ნიკოლოზ ჩოხელის სამკურნალოდ მოწყობილი საქველმოქმედო სპექტაკლი

      არტ ჰოლის დარბაზში (ცოტნე დადიანის #26), ხარაგაულის, რეზო თაბუკაშვილის სახელობის თეატრმა წარმოადგინა ლიტერატურული მონოსპექტაკლი "ამ მიწის ბედი ჩემი ბედია". სპექტაკლი ქართველი მწერლისა და რეჟისორის, გოდერძი ჩოხელის ცხოვრება-შემოქმედებას მიეძღვნა და საქველმოქმედო ხასიათს ატარებდა - 26 წლის ნიკოლოზ ჩოხელი სიკვდილს ებრძვის და სწორედ მის დასახმარებლად და თანხების შესაკრებად გაიმართა. გარდა თეატრალური წარმოდგენისა, თანამედროვე ავტორებმა, საკუთარი წიგნები გამოიტანეს გასაყიდად და შემოსული თანხა მთლიანად ნიკოლოზის დასახმარებლად გადარიცხეს. ასევე, საღამოს ერთ-ერთმა მასპინძელმა, მხატვარ-დიზაინერმა მაქს შარითმა (იგი ისრაელის მოქალაქეც გახლავთ) თავისი ხელოვნების ძვირადღირებული რამდენიმე ნიმუში დაბალ ფასად გამოიტანა გასაყიდად, საიდანაც მიღებული თანხა უნდა მოხმარებოდა ნიკოლოზის მკურნალობას.

Qwelly, blog, news, სპექტაკლი, ქველმოქმედება, საქველმოქმედო სპექტაკლი, ნიკოლოზ ჩოხელი, გოდერძი ჩოხელი, არტკომი, რეზო თაბუკაშვილი, მონოსპექტაკლი, ლიტერატურა, monospeqtakli, nikoloz choxeli

      სპექტაკლის დაწყებამდე ღონისძიების შესახებ მოკლედ ისაუბრა ხარაგაულის თეატრის რეჟისორმა იზა ვეფხვაძემ, წარადგინა მისი მასპინძლები და თანამდგომნი, შემდეგ კი არტკომის დარბაზში დაიწყო მონოსპექტკალი, რომლის რეჟისორმა და წამყვანმა, ქალბატონმა იზა ვეფხვაძემ ძალზე მგრძნობიარედ და ემოციურად დაგვიხატა მწერლის ბავშვობა, მისი განცდები და ოცნებები, მისი სტუდენტობისდროინდელი საოცარი თავგადასავლები, მისი მრავალმხრივი კოლორიტული შემოქმედება პროზაში, პოეზიასა და კინოში, მისი ტრაგიკული აღსასრული. სულ 1 საათიან სპექტაკლში ქალბატონმა იზამ ამაღელვებლად გადმოგვცა მწერლის სამყარო, წარმოგვიდგინა მისი სუფთა და სიკეთით აღსავსე პერსონაჟები, სწრაფვა ადამიანებს შორის ურთიერთსიყვარულისაკენ, სულიერებისაკენ, მოწოდება პატრიოტიზმისაკენ. იქვე ხაზი გაესვა, რომ ავტორის შემოქმედების თითქმის მუდმივი თანამდევი სევდიანი განწყობა გოდერძი ჩოხელს ადამიანური ამპარტავნების შეკავების საშუალებად მიაჩნდა. იგი განსაკუთრებულად მტკივნეულად განიცდიდა სამშობლოს, ქართველი ხალხის ბედს, მისი ცხოვრების ბოლო ხანებში დამკვიდრებულ ადამიანთა გაუტანლობას, სიხარბეს, გულგრილობას, თვალთმაქცობასა და სხვა უარყოფით თვისებებს, რასაც თავის შემოქმედებაში ადამიანთა შორის მგლების მომრავლებით ასახავდა... ამასთან ერთად ის სამშობლოს ბედს თავის პირად ცხოვრებას უკავშირებდა და მასთან ერთად იტანჯებოდა. უამრავი სადარდებელი გააჩნდა პირად ცხოვრებაში: გამოუქვეყნებელი პოეტური და პროზაული ნაწარმოებები, ფილმების გადაღების აუხდენელი ოცნება, ოჯახის მატერიალურად შენახვა და სხვანი, რაც გულს უსერავდა მას, და ბოლოს მისმა გულმა ვეღარ გაუძლო კიდეც ამდენ ვარამს...

      სპექტაკლის შუა ნაწილში წარმოდგენილი იქნა გოდერძი ჩოხელის ფილმებიდან ნაწყვეტები, რამაც ქალბატონ იზას მიერ შთამბეჭდავად დახატულ ავტორის ცხოვრება-მოღვაწეობის სურათებს სიცოცხლე შეჰმატა...

      სპექტაკლით განცდილი ამაღელვებელი და სასიამოვნო განწყობა, მიღებული შთაბეჭდილებანი გააძლიერა მისი დამთავრების შემდეგ საქველმოქმედო ღონისძიების შეჯამებამ, საიდანაც შემოსული თანხის რაოდენობა და მათი შემწირველთა გვარები დიდი სიამოვნებით იქნა წაკითხული. მართლაც, ყველას აღტაცება დაგვეუფლა _ დაახლოებით 50 ადამიანის მიერ შემოწირვით, წიგნებისა და მაქს შარითის ნიმუშების შეძენით შემოსული იქნა 3662 ლარი, რომელიც მეორე დღესვე უნდა ჩარიცხულიყო ნიკოლოზის მკურნალობისთვის გახსნილ ანგარიშზე.

      ძალზე სასიამოვნოა, რომ აღნიშნული საქველმოქმედო თეატრალური საღამო ერთ-ერთი იყო საქართველოში ამავე მიზნით გამართულ მრავალ ღონისძიებას შორის, საიდანაც, იმედია, საკმარისზე მეტი თანხა მოგროვდება ნიკოლოზ ჩოხელის სიცოცხლის გადასარჩენად, რასაც ლოცვითაც უნდა შევეწიოთ...

ნახვა: 173

ტეგები: Qwelly, არტკომი, ბლოგი, ლიტერატურა, მონოსპექტაკლი, ნიკოლოზ_ჩოხელი, რეზო_თაბუკაშვილი, საქველმოქმედო_საღამო, საქველმოქმედო_სპექტაკლი, სპექტაკლი, მეტი...ქველმოქმედება

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ევროპაში ჩავარდნილი პროექტი, დიპლომატები საქართველოში და უგულავას მილიონები

გამოაქვეყნა Giorgi_მ.
თარიღი: თებერვალი 13, 2020.
საათი: 10:56pm 2 კომენტარი

      დედაქალაქი ძალიან დაიჩაგრა. ეს ის შემთხვევაა, როდესაც ცენტრალიზებული მართვის პირობებში, მთავარი ქალაქი ბუნებამ დაჩაგრა - ყველგან თოვს, ზღვისსპირეთში, მთის კალთა-კიდეებზე, დიდ-მცირე ქალაქებში, გორშიც კი, მაგრამ თბილისში არა და არ თოვს. რაც შეეხება პოლიტიკურ ამბავნარს, დღის მთავარი თემა ევროკავშირთან პროეტების და კანონების განხილვა იყო და უგულავას საქმეზე კომისიობანა და კომენტარობანა.

საქართველოს და მსოფლიოს ამბები / 13…

გაგრძელება

ოსკარის ვარსკვლავური დერეფანი - წითელი ხალიჩა 2020

გამოაქვეყნა Tamila Moshiashvili_მ.
თარიღი: თებერვალი 12, 2020.
საათი: 11:28am 2 კომენტარი

      მართალია ეს არც მილანური დეფილეა და არც პარიზის მოდის კვირეულია, მაგრამ ოსკარი რომ მოდის დიზაინერებისთვის ერთ-ერთი ყველაზე დიდი თავსატეხია, რაც აგერ უკვე მრავალი წელია დასტურდება. წითელ ხალიჩაზე ჩავლილმა ვარსკვლავებმა ისეთი შთაბეჭდილება უნდა დატოვონ, რომ მთელი წელი მათ კაბებზე საუბრობდეს მედია და მოდის სამყარო. ჩვენც, მოურიდებლად გვმართებს თვალი ვადევნოთ ვარსკვლავების ჩაცმულობა-მორთულობას, რათა შემდეგ ჩვენს ქუჩებშიც იარონ ნატალი პორტმანებმა,…

გაგრძელება

მესამე და სამართალიო

გამოაქვეყნა Giorgi_მ.
თარიღი: თებერვალი 11, 2020.
საათი: 11:00pm 4 კომენტარი

      კორონა ვირუსზე მხოლოდ ერთსღა ამბობს მსოფლიო ჯანდაცვის ორგანიზაციის ხელმძღვანელი - სოლიდარობა და გვერდში დგომა გვიშველისო. ეს მსოფლიო ამბავი, ხოლო ქვეყნის შიდა ამბავი, რომელმაც მსოფლიოს ყურადღებაც კი მიიპყრო სტატიებით და კომენტარებით - უგულავას ციხეში აღმოჩენის ამბავია. მთელი დღე მუქარების და თავის მართლების ტექსტებს მიეძღვნა. მეორე ამბავიც ამავე თემას უკავშირდება - კონსესუსი არ ჩანს ჰორიზონტზე და ამიტომ ჯერ კიდევ რთულია პროპორციების…

გაგრძელება

უგულავა ისევ დაკავებულია და პროპორციებით საკუთარი წილების დათმობა არავის უნდა

გამოაქვეყნა Giorgi_მ.
თარიღი: თებერვალი 10, 2020.
საათი: 11:00pm 1 კომენტარი

      ყინვიანი კვირა დაიწყო და ჯერ მხოლოდ შესავალიაო ამბობენ, რადგან დღეს და ხვალ ყინვა კიდევ უფრო მოიკრებს ძალებს, ხოლო 12_ში თოვლიც იგეგმება და ზღვაზე კი შტორმი. პოლიტიკური შტორმი კი დაკავებით დაიწყო - დღეს გიგი უგულავას ფონდის საქმეზე 3 წლიანი პატიმრობა მიუსაჯა და დააკავა კიდეც - უგულავა თავად გამოცხადდა შსს-ში. როგორც პოლიტიკოსის დაკავებისას ხდება ხოლმე, დღის მთავარი თემა სწორედ ეს ამბავი იყო. არჩევნები კარზეა მომდგარი და ჯერ კიდევ ვერ…

გაგრძელება

Qwelly World

free counters