შუალედურები, გამოცდების გამო ცდები, მმართველის ეპისტოლეები და თბილისური ამბები

      ადრე შუალედურების ხსენება უნივერსიტეტს და გამოცდებს უკავშირდებოდა, ახლა უკვე არჩევნებიც შუალედური გვაქვს და მაისში ველოებით. ასეთი იყო აპრილის ახალი კვირის პირველი თემა. დღის თემების და გამოხმაურებების ნაწილი დაეთმო ბიძინა ივანიშვილის მორიგ წერილს, ასევე გამოცდების გაუქმების გაუქმებას და დედაქალაქურ ამბებს.

საქართველოს და მსოფლიოს ამბები / 8 აპრილი, 2019/

      გამოცდების ყოფნა - არ ყოფნა - სკოლებში გამოსაშვები გამოცდების გაუქმებასთან დაკავშირებულ კანონპროექტს პარლამენტში დღეს კენჭს ხელახლა უყრიან. სერგო რატიანი - მეთორმეტე კლასელებისთვის გამოცდების გაუქმების საკითხის ჩავარდნა „ქართული ოცნების“ უპასუხისმგებლობაზე მეტყველებს. მამუკა ბახტაძის მიმართვა, რაც გამოსაშვები გამოცდების გაუქმების შესახებ პროექტის ხელახლა კენჭისყრას გულისხმობს, პარლამენტის ბიუროს წარედგინება. თინა ბოკუჩავა - შესაძლოა, დღეს უნარები მოუხსნან აბიტურიენტებს, მაგრამ ვფიქრობ, უნარებში ტრენინგები და ტესტები დეპუტატებისთვის უნდა შემოიღონ.

      შუალედურები - კარლ ჰარცელი აცხადებს, რომ 19 მაისს დანიშნულ შუალედურ არჩევნებს ევროკავშირი ყურადღებით დააკვირდება.

      თავადური ძალადობა - დავით ბაგრატიონ-მუხრანელის მიერ შესაძლო ძალადობის საქმეზე შორენა ბეგაშვილი და კიდევ ერთი ქალი გამოიკითხება. ადვოკატი - დავით ბაგრატიონმა ავიაბილეთი დედის ავადმყოფობის გაგებამდე აიღო - ესპანეთში წასვლამდე ანას ისე გამოემშვიდობა, თითქოს მეორედ ვეღარ ნახავდა.

      გვენეტაძე პარლამენტში, საბანკო სამყაროს ამბებით - ირაკლი მეზურნიშვილი - კობა გვენეტაძემ წარმოადგინა ფაქტები და უფრო ნათელი გახდა რა ხდებოდა „თიბისი ბანკის“, ბადრი ჯაფარიძის და მამუკა ხაზარაძის გარშემო. ხათუნა გოგორიშვილი კობა გვენეტაძეს - ვერ წარმოიდგენთ, რომ 2000-3000-4000 ლარი შეიძლება სესხად დასჭირდეს ადამიანს, იმიტომ, რომ ეს თქვენი ერთი ან ორი დღის შემოსავალია. ირმა ნადირაშვილი კობა გვენეტაძეს - თქვენ ნასიამოვნები ხართ იმ საქმით, რაც „თიბისის“ დამართეთ - ცუდად მოიქეცით, თქვენი საქციელი ვერ ჩაივლის უკვალოდ. კობა გვენეტაძე - ჩვენ მიერ გატარებული თითოეული ღონისძიების სამართლიანობაში ერთი წუთითაც არ მეპარება ეჭვი. ოთარ კახიძე გვენეტაძეს - თქვენ ხართ სახელმწიფო ინსტიტუტის ხელმძღვანელი და არ შეიძლება საკუთარი თავი გამოაყენებინოთ პარტიის თავმჯდომარეს. კობა გვენეტაძე - ისეთ ფაქტებზე ვისაუბრე, რომელთა შესახებ საზედამხედველო ორგანოები საჯაროდ არ საუბრობენ - დიდი იმედი მაქვს, ეს ბოლო შემთხვევა იქნება. კობა გვენეტაძე - საკუთარი რეპუტაციის შელახვის რისკის ფასად, ვცდილობდით, არ გვესაუბრა „თიბისი ბანკის“ საქმის დეტალებზე. კობა გვენეტაძე საბანკო რეგულაციებზე - საჭიროა ანალიზი, რის შემდეგაც, აუცილებლობის შემთხვევაში, საჭირო ცვლილებებს განვახორციელებთ.

      სპორტული დაპირისპირება - მსოფლიოს ჩემპიონი ირმა ხეცურიანი - ნუ შეგვიქმნით ხელოვნურად დაბრკოლებებს გარედან და ნუ ცდილობთ გააჩინოთ დაპირისპირება სპორტსმენებს შორის.

      სიბრძე წერილებში - ბიძინა ივანიშვილი - უნდა გვახსოვდეს, რომ „ეშმაკი ყოფს“ და განხეთქილებისკენ გვიბიძგებს! პარტია „ქართული ოცნების“ თავმჯდომარე ბიძინა ივანიშვილი ღია წერილს ავრცელებს. ყოფილი პრემიერი 1989 წლის 9 აპრილიდან დღემდე ქვეყნის მიერ განვლილ გზას აფასებს, შედეგებს აჯამებს და მიიჩნევს, რომ „წარსულში მიბრუნება დღეს სრულიად წარმოუდგენელია“. რომან გოცირიძე ივანიშვილის წერილზე - ეს წერილი ისტორიის დამახინჯებული შეფასებაა - მთელი მისი სულისკვეთება არის „დაველოდოთ“, „მოვითმინოთ“. არჩილ თალაკვაძე - ბიძინა ივანიშვილის მიმართვა ამ შემთხვევაშიც განმსჭვალულია პატრიოტიზმით, სამშობლოს სიყვარულით და არის სიღრმისეული ანალიზი. გიორგი ქობულია ივანიშვილის წერილზე - დიახ, ჩვენი დემოკრატიის განვითარება წინ უსწრებს ეკონომიკის განვითარებას, ამაში მე ვეთანხმები.

      დიღმის აფეთქების გარშემო - კახა კალაძის განცხადებით, საცხოვრებელ კორპუსებში ბუნებრივი აირის გაჟონვის ამომცნობი დეტექტორები უახლოეს თვეებში დამონტაჟდება. ენერგოომბუდსმენი დიღმის მასივში მომხდარ აფეთქებაზე - პირველადი ინფორმაციით, „ყაზტრანსგაზის“ წარმომადგენლების მხრიდან დაგვიანებას ადგილი არ ჰქონია, გამოძახება არ იყო დროული.

      თბილისური ამბავნარი - თბილისის მერის ინფორმაციით, მეტროპოლიტენის მეორე ხაზზე დამწვრის სუნი ვაგონის პრობლემით იყო გამოწვეული.

      საჯაროდ განსახილველი სიმბოლიკა - თბილისის საკრებულოს სახელდებისა და სიმბოლიკის კომისია საჯარო განხილვას გამართავს.

      ჩაკეტილი მოსამართლეები - ანა დოლიძე - სააკაშვილი იმას მაინც ხვდებოდა, რომ მეთოფიშვილის, მურუსიძის და ჩინჩალაძის ტელევიზორში გამოჩენა მისი რეიტინგისთვის არ შეიძლებოდა და სასამართლო დარბაზებში ჩაკეტილი ჰყავდა. უზენაესი სასამართლოს მოსამართლეებთან დაკავშირებით, ეკა ბესელიას და 12 დეპუტატის კანონპროექტს იურიდიულ საკითხთა კომიტეტზე მიმდინარე კვირას განიხილავენ.

      რეპრესირებულთა სამარხი - ყველა თავის ქალას კეფაზე ტყვიის კვალი აქვს, დახვრეტილთა შორის ქალებიც არიან, - ამის შესახებ ბათუმისა და ლაზეთის ეპარქიის განცხადებაშია ნათქვამი, რომელიც ფრიდონ ხალვაშის ქუჩაზე, 1937-38 წლებში რეპრესირებულთა სამარხის აღმოჩენის საკითხს შეეხება.

       გამჭვირვალობის გამოკითხვები - „საერთაშორისო გამჭვირვალობა - საქართველო“ - გამოკითხულთა 27% მიიჩნევს, რომ „ქართული ოცნების” ხელისუფლება პროდასავლურია, 16%-ის აზრით - პრორუსულია. „საერთაშორისო გამჭვირვალობა - საქართველო“ - გამოკითხულთა 73% სკოლის გამოსაშვები გამოცდების გაუქმებას არ ეთანხმება. გამოკითხულთა 87%-ს სმენია საპენსიო რეფორმის შესახებ, თუმცა 53% აღნიშნულ პროგრამას უარყოფითად აფასებს. გია ვოლსკი - ანა დოლიძეს ძალიან ცუდი წარმოდგენა აქვს საზოგადოებაზე და ჰგონია, რომ ზაფხული ყურადღებას ადუნებს და შემოდგომა - აორმაგებს. გამოკითხულთა 84%-ის აზრით, ე.წ.ხორავას ქუჩის საქმე სამართალდამცველებმა საფუძვლიანად არ გამოიძიეს.

საზღვარგარეთულები:

      უკრაინის არჩევანი - ვლადიმერ ზელენსკის განცხადებით, საპრეზიდენტო არჩევნებში მისი გამარჯვების შემთხვევაში, ნატო-სა და ევროკავშირისკენ უკრაინის კურსი შენარჩუნდება. მიხეილ სააკაშვილი პეტრო პოროშენკოს - შეძლებ კანონიერება აღადგინო, ჩემი უკრაინული პასპორტი დამიბრუნო და უკრაინაში შემიშვა? - კიევში შეხვედრამდე!

      წასული უსაფრთხოება - აშშ-ს შიდა უსაფრთხოების დეპარტამენტის ხელმძღვანელი თანამდებობას ტოვებს.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 49

ტეგები: qwellynews, ამბები, აპრილი, ბლოგი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

პოლიტიკოს ქალთა დაპირისპირება და ევროპარლამენტარების კითხვები

გამოაქვეყნა Giorgi_მ.
თარიღი: იანვარი 21, 2020.
საათი: 7:02pm 0 კომენტარი

      დღის მთავარი ამბავი, ერთმნიშვნელოვნად, ომბუდსმენისა და მინისტრ წულუკიანის საპარლამენტო გამოსვლები და დაპირისპირება გახლდათ. კომპეტენცია, ცოდნა, საქმიანობა, რეფორმები, პრობლემები - ეს ის საკითხებია, რომლებსაც ეს ორი ქალბატონი დიდის მონდომებით უწუნებდა ერთმანეთს. დღის ერთ-ერთი ხმაურიანი თემა შორიდან, ევროპარლამენტიდან ისმოდა - პარლამენტარებმა კრიტიკული კითხვებით, შეფასებებით დახუნძლეს ქართული წარმომადგენლობა. კალაძი ისევ თბილისის ტრანსპორტსა და…

გაგრძელება

გაყოფილი სამინისტრო, პროკურორობა, მთავრობა და ტიტულატურა

გამოაქვეყნა Giorgi_მ.
თარიღი: იანვარი 20, 2020.
საათი: 11:00pm 2 კომენტარი

      როგორც ჩანს წყენამ წყალბურთელებსაც ავნო - დღეს ის იყო წარმატებას ულოცავდნენ ქართველ წყალბურთელებს, რომ საღამოს ტრაგიკულად დამარცხდნენ რუსეთის ეროვნულ ნაკრებთან - ანგარიშით 14 - 13. თუმცა დღის მთავარი ამბავი, განათლებისა და კულტურის სამინისტროების განყოფა იყო, სავარაუდო სამთავრობო ცვლილებები, სტატისტიკა, და სხვა წვრილ-მსხვილი ამბები.

საქართველოს და მსოფლიოს ამბები / 20 იანვარი, 2020

     …

გაგრძელება

მრავალფეროვანი qwellynews - კვლევები, ჯანდაცვა, პენიტენცია, სამთავრობო ცვლილებები, იმპიჩმენტი, ელჩობა, პროკურატურა

გამოაქვეყნა Giorgi_მ.
თარიღი: იანვარი 17, 2020.
საათი: 11:30pm 4 კომენტარი

      ქველინიუსის მთავარი აბავი - ქართული სოციალური ქსელი, მილიონიანი მკითხველით - დიახ, www.qwelly.com-ის მკითხველთა რაოდენობა მილიონზე მეტია. დღის სხვა ამბებში, NDI-ის კვლევის შედეგებია,…

გაგრძელება

იღბლიანი მოვლენები

გამოაქვეყნა Kakha_მ.
თარიღი: იანვარი 17, 2020.
საათი: 10:30pm 0 კომენტარი

   21 ოქტომბერით თარიღდება. როგორია ანარეკლი არაფრის? სწორად გამიგეთ, ეს მომენტია როცა დგახარ და ხედავ დაუსრულებელ სივრცეს, ეს ძლიერი ემოციის მქონე მომენტია, და თუ ზიხარ მაშინ წარმოსახის დიდი ძალის მქონე ხარ, მაგრამ ეს უნდა დაინახო, თუ რა მასშტაბისაა სივრცე, რომელიც დაუსრულებელია და სივრცე რომელიც შენი გონებაა, ის ასეთივეა დაუსრულებელი და ემოციური, პირველად ეს ნისლიან შემოდგომის დღეს ჩანს (ემთხვევა მოვლენას, როცა ადამიანის გონი მუდმივ ხეტიალშია და ნისლზე…

გაგრძელება

Qwelly World

free counters