დღის მთავარი ამბები ჩვეულად კორონას გარშემო ვითარდება - საქართველოში კორონავირუსით ინფიცირების შემთხვევათა რაოდენობა ამ დროისთვის 70 ადამიანია. აქედან 9 პაციენტი გამოჯანმრთელდა. სავალალოდ აქვს საქმე ქართულ ლარს ან დოლარს აქვს ძალიან წარმატებულად - 1 დოლარის ოფიციალური 3.4494 ლარია.

საქართველოს და მსოფლიოს ამბები / 24 მარტი, 2020

      შინაური კორონა - ჩინეთის ელჩი - კორონავირუსის დაფიქსირებისთანავე, საქართველოს მთავრობამ ეს სერიოზულად მიიღო, სწრაფი რეაგირება მოახდინა, გადამწყვეტი ზომები გაატარა, გაზარდა პრევენციისა და კონტროლის დონე, რასაც ჩინეთი დადებითად აფასებს. საქართველოში დღეიდან მიკროავტუბისით, ავტობუსითა და მატარებლით საქალაქთაშორისო გადაადგილება შეწყდა. მარინა ეზუგბაიას განცხადებით, კორონავირუსით ინფიცირებული ხუთი ახალი პაციენტი ამერიკის კლასტერიდანაა. ჩრდილოეთ ამერიკის ეპისკოპოსის, მეუფე საბას განცხადებით, კორონავირუსის მასშტაბური ზრდიდან გამომდინარე, სამრევლოებში წირვა-ლოცვა მრევლის გარეშე აღევლინება. მარნეულში პოლიციელების სიტყვიერი და ფიზიკური შეურაცხყოფის ფაქტზე ორი პირი დააკავეს. მარინა ეზუგბაიას ინფორმაციით, ინფექციურ საავადმყოფოში ამ დროისთვის კორონავირუსით ინფიცირებული 3 პაციენტის მდგომარეობა მძიმეა. მარნეულის მაჟორიტარი - პანიკა არ არის საჭირო და არც ამის მიზეზები არსებობს, საჭიროა მეტი სიფრთხილე - უნდა შევაჩეროთ ვირუსის გავრცელება. ეპიდემიოლოგები და ოჯახის ექიმები დილიდან მარნეულის მოსახლეობას ინტენსიურად ამოწმებენ. გიორგი გახარია - 30 მარტიდან საზოგადოებრივი მაუწყებლის პირდაპირ ეთერში სკოლის მოსწავლეებისთვის გაკვეთილების ტრანსლირება დაიწყება. თსსუ-ს პირველი საუნივერსიტეტო კლინიკის დირექტორის განცხადებით, მარნეულიდან გადმოყვანილი ქალის მდგომარეობა კრიტიკულია. თსსუ-ს პირველი საუნივერსიტეტო კლინიკის დირექტორის განცხადებით, კლინიკას დამატებით კიდევ რამდენიმე პაციენტის მიღება შეუძლია. ქვემო ქართლში რწმუნებული - ველოდებით ბეჭდურ მასალას აზერბაიჯანულ და სომხურ ენებზე, რომლებსაც მოსახლეობაში მოძრავი ჯგუფები გაავრცელებენ - დღეს გაცილებით მცირეა ხალხის გადაადგილება. საველე ჰოსპიტალი მზად არის, თუ იქნება საჭიროება მოქალაქეების გადაყვანის, გადაიყვანენ, თუმცა ამ დრომდე, მსგავსი ფაქტი არ ყოფილა. გიორგი გახარია არ გამორიცხავს, რომ სასწავლო პროცესი აპრილის ბოლოს ვერ განახლდეს. დეკანოზი თეოდორე - გარკვეული რეგულაციები შემოვიტანეთ ღვთისმსახურებაში - მსახურებები დილით და საღამოს იქნება, მრევლიც გაიყოფა და მათი რაოდენობა იქნება ნაკლები. თამარ გაბუნია - ჯერჯერობით ყველა კლასტერი კონტროლდება. პროექტი „ტელესკოლა“ ეთერში 30 მარტიდან გავა და გაკვეთილები ორშაბათიდან პარასკევის ჩათვლით ჩატარდება. ჯანდაცვის მინისტრის მოადგილე - ნუ გვექნება მოლოდინი, რომ როცა სწრაფი ტესტი შემოვა, მისი გაკეთება მარტივად შეგვეძლება - ამას სჭირდება ეპიდემიოლოგის დასკვნა. მარნეულის გამოცდილებამ გვიჩვენა, რომ ცხელებიან პაციენტებთან მიმართებით, მნიშვნელოვანია ბაზისური ინფექციის კონტროლის ღონისძიებები დაცული იყოს. ვტომობილის მძღოლებს, რომლებიც ბოლნისსა და მარნეულში სურსათის და სხვა საჭირო პროდუქტის მარაგებს შეიტანენ, სპეციალური აღჭურვილობა ექნებათ, მანქანებს კი სადეზინფექციო ხსნარებით დაამუშავებენ. ნათია თურნავას განცხადებით, როცა კარანტინის პერიოდი დასრულდება, ყველა იმ სასტუმროს დეზინფენქცია მოხდება, რომლებსაც ახლა კარანტინისთვის იყენებენ. ნათია თურნავას განცხადებით, მთავრობა მუშაობს პროგრამაზე, რომლის ერთ-ერთი მთავარი აქცენტი მათი დახმარებაა, ვინც კორონავირუსის უარყოფითი გავლენიდან გამომდინარე, სამუშაოს დაკარგავს. საგანგებო ვითარების დროს, ჯერჯერობით არ დაჯარიმდებიან ის მძღოლები, რომლებმაც ტექდათვალიერება ვერ გაიარეს. ეკატერინე ტიკარაძე - შექმნილი ვითარების გამო, გეგმური ოპერაციები გადავადდება. ჯანდაცვის მინისტრის განცხადებით, სწრაფი ტესტების გამოყენებას კომერციული მიზნით სახელმწიფო ამ ეტაპზე მიზანშეწონილად არ მიიჩნევს. ნათია თურნავას ინფორმაციით, მარნეულისა და ბოლნისის მუნიციპალიტეტებში დღის ბოლომდე კიდევ 50 000-მდე პირბადე გაიგზავნება და იქ მომუშავე ადამიანებს დაურიგდება. პაატა იმნაძე - კერძო ლაბორატორიამ კორონავირუსით ინფიცირების 1 თუ 2 შემთხვევა გამოავლინა, რომელიც ლუგარის ლაბორატორიაში გადამოწმდა. პაატა იმნაძის განცხადებით, გაზრდილია იმ ქვეყნების ჩამონათვალი, საიდანაც საქართველოში კორონავირუსით ინფიცირების შემთხვევების შემოსვლა ხდება. ბულგარეთსა და პოლონეთში საქართველოს საელჩოების ძალისხმევით, საქართველოს მოქალაქეები დროებითი საცხოვრებლით უზრუნველყვეს. მიხეილ ჩხენკელი - „ტელესკოლის“ ფარგლებში, ყველა მოსწავლეს ექნება შესაძლებლობა მოისმინოს ძალიან საინტერესო გაკვეთილები ყველა საგანში - განურჩევლად იმისა, აქვთ თუ არა წვდომა ინტერნეტთან. ზურაბ ჭიაბერაშვილი - სწრაფი ტესტები არის სასწრაფოდ დასაწყები - ეს მოგვცემს საშუალებას, ვებრძოლოთ ვირუსის გავრცელებას და ასევე, დავიცვათ ყველაზე დიდი რისკჯგუფები. გიგა ბოკერია - ახლა სჭირდება ხალხს ფული, მოსახლეობას ე.წ. საპენსიო გადასახადი უნდა დაუბრუნდეს, რაც ერთ მოქალაქეზე საშუალოდ 600 ლარამდეა. ზაალ უდუმაშვილი - როცა ათიათასობით ადამიანი დარჩა უმუშევარი და ფიქრობენ პური როგორ იყიდონ, ამ ფონზე მილიონების ფლანგვა საკუთარი ახირების დაკმაყოფილებისთვის არის დანაშაული. ეკატერინე ტიკარაძის განცხადებით, სწრაფი ტესტებით მოსახლეობის გამოკვლევა პირველ რიგში მარნეულში მოხდება. სასურსათო მაღაზიებში დასაქმებულებს და მეტროს მემანქანეებს პირბადეები დაურიგდებათ. პაატა იმნაძე - ყველამ თავის საქმეს მიხედოს, ჩემთვის სულერთია, რესტორანში იქნებოდა კლასტერი, ქელეხში, თუ ოჯახში, ყველას ვსწავლობთ. ნათია თურნავას განცხადებით, ბოლნისის და მარნეულის მუნიციპალიტეტებში სურსათით მომარაგების პრობლემა არ შეიქმნება. გიგი წერეთელი - კორონავირუსის ტესტირებაზე ყველა ლაპარაკობს, თუმცა, ჯერ განცხადებული ფართო პროცესი არ ჩანს. ეროვნული ბანკი აუქციონზე კიდევ 40 მილიონ აშშ დოლარს გაყიდის. მედიკამენტებზე დეფიციტი არ შეიქმნება - GM Pharma-ს (ჯი-ემ-პი) მიმართვა მოსახლეობისადმი კორონავირუსულ პანდემიასთან დაკავშირებით. შექება - euractiv.com-ი საქართველოზე - ეს კავკასიური ქვეყანა აპლოდისმენტებს იღებს პანდემიის წინააღმდეგ გაჩაღებული გლობალური ბრძოლის ფარგლებში მიღწეული წარმატებისთვის.

      კორონას ფონდი - გოჩა ენუქიძე კორონავირუსთან საბრძოლველად შექმნილ ფონდს 100 000 ლარს გადაურიცხავს. ფონდში, რომელშიც კორონავირუსთან ბრძოლისთვის თანხას კომპანიები და მოქალაქეები რიცხავენ, დღეისთვის 5 მილიონ ლარამდეა აკუმულირებული. “თეგეტა მოტორსი” კორონავირუსის წინააღმდეგ ბრძოლის მხარდასაჭერად საქართველოს სამთავრობო ფონდში 200 000 ლარს გადარიცხავს.

      შეუჩერებელი ინფრასტრუქტურა - თბილისის მერია ჭავჭავაძის გამზირზე სკამების შესყიდვასა და დამონტაჟებაში 1 მილიონ 311 870 ლარს გადაიხდის. ქუთაისის მუნიციპალიტეტის მერია 500 ძელსკამის შეძენა-დამონტაჟებაში 181 500 ლარს გადაიხდის. ქუთაისში ინფრასტრუქტურული სამუშაოები უწყვეტ რეჟიმში მიმდინარეობს. კახა კალაძე - დედაქალაქის მასშტაბით დაწყებული ყველა პროექტი დაანონსებული ვადების ფარგლებში გაგრძელდება.

      საგარეო კორონა - ბრიტანეთმა ორზე მეტი ადამიანის შეკრება აკრძალა. პანამაში კორონავირუსით 13 წლის გოგონა გარდაიცვალა. ესპანეთში, მოხუცთა თავშესაფრებში მიტოვებული და გარდაცვლილი მოხუცები აღმოაჩინეს. დონალდ ტრამპი - ჩვენი ქვეყანა იმისთვის არ აშენებულა, რომ დაიხუროს, თვეებს ვერ დაველოდებით. სომხეთში კორონავირუსით ინფიცირებულთა რაოდენობა 235-მდე გაიზარდა. დონალდ ტრამპი - ვირუსის გავრცელება აზიური წარმოშობის ამერიკელების ბრალი არ არის. თურქეთში კორონავირუსით დაღუპულთა რაოდენობა 37-მდე, დაინფიცირებულთა კი - 1 529-მდე გაიზარდა. უცხოური მედია - უდიდესი ქალაქებისა და სოფლების ქუჩებში ცხოველები გამოჩდნენ. გერმანიაში კორონავირუსით დაინფიცირებულთა რაოდენობა ერთ დღეში 4 767-ით გაიზარდა. ანგელა მერკელის პირველმა ტესტმა კორონავირუსზე უარყოფითი შედეგი აჩვენა. დონალდ ტრამპი - გრიპით და ავტოსაგზაო შემთხვევებით ათასობით ადამიანი იღუპება, თუმცა ამის გამო ქვეყანა არ ჩერდება - ქვეყანა აღდგომამდე ჩვეულ რეჟიმს უნდა დაუბრუნდეს.

საზღვარგარეთულები:

      მედიის ინფორმაციით, რუსეთში, ერთ-ერთი ეპისკოპოსის სახლში, ნარკოლაბორატორია აღმოაჩინეს.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 67

ტეგები: qwellynews, ამბები, ბლოგი, მარტი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

Dive In to the Beat: An Introduction to Hearing Rap Audio

გამოაქვეყნა EFTcheat_მ.
თარიღი: მარტი 28, 2024.
საათი: 4:30am 0 კომენტარი







Rap tunes, with its infectious beats, poetic lyrics, and charming storytelling, happens to be a dominant pressure within the audio business and a cultural phenomenon throughout the world. From its humble beginnings from the streets of New York City to its latest standing as a worldwide genre influencing vogue, language, and social actions, rap has progressed into a diverse and dynamic art type embraced by hundreds of thousands. For anyone who is new to rap or seeking to…

გაგრძელება

Study Recombinant Protein Creation

გამოაქვეყნა EFTcheat_მ.
თარიღი: მარტი 27, 2024.
საათი: 12:00am 0 კომენტარი







Proteins tend to be the workhorse molecules that generate nearly each Organic program. Using the escalating recognition of the purpose of proteins in numerous investigate and production things to do, basically isolating them from their natural host cells are unable to meet the escalating need of the market. Chemical synthesis can be not a practical option for this endeavor a result of the size and complexity of proteins. As a substitute, the developments manufactured…

გაგრძელება

Gradient Media in Biomedical Investigate

გამოაქვეყნა EFTcheat_მ.
თარიღი: მარტი 26, 2024.
საათი: 11:30pm 0 კომენტარი







In the realm of biomedical study, the quest for precise separation and isolation methods has led scientists to explore revolutionary solutions. Among these, Axis-Protect Density Gradient Media stands out to be a formidable Device, revolutionizing the best way we isolate cells, organelles, and particles in various applications starting from medical diagnostics to standard analysis.



Density gradient centrifugation has extended been a cornerstone system in Organic…

გაგრძელება

კანონი ოჯახური ღირებულებებით და საუმცირესობოდ, ხელმომწერების მარში და პრემიერი სომხეთში

გამოაქვეყნა Giorgi_მ.
თარიღი: მარტი 25, 2024.
საათი: 11:32pm 0 კომენტარი

დღეს საქართველოს ეკლესიის ავტოკეფალიის აღდგენის დღეა. ცხადია, ამ საკითხზე ტრადიციული მილოცვები გავრცელდა. თუმცა დღის მთავარ თემად კვლავ პოლიტიკური ამბები ლიდერობდა და საარჩევნო წელს, არჩევნებისთვის მოფიქრებული და რედაქტირებული კანონები. გამორჩეული იყო ოჯახური ღირებულებებით წარმოდგენილი კანონპროექტი ლჯბთ თემის უფლებების შემცირებით, ასევე, საარჩევნო ბარიერები, უმცირესობათა დღესასწაულები და ა.შ. დღის მთავარი…

გაგრძელება

Qwelly World

free counters