ისევ აცივდა, ისევ გაწვიმდა და ვინ იცის როდემდე გაგრძელდება. როგორც იტყობინებიან, საქართველოში რამდენიმე დღის განმავლობაში არამდგრადი ამინდია მოსალოდნელი. დღეს კი, ვიდრე წვიმა შეგვაწუხებდა, დღის მთავარ ამბად NDI-ს მორიგი კვლევა იქცა, რომელმაც ქვეყნის მოსახლეობის უკმაყოფილებაზე დადო შედეგები, ხოლო მეორე ვრცლადაქტიური თემა პრეზიდენტის მოწყალების ინსტიტუტი გამოდგა.

საქართველოს და მსოფლიოს ამბები / 17 სექტემბერი, 2019

      ყოველთვიური მკვლევარები - NDI - გამოკითხულთა 49 % ფიქრობს, რომ ქვეყანა არასწორი მიმართულებით ვითარდება, რაც ბოლო 10 წლის მანძილზე ყველაზე მაღალი მაჩვენებელია. NDI-ის კვლევის თანახმად, გამოკითხულთა უმრავლესობისთვის მთავარ ეროვნულ საკითხად კვლავ სამუშაო ადგილები რჩება. გამოკითხულთა ნახევარს ჰქონია შემთხვევა, როცა კომუნალური გადასახადებისთვის თანხა არ გააჩნდა. გამოკითხულთა 61% დაუსაქმებელია. ევროკავშირის მიმართ მხარდაჭერა 78%-ს შეადგენს. საპენსიო პროგრამაში ჩართული პირების 57%-ს არ სჯერა, რომ პენსიაზე გასვლის შემდეგ დაგროვილი თანხით სარგებლობას შეძლებს. გამოკითხულთა 41% საბჭოთა კავშირის დაშლას „ცუდ მოვლენად“ აფასებს. რესპონდენტთა 63%-ის აზრით, საქართველოს ეკონომიკური მდგომარეობა "ცუდი", 4 %-ის შეფასებით კი "კარგია". ანრი ოხანაშვილი NDI-ის კვლევაზე - ყველაფერს ვაკეთებთ, რომ საზოგადოების მთავარი გამოწვევები მაქსიმალურად გონივრულ ვადებში გადავჭრათ. რესპონდენტთა უმრავლესობისთვის 2019 წლის იანვრიდან ამოქმედებული ახალი საბანკო რეგულაციები მისაღებია. სალომე სამადაშვილი NDI-ის კვლევაზე - ჩვენი მოქალაქეების ყველაზე ადეკვატური შეფასებაა იმ რეალობაზე, რომელშიც ცხოვრება უწევთ. 43 % აცხადებს, რომ მისი ფინანსური შესაძლებლობა 5 წლის წინანდელთან შედარებით ნაკლებია. გიგი უგულავა - ხელისუფლებისთვის საგანგაშო მაჩვენებელია, როცა გამოკითხულთა 49% ფიქრობს, რომ ქვეყანა არასწორი მიმართულებით ვითარდება. გია ხუხაშვილი - NDI-ის კვლევის შედეგები ნიშნავს, რომ ხელისუფლებას, ფაქტობრივად, დაკარგული აქვს ლეგიტიმაცია. კვლევის თანახმად, გამოკითხულთა 50%-ს ჰქონია შემთხვევა, როცა მას ან მის ოჯახის წევრს წამალი სჭირდებოდა, მაგრამ არ ჰქონდა შეძენის ფინანსური შესაძლებლობა. კვლევის თანახმად, კაცებისთვის სასურველი მინიმალური ხელფასი საშუალოდ 823 ლარი, ქალებისთვის კი - 643 ლარია. გამოკითხულთა უმრავლესობას ბანკების მიმართ ნდობა არ გააჩნია. ლორა თორნტონი კვლევებზე - ეს ყველაფერი აგზავნის მკაფიო მესიჯებს ქვეყნის ლიდერებთან, რომ საჭიროა მუშაობა ჯანდაცვის მიმართულებებზე და ეკონომიკური ინკლუზიური პოლიტიკის შემუშავებაზე. გია ვოლსკი NDI-ის კვლევაზე - რეალური სურათი იმ კვლევებშია დადებული, რომელიც ხელისუფლებას გააჩნია. გიგა ბოკერია NDI-ის კვლევაზე - ბიძინა ივანიშვილი და მისი გუნდი განწირულია. თეონა ჭალიძე NDI-ის კვლევაზე - ნათელია, რომ ხელისუფლება მოსახლეობის საჭიროებებზე მორგებულ პოლიტიკას არ ატარებს.

      მოწყალე პრეზიდენტი - ადვოკატი გიორგი ოთხმეზურის შვილის მკვლელობაში მსჯავრდებულის შეწყალებაზე - პრეზიდენტმა სამართლიანი გადაწყვეტილება მიიღო - ეს იყო დაგვიანებული შეწყალება. კახა კალაძის აზრით, პრეზიდენტის მიერ შეწყალების უფლებასთან დაკავშირებული საკანონმდებლო ჩანაწერი უნდა გადაიხედოს. გია ვოლსკი - დავით ოთხმეზურის მკვლელობაში მსჯავრდებულის შეწყალება არასწორი გადაწყვეტილებაა, არ შეიძლება პრეზიდენტმა თვითშემოქმედებით იმოქმედოს. რომან გოცირიძე - მივმართავ მათ, ვინც ზურაბიშვილი პრეზიდენტად აირჩია: როგორ მოსწონთ პრეზიდენტი, რომელიც 1 თვეში ორ მკვლელს იწყალებს? ალეკო ელისაშვილი - მიღრმავდება ეჭვი, რომ პრეზიდენტის ადმინისტრაციაში დაიწყო პატიმრების შეწყალებაზე ფულის კეთება. მოკლული დავით ოთხმეზურის ახლობელი - გიორგი ოთხმეზურის ოჯახს ზურგში დანა ჩაარტყა ამ ხელისუფლებამ - ზურაბიშვილმა გონიერებას მოუხმოს - ფეხებზე არ უნდა დაგვიკიდოს. ირაკლი კობახიძე - მნიშვნელოვანია, რომ შეწყალების პრაქტიკა არსებითად და ფუნდამენტურად დაიხვეწოს. სახალხო დამცველი მოუწოდებს პრეზიდენტს, შეწყალების უფლებამოსილების გამოყენების პროცესში უზრუნველყოს მაქსიმალური გამჭვირვალობა და საზოგადოებრივი ჩართულობა. ომბუდსმენი მიიჩნევს, რომ პრეზიდენტმა საზოგადოებას შეწყალებასთან დაკავშირებით მიღებული გადაწყვეტილებების არგუმენტაციაზე დამატებითი ინფორმაცია უნდა მიაწოდოს.

      პორტი ანაკლიას - „ანაკლიის კონსორციუმი“ - წარვადგინეთ ორი მსხვილი საერთაშორისო ინვესტორი და ლოგიკური იქნება თუ სამინისტრო მათ წერილებით დაუდასტურებს, რომ პროექტში მიესალმებიან.

      ქალაქის იერსახე - იმ შენობა-ნაგებობის რეკონსტრუქციის, აღდგენის ან დემონტაჟის განუხორციელებლობა, რომელიც იერ-სახის დამახინჯებას იწვევს, ფინანსურად დასჯადი იქნება.

      შვეიცარიის სახელმწიფო მდივანი - საქართველოდან თავშესაფრის მოთხოვნები გაიზარდა, თუმცა ქართველები მიიღებენ უარს და მათ აუცილებლად დავაბრუნებთ საქართველოში. შვეიცარიის ელჩი რუსეთისთვის სანქციების დაწესებაზე - ნებისმიერ სანქციას მოჰყვება თავისი შედეგები - გასათვალისწინებელია, რა მოჰყვება მას საქართველოსთვის.

      ელიზაბეთ რუდი - მოვუწოდებთ რუსეთს, დაემორჩილოს 2008 წლის ცეცხლის შეწყვეტის შეთანხმებას და მოახდინოს საკუთარი ძალების გაყვანა. განცხადებას არ გავაკეთებ იმ მესიჯებსა და მოწოდებებზე, რაც აშშ-ს საელჩოსთან „პატრიოტთა ალიანსის“ აქციაზე ისმოდა. მერსედეს ვერა მარტინი - საქართველოს ეკონომიკური ზრდის დინამიკა საკმაოდ მყარია.

      სეტყვა კახეთში - ძლიერმა ქარმა, სეტყვამ და წვიმამ გურჯაანისა და ყვარლის მუნიციპალიტეტები დააზარალა

      რუბლები აფხაზეთს - რუსეთმა აფხაზეთის დე ფაქტო ხელისუფლებას მილიარდი რუბლი გადაურიცხა

საზღვარგარეთულები:

      სამეული - რუსეთის, თურქეთისა და ირანის პრეზიდენტები სირიის საკონსტიტუციო კომიტეტის შექმნაზე შეთანხდნენ.

      არაბეთში ბომბები - ვლადიმერ პუტინი საუდის არაბეთს რუსულ იარაღს სთავაზობს. „ბიბისი“ - საუდის არაბეთზე თავდასხმაში ირანის ბრალეულობა იკვეთება.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 44

ტეგები: qwellynews, ამბები, ბლოგი, ნიუსები, სექტემბერი, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

კორონასგან ჩაკეტილი სვანეთი და კანდიდატების ჭიდილი

გამოაქვეყნა Giorgi_მ.
თარიღი: აგვისტო 10, 2020.
საათი: 10:49pm 0 კომენტარი

      წინათ გასაჭირისა და შეჭირვების დროს ხალხი მთაში გარბოდა, ამჯერად ყველაზე მაღალი მთა ჩაიკეტა და იქიდან გამოქცევას ლამობენ. ის ორი კინკილა ტურისტიც კარანტინის ზონებში გადაიყვანეს - სვანეთში კორონას გავრცელებამ მისი ჩაკეტვა გამოიწვია. თბილისში კანდიდატებს ერთმანეთს აჯიბრებენ. ბაჩალიაშვილის საქმე ისევ პირადი ინფორმაციების გამომზეურებას მიყვება.

საქართველოს და მსოფლიოს ამბები / 10 აგვისტო, 2020

      კორონა მაღალ…

გაგრძელება

მელომანი დიასახლისის ალბომები

გამოაქვეყნა Tamila Moshiashvili_მ.
თარიღი: აგვისტო 9, 2020.
საათი: 11:38pm 1 კომენტარი

      კორონას ეპოქის შემოქმედება არ მგონია მსოფლიო კულტურის ისტორიასი ახალ რენესანსად შევიდეს, მაგრამ ეპიდემიების ისტორიაში ყველაზე არტისტულ ხანად ნამდვილად შევა. რამდენიმე კვირის წინ ალბომებზე დისტანციის დაცვა უკვე შევეხეთ - სოციალური დისტანცია ალბომებზე, ახლა კი ერთ საკარანტინე სასტუმროს ფოტოგრაფია უნდა შემოგთავაზოთ. ლონდონის ერთ გარეუბანში არის პატარა სასტუმრო, სიდმარ…

გაგრძელება

ქუჩების გამოცოცხლება - მთელი მსოფლიო ერთი სცენაა

გამოაქვეყნა Tamila Moshiashvili_მ.
თარიღი: აგვისტო 8, 2020.
საათი: 7:46pm 3 კომენტარი

      მთელი დედამიწა სცენაა - ასეთი სლოგანი გაეშურა ანა ულმანი (Anna Ulman) ესპანეთის ქუჩებში და მარბელას სანაპიროებზე მოცეკვვავეების გადასაღებად. ცხადია, მოცეკვავეებიც თან გაიყოლა, მაგრამ სანახაობა შთამბეჭდავი გამოვიდა. ცეკვა როგორც სულის გამოძახილი, ანდა სულის მოძრაობა, ერთ-ერთი ყველაზე უფრო სახასიათო და გამომსახველობითი ხელოვნებაა, სწორედ ამიტომ ცეკვამ ქალაქები გამოაცოცხლა. ანას ობიექტივი ძირითადად ბალერინებსა და ბალერონებს დაეთმო,…

გაგრძელება

მეთორმეტე წელი აგვისტოს ომიდან

გამოაქვეყნა Giorgi_მ.
თარიღი: აგვისტო 7, 2020.
საათი: 11:00pm 0 კომენტარი

      როგორც ტრადიციულად აგვისტოში ხდება - დღევანდელი დღე სრულად მიეძღვნა 2008 წლის ომს, გახსენებებს, ურთიერთ ბრალდებებს, ოკუპანტის ლანძღვას, მუქარას და თითის ქნევას, ევროპელების შეგულიანებასა და სიტყვიერ მხარდაჭერას.

საქართველოს და მსოფლიოს ამბები / 7 აგვისტო, 2020

      საკორონე ამბები - საქართველოში კორონავირუსის 7 ახალი შემთხვევა გამოვლინდა, 7-ით გაიზარდა გამოჯანმრთელებულთა რაოდენობაც. მარინა ეზუგბაიას…

გაგრძელება

Qwelly World

free counters