რელიგიური ჯარი, შუალედური არჩევნები, სასამართლო და დაპირისპირება

      უამინდობა ერთმანეთს მიეწყო. საბედნიეროდ, სინოპტიკოსები კარგ დღეებსაც პრგნოზირებენ - უმეტეს რაიონებში 19-22 მარტს გამოიდარებსო. ნეტავ ეს უმეტესი, თბილისსაც თუ ეხება?! იქამდე კი ძლირმა ქარმა თავის პრობლემები მოიტანა - 15 შენობის სახურავი, 10 ავტომანქანა, 4 სარეკლამო ბილბორდი და 1 შუქნიშანი დააზიანა. ქვეყანაში კი არ წყდება ფიქრი სასამართლო სისტემაზე და მოსამართლეობაზე.

საქართველოს და მსოფლიოს ამბები / 18 მარტი, 2019/

      რელიგიურობა და ჯარი - გრიგოლ ვაშაძე ირაკლი სესიაშვილის ინიციატივაზე - დისკრიმინაციაა რელიგიური ნიშნით, ყოვლად მიუღებელია. ირაკლი სესიაშვილი - გრიგოლ ვაშაძემ უგუნურები, პირველ რიგში, თავისკენ მოიკითხოს და ვიდრე განცხადებას გააკეთებს, სჯობს, კანონპროექტში ჩაიხედოს. მუსლიმთა კავშირის თავმჯდომარე - მუსლიმი თემი არასდროს გაქცეულა სამხედრო სამსახურიდან - არ შეიძლება რომელიმე რელიგიური ორგანიზაცია იყოს უპირატესი.

      ოკუპაციური პრობლემები - ოკუპირებულ აფხაზეთში გარდაცვლილი ირაკლი კვარაცხელია სენაკის ძმათა სასაფლაოზე დაკრძალეს. რუსმა ოკუპანტებმა სოფელ დიციდან ახალგაზრდა მამაკაცი გაიტაცეს და მეორე დღეს გაათავისუფლებს.

      არჩევნებზე ფიქრი ადრიანად - გიორგი ვაშაძის განმარტებით, ოპოზიცია შუალედურ არჩევნებზე კანდიდატებთან დაკავშირებით გადაწყვეტილებას ერთობლივად მიიღებს. რესპუბლიკური პარტია „გაერთიანებულ ოპოზიციასთან“ თანამშრომლობას გეგმავს. შუალედურ არჩევნებზე „თავისუფალ დემოკრატებს“ მთაწმინდის ოლქში, სავარაუდოდ, საკუთარი კანდიდატი ეყოლებათ. ნოდარ ხარშილაძე შუალედურ არჩევნებზე - ეს რომ ყოფილიყო ჩვეულებრივი არჩევნები, მოიგებდა ოპოზიცია. გიგი უგულავა - პროპორციული არჩევნები ნიშნავს 90-იანი წლებიდან დაგროვილი პრობლემების გვერდზე გადაწევას და განვითარების ახალ ეტაპზე გადასვლას. „ნაციონალურმა მოძრაობამ“ ზუგდიდის მერობის კანდიდატად შესაძლოა, სანდრა რულოვსი წარადგინოს.

      სარაგბო გამარჯვება - საქართველოს მორაგბეთა ნაკრებმა რუსეთი კრასნოდარში ანგარიშით 22:6 დაამარცხა.

      უქმეები თბილი ხანძრით დასრულდა - გუშინ გვიან ღამით, დიდ დიღომში, მაღაზიას ხანძარი გაუჩნდა, რომელიც მალევე ჩააქრეს.

      სასამართლო და კანონპროექტი - სულხან სალაძე მმართველი პარტიის მიერ წარდგენილ კანონპროექტზე - ის ყველაზე მეტ თანხვედრაშია სასამართლოში არსებული გავლენიანი „კლანის“ ინტერესებთან. დავით ჯანდიერი მოსამართლეების შესახებ მმართველი გუნდის კანონპროექტზე - პროცესში ჩართული იყო მხოლოდ ის ჯგუფი, რომელთა ინტერესსაც პასუხობს აღნიშნული კანონპროექტი. ეკა ბესელია დავით მათიკაშვილს - თუ გააგრძელებ ხელის შეშლას, მომიწევს რაღაცები შეგახსენო - დავანებოთ თავი ჭკუის სწავლებას! ანრი ოხანაშვილის განცხადებით, მოსამართლეთა შესახებ მმართველი გუნდის წარმოდგენილი კანონპროექტი მაქსიმალურად მიმართულია გამჭვირვალობისკენ. ეკა ბესელია - უმრავლესობის კანონპროექტი ადასტურებს, რომ უზენაესი სასამართლო მხოლოდ იმ ადამიანებისთვის უნდათ, ვინც სასამართლოს შიგნით არის. გედევან ფოფხაძე - ისეთი ცუდი კანდიდატები შემოვა ჩინჩალაძის ფონზე, რომ მეც ჩინჩალაძეს მივცემ ხმას. ანრი ოხანაშვილი - უზენაესი სასამართლოს მოსამართლეთა კანდიდატების არჩევის პროცედურა ათ ძირითად პრინციპს ეფუძნება. ანრი ოხანაშვილი - მოსამართლეების არჩევის პროცესი „ქართული ოცნების“ გუნდმა შეაჩერა, რადგან წარმოდგენის პროცედურა არ მოგვეწონა. ეკა ბესელიას ქმედება აუხსნელია, რადგან შაბათობით კომიტეტის სხდომებს მისი თავმჯდომარეობის დროს ატარებდა. ჩვენ პროექტს არავის ვარგებთ, განსხვავებით ბევრი სხვა პროექტისგან, რომელიც წარმოდგენილია. იურიდიული კომიტეტის სხდომაზე დეპუტატები - ოთარ კახიძე და ირაკლი ბერაია ერთმანეთს ფიზიკურად დაუპირისპირდნენ. ანა დოლიძე - სამწუხაროდ, როგორც ჩანს, ამ მარათონის ბოლოში ყველაზე უფრო „კლანური“ კანონპროექტი გადის. ეკა ბესელია უმრავლესობაზე - ამათ მზაკვრული გეგმა აქვთ, მაგრამ ესენი რომ მოიფიქრებენ, ის კარგა ხნის წინ მაქვს გავლილი. ოთარ კახიძე - საზოგადოებას ბოდიშს ვუხდი, ზოგჯერ თავის შეკავება არც ისე ადვილია, ირაკლი ბერაიამ არაკორექტულად მომმართა, რასაც პასუხი გავეცი. ირაკლი ბერაია - თუ ოთარ კახიძისთვის კორექტულობისკენ მოწოდება შეგინებას ნიშნავს, ჩათვალოს, რომ შეგინებულია. რომან გოცირიძე - ეს სასამართლო „კლანი“ კი არა, ჭინკების კორპორაციაა. ანა ნაცვლიშვილი - ისეთ კრიზისში ვართ სასამართლოსთან მიმართებაში, სანთლით უნდა ვეძებდეთ იურისტებს, რომ როგორმე ქვეყანა გაიყვანონ ოკეანიდან ხმელეთზე. მამუკა მდინარაძე - წულუკიანთან, წინა კვირაში განვითარებულ მოვლენებზე კითხვები დაისმება, თუ უმრავლესობის წარმომადგენლები არ დასვამენ, ამას არ გამოტოვებს ოპოზიცია. გედევან ფოფხაძე - იუსტიციის უმაღლეს საბჭოში გვყავს ჯალათები და მოსამართლეთა დიდი ნაწილი ზონდერ-მოსამართლეებია. ეკა ბესელიას, გედევან ფოფხაძესა და ვანო ზარდიაშვილს შორის დაპირისპირება იყო. ანრი ოხანაშვილი ეკა ბესელიას ორმაგ სტანდარტში ადანაშაულებს. ეკა ბესელია - ზარდიაშვილის განცხადებები არის დიაგნოზი, ის გამწარებულია და არ უნდა გაგიკვირდეთ. ვანო ზარდიაშვილი - პროცესი უკვე არის პოლიტიკურ ჭრილში გადატანილი. ეკა ბესელია დავით მათიკაშვილს - 2012 წლიდან რა უნდა „დავგუგლო“? სად იყავი დამალული ის ვარკვიო? კომპასი ჩავრთო? ვანო ზარდიაშვილი - თუ ეკა ბესელია დატოვებს საპარლამენტო მანდატს, მეც დღესვე გადავდგები. ვანო ზარდიაშვილი გედევან ფოფხაძეს და ეკა ბესელიას - მართალი ვარ, წესიერი ვარ, პატიოსანი ვარ, კომპეტენტური ვარ და თქვენს პატიოსნებას მიხედეთ. ეკა ბესელია ვანო ზარდიაშვილს - პატარა ზონდერი ხარ, ჭუჭრუტანიდან რომ იყურებოდი. ვანო ზარდიაშვილი ეკა ბესელიას - შენს ხელებს ფულის სუნი ასდის.

      ნატოს სწავლება საქართველოში - დღეს ნატოს სწავლებები დაიწყო. ლელა ჩიქოვანი - ნატო-საქართველოს სწავლება ფოკუსირებულია თავდაცვისუნარიანობის განმტკიცებაზე და მიმართული არ არის არც ერთი მესამე ქვეყნის წინააღმდეგ.

      ექს პრეზიდენტის მხარდაჭერილი ვაშაძე - მიხეილ სააკაშვილი - „ნაციონალური მოძრაობის“ თავმჯდომარის თანამდებობაზე გრიგოლ ვაშაძეს დავუჭერდი მხარს. გრიგოლ ვაშაძე მიხეილ სააკაშვილის „ნაციონალური მოძრაობიდან“ წასვლის შესახებ ინფორმაციას სისულელეს უწოდებს. გიგი უგულავა სააკაშვილის განცხადებაზე - ციხიდან გამოგზავნილი ჩემი წერილის ციტატა მეგონა.

      კლინიკები საშუალო ევროპულად და ჯანდაცვა და სოც დახმარება - დავით სერგეენკო - საქართველოში კლინიკების რაოდენობით უკვე საშუალოევროპულ დონეზე ვართ. ამირან გამყრელიძე - წითელათი დაინფიცირების დინამიკა შემცირებულია. დავით სერგეენკო - დევნილთა საცხოვრებლით უზრუნველყოფისთვის გამოყოფილი თანხები 2012 წელთან შედარებით 10-ჯერაა გაზრდილი. დავით სერგეენკოს ინფორმაციით, 7-შვილიან დედას, რომლის მძიმე პირობებში ცხოვრების შესახებ სიუჟეტი მომზადდა, სახელმწიფომ ერთი წლის წინ ორი ბინა გადასცა.

      წყალი და კანალიზაცია ურეკს - შემოდგომიდან ურეკის მოსახლეობას წყლისა და კანალიზაციის ახალი ინფრასტრუქტურა ექნება.

საზღვარგარეთულები:

      უკრაინის არჩევნები - პეტრო პოროშენკოს განცხადებით, საპრეზიდენტო არჩევნების შემდეგ ყველაფერს გააკეთებს, რათა ყირიმი უკრაინის შემადგენლობაში დააბრუნოს.

      ევროპის დამკვრელი - ავსტრიის პრეზიდენტი - ევროპელებმა დონალდ ტრამპის დაკრულზე არ უნდა იცეკვონ.

      დაუჩოქებელი ირანი - ირანის პრეზიდენტი - აშშ ირანს ვერ დააჩოქებს!

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 109

ტეგები: qwellynews, ამბები, ბლოგი, მარტი, ნიუსები, სიახლეები

Kakha: მარტი 19, 2019||12:50am

ველოდებით მარტის დიდ თოვლობას ))

ლაშა: მარტი 19, 2019||1:21am

მთებთოვლობა უკვე გვქონდა, მცირე მასშტაბებით )) 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

თითებზე ასხმული ქალაქები

გამოაქვეყნა Tamila Moshiashvili_მ.
თარიღი: სექტემბერი 19, 2021.
საათი: 10:24pm 1 კომენტარი

      დიდი ხანია ოქრომჭედელი არ ყოფილა ჩვენი ბლოგის სტუმარი. დღეს ოლა შეხტმანი (Ola Shekhtman) უნდა გავიცნოთ. ოლას უყვარს მოგზაურობა და მოგზაურობისას, ამა თუ იმ ქალაქის სუვენირების შეგროვება. ერთხელაც გადაწყვიტა რომ თავად შეექმნა მუდმივი თანამგზავრი სუვენირი. ქალაქში ჩასვლისას, ოლა ფართო პეიზაჟებს აკვირდება, სწავლობს, ხატავს და ერთ სიბრტყეზე გადააქვს. შემდეგ იწყება ყველაზე რთული. თითოეული მისი ბეჭედი ხელით არის დამუშავებული, დახერხილი,…

გაგრძელება

ექსტრადირების ამბავი, კოკაინი და მიყურადება

გამოაქვეყნა Giorgi_მ.
თარიღი: სექტემბერი 17, 2021.
საათი: 11:26pm 1 კომენტარი

      ნელ-ნელა იწყება კოვიდის მეხუთე ტალღაზე საუბარი და შესამზადებლად ვაქცინაციის წახალისება. დღის მთავარ ამბებში კვლავ საარჩევნო „სისუფთავეა“, ასევე ფარული ჩანაწერები ნელ-ნელა გამომზეურება მტყუან-მართლის გარკვევის პარალელურად. მეგის ქარდავას ექსტრადაცია განხორცილდება. ვალუტის კურსი - 1 აშშ დოლარი - 3.1129 ლარია.

საქართველოს და მსოფლიოს ამბები | 17 სექტემბერი, 2021…

qwellynews, სიახლეები, ნიუსები, ამბები, სექტემბერი

გაგრძელება

სახელმწიფო უსაფრთხოების სამსახური და პროტესტები საარჩევნოდ

გამოაქვეყნა Giorgi_მ.
თარიღი: სექტემბერი 16, 2021.
საათი: 11:30pm 0 კომენტარი

      როგორც ჩანს დაანონსებული წვიმები მხოლოდ ქობულეთს აუხდა მძიმედ - ძლიერმა წვიმამ სახლები დაიტბორა, რამდენიმე სოფელში კი მეწყრული პროცესები განვითარდა. ქვეყანაში ისევ მოსმენების ამბავია აქტუალური და კვლავ სუს მიმართ ისმის კითხვები და პროტსტები. ცხადია, ყველაფერი არჩევნებს უკავშირდება და მის გარშემო ტრიალებს. ვალუტის კურსი - 1 აშშ დოლარი - 3.1141 ლარია.

საქართველოს და მსოფლიოს ამბები | 16…

გაგრძელება

საარჩევნო ტრადიცია - მოსმენები, მიყურადებები და ჩანაწერების გამომზეურება, მერე კომენტარები

გამოაქვეყნა Giorgi_მ.
თარიღი: სექტემბერი 15, 2021.
საათი: 10:30pm 1 კომენტარი

      გამოდარებას არ შეგარგებენ რა, ხვალ და ზეგ წვიმა და ძლიერი ქარი გველოდებაო. დღეს კი მეინსტრიმული აღმოჩნდა ჩვენი საარჩევნო ტრადიცია - ფარული მიყურადების, მოსმენოების, ჩანაწერების მოულოდნელი გამომზეურება და სკანდალ-სკანდალ ნიუსები. დღის მთავარი თემა სწორედ ეს იყო. მეორე მთავარი ამბავია მოახლოებული არჩევნები. ვალუტის კურსი - 1 აშშ დოლარი - 3.1129 ლარია.

საქართველოს და მსოფლიოს ამბები | 15…

გაგრძელება

Qwelly World

free counters