შემდეგი მომხსენებელი იქნება სურვილების ეშმაკი.

Qwelly, christianity, wishes, არიმანი, ბედნიერება, ბელზებული, კეთილი_სურვილები, ორმუზდი, სარწმუნოება, სურვილები, სურვილების აღსრულება, სურვილების_ეშმაკი, ქრისტიანობა, ღირებულებები, შეკრებები ჯოჯოხეთში

 - მოახსენე თავად ბელზებულს, რა ხდება შენს სამინისტროში? - ომახიანად კი დაიწყო, მაგრამ უცბად შეეცვალა ხმა ვასილისკოს, რადგან კათედრა უნდა დაეთმო ყველაზე მომხიბლავი ეშმაკუნასათვის, რომელიც თვალის ერთი ჩაპაჭუნებითაც კი სურვილების მთელს კორიანტელს დააყენებდა გონებაში. რაღა დაგიმალოთ და თვით ბელზებულსაც კი ეშინოდა მისი.

 - თავადო, როგორც მჩვევია ხოლმე, ჩემი სამინისტრო ყველა სხვაზე უკეთ ფუნქციონირებს. - მეტისმეტი სინაზით დაიწყო ეშმაკუნამ - სურვილების ასრულება ხომ ყოველი ადამიანის ცხოვრების ძირითადი გეგმაა?! შესაბამისად, ბიუჯეტში შემოტანილი ჩემი წვლილი ცოცხალი სულების რაოდენობისა, აგერ უკვე მრავალი საუკუნეა ყველა სხვა სამინისტროს წვლილს ასობით და ათასობით აღემატება.

 - ჰო, მაგრამ ჩვენი ამონაცა ხომ ის არის, თავად აირჩიონ ადამიანებმა სურვილების ასრულება და არა თქვენ იყოთ ინსპირატორი, ამ ამბავში კი გვქონდა პრობლემები როგორც მახსოვს! - შეაწყვეტინა ბელზებულმა -  ნუ გავიწყდებათ სამართლებრივად უნდა ვიმოქმედოთ და ადამიანთა წინაშე მართალნი უნდა ვიყოთ. არჩევანი მათი გასაკეთებელია.

 - იყო პერიოდი, როდესაც ორმუზდისა და არიმანის დაპირისპირებაში "სურვილების აღსრულება" ბოროტებად ითვლებოდა და ბოროტთა დემონის ქვეშ გვაერთიანებდნენ, მაგრამ ვიღას ახსოვს ახლა ეგ? აგერ უკვე რამდენი საუკუნეა ადამიანებს სულ 'კარგი' სურვილები აწუხებთ, უკეთესი სამყარო, კეთილშობილებით სავსე საზოგადოება, უკეთესი ცხოვრება და მისთანები.

 - ეგ სურვილები ყოველთვის იყო.

 - კი, მაგრამ დავიწყების ეშმაკს ბევრი რამ შეუძლია და ხშირად მეხმარება ხოლმე ერთი წარსული, სხვაგვარ წარსულად დახატოს.

 - სხვა რამ წინსვლა არ გაქვთ?

 - საქმე ისაა, რომ უნიკალური ფორმულა მოვიფიქრეთ. ადამიანები ისწრაფვიან ბედნიერებისკენ და ყველაფერს აკეთბენ ბედნიერებისთვის. როგორც სხვა დროსაც და სხვა მიმართლებით მოვქცეულვართ, აქაც ბედნიერება დავარქვით სხვა რამეს, კონკრეტულად კი სურვილების ასრულებას. ამიერიდან ადამიანებს არ სურთ ბედნიერება, მათ უნდათ რომ იყვნენ ისეთები, როგორიც მათ უნდათ, და ამას ეძახიან ბედნიერებას.

      წუთით გაჩუმდა ყველა. ბელზებულს ელოდნენ. 

 - შესანიშნავი მოფიქრებაა. - გაუხარდა ბელზებულს - მათ კარგი უნდათ საკუთარი თავისთვის, საკუთარ სურვილებზე კარგი კი რა უნდა იყოს? ბედნიერება = სურვილების ასრულებას და ყველანი ჩემთან მოდიან. დიდებულია, გამაოგნებელია, აღფროვანებული ვარ!

 - კიდევ გამახარებთ რაიმეთი? - ბელზებულს უკვე აღძროდა სურვილების ეშმაკისთვის თავმოწონების სურვილი და ამას იდენად მოეცვა მისი გონება, სურდა რაც შეიძლება მეტი ესაუბრა ამ თვალწარმტაც ეშმაკუნას.

 - თავადო, მე და ამპარტავნების ეშმაკმა, მეორე კაცმა თქვენს სამფლობელოში, რომელიც ჩემი მთავარი კონკურენტია შემოსავლების მხრივ, გაერთიანება გადავწყვიტეთ და საერთო გეგმაზე დავიწყეთ მუშაობა.

 - რა გეგმაა?

 - მორწმუნეების სურვილები, იყვნენ უფრო მორწმუნენი და სულიერად წარმატებულნი, წინ წასულნი.

 - თქვენ ჩვენთვის მუშაობთ თუ შეიცვალეთ ბატონი? - ირონიით დაეკითხა მამამთავარი.

 - სამწუხაროდ, არავის ძალუძს ორთა უფალთა მონება, ხომ გსმენიათ? ამიტომ კვლავ თქვენთან ვრჩებით უფრო მეტი შემართებით.

 - ეშმაკუნა, ძალიან ბევრს ხომ არ საუბრობთ, თქვით კონკრეტულად. - ჩაერია ვასილისკო.

 - ბოლო ხანებში ასეთი ამბავია საქრისტიანოში: "მარტო საჭმლის აკრძალვას რა აზრი აქვს თუ გულით არ იმარხულე? მარტო სიტყვების ბრახ-ბრუხს რა აზრი აქვს, თუ აზრი არ გამოიტანე ლოცვიდან? ზიარებას რა აზრი აქვს თუ გულით არ გწამს?"

 - მერედა, ეგ ყველაფერი ხომ მართალია? - ეჭვით უცქერდა ბელზებული.

 - დიახ! სწორადაც რომ მართალია, მაგრამ ჩვენთვის ხომ მთავარი შედეგებია? შედეგი კი ნამდვილად სახარბიელოა - მარხვაც პირობითიაო და აღარ მარხულობენ, ლოცვის სათქმელად გამოცხადებას ელოდებიან, ზიარება კი საერთოდ პურისა და ღვინის მიღება ჰგონიათ, მაგრამ ყველაზე მთავარი ისაა, რომ ღმერთი პიროვნებიდან იდეად გადააქციეს ბატონო ჩემო. დიახ! ის განკაცდა და ჩვენ დაგვამარცხა, ასეთ დღეში ჩაგვყარა, ახლა დროა ღმერთი კვლავ იდეად ვაქციოთ, პიროვნება მოვსპოთ მასში. აი, ამ საქმისთვის კი ამპარტავნება მეხმარება, რადგან მან კარგად იცის ადამიანს როგორ აგრძნობინოს საკუთარი სიდიადე ან უმრწემესობა, რომ ორივე შეთხვევაში ადამიანი მოაშოროს ღმერთს. ჰოდა, როგორც ქრისტიანები წერდნენ, თუკი სრულიად განეშორებიან ზიარებასა და უფალს, სრულიადცა წარწყმდებიან და ჩვენი კარი კი მათთვის პირამდე ღიაა.

 - და აქ თქვენ რა წვლილი გაქვთ?

 - აკი გითხარით, სურვილები ჩემო ბატონო, სურვილები. ადამიანებს არ სურთ ბედნიერება, მათ სურთ იყვნენ ისეთები, როგორებიც მათ სურთ.

გაგრძელება ►

აქვე წაიკითხეთ წინა გამომსვლელის სიტყვა:

დათითოკაცება

ნახვა: 426

ტეგები: Qwelly, ბედნიერება, ბლოგი, სარწმუნოება, შეკრებები_ჯოჯოხეთში

Kakha: დეკემბერი 14, 2015||7:40pm

როდის იკრიბებიან ხოლმე? ჩვეულებრივ ორშაბათობით დილის 9:00_ზე ? :D:D საინტერესო სხდომები აქვთ!! ფროიდი მოწვეული მრჩეველია ალბათ! ეგ ისე ვერ გაჩერდება უსაქმოდ!! 

BrOliKa: დეკემბერი 14, 2015||7:44pm
დასწრების სურვილი ხომ არ გაგიჩნდა??:D
Kakha: დეკემბერი 14, 2015||7:53pm

არა დასწრება არ მინდა, მაგათ საბჭოს საინტერესო იდეები აქვს :DD 

BrOliKa: დეკემბერი 14, 2015||9:03pm
ხო ჯობს ისევ მაგათ გარეშე მოგვარდეს ყველაფერი :D
Kakha: დეკემბერი 15, 2015||12:37pm

რატომ უყურებ ასე ეჭვის თვალით? :DD ნუთუ არ ენდობი ამათ? :DD

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

უზენაესი გამარჯვება რუსეთზე და ცივი აცრა

გამოაქვეყნა Giorgi_მ.
თარიღი: იანვარი 21, 2021.
საათი: 11:03pm 0 კომენტარი

      დავაში გამარჯვებული ქვეყნის სტატუსი გვაქვს - რუსეთს მოვუგეთ. მართალია ომიც მოვუგეთ 2008-ში, მაგრამ აღმოჩნდა რომ არ მოგვიგია. ახლა კი სტრასბურგში მოვუგეთ - უზენაესი სამართლის სახელით მოღვაწე ამ ორგანიზაციაში. ქვეყანა ამ გამარჯვებას ზეიმობს, იქით კოვიდის ვაქცინაციას იწყებს, აქეთ ელიაშვილის ოპოზიციონერობას განიხიავს. მელაშვილისა და ილიჩოვას საქმის გამოძიებაც დასრულდა. ბაიდენი - პრეზიდენტია! რაც შეეხება კორონავირუსს - დადასტურებული შემთხვევა -…

გაგრძელება

გირჩულ-ელისაშვილური ტანდემი, პანდემიის შემცირება და ნავალნის დაპატიმრება

გამოაქვეყნა Giorgi_მ.
თარიღი: იანვარი 18, 2021.
საათი: 10:30pm 3 კომენტარი

      როცა შიდა ამბებში აქტიურობა კლებულობს, გარედან მეტი ნიუსი ისმისო, უთქვამთ. ასე იყო დღესაც - ნავალნის რუსეთში ჩასვლა და მისი დაპატიმრება ჩვენი პოლიტიკური ამბების ნაწილიც გახდა და შეფასებებიც ისმოდა ქართულ ინტერვიუებში. ქვეყნის შიგნით ელისაშვილის და გირჩის დამეგობრების და დანარჩენ ოპოზიციასთან კინკლაობის ამბავია. რაც შეეხება კორონავირუსს - დადასტურებული შემთხვევა - 247915, გუშინ დილის შემდეგ - 110; გამოჯანმრთელებული - 234636, გუშინ დილის შემდეგ…

გაგრძელება

კაპიტოლიუმის დაცვა

გამოაქვეყნა Tamila Moshiashvili_მ.
თარიღი: იანვარი 17, 2021.
საათი: 6:46pm 1 კომენტარი

      უკვე დიდი ხანია, ამერიკას ასეთი რამ არ უნახავსო, ასეთი სირცხვილი არ უგემია და ასეთი უსუსური არ ყოფილაო - ასეთი შეფასებები ისმოდა ტრამპის მხარდამჭერების კაპიტოლიუმში შეჭრის შეფასებებში. ეს ამბავი, მართლაც იანვრის მთავარი ნიუსი იყო და სულ მალე, შეჭრილი „აჭრილები“ მსოფლიოს ვირუსულად მოედნენ, გაპოპულარულდნენ და გავარსკვლავდნენ.…

გაგრძელება

შეცვალე შენი ცხოვრება - გაუხსენი გზა პირად განვითარებას

გამოაქვეყნა EFTcheat_მ.
თარიღი: იანვარი 15, 2021.
საათი: 2:30pm 0 კომენტარი





Sometimes we reach a point in our life whenever we are ready for change and self improvement. Items aren't going so well for all of us, or painful or disappointing events seem to be to keep repeating themselves in our lives. You know very well what I mean; such things as continually choosing the wrong partner or the wrong job, or maybe it's just the feeling you are stuck in a rut with absolutely nothing exciting to look forward to on the horizon. A person start to think, "I need…

გაგრძელება

Qwelly World

free counters