წულუკიანის გუნდურობა, თიბისის მასშტაბები, დატოვებული კირკიტაძე და დიდგვაროვანთა თამაში სამეფო კარზე

      თიბისის საქმე რომ არა და ხაზარაძის წერილობანა, მარტის თვე პოლიტიკურადაც ქალების თვე იქნებოდა. ახლა უკვე დღის მთავარი ამბების კვარცხლბეკზე ზედა საფეხურისკენ მიიწევს თეა წულუკიანი და მის გარშემო განვითარებული მოვლენები. სხვა ამბებში ისევ ისმის ბესელიას ხმა, ანაკლიის ღრმაწყლოვანი პორტი და თიბისის გადაჯაჭვულობა და უკვე სამეფო კარის ქართული თამაშებიც.

საქართველოს და მსოფლიოს ამბები / 12 მარტი, 2019/

      წულუკიანის გზა-კვალი - ეკა ბესელია წულუკიანის განცხადებაზე - ჩემთვის ძალიან მნიშვნელოვანია პირადად დავინახო ის პროცესი, რამაც გამოიწვია ასეთი შიდა უკმაყოფილება და უთანხმოება. ზვიად კვაჭანტირაძე თეა წულუკიანის შესაძლო წასვლაზე დასმულ კითხვაზე - ნუ დაგავიწყდებათ, მაგ ე.წ. გუნდის წევრი აღარ ვარ. გია ვოლსკი - თემა, რომელზეც თეა წულუკიანი საუბრობს, არსებული ინფორმაციით, იუსტიციის სამინისტროდან პენიტენციური სამსახურის გასვლას უკავშირდება. ირაკლი კობახიძე - თეა წულუკიანი ჩვენი გუნდის წევრია და ჩვენი ვალია მას მოვუსმინოთ. ირაკლი კობახიძე - სამთავრობო ცვლილებებთან დაკავშირებით ინფორმაცია არ გამაჩნია. ირაკლი კობახიძე - პოლიტიკური სპეკულაციაა იმის თქმა, რომ უმრავლესობის წევრების მიერ მომზადებული კანონპროექტი, იუსტიციის საბჭოშია დაწერილი. მამუკა მდინარაძე - გადაჭარბებული შეფასებაა თუ ვიტყვით, რომ რაღაც ულტიმატუმი წაუყენა თეა წულუკიანმა გუნდს, რადგან პარტიაში მისი საკითხი არ განხილულა. მამუკა მდინარაძე - ჭორია, თითქოს ვინმე გუნდიდან ღარიბაშვილის დაბრუნების გამო მიდის. თეა წულუკიანი საკითხის გარკვევას, რის გამოც პოსტიდან წასვლას არ გამორიცხავს, დღეს ელოდება. თეა წულუკიანი მისი შესაძლო გადადგომის მიზეზზე - ამაზე ვისაუბრებ მაშინ, როდესაც მექნება თეთრი თმა და გავიკეთებ „კოსას“. ირაკლი კობახიძე თეა წულუკიანზე - პრემიერი მოუსმენს მინისტრს და შეთანხმდებიან გადაწყვეტილებაზე. თეა წულუკიანი - იუსტიციის მინისტრი შეიძლება იყოს კახა კახიშვილიც და ნებისმიერი სხვაც. პრემიერ-მინისტრი არ აკონკრეტებს, რა საკითხზე ჰქონდა თეა წულუკიანს გუნდისგან განსხვავებული პოზიცია. პრემიერი - თუ ვინმე არ დარჩება ფასეულობების ერთგული, ასეთი ადამიანების ადგილი ჩვენს გვერდით ვერ იქნება. რამაზ საყვარელიძე - რაღა ფოფხაძის წასვლა-დაბრუნება და რაღა - წულუკიანის. დავით სერგეენკო - პირადად ვესაუბრე თეა წულუკიანს და აღნიშნა, რომ საკითხი ამოწურულია.

      საგანმანათლებლო ამბები - 2019 წლის ერთიანი ეროვნული გამოცდებისთვის რეგისტრაცია დაიწყო. გამოცდების ეროვნული ცენტრის ხელმძღვანელი - მასწავლებლების გამოცდისთვის რეგისტრაცია დღეს არ დაიწყება. ერთიან ეროვნულ გამოცდებზე აბიტურიენტების და მაგისტრანტების რეგისტრაცია 3 აპრილის 18.00 საათამდეა შესაძლებელი. მამუკა ბახტაძე - მიმდინარე წელს განათლების დაფინანსება 1,6 მილიარდ ლარს შეადგენს, 2022 წელს - 3 მილიარდ 400 მილიონს მიაღწევს.

      მოძალადე ძიუდოისტი - ძიუდოისტი თორნიკე ნაგლიაშვილი ოჯახური ძალადობის ბრალდებით დააკავეს.

      სამეფო დაპირისპირება - ანა ბაგრატიონ-გრუზინსკის დავით ბაგრატიონ-მუხრანელის წინააღმდეგ სასამართლო პროცესი გაიმართება. დავით ბაგრატიონ-მუხრანელის ადვოკატი - ნუგზარ ბაგრატიონი არ არის ბაგრატიონი, ის სიხარულიძეა და გვარს იბრალებს.

      მასშტაბური თიბისი - სულხან სალაძე - „თიბისი ბანკის“ საქმე უკვე დიდი ხანია გასცდა კონკრეტულ ტრანზაქციას. ირაკლი კობახიძე „თიბისი ბანკის“ საქმეზე - ნებისმიერი თანმდევი პროცესი, რომელიც ამ საქმეს უკავშირდებოდა გამოძიებული იქნება. მამუკა მდინარაძე ხაზარაძის მიერ პროკურატურისთვის წარდგენილ წერილზე - შაბლონურ ფრაზად იქცა, მაგრამ უნდა ვთქვა, ჩვენ გვაქვს ფარატინა ქაღალდი.

      საქართველოს ბანკის ძარცვა - შსს-ს ინფორმაციით, „საქართველოს ბანკზე“ თავდასხმაში ბრალდებულებმა გატაცებული ავტომობილი დაწვეს. შსს-მ „საქართველოს ბანკის“ დაყაჩაღების, პოლიციელზე თავდასხმის და ორი ადამიანის მძევლად აყვანის ბრალდებით ორი პირი დააკავა. პროკურორის ინფორმაციით, „საქართველოს ბანკზე“ თავდამსხმელებმა დაახლოებით, 8 100 ევრო, 13 ათასი დოლარი და 10 ათასი ლარი წაიღეს. +

      ეკა ბესელია, ზვიად კვაჭანტირაძე და ლევან გოგიჩაიშვილი ევროკავშირის ელჩს საქართველოში, კარლ ჰარცელს შეხვდნენ. ზვიად კვაჭანტირაძე - შევეცდებით, რომ ევროკავშირის ელჩისგან წამოსული მესიჯები ადეკვატურად აღვიქვათ და გავაანალიზოთ.

      კონსტიტუციის თემა - ირაკლი კობახიძე ბესელიას ინიციატივაზე - კონსტიტუციის თემა დახურულია, ჩვენ განვახორციელეთ რეფორმა და ყველა ნაწილში დავიმსახურეთ ვენეციის კომისიის აღიარება. გია ვოლსკი ბესელიას ინიციატივაზე - ეს გამონათება დეპუტატების, პრესინგი, გარკვეული პოლიტიკური პოზიციაა და ყველას მოვუწოდებ, იფიქროს სახელმწიფოზე.

      გადაღებილი ტაქსები - მძღოლებმა ტაქსის მანქანების თეთრად გადაღებვა დაიწყეს.

      კირკიტაძის პატიმრობა - გრიგოლ ვაშაძე - ამ ე.წ. ხელისუფლებას სჭირს პარანოია - რომ შეეძლოთ, მთელ ოპოზიციას ციხეში ჩასვამდნენ. ნიკა მელია - გიორგი გახარია აუცილებლად გაუცვლის ადგილს დათო კირკიტაძეს. დავით კირკიტაძის ადვოკატი - დღეს არის ტესტი სასამართლოსთვის, იხელმძღვანელებს კანონის მოთხოვნით თუ რაიმე ახალ მიზეზს მოიგონებს. გიგი უგულავა დავით კირკიტაძის პროცესზე - მოსამართლეს დღეს შანსი აქვს, სამართლებრივ სივრცეში დაბრუნდეს. დავით კირკიტაძე მოსამართლემ კვლავ პატიმრობაში დატოვა, რასაც დარბაზში ხმაური მოჰყვა. დავით კირკიტაძის სასამართლო პროცესი გადაიდო. გიგა ბოკერია დავით კირკიტაძის პატიმრობაში დატოვებაზე - ეს არის მოსამართლის და მთლიანად სამართლებრივი სისტემის სამარცხვინო საქციელი. ნიკა მელია - ვაგრძელებთ ბრძოლას, ვიდრე ჩინჩალაძეები, მურუსიძეები, ბედუკაძეები და გახარიები არ დამარცხდებიან. ადვოკატი - ათასობით მოქალაქე და 27 დეპუტატი ჩამოვიდა გურჯაანში, მოსამართლემ როცა ეს ნახა, იძულებული გახდა აბსურდული გადაწყვეტილება მიეღო.

      გაჩერებების გაფართოება - მამუკა მუმლაძე - ქუჩებს, სადაც მიკროავტობუსები მხოლოდ გაჩერებებზე აჩერებენ, კიდევ ათი ქუჩა დაემატება.

      მიწების დამუშავება - ოთარ დანელია - თუ საქართველოს მოქალაქე არ დაამუშავებს კუთვნილ სასოფლო-სამეურნეო მიწას, სახელმწიფო სუბსიდირებისა და თანადაფინანსების პროგრამაში ვერ ჩაერთვება.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 47

ტეგები: qwellynews, ამბები, ბლოგი, მარტი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

დასკვნები ცუდ განვითარებაზე და მოწყალება შეწყალების გარეშე

გამოაქვეყნა Giorgi_მ.
თარიღი: სექტემბერი 17, 2019.
საათი: 11:04pm 0 კომენტარი

      ისევ აცივდა, ისევ გაწვიმდა და ვინ იცის როდემდე გაგრძელდება. როგორც იტყობინებიან, საქართველოში რამდენიმე დღის განმავლობაში არამდგრადი ამინდია მოსალოდნელი. დღეს კი, ვიდრე წვიმა შეგვაწუხებდა, დღის…

გაგრძელება

ადამი და ყვავილების გვირგვინი

გამოაქვეყნა nunu qadagidze_მ.
თარიღი: სექტემბერი 17, 2019.
საათი: 10:30pm 0 კომენტარი

გაცოცხლებული ქარაგმა (გაგრძელება)

      არა, არ შეუძლია სხვანაირად. არაფერს შეგარჩენს, აუცილებლად წასართმევად გამოგენთება, თუნდაც არაფრად…

გაგრძელება

სწავლის დასაწყისი და განათლების ეროვნულობა, პატრიოტიზმი „ანტირუსული“ ძახილით

გამოაქვეყნა Giorgi_მ.
თარიღი: სექტემბერი 16, 2019.
საათი: 11:30pm 0 კომენტარი

      სექტემბერის მთელი ხიბლი სწორედ დღევანდელ დღეს გადმოიღვარა - სწავლა დაიწყო და ათეთრებული, აბავშვებული, ამხიარულებული და გაოცებული ქალაქი მშვენიერი სანახავი იყო. დღის ამბავიც სწორედ, განათლების და…

გაგრძელება

ველური ბუნების ფოტოისტორია

გამოაქვეყნა Tamila Moshiashvili_მ.
თარიღი: სექტემბერი 15, 2019.
საათი: 11:32pm 2 კომენტარი

      უკვე 5 წელია, რაც ბუნების ისტორიის მუზეუმი, ლონდონში, ყოველწლიურად მართავს „წლის ველური ბუნების ფოტოგრაფიის“ კონკურსს. კონკურსისთვის, მთელი მსოფლიოდან იგზავნება ფოტოები - 100 ქვეყნის, 50 000…

გაგრძელება

Qwelly World

free counters