ფაშიზმზე გამარჯვების დღე რა თქმა უნდა ვეტერანებს და ამ დღით მოზეიმეთა გაგმოსვლებს მიეძღვნა, თუმცა ტერორიზმის სახელით მონათლული საქმეც არ კარგავს აქტუალურობას, ამიტომ დღის ორი მთავარი ამბავი ეხებოდა - ვაკის პარკის ამბებსა და მაჩალიკაშვილის ჩანაწერებს. ასევე იყო სამთავრობო ნიუსები და ჭორებიც.

საქართველოს და მსოფლიოს ამბები / 9 მაისი, 2019/

      გამარჯვების დღე - ფაშიზმზე გამარჯვებიდან 74 წელი შესრულდა. ვაკის პარკში დილიდან ომის ვეტერანები, საზოგადოებისა და ხელისუფლების წარმომადგენლები შეიკრიბნენ. ფაშიზმზე გამარჯვების დღესთან დაკავშირებით პრორუსული ორგანიზაციებისა და მათი მოწინააღმდეგების აქციები გაიმართა. „დემოკრატიული მოძრაობა“ მეორე მსოფლიო ომის მონაწილეებს ფაშიზმზე გამარჯვების დღეს ულოცავს. მამუკა ბახტაძემ ფაშიზმზე გამარჯვების დღესთან დაკავშირებით ვაკის პარკში უცნობი ჯარისკაცის საფლავი ყვავილებით შეამკო. კახა კალაძემ მეორე მსოფლიო ომში დაღუპულების ხსოვნას პატივი მიაგო. შალვა შავგულიძე - ეს იყო ცივილიზებული მსოფლიოს გამარჯვება ბოროტებაზე, ვინაიდან ფაშიზმი ბოროტებაა. ვაკის პარკთან მიმდინარე აქციაზე 5 პირი დააკავეს და მოგვიანებით ისინი ხელწერილის საფუძველზე გაათავისუფლეს. უკვდავი პოლკის“ აქციის ერთ-ერთი ორგანიზატორი - სამწუხაროდ, არავინ გვაფინანსებს და არც პუტინის ინტერესებს ვატარებთ. ფოთში ფაშიზმზე გამარჯვების დღე აღნიშნეს. საქართველოს სხვადასხვა ქალაქებში ფაშიზმზე გამარჯვების დღე აღნიშნეს. ნინო ბურჯანაძე - ომის ვეტერანებს დაფასება სჭირდებათ და სამწუხაროა, რომ ბევრი გულისტკივილი შეხვდათ მათ მომდევნო თაობებისგან. ალეკო ელისაშვილი - გულისამრევი იყო, როცა პრეზიდენტი და პარლამენტის თავმჯდომარე წითელი დროშის ფრიალში ღია აგენტებთან ერთად იდგნენ ვაკის პარკში. დავით ბაქრაძე - დღეს კიდევ ერთხელ უნდა დავფიქრდეთ, რას ვაკეთებთ ვეტერანების და ჩვენი უფროსი თაობის ნორმალური ცხოვრებისთვის.

      მაჩალიკაშვილის საქმე - მალხაზ მაჩალიკაშვილი - სუს-მა დიდი შეცდომა დაუშვა. მალხაზ მაჩალიკაშვილი არ გამორიცხავს, რომ სუს-ში გამოკითხვის შემდეგ დააკავონ. პრემიერი მაჩალიკაშვილის საქმეზე - ჩემთვის, როგორც რიგითი მოქალაქისთვის, ფაქტი არის ერთი რამ - უსაფრთხოების სამსახურმა შეძლო ძალიან მძიმე დანაშაულის პრევენცია. დავით ბაქრაძე სუს-ის ინფორმაციაზე - თუ ასეთი მძიმე უბედურება აიცილა თავიდან სახელმწიფომ, მაშინ რატომ არ დგამს შესაბამის ნაბიჯებს? მალხაზ მაჩალიკაშვილი აცხადებს, რომ სუს-ში გამოკითხვაზე დღეს მისვლას არ აპირებს და ხვალ მივა. მალხაზ მაჩალიკაშვილი სუს-ში მისვლაზე - რასაც ჩემი ორი იურისტი მეტყვის, ისე მოვიქცევი. მალხაზ მაჩალიკაშვილის განცხადებით, მისი ადვოკატები და სუს-ის წარმომადგენლები შეთანხმდნენ, რომ ხვალ დაიკითხება. მალხაზ მაჩალიკაშვილი - ჩატაევი და მისი რაზმი სუს-მა შემოიყვანა, მათ თბილისში ჩამოიტანეს ის ფული, რომელიც მოიპარეს სირიაში. მალხაზ მაჩალიკაშვილი სოსო გოგაშვილს მოუწოდებს, რომ შეხვდეს. მალხაზ მაჩალიკაშვილი ზაზა სარალიძეზე - მაგ კაცს დაღლა შევამჩნიე და მეორეც - მისი შვილი სახელმწიფომ არ მოკლა, ჩემი მოკლა. მალხაზ მაჩალიკაშვილი აცხადებს, რომ ხვალ მოითხოვს მოსამართლის თანდასწრებით გამოკითხვას და თუ ეს შეუძლებელია, იძულებული იქნება სუს-ს მისცეს ჩვენება. მალხაზ მაჩალიკაშვილი - 20 დღის წინ კარავში წერილი შემომიგდეს: „ღირსეული რომ იყო, შენი შვილის მკვლელს დასჯიდიო“. მარიამ კუბლაშვილის განცხადებით, მალხაზ მაჩალიკაშვილის მოსამართლის წინაშე დაკითხვას ვერ მოითხოვს, რადგან კანონი ამის შესაძლებლობას არ აძლევს.

      სამთავრობო-საეკლესიო შეკრება საპატრიარქოში - გუშინ საღამოს საპატრიარქოში მთავრობამ, საპატრიარქომ და ფონდმა „ივერიისა“ ერთობლივი მემორანდუმი გააფორმეს. მახათას მთაზე საერთაშორისო სტანდარტების შესაბამისი სამეცნიერო-კვლევითი და კულტურულ-საგანმანათლებლო ცენტრ-მუზეუმი აშენდება. მამუკა ბახტაძე - ძლიერი ქართული სახელმწიფო ნიშნავს ძლიერ ეკლესიას და ძლიერი ეკლესია ნიშნავს ძლიერ ქართულ სახელმწიფოს. ილია მეორე მთავრობას, საპატრიარქოსა და ფონდ „ივერიისას“ შორის მემორანდუმზე - არის ისტორიული მნიშვნელობის ნაბიჯები და ასეთი ნაბიჯია გადადგმული დღეს.

      სამთავრობო ჭორაობა - მამუკა ბახტაძე სამთავრობო ცვლილებებსა და პრემიერად გიორგი გახარიას დანიშვნის შესახებ კითხვაზე - რაც მთავრობაში ვარ, მას შემდეგ მესმის მსგავსი ჭორები. მამუკა ბახტაძე - მოვუსმინე ეკონომიკის ყოფილი მინისტრის განცხადებებს და მინდა გითხრათ, რომ დიახაც, იყო აცდენა ხედვებში. დავით უსუფაშვილი - საქართველოში პრემიერ-მინისტრი არის გიორგი გახარია და არა მამუკა ბახტაძე.

      აწყურის რესტავრაცია - ბიძინა ივანიშვილმა აწყურის ღვთისმშობლის ტაძრის სარესტავრაციო სამუშაოები მეუფე თეოდორესთან ერთად დაათვალიერა.

      თსუს პრორექტორი - ნინო გვენეტაძე თსუ-ს პრორექტორად დაინიშნა.

      ქველმოქმედება თუ მოსყიდვა - ირაკლი კობახიძე საია-ს კვლევაზე - როდესაც ადამიანს აღდგენილი აქვს ასობით ტაძარი და დღეს ბრალდებას აყენებ მოსყიდვაზე იმიტომ, რომ საქმე ეხება ერთ-ერთი ტაძრის მოხატვას, ეს უბრალოდ სასაცილოა. კახა კალაძის ცინიკური პასუხი ჟურნალისტებს - დიახ, მგონია, რომ ყველა საქველმოქმედო ღონისძიება, რაც კი ბიძინა ივანიშვილს ჩაუტარებია, საარჩევნო მოსყიდვა იყო.

      გუბაზიც წავიდა - გუბაზ სანიკიძემ პარტია „დემოკრატიული მოძრაობა“ დატოვა.

      მკვდარი ძროხები - მარნეულში ფერმერს 150-მდე ძროხა დაეხოცა. მარნეულში პირუტყვის დაცემის ფაქტზე სურსათის ეროვნულმა სააგენტომ მოკვლევა დაიწყო. მარნეულში ძროხების მასობრივ დახოცვამდე, მეპატრონემ პირუტყვი „კრეოლინის“ ხსნარით დაბანა, რომელიც ტკიპებისა და მწერების საწინააღმდეგოდ გამოიყენება. სურსათის ეროვნული სააგენტოს ინფორმაციით, მარნეულის მუნიციპალიტეტის სოფელ ყიზილაჯლოში დაახლოებით 54 სული მსხვილფეხა პირუტყვის ერთდროულად დაცემის ფაქტი დაფიქსირდა. თუმცა იმ ოჯახის ინფორმაციით, რომელთა ფერმაშიც მასობრივად დაეცა პირუტყვი, სულ დახოცილია 130 ძროხა.

საზღვარგარეთულები:

      დიპლომატია რუსეთში - რუსეთმა ორი შვედი დიპლომატი გააძევა.

      გაწყვეტილი ვაჭრობა - დონალდ ტრამპი აცხადებს, რომ ჩინეთმა ვაშინგტონთან სავაჭრო მოლაპარაკებები გაწყვიტა.

      ახალი სანქციები ირანს - დონალდ ტრამპმა ირანის წინააღმდეგ ახალი სანქციები დააწესა. ევროპული ქვეყნები ირანს მოუწოდებენ, პატივი სცეს საერთაშორისო შეთანხმებას, რომელიც თეირანის ბირთვული ამბიციების შემაკავებელია.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 12

ტეგები: qwellynews, ამბები, ბლოგი, მაისი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

სამეფო მოთამაშეები ფანქრის სკულპტურებში

გამოაქვეყნა Tamila Moshiashvili_მ.
თარიღი: მაისი 18, 2019.
საათი: 10:26pm 0 კომენტარი

      ბოლო სეზონმა საბოლოოდ დაასამარა სერიალის ეპიკურობის და განსაკუთრებულობის, საინტერესოობისა და აღმაფრთოვანებლობის იდეა, მაგრამ ინტერესი ჯერ კიდევ არ ქრება HBO-ს ერთ-ერთი ყველაზე გახმაურებული…

გაგრძელება

ცხელი ზუგდიდი, ოჯახის სიწმინდე ქუჩაში და გადამდგარი მინისტრის ინტერვიუ

გამოაქვეყნა Giorgi_მ.
თარიღი: მაისი 16, 2019.
საათი: 11:15pm 0 კომენტარი

      დღემ კვლავინდებურად საარჩევნო არეულობებით და მერე ამ არეულობებზე კომენტარებით ჩაიარა - ისევ ზუგდიდიდან, ისევ დაძაბულობებით და ისევ არეულობით. დღის მეორე მთავარი ბლოკი იყო გადამდგარი მინისტრის…

გაგრძელება

საარჩევნოდ ცხარე ზუგდიდი, სარისკო სიცოცხლე, ომბუდსმენის პალიტრა, იუნკერის ნათქვამი ევროპელობა და გარეჯის მიწა

გამოაქვეყნა Giorgi_მ.
თარიღი: მაისი 14, 2019.
საათი: 11:00pm 0 კომენტარი

      მეფის ხსენების დღეს, მთლად სამეფო ამბები არ ისმოდა ქართულ მედიაში, ძირითადი აქცენტები კვლავაც არჩევნებს უკავშირდებოდა და ტრადიციაც ქცეულ, წინააარჩევნო არეულობებსა და ხმაურს - ამჯერად ზუგდიდიდან.…

გაგრძელება

მასწავლებლების ანაზღაურების სამომავლო ზრდა, ფინანსები, პრემიერის გამოსვლა მახათაზე, საარჩევნო სიახლოვე

გამოაქვეყნა Giorgi_მ.
თარიღი: მაისი 13, 2019.
საათი: 11:30pm 0 კომენტარი

      ახალი კვირაც სამაისო არჩევნებით დაიწყო - მინდოდა დამეწერა, სავარდო, მაგრამ ვაითუ ვინმემ პოლიტიკურ მიკუთვნებულობაში ჩამითვალოს. დღის ამბებში მოახლოებული არჩევნები რომ იქნებოდა ეს ცხადია, მაგრამ…

გაგრძელება

Qwelly World

free counters