ოპოზიციის ერთობა შალვას ოფისში, დატოვებული რურუა და ეპიდემიის შეზღუდვების მოხსნა

      სამი მთავარი ამბავი, რომელიც დღეს საქართველოს აინტერესებდა კორონას პარალელურად. ერთი ცხადია შეზღუდვების მოხსნისა თუ დატოვების ამბები და სამთავრობო გადაწყვეტილებები ამის შესახებ, მეორე პრაიმნიუსია - უცნაურად გამოშვებული უგულავა და ოქრუაშვილი, რომლებიც ძველ ოპოზიციონერებთან ერთობასა და გამარჯვებას აანონსებს და მესამე ამბავი, რურუკას კვლავ პატიმრობაა. მთავარი სამედიცინო სტატისტიკა ასეთია - საქართველოში: 701 შემთხვევა, გამოჯანმრთელებული - 432, გარდაცვლილი - 12. მსოფლიოში: დადასტურებული შემთხვევა - 4 758 937, გამოჯანმრთელებული - 1 754 891, გარდაცვლილი - 316 277.

საქართველოს და მსოფლიოს ამბები / 18 მაისი, 2020

      ეპიდემიისგან ქართული თავდაღწევა - მაკა სოლოღაშვილის განცხადებით, კლინიკას ბოლო 24 საათში კორონავირუსით ინფიცირებული 6 პაციენტი დაემატა, მათგან ერთის მდგომარეობა მძიმეა. ზუგდიდში არასრულწლოვანს კორონავირუსი დაუდასტურდა. ფოთის “ცხელების კლინიკაში“ მოთავსებულ ხუთ პაციენტს, რომელთა შორის 3 ბავშვია, კორონავირუსი არ დაუდასტურდა. პაატა იმნაძე - ხატისოფელი და მუშევანი ორივე პატარა სოფელია, მაგრამ კორონავირუსით დაზიანების მაჩვენებლით თუ ვიმსჯელებთ, ლამის იტალიაა. შემოდგომის ბოლოდან კორონავირუსის მეორე ძლიერ ტალღას ველით - შესაძლოა, მესამე და მეოთხე ტალღაც იყოს. მარინა ეზუგბაია - კორონავირუსის 6 ახალი შემთხვევიდან 3 უკავშირდება ბოლნისის კლასტერს, 3 კი ზუგდიდში დადასტურებულის პირის კონტაქტებია. სოფელ გეტაში კორონავირუსი კიდევ ერთ პირს დაუდგინდა. ლევან რატიანი - ამ ეტაპზე ყველაზე ნაკლები რაოდენობის პაციენტი გვყავს, 28 კოვიდინფიცირებული - სავარაუდოდ, მალე ჩვენი კლინიკა ჩვეულ რეჟიმში გადავა. დიმიტრი ხუნდაძე - კორონამ ჯანდაცვის სისტემა გატესტა - ჩვენ ხარვეზებიც ვნახეთ. რუსთავში კორონავირუსისგან მეცხრე ადამიანი განიკურნა. ლევან გოფოძე - ჯერჯერობით სოციალური დისტანცირება, მასიური შეკრებებისაგან თავის არიდება ძალაში უნდა დარჩეს. ალექსანდრე მოწერელია - თუ კორონავირუსის გავრცელება ფართო მასშტაბის იქნება, ზუგდიდის ჩაკეტვის საკითხი დადგება დღის წესრიგში.

      მსუბუქი თამბაქო - ამირან გამყრელიძე აცხადებს, რომ ცვლილება, რომელიც თამბაქოს ნაწარმის მიწოდების 15-გრამიან შეფუთვებში დაშვებას გულისხმობს, არასრულწლოვნებისთვის თამბაქოს მეტად ხელმისაწვდომს გახდის.

      კორონას შეზღუდვებისგან გათავისუფლებული მოსახლეობა - პრემიერის ხელმძღვანელობით გამართულ უწყებათაშორის საკოორდინაციო საბჭოზე განიხილეს შეზღუდვების მოხსნის მიმდინარეობა და ამ პროცესის შესაძლო გავლენა ზოგად ეპიდემიოლოგიურ მდგომარეობაზე. საქართველოში დღეიდან სილამაზის სალონები და ესთეტიკური მედიცინის ცენტრები გაიხსნა. მართვის უფლების მისაღები პრაქტიკული გამოცდები დღეიდან აღდგა. დღეიდან 3 ადამიანის შეკრებაზე შეზღუდვა მოიხსნა, თუმცა კვლავ რჩება აკრძალვა, რომელიც ავტომობილით გადაადგილებას ეხება. შსს-ს მომსახურების სააგენტომ სერვისების ეტაპობრივი განახლება დაიწყო. ქვემო ქართლის გუბერნატორი იმედოვნებს, რომ მარნეულის მსგავსად, მკაცრი საკარანტინე შეზღუდვები მალე ბოლნისისა და თეთრიწყაროს მუნიციპალიტეტებშიც მოიხსნება. თავდაცვის სამინისტროს ინფორმაციით, თავდაცვის ძალების პირადმა შემადგენლობამ მარნეულში არსებული სამივე საკონტროლო გამშვები პუნქტის დემონტაჟი განახორციელა. ბოლნისის მუნიციპალიტეტის რამდენიმე სოფელში მკაცრი საკარანტინო შეზღუდვები 19 მაისიდან იხსნება. გუდაური-კობის მონაკვეთზე გაუჩერებლად გავლის რეჟიმი მოიხსნა. 20 მაისიდან პენიტენციურ დაწესებულებებში ამანათების შეგზავნა განახლდება. მთავრობამ შესაძლოა, ქვეყანაში შემზღუდავი ღონისძიებების გატარება საგანგებო მდგომარეობის გამოცხადების გარეშეც შეძლოს. თბილისში წელს საზაფხულო ბაღები არ იფუნქციონირებს.

      კვლავ პატიმარი რურუა და დემოკრატია მის მსჯავრზე - პროკურორი - გიორგი რურუასთვის აღკვეთის ღონისძიების სახის შეცვლის ახალი გარემოება არ არსებობს- მოწმეების დიდი რაოდენობა დასაკითხია. თბილისის საქალაქო სასამართლომ გიორგი რურუა პატიმრობაში დატოვა. გიგი უგულავა - მნიშვნელობა არ აქვს, მოსწონს თუ არა გიორგი რურუა ვინმეს, მის მიმართ წარმოებული საქმე არის შეთითხნილი, პოლიტიკურად მოტივირებული და ის უნდა გათავისუფლდეს. გიორგი რურუა უნდა გათავისუფლდეს, წერტილი, როგორც მათ უყვართ - საჭირო არ არის გაჯიქება. სალომე სამადაშვილი - სასამართლომ ხელისუფლების ზეწოლით პოლიტიკური გადაწყვეტილება მიიღო - საკონსტიტუციო ცვლილებებს არ ექნება ოპოზიციის მხარდაჭერა, ვიდრე გიორგი რურუა ციხეში რჩება. გიგი უგულავა - ვიდრე პარლამენტში სამივე მოსმენა არ იქნება, მანამდე ვერ ვილაპარაკებთ, რა საარჩევნო სისტემა იქნება - ეს იმის გამო, რომ ამ ხალხის სიტყვის ფასი ნულია. ელენე ხოშტარია - ძალიან მკაფიოდ ითქვა, რომ გიორგი რურუაც 8 მარტის შეთანხმების ნაწილი იყო - ხელისუფლებამ ეს პროცესი უნდა დაასრულოს. გიორგი კახიანი გიორგი რურუას პატიმრობაში დატოვებაზე - სასამართლო გადაწყვეტილებების მიღებაში არის დამოუკიდებელი. გიორგი კახიანი - ოპოზიციის მხრიდან მნიშვნელოვან გადაწყვეტილების მიღებაზე უარის თქმის საფუძველი არ შეიძლება გახდეს ის, რომ სასამართლომ რურუასთვის აღკვეთი ღონისძიება არ შეცვალა. გიგი უგულავა - პრობლემა ჯერ არ არის ამოწურული და სანამ გიორგი რურუა საპატიმროში იქნება, პრობლემა დარჩება. ერთი მისხალის დათმობაც არ შეიძლება - გიორგი რურუა უნდა გათავისუფლდეს. გიორგი ვაშაძე - დღეს იქნება თუ ხვალ, რურუას გამოუშვებენ - ძალიან კარგად ვიცით ის წამალი, რომელიც კარგად მოქმედებს „ოცნებაზე“. ნიკა მელია - გიორგი რურუას გასათავისუფლებლად ივანიშვილს დასჭირდება მორჩილი ბატონი შოთაძე - პროკურატურა უბრალოდ გამოიჩენს „კეთილ ნებას“. შალვა შავგულიძე - ივანიშვილს არ უღირს, გიორგი რურუას მიმართ ამ უკანონობის გამო, 8 მარტის შეთანხმების შეუსრულებლობაზე პასუხისმგებლობა დაიტოვოს. ოპოზიციურმა პარტიებმა ერთობლივი განცხადება გაავრცელეს - ვიმედოვნებთ, გიორგი რურუა საპატიმროს მალე დატოვებს, შემდეგ კი პარლამენტი შეთანხმებულ საკონსტიტუციო ცვლილებებს მიიღებს. ანრი ოხანაშვილი - დაუშვებელი და ცინიკურია ვინმე რურუასა და საკონსტიტუციო ცვლილებებს შორის დასვა ტოლობის ნიშანი. „მთავარი არხის“ დამფუძნებლის გიორგი რურუას მეუღლე, სოფო სიხარულიძე - დღევანდელ პროცესზე პატრულმა აღიარა რომ გიორგი რურუას დაკავებისას მას სამხრე კამერის გამორთვა უბრძანეს.

      ძველი და ახალი ოპოზიცია ერთად შალვას პარტიაში - ოპოზიციური პარტიების წარმომადგენლების შეხვედრას გიგი უგულავა და ირაკლი ოქრუაშვილი დაესწრნენ. ზურაბ ჯაფარიძე - არარეალური მგონია, რომ ყველა ამ პარტიიდან, რომლებიც ვიკრიბებით, კოალიცია გაკეთდეს - მე რისიც მჯერა არის ის, რომ მაჟორიტარები არ უნდა დავუყენოთ ერთმანეთს. გიორგი ვაშაძე - ვითანამშრომლოთ მაჟორიტარულ ოლქებში და გვქონდეს მრავალფეროვნება პროპორციული მასშტაბით - ძალა ერთობაშია და არა დაცალკევებაში. ირაკლი ოქრუაშვილი - ბიძინა ივანიშვილს სამი არჩევანი აქვს - კარგი, ცუდი და ძალიან ცუდი - ძალიან ცუდი არჩევანი არის იქ გადასვლა, სადაც გუშინ მე და გიგი ვიყავით. გიგი უგულავას განცხადებით, მაჟორიტარების საკითხში კოორდინაციას და ერთიან მაჟორიტარებზე შეჯერებას ალტერნატივა არა აქვს. ნინო ბურჯანაძე - ნუ ვიმარჩიელებთ, მე იმედი მაქვს, რომ ხელისუფლებას ეყოფა გონიერება, შეთანხმება ბოლომდე შესრულდეს. გიორგი ვაშაძე - თუ „ქართული ოცნება“ კვლავ მოინდომებს ჩვენს მოტყუებას, ამ ტყუილს ექნება შესაბამისი პასუხი - შეიძლება აქციებიც იყოს და ყველაფერი. ირაკლი ოქრუაშვილი - ერთობა იქნება და თუ ვინმე ამ ერთობას ხელს შეუშლის, ის ქვეყნის წინააღმდეგ მიდის. გიგი უგულავა - რომ არა ხალხის ზეწოლა ჩვენზე, ჩვენ ერთად არ დავდგებოდით - რომ არა ჩვენი ერთად ყოფნა და ჩვენი ზეწოლა ხელისუფლებაზე, არც უცხოელები არაფერს არ იზამდნენ. ირაკლი ოქრუაშვილი - წინ გველოდება ბევრი მძიმე დღე, რათა ქვეყანა ჭაობიდან ამოვიყვანოთ. ნინო ბურჯანაძე - მაჟორიტარ კანდიდატებად ისეთი ადამიანები იყვნენ დასახელებულნი, რომელთა მიმართ საზოგადოებას აბსოლუტური მხარდაჭერა თუ არა, სერიოზული პრეტენზიები მაინც არ აქვს. დავით ბერძენიშვილი - „რესპუბლიკური პარტია“ დაინტერესებულია, რომ მაჟორიტარულ ოლქებში ოპოზიციის კოორდინაცია მოხდეს. თინა ბოკუჩავა - მნიშვნელოვანია, რომ ოპოზიციური ფორმატი რჩება იგივე, ერთიანი საკუთარ პოზიციებში. გიგი უგულავა - აქამდე საქართველო იყო ერთი პარტიის დომინაციის დემოკრატია - ჩვენ ახალ პოლიტიკურ ერას ვიწყებთ, აღარ იქნება კოლექტიური „მათიკაშვილობანა“. ირაკლი ოქრუაშვილი აცხადებს, რომ მაჟორიტარობის კანდიდატი იქნება. გიორგი ვაშაძე - 1-2 კვირაში ყველა პარტია ჩამოყალიბდება, მონაწილეობს თუ არა მაჟორიტარების შეთანხმებაში, პირადად მე ვმონაწილეობ და სავარაუდოდ, თბილისში მაჟორიტარობასაც ვაპირებ. გიგი უგულავა - 20 ივნისს აქცია ლოგიკური და სწორია - 20 ივნისი იქნება ახალი ენერგიის, განახლების და ამავე დროს ძველი პრობლემების არდავიწყების დღე. ლოგიკურია, რომ მე ვიყო მაჟორიტარი, მაგრამ სად და როგორ ვიქნები, ვერ ვიტყვი. გია ვოლსკი - „ოპოზიციური კლასტერი“, რომელიც ნათელაშვილის ეზოში ჩამოყალიბდა, კიდევ არაერთ მიზეზს დაასახელებს, რათა საკონსტიტუციო ცვლილებები არ დამტკიცდეს. ირაკლი ოქრუაშვილი - მერაბიშვილის ადგილი პოლიტიკაში არაა. რუსთავი ორს დავიბრუნებ და გავაჩუქებ.

      პარლამენტის საქმეები - ლევან კობერიძე - პარლამენტმა თავისი თავი არდადეგებზე წასულად გამოაცხადა - პარლამენტის თავმჯდომარემ გადაწყვიტა, რომ დასვენება უფრო მეტი გვჭირდებოდა, ვიდრე - მუშაობა. როგორც ვხედავ, ჯანდაცვის მინისტრი არ აპირებს მოსვლას პარლამენტში - კომიტეტმა ვენეციურ კარნავალს გავუკეთოთ ორგანიზება, თან ნიღაბს გაიკეთებს და იქნებ იქ მაინც მოვიდეს. არამხოლოდ მე, საზოგადოებასაც აინტერესებს, ჰოსპიტალური სექტორი რამდენად მზად არის გახსნისთვის, რა პარამეტრებით არის მზად, რა არის გაუმჯობესებული.

      ძველი სტატისტიკა ახლის ასაწყობად - საქსტატის მონაცემებით, 2019 წელს საქართველოში უმუშევრობის დონე, 2018 წელთან შედარებით, 1.1 %-ით შემცირდა და 11.6 % შეადგინა. უმუშევრობის დონე, ქალებთან შედარებით, ტრადიციულად მაღალია კაცებში.

      სისაძაგლე - ე.წ. ბავშვთა პორნოგრაფიის საქმეზე დაკავებულების ადვოკატები სახალხო დამცველსა და ბავშვთა უფლებების დამცველებს საქმის მონიტორინგისა და პროცესში ჩართვისკენ მოუწოდებენ.

      კორონას ფული - გაერო COVID-19-ის პანდემიაზე რეაგირებისთვის საქართველოს დასახმარებლად 1 მილიონ დოლარს გამოყოფს. პოლიციამ საგანგებო მდგომარეობის რეჟიმის დარღვევის 99 ფაქტი გამოავლინა. აშშ-ის საელჩოს ინფორმაციით, მიმდინარე თვეში, აშშ-ის თავდაცვის საფრთხის შემცირების სააგენტომ საქართველოს 500 000-მდე დოლარის ღირებულების პერსონალური დაცვის აღჭურვილობა გადასცა.

      მეოცნებე ბოკერია - დავით ჭიჭინაძე - „ოცნებას“ და ბოკერიას შორის მოლაპარაკებები ყოველთვის მიდიოდა და სწორედ ამიტომ ჩამოშორდა ის სააკაშვილს.

      საზღვაო ტრანსპორტის სააგენტოს დირექტორის ინფორმაციით, პანდემიის პერიოდში, სახელმწიფოს დახმარებით, 200-ზე მეტი მეზღვაური დაბრუნდა.

      წრეზე სიარული ანუ მოწყვლადი ეკონომიკა - პრემიერ-მინისტრმა ქართველ ელჩებს დაავალა, მსოფლიოს ხელახლა გააცნონ საქართველო, როგორც ტურისტულად უსაფრთხო დანიშნულების ქვეყანა.

საზღვარგარეთულები:

      #WorldCovid19: BBC - მალე ბრაზილიის საავადმყოფოებში კორონავირუსით დაინფიცირებული პაციენტებისთვის საკმარისი ადგილები აღარ იქნება. ბორის ჯონსონი - გულახდილად უნდა ვთქვა, რომ კორონავირუსის ვაქცინა შეიძლება საერთოდ ვერ შეიქმნას. ვიეტნამში თვეზე მეტია კორონავირუსის არც ერთი შემთხვევა არ გამოვლენილა. სომხეთში, ბოლო დღე-ღამის მანძილზე კორონავირუსის რეკორდული 351 ახალი შემთხვევა გამოვლინდა. ჯანმო-ს საქართველოს წარმომადგენლობა - მოვუწოდებთ პარლამენტს, წინ აღუდგნენ თამბაქოს კონტროლის სფეროში არსებული ყოვლისმომცველი პოლიტიკის და კანონმდებლობის შესუსტების მცდელობას. რომის პაპმა მარტის შემდეგ ვატიკანში პირველი მესა აღავლინა. საფრანგეთში სკოლების გახსნის შემდეგ, 70 მოსწავლე კორონავირუსით დაინფიცირდა. ანტონიო გუტიერესი - მცირე ერთობისთვის მსოფლიო მძიმე ფასს იხდის - კორონავირუსი სამხრეთისკენ მიიწევს, სადაც მისი ზემოქმედება ბევრად გამანადგურებელი იქნება. ჩინეთის პრეზიდენტის განცხადებით, კორონავირუსით დაზარალებული ქვეყნების დასახმარებლად 2 მილიარდ დოლარს გამოყოფენ. ანგელა მერკელი - რაც მეტად ვითანამშრომლებთ, მსოფლიო უფრო მალე დაძლევს პანდემიას. მსოფლიო ადამიანთა ერთობისთვის საყოველთაო ლოცვას აღავლენს. რუსეთში ბოლო 24 საათში კორონავირუსით 91 ადამიანი დაიღუპა, 8 926 კი დაინფიცირდა. იტალიაში ბოლო დღე-ღამეში კორონავირუსით 99 ადამიანი დაიღუპა. საფრანგეთი და გერმანია კორონავირუსისგან დაზარალებული ევროკავშირის წევრების დასახმარებლად 500 მილიარდი ევროს ფონდის შექმნის ინიციტივით გამოვიდნენ. ჩინეთის ჩრდილო-აღმოსავლეთ ნაწილში კორონავირუსის ხელახლა გავრცელების გამო, 100 მილიონზე მეტი ადამიანი კარანტინის რეჟიმში იმყოფება.

      პარიზში ახალგაზრდებსა და პოლიციას შორის შეტაკება მოხდა.

      ავღანეთში ტერორისტული აქტის შედეგად 7 ადამიანი დაიღუპა.

      ინდოეთსა და ბანგლადეშს ტაიფუნი უახლოვდება, ორივე ქვეყანაში მოსახლეობის ევაკუაცია დაიწყო.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 38

ტეგები: qwellynews, ამბები, ბლოგი, მაისი, ნიუსები, სიახლეები

Kakha: მაისი 18, 2020||11:27pm

ბორის ჯონსონის არ ვიცი და სტატია სტატიაზე იბეჭდეა რო ვაქცინა იქმნებაო :D თუ ვერ ქმნიან ტყუილ იმედს რა აზრი აქვს? სხვაგანაც ოქტომბერშია არჩევნები? :D

Kakha: მაისი 20, 2020||9:55am

ფრანგულმა შეტაკებებმა დამღალეს )

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

დაკარგული სახეები

გამოაქვეყნა nunu qadagidze_მ.
თარიღი: ოქტომბერი 21, 2020.
საათი: 2:30pm 0 კომენტარი

      - მე ერთხელ ძალიან მაგრად გამიმართლა...

      ასეთი სიტყვები ანკესივითაა, აუცილებლად მიიპყრობს ყურადღებას. აბა, ვინ არ ოცნებობს ასეთ რამეზე? მეც ძალაუნებურად მივუგდე ყური. ვიღაც ჭაღარა მამაკაცი ყვებოდა თავის ამბავს, ხის მერხზე ჩამომჯდარი.

      - აეროპორტში ვიყავი, საქონელს ველოდებოდი. სტიუარდესა მყავდა ერთი შეგულებული. გამოაცხადეს, რეისი იგვიანებსო. მოსაცდელ დარბაზს მივაშურე, იქ მებუფეტესთან მქონდა რაღაც ანგარიშები…

გაგრძელება

RuneScape continues to grow more than ever

გამოაქვეყნა Megaomgchen_მ.
თარიღი: ოქტომბერი 20, 2020.
საათი: 4:00am 0 კომენტარი

Naturally the team and I are saddened that some gamers are upset about free spins and some also do not enjoy the capacity to also purchase extra spins, however, the truth is 90% of our members are still enjoying the Squeal of Fortune on a daily basis and RuneScape gold more than 70 percent of our free players use the Squeal of Fortune daily also - which makes it a number of the most widely appreciated content release thus far. Nearly all our players also continue to take advantage of the…

გაგრძელება

ათასეული კორონა და ქება-კრიტიკა საარჩევნოდ

გამოაქვეყნა Giorgi_მ.
თარიღი: ოქტომბერი 19, 2020.
საათი: 10:57pm 0 კომენტარი

      მეორედ ათასეულს ზემოთ ანუ 1186 ახალი შემთხევა 24 საათში და რა გასაკვირია, რომ დღის მთავარი ამბავი სწორედ კოვიდ19-ია. მთავრობის განცხადებები, გამოსვლები, გადაწყვეტილებები და კრიტიკა ცუდ მენეჯმენტზე. ამას ემატება კარზე მომდგარი არჩევნები და საარჩევნოდ ხმების მოსაგროვებლად გაკეთებული მრავალი განცხადება და თავის ქება-სხვების ლანძღვა. ადგილობრივი კორონა რიცხვებში - დადასტურებული შემთხვევა - 18663, გამოჯანმრთელებული - 8338, გარდაცვლილი - 143,…

გაგრძელება

ველოარტი ანუ ხელოვნება ველოსიპედით

გამოაქვეყნა Tamila Moshiashvili_მ.
თარიღი: ოქტომბერი 18, 2020.
საათი: 10:24pm 0 კომენტარი

      იმ თაობის გოგოებს მივეკუთვნები, რომაული არდადეგები რომ ყველაზე რომანტიკული და საყვარელი ფილმი მიაჩნიათ და ველოსიპედით კატაობა არა უბრალო გართობა, არამედ გრეგორისთან ერთად სეირნობად აღიქმებოდა. ოდრი ხომ ყველა ჩვენგანის სათაყვანებელი გოგო იყო. კალათიანი ველოსიპედი იშვიათობა იყო ჩვენს ქალაქში, მაგრამ ბიჭებისგან ნათხოვარს, კბილს ვინ გაუსინჯავდა რომ დაეწუნებინა? რას მოვაყოლე ამხელა ტექსტი? ამ ველოსიპედის ჯაჭვები „ცეპები“ ხშირად წყდებოდა და უბის…

გაგრძელება

Qwelly World

free counters