მცხუნვარე დღე საღამოს წვიმამ შეცვალა, მაგრამ აიმნდის ასეთი ცვლილება, ქვეყნის ზოგად სიახლეებზე დიდად არ ასახულა. მთავარი თემა იყო გუშინდელის კუდი - ქართული ოცნების შიდაკულუარული ამბები, ვინ ვის გუნდშია და ა.შ. ამასთანავე, დღეს განაკუთრებით გააქტუალურდა Freedom House-ის და მედიადამოუკიდებლობის თემა. და სირიაში სულ უფრო იძაბება ვითარება.

საქართველოს და მსოფლიოს ამბები / 12 აპრილი, 2018 /

      უმრავლესობაზე ჭორაობებიდან და მთავრობის სხომებიდან - გია ხუხაშვილი - უმრავლესობის ზოგიერთ წევრს ჰგონია, ფეხების ბაკუნით, გაბუტვებით, ბაბუას დავუძახებ, მამას მოვიყვან, დედასთან გიჩივლებ - კეთდება პოლიტიკა. გიორგი კვირიკაშვილი მინისტრებს - მთავრობის სხდომის შემდეგ გთხოვთ, ჩაბრძანდით და მედიის ოთახში კომენტარები გააკეთეთ. გედევან ფოფხაძე - პრემიერის თხოვნა ანგარიშგასაწევია, დანარჩენი ერთმანეთში უნდა დავილაპარაკოთ. გედევან ფოფხაძე - ჟურნალისტებსა და ჩვენს შორის შუამავლობის ფორმატი უნდა დამთავრდეს და ყველა საკითხი ერთმანეთში ამოვწუროთ. გია ვოლსკი - ვფიქრობთ, რომ გუნდი გავაძლიეროთ და გარკვეული თამაშის წესები შემოვიღოთ, რომლებსაც ყველა უნდა მიყვებოდეს. შოთა შალელაშვილი - არიან პარლამენტარები, რომლებიც ათმაგ საქმეს აკეთებენ და უმრავლესობის უმრავლესობა უფუნქციოდ დარჩა. დავით ჭიჭინაძე - "ქართულ ოცნებაში" ვერ ვხედავ ისეთ ადამიანს, რომელიც კვირიკაშვილს გაუწევს კონკურენციას - გახარია იქნება თუ სხვა, არ გააჩნია ის რესურსი, რომ ამ ხალხის გაერთიანება შეძლოს. შოთა შალელაშვილი - პარლამენტის თავმჯდომარემ დეპუტატთა ფართო ჯგუფი უნდა შემოიკრიბოს და არა ის ვიწრო წრე, რომელიც ჰყავს შემოკრებილი და მათ იქეთ ვერავის ხედავს. დავით ჭიჭინაძე - პარტიიდან ვინმემ გაგვრიცხოს, როგორ წარმოგიდგენიათ? დაგვაყენებენ კუთხეში, გამოვა ვინმე და იტყვის, რომ გარიცხულები ხართო? - გამორიცხულია. სოზარ სუბარი - გედევან ფოფხაძეს უმრავლესობის დატოვებაზე ნაჩქარევი გადაწყვეტილება არ უნდა მიეღო - მოხარული ვიქნები, თუ ის გადაიფიქრებს. ზაქარია ქუცნაშვილი - უმრავლესობაში დაპირისპირების ნიშნები სახეზეა და ამ ნიშნებს მკურნალობა სჭირდება. ირაკლი კობახიძე - არსებობს იმის რესურსი, რომ უმრავლესობაში ურთიერთობები დალაგდეს, მაგრამ ბუნებრივია, იქნება შესაბამისი წინაპირობები. მამუკა ბახტაძე - „ქართულ ოცნებაში“ დაძაბულობა და დაპირისპირება, როგორც ზოგიერთმა საინფორმაციო საშუალებამ გააშუქა, რეალობას არ შეესაბამება. ირაკლი კობახიძე - პარლამენტში ნამდვილად არსებობს ჯგუფი, რომელიც ჩემი საყრდენია, მაგრამ ეს არ უნდა გახდეს არც ეჭვიანობის და არც არასწორი ინტერპრეტაციის საფუძველი. ირაკლი კობახიძე - “ქართული ოცნების“ ყრილობა, სავარაუდოდ, მაისის მეორე ნახევარში გაიმართება, სადაც პოლიტსაბჭოსა და სარევიზიო კომისიას ცვლილებები შეეხება. გიორგი კვირიკაშვილი - არანაირი ჩემი თუ სხვისი დაჯგუფება არ არსებობს. ირაკლი კობახიძე - უმრავლესობის თითოეული წევრი მიესალმება პოლიტიკურ პროცესებში ბიძინა ივანიშვილის გამოჩენას. ირაკლი კობახიძე - პარლამენტში ხუთი დეპუტატიც არ არის, ვინც პარლამენტის თავმჯდომარის თანამდებობიდან გადაყენების ინიციატივით გამოვა.

      თბილისური მმართველობა - სამგორის რაიონის გამგებელმა დავით კერესელიძემ თანამდებობა დატოვა. დავით კერესელიძე - კახა კალაძის გუნდში კი მოვიაზრები, მაგრამ ჯანმრთელობის მდგომარეობის გამო 24-საათიანი სამუშაო რეჟიმი გამიჭირდა. მაია ბითაძე - სამგორის გამგებელს გარკვეული ჩამორჩენები ჰქონდა, რის გამოც მან თანამდებობის დატოვების გადაწყვეტილება მიიღო. მაია ბითაძე - მერიაში და საკრებულოში ხედავთ რაიმე დაპირისპირებას? მე ეს არ შემიმჩნევია.

      რთულ მსოფლიოში საქართველო - ლევან ბოძაშვილი - მსოფლიოში რთული სიტუაციაა, ეს არ არის ის ვითარება, რომელიც საქართველოს გვერდს აუვლის. თინა ხიდაშელი - მოთმინებით ველოდები, რომ ოდესმე, ჩემი ქვეყნის ხელისუფლება საკუთარ მოქალაქეებთან გადაწყვეტს საუბარს,რას ფიქრობენ სირიის საკითხზე აშშ-რუსეთის დაპირისპირებაზე.

      თავისუფალი მედია - მიხეილ ჯანელიძე მედიის თავისუფლების შეზღუდვის თაობაზე ბრალდებას აბსურდულად მიიჩნევს. მამუკა ბახტაძე მიიჩნევს, რომ Freedom House-ის დასკვნა არ შეესაბამება იმ რეალობას, რაც დღეს საქართველოშია. ირაკლი კობახიძე Freedom House-ის ანგარიშზე – ავტორები ვერ მალავენ უარყოფით დამოკიდებულებას ბიძინა ივანიშვილის მიმართ, რომელიც საქართველოში დემოკრატიული გარდატეხის მთავარი შემოქმედია. ირაკლი კობახიძე - შემაშფოთებელია Freedom House-ის ანგარიშში განცხადებები, რომ სააკაშვილის შესაძლო პატიმრობა საქართველოს ურთიერთობას ევროპასთან და აშშ-სთან გაართულებს. ირაკლი კობახიძე - Fredoom House-ის ანგარიში იმეორებს „რუსთავი 2“-ისა და სააკაშვილის მეგობრების მიერ ჩამოყალიბებულ ხელოვნურ სურათს. ირაკლი კობახიძე - Freedom House-ის ანგარიშში აშკარად იკვეთება მათი ავტორების მიკერძოება საქართველოს მოქმედი ხელისუფლების საწინააღმდეგოდ. ანა ნაცვლიშვილი - იმ საკითხებზე, რაზეც საუბარია Freedom House-ის ანგარიშში და შეფასებულია უკუსვლად, პრეზიდენტის მხრიდან არაერთხელ იყო საუბარი. სოზარ სუბარი Freedom House-ის ანგარიშზე - დამრჩა შთაბეჭდილება, რომ აბსოლუტურად დაუსაბუთებელი, ფაქტებისგან შორს მდგომი და ძალიან ტენდენციურია. გიორგი კვირიკაშვილი - Freedom House-ი კარგად უნდა დაფიქრდეს როდესაც ასეთ არაობიექტურ ინფორმაციას და შეფასებებს ავრცელებს.

      პანთეონელის გარდაცვალება - ლეილა აბაშიძე დღეს საბურთალოს პანთეონში დედის გვერდით დაკრძალეს.

      ანტიპათია რუსულპროპაგანდას - “ევროპული საქართველო” რუსული პროპაგანდის გავრცელების წინააღმდეგ საკანონმდებლო პაკეტის შემუშავების ინიციატივით გამოდის.

      მრავალი მილიონი ევრო ჩვენ - ევროკავშირის საბჭომ საქართველოსთვის 45 მილიონი ევროს გამოყოფის გადაწყვეტილება მიიღო.

      მარშის ახალი ომი - სანდრო ბრეგაძე - თუ ომი უნდათ, მიიღებენ.

      ეკონომიკური განვითარების დატორმუზება - ფინანსთა მინისტრის შეფასებით, საქართველოს საბანკო სისტემა ეკონომიკის განვითარების მუხრუჭია. მამუკა ბახტაძე - ჩვენ ვხედავთ, რომ ის საპროცენტო განაკვეთები, რაც ჩვენს სისტემაშია, ფაქტობრივად, არ იძლევა შანსს ბიზნესის დაწყების. გიორგი ბეგაძე - ვფიქრობ, ფინანსთა მინისტრმა მამუკა ბახტაძემ კიდევ ერთხელ გაარტყა ათიანში. ანდრია გვიდიანი - დაანონსებული პროგრამა, რომელიც დღეს ფინანსთა მინისტრისგან მოვისმინეთ, რეალური ეკონომიკის სექტორების დაფინანსების თვალსაზრისით წამახალისებელი იქნება. რაკლი ლექვინაძე - მთავრობის ახალი ინიციატივა ბიზნესსაც და ზოგადად, საბანკო სექტორსაც პოზიტიურად შეეხება.

      ამერიკაზე დარდი? - ირაკლი კობახიძე - არსებობენ ფსევდოლიბერალური ძალები, რომლებიც უპირისპირდებიან ეროვნულ თვითმყოფადობას, ტრადიციებს, ეკლესიას და ასევე შესაბამის ღირებულებებს აშშ-ში.

      ძაღლების მფარველი და ქველმოქმედი, საზოგადოებაზე განაწყენებული თამაზ ელიზბარაშვილი - შსს-მ თამაზ ელიზბარაშვილის მიმართ გამოძიება დაიწყო. თამაზ ელიზბარაშვილი - ხან რომელ პარლამენტარს უთაქებენ თავში, ხან ნიკა მელია ჰყავს გაგდებული ბორჯომის გამგებელს, თუმცა, საზოგადოებამ მხოლოდ მე გადამიარა.

      ცოტა ადრე მოუვიდა ამას - განსაკუთრებით დიდი ოდენობით „ჰაშიშის“ საქართველოში უკანონოდ შემოტანის ბრალდებით ერთი პირი დააკავეს.

საზღვარგარეთულები:

      ჯეიმს მატისი - პენტაგონი მზადაა სირიაზე დარტყმისთვის ვარიანტების წარმოსადგენად. The Telegraph - დიდი ბრიტანეთის პრემიერმა სირიისკენ ბრიტანული წყალქვეშა ნავების გაგზავნის ბრძანება გასცა. გენერალი იური ევტუშენკო - სირიის არმიამ ქალაქ დუმაზე სრული კონტროლი დაამყარა. The Times - დიდი ბრიტანეთის სამხედრო საჰაერო ძალები სირიაში შესაძლო დარტყმის განსახორციელებლად საბრძოლო მზადყოფნაში იმყოფებიან. თურქეთის საგარეო უწყება - სტოლტენბერგის ვიზიტისას, სირიაში სამხედრო მოქმედებების დაწყების შემთხვევაში, ინჯირლიკის ბაზის გამოყენების საკითხი იქნება განხილული. დონალდ ტრამპი - არასოდეს მითქვამს თუ როდის განხორციელდება დარტყმა სირიაზე, ეს შეიძლება მოხდეს ძალიან მალე, ან არც თუ ისე მალე. გერმანიის საგარეო საქმეთა მინისტრი - მოკავშირეებს ჯერ არ მოუმართავთ სირიაში შესაძლო სამხედრო მოქმედებებში მონაწილეობასთან დაკავშირებით. ემანუელ მაკრონი - ჩვენ გვაქვს მტკიცებულება, რომ სირიაში ქიმიური იარაღი გამოიყენეს. ანგელა მერკელი - გერმანია სირიაში შესაძლო სამხედრო მოქმედებაში მონაწილეობას არ მიიღებს. პაოლო ჯენტილონი - იტალია სირიაში სამხედრო მოქმედებებში მონაწილეობას არ მიიღებს, თუმცა, მოკავშირე ძალების ლოჯისტიკურ მხარდაჭერას განაგრძობს. ჯეიმს მატისი - ამერიკელ ჯარისკაცთა ქიმიური იარაღისგან დაცვა საკმარისი საფუძველია, რათა პრეზიდენტმა სირიაში ძალის გამოყენების გადაწყვეტილება მიიღოს.

      რუსეთ-ამერიკა - ვლადიმირ შამანოვი - რუსეთის საჰაერო თავდაცვის შენაერთები და დაზვერვა სრულ მზადყოფნაშია. ვლადიმერ პუტინი - რუსეთი იმედოვნებს, რომ მსოფლიოში ჯანსაღი აზრი გაიმარჯვებს. ვლადიმერ პუტინი - რუსეთი კვლავაც თანმიმდევრულად გამოვა გლობალური და რეგიონული უსაფრთხოების გასაძლიერებლად. აშშ-ს ცენტრალური სადაზვერვო სააგენტოს დირექტორი - რუსეთთან მიმართებაში რბილი პოლიტიკის დრო გავიდა. რუსეთის საგარეო საქმეთა სამინისტრო - „ისლამური სახელმწიფო“ ერაყში სწორედ ამერიკელების ინტერვენციის შედეგად წარმოიშვა.

      ახალი არჩევნები იგივე პრეზიდენტით - ილჰამ ალიევი მოსახლეობას - წინ, ახალი გამარჯვებებისკენ! გიორგი მარგველაშვილი ილჰამ ალიევს საპრეზიდენტო არჩევნებში გამარჯვებას ულოცავს. გიორგი კვირიკაშვილი ილჰამ ალიევს აზერბაიჯანის პრეზიდენტად ხელახლა არჩევას ულოცავს.

      პირქუში აღმოსავლეთი - მევლუთ ჩავუშოღლუ - შუა აღმოსავლეთში შექმნილმა პირქუშმა სურათმა არ უნდა დაჩრდილოს ის რეალობა, რომ მშვიდობის მიღწევა შესაძლებელია.

      მშიერი პატიმარი - ნადეჟდა სავჩენკო - გავაგრძელებ შიმშილობას, ვიდრე არ გავთავისუფლდები.