შუაშისტი გუმათელები, ქირურგია სასამართლოში და 2024-ში ევროკავშირში თან კი, თან არა!

      ჯერ-ჯერობით წრეზე დავდივართ, იგულისხმება ის რომ დღის ამბებში კვლავ ამნისტიის კანონპროექტი, მოსამართლეების დანიშვნა-არ დანიშნვა ისმის და მისთანები. დღეს ასევე გახარიას პარტიის ლოგო გამოჩნდა და ხვალი პრეზენტაციის ანონსები. გუშინ გუმათში დაკავებულების სასამართლოებიც ჩაინიშნა და პროტესტის ორჭოფობული გამოხმაურებებიც. ევროკავშირში გველიან, მაგრამ არ მიგვიღებენ. დოლარმაც ცოტა კიდევ დაიწია - ჩვენს ქვეყანაში, 1 აშშ დოლარი - 3.2779 ლარია.

საქართველოს და მსოფლიოს ამბები | 28 მაისი, 2021

qwellynews, სიახლეები, ნიუსები, ამბები

      #კოვიდსაქართველო - საქართველოში კორონავირუსით ინფიცირების 1056 ახალი შემთხვევა გამოვლინდა, ქვეყანაში ბოლო 24 საათში 38 921 ტესტი ჩატარდა. 28 ადამიანი გარდაიცვალა. შინაგან საქმეთა სამინისტრომ კოვიდ-19-ის წინააღმდეგ ბრძოლის მიზნით მოქმედი რეგულაციების დარღვევის 1183 ფაქტი გამოავლინა. ვაქცინაციის მსურველთა გასარკვევად შექმნილ ვებ-გვერდზე, დღეის მდგომარეობით, 106494 მოქალაქეა დარეგისტრირებული. ამირან გამყრელიძე „სინოფარმის“ ვაქცინის მეორე დოზით აიცრა. ვახტანგ კალოიანი - „ფაიზერი“ „ინდური შტამის“ მიმართ 80%-ის ფარგლებშია ეფექტური, "ასტრაზენეკა" 60%-იანი დაცვით ხასიათდება, „სინოფარმის“ და „სინოვაკის“ ეფექტურობის ამსახველი ციფრები ჯერ გამოქვეყნებული არაა. ბიძინა კულუმბეგოვი - არანაირი მინიშნება, რომ „ინდური ვარიანტი“ იწვევს უფრო მძიმე დაავადებას ან ხანგრძლივ ავადობას, არ არსებობს, ამ მხრივ, შეშფოთების საფუძველი არ გვაქვს. თუ შემოდგომამდე დასახულ მიზნებს მივუახლოვდებით, მაშინ გვექნება იმედი, რომ შემოდგომაზე „მეოთხე ტალღა“ ქვეყნისთვის ძალიან მძიმე არ იქნება. აჭარაში კორონავირუსის შედეგად 61 წლის ექიმი გარდაიცვალა. ხათუნა ზახაშვილი - დაირაზმეთ ყველანი, წადით და ჩაიტარეთ ვაქცინაცია - არსებული ვაქცინები ფარავენ ყველა მუტირებულ შტამს. იაპონია „ფაიზერის“ ვაქცინის 12-15 წლის ასაკის ბავშვებში გამოყენებების ნებართვას გასცემს. ივანე ჩხაიძე „ინდურ შტამზე“ - თუ უფრო მეტად გეშინიათ, გაიკეთეთ ორი ნიღაბი, არაფერი ცუდი ამაში არ არის და აუცილებლად იფიქრეთ ვაქცინაციაზე. „ევროპის წამლის სააგენტომ“ 12-15 წლის ასაკის მოზარდებში Pfizer-ის კორონავირუსის საწინააღმდეგო ვაქცინის გამოყენება დაამტკიცა.

      ტურიზმი - ნათია თურნავა - ტურიზმის მხარდამჭერი ფონდისა და მთავრობის დახმარებით ტურიზმის სექტორში მომუშავე კომპანიები შეძლებენ ხმა მიაწვდინონ ყველა პოტენციურ საერთაშორისო ვიზიტორს.

      ამინსტია - ალეკო ელისაშვილი - ამიდუღდა ტვინი, რომ გამეგო, რა განსხვავება იყო ამნისტიის ორ პროექტს შორის და არაფერი დიდი განსხვავებები არ არის, სავსებით შესაძლებელია კომპრომისი. თუკი ამნისტიის თაობაზე შეჯერებული დოკუმენტი არ იქნება, ჩვენ არანაირ ამნისტიას მხარს არ დავუჭერთ. ვინმე ქრისტიანმა ამიხსნას, რა განსხვავებაა ამნისტიის ერთ ან მეორე კანონპროექტში - გუშინ „დახოცილები“ წავედით პარლამენტიდან და რისთვის? ბადრი ჯაფარიძის განცხადებით, ოპოზიცია შეეცდება, „ამნისტიის შესახებ“ მის მიერ მომზადებულ კანონპროექტს პარლამენტში რაც შეიძლება მეტი მხარდამჭერი გამოუჩნდეს. ანრი ოხანაშვილი - „სტრატეგია აღმაშენებელი“ და „ლელო“ „ნაციონალური მოძრაობის“ ტყვეობიდან ვერ გამოდიან - ამნისტიასთან დაკავშირებით მათთან პოზიციების დაახლოების რესურსი იკლებს.

      გაურკვევლობა - მარინა კალიურანდი - გულწრფელად გითხრათ, ვერაფრით ვუგებ მათ, ვინც პარლამენტში არ შევიდა - მოვუწოდებ ყველა პოლიტიკოსს, აიღონ მანდატი და დაიწყონ მუშაობა საქართველოს პარლამენტში. ირაკლი კობახიძე - არანაირი პრინციპული განსხვავება არ იქნება, შემოვა თუ არა პარლამენტში „ნაციონალური მოძრაობა“ - რაც უნდა, ის გააკეთოს. დავით ზალკალიანის განცხადებით, ევროპარლამენტარებისთვის გაუგებარია ის სპეკულაციები, რომელიც პარლამენტში შესვლასთან დაკავშირებით დღემდე მიმდინარეობს. ალეკო ელისაშვილი „ნაცმოძრაობაზე“ - ხომ აპირებდნენ პარლამენტიდან ჩემი ფეხით გამოთრევას - ვნახავ, ამისთვის შემოდიან თუ იმისთვის, რომ სავარძლებში დასკუპდნენ, აი ეს მაინტერესებს!

      გუმათი - გუმათში დაკავებულების ადვოკატი - სამართალდამცავების მხრიდან დამამცირებელ და ირონიულ მოპყრობას ჰქონდა ადგილი - ეუბნებოდნენ, მოვიდეს ახლა ვარლამი, გადაიხადოს ჯარიმებიო. „რიონის ხეობის მცველები“ გუმათის შესავლელს კვლავ აკონტროლებენ, რათა კომპანია „ენკას“ ტექნიკას რიონის ხეობაში შესვლის საშუალება არ მიეცეს. ანა დოლიძე „ნამახვანჰესთან“ დაკავშირებით პარლამენტში დროებითი საგამოძიებო კომისიის შექმნას ითხოვს. ირაკლი კობახიძე „რიონის ხეობის მცველების“ აქციაზე - გუშინ პროტესტის ფორმები აბსოლუტურად მიუღებელი იყო. გუმათში „ნამახვანჰესის“ მოწინააღმდეგეები ბარიკადებს ხელებს ურტყამენ და ითხოვენ, რომ ნამახვანისკენ გზის გაგრძელების საშუალება მიეცეთ. „რიონის ხეობის მცველებმა“ სოფელ ტვიშში წასვლა და იქ დაგეგმილი აქტივობები, რომელიც „ნამახვანჰესის“ მშენებლობის წინააღმდეგ იყო მიმართული, გადადეს. სოფელ გუმათში, „ნამახვანჰესის“ მშენებელი კომპანიის „ენკას“ საწყობის ეზოში სამართალდამცველების მობილიზებაა. ვარლამ გოლეთიანი დაფინანსებაზე - გადავწყვიტეთ, რომ ეს ყველაფერი სპეკულაციის საგნად არ დარჩეს, დავიქირავეთ აუდიტი და ყველაფერი ჩვენს „ფეისბუქ“ გვერდზე გამოქვეყნდება. მამუკა ხაზარაძე - დისკუსია - უნდა აშენდეს თუ არა, უნდა შევწყვიტოთ, პასუხია კი! რომან გოცირიძე - მიხეილ სააკაშვილს არ ვეთანხმები, საქართველოს ჰესები სჭირდება.

      ქირურგია სასამართლოში - ანა ნაცვლიშვილი - სასამართლოს სჭირდება ქირურგიული ჩარევა, ის არის ძალიან მძიმე მდგომარეობაში. ანა დოლიძე - ერთი თავისუფალი ადამიანის და მოსამართლის შესვლაც იუსტიციის საბჭოში ნიშნავს უდიდეს ზიანს „კლანისთვის“, ამიტომ ცდილობენ ბოლომდე ჩაებღაუჭონ მართვის შესაძლებლობას. ირაკლი კობახიძე - რეფორმაზე მომუშავე ჯგუფი, მათ შორის, საერთაშორისო ექსპერტების ჩართულობით სასამართლო სისტემაში არსებულ მდგომარეობას შეისწავლის. ირაკლი კობახიძის განცხადებით, იუსტიციის უმაღლესი საბჭოს წევრების დამტკიცების პროცედურის გადადების საფუძველი არ არსებობს. დავით უსუფაშვილი - სასამართლოსადმი ნდობის გაზრდის გარეშე, ჩვენ სახელმწიფოებრიობის დიდი რისკები გვაქვს. ანრი ოხანაშვილი - სასამართლო სისტემა სრულად უნდა იყოს დაცლილი პოლიტიკისგან, რაც "ქართული ოცნების" გუნდმა 2012 წლიდან რეფორმების შედეგად გავაკეთეთ.

      ევროკავშირი 2024-ში - მარინა კალიურანდი - არ არსებობს კონსენსუსი ევროკავშირის გაფართოების საკითხზე - მნიშვნელოვანია გააზრება და ქართველი ხალხის ამბიციების შემცირება, რადგან თქვენ ვერ მიიღებთ „კის“ 2024 წელს. დავით ზალკალიანი - მოწონებულ იქნა ევროკავშირში წევრობაზე განაცხადის გასაკეთებლად გასატარებელ ღონისძიებათა კონცეფცია, რომელიც ყველა იმ ნაბიჯს მოიცავს, რაც გადასადგმელია 2024 წლამდე.

      „ევროპული საქართველოს“ წევრი ლაშა დამენია ბუნებრივი აირის ტარიფის 8 თეთრით გაზრდას ხელისუფლების არასწორ პოლიტიკას უკავშირებს.

      „საერთაშორისო გამჭვირვალობა - საქართველო“ - 2020 წელს, მმართველმა პარტიამ რეკლამაზე 14,387,881 ლარი დახარჯა, რაც ყველა პარტიის სარეკლამო დანახარჯების 45% იყო.

      გახარიას გუნდი - გიორგი გახარია პარტიის პრეზენტაციას ხვალ გამართავს. დავით ბერძენიშვილი - გიორგი გახარია სამეგრელოში, ზოგადად, ნაციონალურ ველზე ინადირებს, თბილისში ძირითადად ნაქოცარების იმედად იქნება, მისი შედეგი კი ერთნიშნა იქნება. თეა წულუკიანი - არ მგონია, რომ იმ პოლიტიკურ ბრძოლაში, რომელიც ოქტომბერში გაიმართება, ვინმე ჩვენს "ბეჭებზე დაცემას" შეძლებს - არ მგონია, რომ გახარიას პოლიტიკაში ადვილი გზა ექნება. საქართველოს ყოფილი ელჩი ნატო-ში, ლევან დოლიძე გიორგი გახარიას გუნდს უერთდება.

საზღვარგარეთულები:

      #კოვიდმსოფლიო - სომხეთში კორონავირუსით ინფიცირების 104 ახალი შემთხვევა გამოვლინდა და 7 პაციენტი გარდაიცვალა.

      აზერბაიჯანის საგარეო უწყება - სომხეთის შეიარაღებულმა ძალებმა ჩვენს პოზიციებს ცეცხლი გაუხსნა, დაჭრილია ერთი სამხედრო მოსამსახურე.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 37

ტეგები: qwellynews, ამბები, ბლოგი, მაისი, ნიუსები, სიახლეები

Kakha: ივნისი 7, 2021||11:12am

შემოსავლების სამსახურს, რომელსაც ევალება ადმინისტრირება და მენეჯმენტი, დაარეგულიროს გადასახადის გადამხდელის და სახელმწიფოს ურთიერთობა, ჩვეულებრივი ფულის ამომღებია და მეტი არაფერი (( 

ასე დიდხანს ვერ გაუძლებს და ბოლოს წააგებს სახელმწიფო, ხოლო მოგების მიზნით საქმიანობის განმახორციელებელი კი დაიხურება, მერე ჰოსტელებზე და სასტუმროების შემყურე მშიერი კატების ქვეყანა გახდება )) 

Kakha: ივნისი 11, 2021||2:48pm

რა ცუდია როცა ადამიანს მხოლოდ ერთი პროფესია აქვს და სხვა არაფერი შეუძლია


ასეთს ვერსად ვერ გაუშვებ საქმეზე :D

☆ იულიუს ჰოფმანი 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ოლიმპიადა ყოველდღიურობაში

გამოაქვეყნა Tamila Moshiashvili_მ.
თარიღი: ივლისი 24, 2021.
საათი: 11:41pm 0 კომენტარი

      როგორი პოლიტიკური დღის წესრიგიც არ უნდა იყოს მსოფლიოში, როგორი პოლიტიზირებულიც არ უნდა იყოს სპორტი, ოლიმპიური თამაშები მაინც ერთ-ერთი ყველაზე მნიშვნელოვანი სპორტული მოვლენაა, რომელსაც მილიონობით ადამიანი ელოდება. შარშანდელი ოლიმპიადა წელს ტარდება, მაგრამ ხალხის გარეშე. იაპონიამ, მხოლოდ დელეგატები და მონაწილეები მიიღო და უმასპინძლა. დღეს არა თავად ოლიმპიურ თამაშებზე, არამედ მის დახვედრაზე ვისაუბრებთ. ტოკიოში, ნაკამეგუროს რაიონში მოღვაწეობს…

გაგრძელება

მინისტრების დღე და ქალ-ვაჟური ჭიდაობები პარლამენტში

გამოაქვეყნა Giorgi_მ.
თარიღი: ივლისი 22, 2021.
საათი: 11:12pm 0 კომენტარი

      ვაქცინაცია ისეთ ძალებს იკრებს, რომ მალე ყველა აიცრება, ან ვინც არ აიცრება, მარგინალიზდება. ამიტომ დღის ერთ-ერთი მთავარი ამბავი სწორედ ეს არის, სხვა მიმართულებებიც მრავლად იყო - თავდაცვის მინისტრის გამოსვლა, მერე ფინანსთა მინისტრისა და მისი მოადგილის საპარლამენტო ამბები, ასევე ცესკოს თავმჯდომარის ვაკანსია და კალაძის წინასაარჩევნო კამპანია, ცხადია, ბოკუჩავას და პაპუაშვილის ამბებიც განიხილებოდა. ვალუტის კურსი - 1 აშშ დოლარი - 3.1191…

გაგრძელება

ასოცირებული ტრიო და მომრიგებელი დესპანი

გამოაქვეყნა Giorgi_მ.
თარიღი: ივლისი 19, 2021.
საათი: 11:30pm 0 კომენტარი

      ადრე უკევ დავწერე, როცა ევროპელები მოდიან, მთელი დღე მათია მეთქი. ამჯერადაც ასე იყო. დღეს კიდევ ერთხელ გვეწვია შარლ მიშელი და მთელი დღეს მის გარშემო დატრიალდებოდა, რომ არა კიდევ ორი უცხოელი სტუმარი - ორი პრეზიდენტი, მოლდოვისა და უკრაინის. ეს ყველანი ბათუმში შიკრიბდნენ სამიტზე და დღის მთავარი ამბები მთლიანად მათ დაისაკუთრეს. ვალუტის კურსი - 1 აშშ დოლარი - 3.1076 ლარია.

საქართველოს და…

გაგრძელება

მსოფლიოს ფერი

გამოაქვეყნა Tamila Moshiashvili_მ.
თარიღი: ივლისი 18, 2021.
საათი: 6:13pm 0 კომენტარი

      მათემატიკაში კარგად დამკვიდრებული სტატისტიკური მონაცემია საშუალო არითმეტიკული. მაგრამ მხოლოდ მატემატიკური სიდიდეები როდი იზომება საშუალოთი? დღეს ფერები უნდა გავზომოთ. როგორ წარმოგიგენიათ, რა უნდა იყოს საქართველოს საშუალო ფერი მთელი ტერიტორიის ფიზიკური რუკის ანალიზის საფუძველზე? თან სატელიტური მონაცემით. მოგეხსენებათ, როდესაც სატელიტიდან ათვალიერებ დედამიწას, თეთრი ფერიდან მუქ ყავისფერამდე უსასრულოდ ვრცელი პალიტრაა წარმოდგენილი, მაგრამ…

გაგრძელება

Qwelly World

free counters