე ძეგლების სარეაბილიტაციო სამუშაოებში ქართველი სპეციალისტების ჩართვის საკითხი დააყენა.

      გალში გარდაცვალება - დავით ზალკალიანი გალში დე ფაქტო რეჟიმის მიერ დაკავებული 29 წლის ქართველის გარდაცვალებაზე - ყველა მექანიზმს ვიყენებთ, ობიექტური გარემოების დასადგენად. სერგი კაპანაძე - თუ ირაკლი კვარაცხელია ნაწამები და მოკლულია, ქვეყანას უმკაცრესი რეაგირება უნდა ჰქონდეს, მისი მკვლელები კი „ოთხოზორია - ტატუნაშვილის სიაში“ უნდა შეიყვანონ. თამარ ხულორდავა - თუ დადასტურდება, რომ ირაკლი კვარაცხელია იყო დაკავებული და ამ პროცესში მოხდა გარდაცვალება, აუცილებლად მოხდება სათანადო რეაგირება. ევროკავშირის სადამკვირვებლო მისია გალში ირაკლი კვარაცხელიას გარდაცვალებასთან დაკავშირებით განცხადებას ავრცელებს - მარტს, საქართველოში ევროკავშირის სადამკვირვებლო მისიამ, მისიის მიერ ოპერირებადი ცხელი ხაზის მეშვეობით შეიტყო ირაკლი კვარაცხელიას გარდაცვალების შესახებ - ევროკავშირის სადამკვირვებლო მისიას სურს სამძიმარი გამოუცხადოს გარდაცვლილის ოჯახს. ევროკავშირის სადამკვირვებლო მისია, მისი სადამკვირვებლო ფუნქციის ფარგლებში და მისი მანდატის შესაბამისად, ყურადღებით აგრძელებს მოვლენების განვითარებაზე დაკვირვებას. ნინო გოგუაძე - ყველა ზომებს ვიღებთ ირაკლი კვარაცხელიას გარდაცვალების გარემოებების დასადგენად. ირაკლი კვარაცხელიას ცხედარს თბილისში ლევან სამხარაულის ექსპერტიზის ბიუროში გადაასვენებენ. ქეთევან ციხელაშვილი - საუბედუროდ, ფაქტია, რომ ირაკლი კვარაცხელია უკანონო პატიმრობის დროს გარდაიცვალა.

      კალაძის დანახული პრობლემები - კახა კალაძე - მეტროსადგურ „ავლაბარში“ სამუშაოების ამ ფორმით წარმოება კატეგორიულად მიუღებელია - ყველა არსებული პროექტი გადასახედია. ბინათმშენებლობის კოოპერატივებით დაზარალებულ 200-მდე ოჯახს დიდ დიღომში ფართები გადაეცემა. კახა კალაძე - ბექა ოდიშარია ჩემი მეგობარია, მაგრამ თაბორის #1-ში სასტუმროს აშენება ჩვენთვის მისაღები არ არის. დღეს, 20 ოჯახს სიმბოლურ ფასად, 1 ლარად დაუკანონდება საცხოვრებელი სახლი. არჩილ თალაკვაძე - კახა კალაძე მოქალაქეების ჩართულობით ასრულებს იმ დაპირებებს, რაც წინასაარჩევნოდ გასცა. თბილისში მეორადი საბურავების, შავი და ფერადი ლითონის ჯართის, ფეთქებადი ან ამტვერებადი ნივთების განთავსება მკაცრად გაკონტროლდება. ირაკლი ხმალაძის განცხადებით, ბექა ოდიშარიას ალტერნატიულ ფართს შესთავაზებენ და არა 11 მლნ დოლარს. ირაკლი ხმალაძე - თბილისი აღარ არის ელიავას ბაზრობის სტანდარტი, თუმცა ჩვენი სამიზნე არ არის ის, რომ ვიღაცამ პროდუქცია ვერ გაყიდოს. ირაკლი ხმალაძე - კაფელით და მეტალოპლასტმასის ჯიხურებით მეტროსადგურების მოდერნიზება ჩვენი მეთოდი არ არის. თბილისის მერმა კახა კალაძემ ქოშიგორას მიმდებარე ტერიტორიაზე დასრულებული საგზაო სამუშაოები დაათვალიერა. რევაზ სოხაძე – წარსულს ჩაბარდა დრო, როდესაც თბილისის და მისი ისტორიული ნაწილის რეაბილიტაცია ერთი ადამიანის შეხედულებით ხორციელდებოდა. დეპუტატი ბექა ოდიშარია მზადაა, კომპენსაციის სანაცვლოდ, თაბორის მთაზე სასტუმროს მშენებლობაზე უარი თქვას.

      თავშესაფარი ევროპაში - დავით ზალკალიანი - საქართველოს მოსახლეობის ყველა მცდელობა, ევროპის ქვეყნებში თავშესაფარი მოითხოვოს, ფუჭია - მოვუწოდებ მათ, ნუ ჩაიგდებენ თავს მძიმე მდგომარეობაში.

      ევროპული სურვილები - მაიკ პომპეო - არ გვსურს, რომ ჩვენი ევროპელი მოკავშირეები რუსულ გაზზე დამოკიდებული გახდნენ. დავით ზალკალიანი - ჩვენი ქვეყნის ენერგოდამოუკიდებლობა და ენერგოუსაფრთხოება გარანტირებულია.

      ბაგრატიონების საქმე - დავით ბაგრატიონ-მუხრანელის ადვოკატი - დნმ-ებით ბრძოლა იმიტომ გახდა საჭირო, რომ ნუგზარ ბაგრატიონს არ აქვს გენეალოგია წესრიგში. ანა ბაგრატიონ-გრუზინსკის ადვოკატი - ინფორმაცია, რომ ნუგზარ ბაგრატიონ-გრუზინსკი არა ბაგრატიონი, არამედ სიხარულიძეა, ისეთი ტყუილია, რომელსაც ფეხები საერთოდ არ აღმოაჩნდა.

      დაუსაქმებელი კადრები - პრეზიდენტის ადმინისტრაციიდან გათავისუფლებული 63 თანამშრომლიდან სხვა საჯარო უწყებებში ვერც ერთი ვერ დასაქმდა.

      შემცირებული მედიაპლურალიზმი - აშშ-ს სახელმწიფო დეპარტამენტის ანგარიშში აღნიშნულია, რომ ტელეკომპანია „იბერიას“ დახურვამ და 2017 წელს სამი ტელევიზიის შერწყმამ შეამცირა საქართველოში მედიაპლურალიზმი.

საზღვარგარეთულები:

      სახელისუფლებო ბრძოლის გადამწყვეტი რაუნდი - ხუან გუაიდო - ვენესუელაში ხელისუფლებისთვის ბრძოლის კუთხით უახლოესი დღეები გადამწყვეტი იქნება.

      გასვლის უთანხმოება - დიდი ბრიტანეთის პარლამენტმა კვლავ არ დაუჭირა მხარი ევროკავშირიდან გასვლის შეთანხმებას, რომელიც ლონდონსა და ბრიუსელს შორის გაფორმდა.

      ტრამპის ბიბლია - ინტერნეტ-აუქციონზე დონალდ ტრამპის მიერ ხელმოწერილი ბიბლია 325 აშშ დოლარად გაიყიდა.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 82

ტეგები: qwellynews, ამბები, ბლოგი, მარტი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

It's always entertaining to peer the creative approaches

გამოაქვეყნა dakunlee_მ.
თარიღი: დეკემბერი 6, 2022.
საათი: 9:30am 0 კომენტარი

It's always entertaining to peer the creative approaches Animal Crossing gamers manipulate to create horrors inside any such lovable online game. There are surely no limits to Nook Miles Ticket  design within the identify, permitting gamers to discover both their good and terrible sides with regards to decor.

The player has made exceptional use of the game's deep sea creature, a redecorating concept that frequently is going left out via many lovers in terms of furnishing their…

გაგრძელება

ომში დაღუპვის განხილვები, თბილისის მშვიდობა და პოლიტიკური ქულები

გამოაქვეყნა Giorgi_მ.
თარიღი: დეკემბერი 5, 2022.
საათი: 11:30pm 0 კომენტარი

      როცა გარეთ ჩამოუყალიბები თოვლია წვიმასა და თოვაში რომ ვერ გარკვეულა, ეგაა ავდარი, ე.ი. უკვე კარგად დაზამთრდა. დღის მთავარ ამბავს ორი ძირითადი მიმართულება ჰქონდა - პრეზიდენტის ჯანმრთელობა და უკრაინაში დაღუპული ქართველი მეომრების სამძიმარი, რომელიც ძალიან რეზონანსული იყო. საბანკო და ფინანსური ამბებიც ისმოდა, მაგრამ არააქტიურად. დღეს 1 აშშ დოლარის ოფიციალური ღირებულება 2.6987 ლარია.…

გაგრძელება

წინწაგდებული საქმე ხიდის მშენებლობაზე

გამოაქვეყნა ლაშა_მ.
თარიღი: დეკემბერი 4, 2022.
საათი: 12:32am 0 კომენტარი

      მართალია, ჩემს უბნელებსაც კი ღიმილისმომგვრელად ეჩვენათ ჩემი იდეა, საბჭოთა „აზნევთის“, ევროპული, კლასიკური, არაორიგინალური სახელწოდებით „ხიდისუბანით“ ჩანაცვლებაზე, მაგრამ ეგ არაფერი - ფაქტი ერთია - აქამდე ორი ხიდი გვქონდა უბნის გადმოსახედზე, ახლა უკვე სამი გვაქვს.

      მცხეთის მუნიციპალიტეტის ვებ გვერდზე, 2019 წლის, 22 მარტით დათარიღებულ სტატიაში ვკითხულობთ „საქართველოს რეგიონული განვითარებისა და ინფრატსრუქტურის სამინისტროს,…

გაგრძელება

ვრცელი დღე ყოფილი პრეზიდენტის გარშემო

გამოაქვეყნა Giorgi_მ.
თარიღი: დეკემბერი 2, 2022.
საათი: 11:30pm 0 კომენტარი

      როგორც ჩანს დეკემბერი ცივი იქნება - ხვალიდან თოვლს ველოდებით. მთავარი ამბებიც ნელ-ნელა ერთფეროვნდება. ბოლო დღეები მთლიანად მიხეილ სააკაშვილის გარშემო ვითარდება. დღევანდელი მეინსტრიმიც ასეთი იყო - მიშა პატიმარი, მიშა ავადმყოფი, მიშა მოწამლული და ა.შ. ცხადია, ხმაურიანი უნდა ყოფილიყო რუსეთის აფხაზური „მივლინებების“, ასევე შიდა პოლიტიკური ნიუსები და ა.შ. დღეს 1 აშშ დოლარის ოფიციალური ღირებულება 2.7056 ლარია.…

გაგრძელება

Qwelly World

free counters