ელექტრონული კომუნიკაციის რეგულაცია, გამოფეისბუკებული არჩევნები და რუსეთის რიტორიკა

      ჩინეთი რისი ჩინეთია ეკონომიკური ზრდა არ ჰქონოდა სულ მალე, თუნდაც კორონას პერიოდშივე. დღის ამბები ელ კომუნიკაციების კანონია, ასევე რუსეთის რიტორიკა და საარჩევნო რეიტინგები და კანდიდატებით ტრაბახობანა. ძალიან ჩამოცხა დღეს, თუმცა 18 ივლისამდე საქართველოს ზოგიერთ რაიონში ძლიერი წვიმა და ქარია მოსალოდნელიო. დოლარის კურსს რაც შეეხება - აშშ დოლარის ოფიციალური ღირებულება 3.0652 ლარი გახდა.

საქართველოს და მსოფლიოს ამბები / 16 ივლისი, 2020

      კორონას პერიოდი - ჩინეთმა საქართველოს კორონავირუსთან ბრძოლის მიზნით, პირადი დაცვის საშუალებები გადასცა. მარინა ეზუგბაიას განცხადებით, 24 საათში კორონავირუსით ინფიცირების 3 ახალი შემთხვევიდან ერთი შემოტანილია, ორზე წყაროს კვლევა გრძელდება. გიორგი კანდელაკი - მივმართავ მთავრობას კითხვით, გაივლის თუ არა ორკვირიან კარანტინს დავით ზალკალიანი, რომელიც ბრიუსელში იმყოფებოდა? თუ არ გაივლის - რატომ არის გამონაკლისი? ბრიუსელიდან დაბრუნებული დავით ზალკალიანი კარანტინში არ იმყოფება, ის დღეს მთავრობის სხდომას დაესწრო. ჯანდაცვის მინისტრის მოადგილე ფარმაცევტთა ასოციაციის ხელმძღვანელის განცხადებას ზოგიერთ მედიკამენტზე ფასის შესაძლო მომატების თაობაზე, არ იზიარებს. ფარმაცევტთა ასოციაციის პრეზიდენტი - გარკვეულ მედიკამენტებზე შესაძლოა დეფიციტი შეიქმნას, ფასის მატება, სავარაუდოდ, 7-10% იქნება. საგარეო უწყება განმარტავს, რომ დავით ზალკალიანმა PCR ტესტი ჩაიტარა და პასუხი უარყოფითია.

      საარჩევნო გამოფეისბუკება - „ფეისბუქის“ გადაწყვეტილებით, 2020 წლის აგვისტოდან საქართველოში საარჩევნო და პოლიტიკური რეკლამების ავტორიზაცია სავალდებულო გახდება. მანამდე არასამთავრობო ორგანიზაციებმა და მედიის წარმომადგენლებმა „ფეისბუქს“ მიმართეს, წინასაარჩევნოდ ხელმისაწვდომი გახადოს პოლიტიკური რეკლამების ბიბლიოთეკა.

      ზრდა - კობა გვენეტაძის შეფასებით, ივნისში საქართველოში გადმორიცხული ფულადი გზავნილების ზრდა მნიშვნელოვანი ფაქტია.

      ელ. კომუნიკაციების კანონი - სერგი კაპანაძე - სამარცხვინო კანონია, ეს კომიტეტიც სამარცხვინოდ იქცა და თავმჯდომარეზე აღარ ვიტყვი არაფერს წევრებთან ერთად. ლუიზა ვინტონი - ერთ-ერთი მნიშვნელოვანი მონაპოვარი, რასაც ჩვენ ველოდებით 2020 წელს, იქნება „პერსონალურ მონაცემთა დაცვის შესახებ“ ახალი კანონის მიღება. მეთიუ ბრაიზა - ვშიშობ, „ელექტრონული კომუნიკაციების შესახებ“ კანონში ცვლილებებს, შესაძლოა, „კავკასუს ონლაინი“ ჰყავდეს მიზანში ამოღებული. „კავკასუს ონლაინის“ გენერალური დირექტორი რომან კაკულიას - ჩვენი კომპანია არანაირ კომპრომისულ ვარიანტზე არ წასულა, არ ვიზიარებთ თქვენს პოზიციას!

      მიკროფონი პრემიერისთვის - გიორგი გახარია - ეკონომიკაში გარკვეული პოზიტიური ნიშნები უკვე გამოჩნდა, ტურისტული სექტორის მიღმა აქტივობები აშკარად გაზრდილია. „განათლების სამინისტრო თავისი გამოცდით მივა“ „კოვიდ-19“-ით ინფიცირებულ აბიტურიენტთან, რათა მან წელი არ დაკარგოს. წლების განმავლობაში ცილისწამების მიუხედავად, ქვეყნისთვის უნიკალური პარკი ხელმისაწვდომი იქნება ყველა მოქალაქისთვის. თელავისა და ყვარლის სოფლები დაისეტყვა, ფერმერებს განსაკუთრებული ყურადღება უნდა მივაქციოთ. პანდემიის შოკი გაგრძელდება წლის ბოლომდე, ამიტომ უნდა გადავამოწმოთ ყველა სოციალური ჯგუფი და მოქალაქეებს მივეხმაროთ. ვაშაძე გახარიას რეიტინგზე - ტელევიზორში ლამაზად საუბრობდა, კაბინეტს იქით კი კატასტროფა ხდება.

      შაქარას საქმე - სახელმწიფო ინსპექტორის განცხადებით, შაქარაშვილის გარდაცვალების საქმეზე მის უწყებას პროცესის ერთ-ერთმა მონაწილემ მიმართა. შაქარაშვილის საქმეზე დაკავებული მორაგბეების ადვოკატი - საქმის ახალ მასალებში არანაირი მტკიცებულებები არ არის, რაც დაამტკიცებს რაიმე შემხებლობას გარდაცვლილთან. შაქარაშვილის საქმის ერთ-ერთი მოწმე - სოციალური ქსელის ჩანაწერები ამოიღეს, მე მხოლოდ დაბადების დღეზე ვიმყოფებოდი

      რუსეთის რიტორიკა - გია ვოლსკის განცხადებით, რუსეთის რიტორიკა შეცვლილია და განსაკუთრებული ყურადღება მართებს არამხოლოდ საქართველოს, არამედ პარტნიორ ქვეყნებსაც. რომან გოცირიძე - რუსეთის საგარეო უწყების განცხადება შეურაცხმყოფელია. რუსეთის საგარეო საქმეთა სამინისტრო - შეშფოთებულები ვართ საქართველოს მხრიდან რუსეთის, სამხრეთ ოსეთისა და აფხაზეთის საზღვრების უკანონოდ გადაკვეთის ფაქტების გახშირების გამო და საქართველოს ხელისუფლებას პროვოკაციული განცხადებებისა და ქმედებების შეწყვეტისკენ მოვუწოდებთ. რუსეთის საგარეო უწყება - მოვუწოდებთ საქართველოს ხელისუფლებას, შეწყვიტოს პროვოკაციული ქმედებები. გაერთიანებული სამეფოს საგარეო და თანამეგობრობის ოფისის ანგარიში - საქართველოს აფხაზეთისა და სამხრეთ ოსეთის რეგიონებში რუსეთის გაზრდილმა ჩარევამ ადამიანის უფლებათა მხრივ ვითარების მკვეთრი გაუარესება გამოიწვია.

      ბათუმური მმართველობა - „ლელოს“ წევრი - რაც ბათუმის მერიაში ხდება, სრული უსინდისობაა. აჭარის უმაღლესი საბჭო საბჭოს არჩევნების შესახებ კანონში შესატანი ცვლილებების განხილვას იწყებს. ბათუმის მერმა ლაშა კომახიძემ თანამდებობა დატოვა.

საზღვარგარეთულები:

      კოვიდ მსოფლიო - სომხეთში, ბოლო 24 საათში, კორონავირუსის 554 ახალი შემთხვევა გამოვლინდა, 15 ადამიანი გარდაიცვალა. რუსეთში კორონავირუსის 6 428 ახალი შემთხვევა გამოვლინდა და 167 ადამიანი გარდაიცვალა.

      ომი კავკასიაში - სომხეთის თავდაცვის მინისტრი - აზერბაიჯანულ მხარეს ბევრი დაღუპული და დაჭრილი ჰყავს. რუსეთის საგარეო საქმეთა მინისტრის მოადგილე - სომხეთ-აზერბაიჯანის საზღვარზე მიმდინარე მოვლენებმა, შესაძლოა, რეგიონის უსაფრთხოებაზე მოახდინოს ზეგავლენა. ილჰამ ალიევმა საგარეო საქმეთა მინისტრი თანამდებობიდან გაათავისუფლა. აზერბაიჯანი სომხეთს ატომურ ელექტროსადგურზე დარტყმით დაემუქრა.

      როცა მწარმოებელი ხარ - ჩინეთში ეკონომიკური ზრდა განახლდა.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 64

ტეგები: qwellynews, ამბები, ბლოგი, ივლისი, ნიუსები, სიახლეები

Kakha: ივლისი 19, 2020||4:49pm

ისე ბაგრატუნიანების ბატალიონი სადაა? რო არ მოვიკითხეთ ხო არ ამოწყდნენ? :D აფხაზეთის მერე ბაქოში მირბიან თუ რა ამბავია ? :D

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ანულირებული ხელშეკრულების ხმაური

გამოაქვეყნა Giorgi_მ.
თარიღი: ივლისი 29, 2021.
საათი: 11:07pm 0 კომენტარი

      ალბათ, არავის გაუკვირდა რომ მთელი დღე მხოლოდ ანულირება და ხელშეკრულების გაუქმება, გადაგდება, კრიტიკა, შეშფოთება და იმედგაცრუება ისმოდა. თუკი ვინმეს ჰკითხეს აზრი ანულირების შესახებ, ყველამ მხოლოდ კრიტიკა წარმოთქვა გარდა ანულირების ავტორებისა - ისინი დარწმუნებით და თავდაჯერებით საუბრობენ საკუთარ ძლიერებასა და გადაწყვეტილების აუცილებლობაში. ვალუტის კურსი - 1 აშშ დოლარი - 3.1197 ლარია.…

გაგრძელება

გაუგებარი ანულირება და ოლიმპიური ოქრო ტოკიოში

გამოაქვეყნა Giorgi_მ.
თარიღი: ივლისი 28, 2021.
საათი: 11:30pm 0 კომენტარი

      კარგი ამბავი გამოჩნდა - ლაშა ბექაური ოლიმპიური ჩემპიონია. ამის პარალელურად, დღეს რომ მშვიდად არ ჩაევლო, მმართველმა გუნდა, ევროპა რომ აწვალა და დოკუმენტი აწერინა, იმ დოკუმენტის ანულირება გამოაცხადა იმიტომ რომ მთავარი ოპოზიციური პარტია ხელს არ აწერსო. დღის ამბავი ცხადია ეს იყო. ვალუტის კურსი - 1 აშშ დოლარი - 3.1052 ლარია.

საქართველოს და მსოფლიოს ამბები | 28 ივლისი,…

გაგრძელება

შემაშფოთებელი კოვიდსტატისტიკა, წვიმა და წყალდიდობები, არჩევნები და ევროპული დარიგებები

გამოაქვეყნა Giorgi_მ.
თარიღი: ივლისი 27, 2021.
საათი: 11:00pm 0 კომენტარი

      ძლიერმა წვიმებმა მთელი საქართველო შეაწუხა და დღის მთავარ ამბად იქცა. სინოპტიკოსები კი ამბობენ, რომ მსავსი ამინდი 29 ივლისის დილამდე შენარჩუნდებაო. დღის მთავარი იყო კოვიდის უამრავი ახალი შემხვევადი და ახალი რეგულაციების მოლოდინი, ასევე აცრებსა და ვაქცინაციაზე მსურველთა რაოდენობები და აქტიურობა. დღეს ასევე ევროპის საბჭოს საპარლამენტო ასამბლეის პრეზიდენტიც მეინსტრიმული აღმოჩნდა მედიაში. ვალუტის კურსი - 1 აშშ დოლარი - 3.0892 ლარია.…

გაგრძელება

ოლიმპიადა ყოველდღიურობაში

გამოაქვეყნა Tamila Moshiashvili_მ.
თარიღი: ივლისი 24, 2021.
საათი: 11:41pm 0 კომენტარი

      როგორი პოლიტიკური დღის წესრიგიც არ უნდა იყოს მსოფლიოში, როგორი პოლიტიზირებულიც არ უნდა იყოს სპორტი, ოლიმპიური თამაშები მაინც ერთ-ერთი ყველაზე მნიშვნელოვანი სპორტული მოვლენაა, რომელსაც მილიონობით ადამიანი ელოდება. შარშანდელი ოლიმპიადა წელს ტარდება, მაგრამ ხალხის გარეშე. იაპონიამ, მხოლოდ დელეგატები და მონაწილეები მიიღო და უმასპინძლა. დღეს არა თავად ოლიმპიურ თამაშებზე, არამედ მის დახვედრაზე ვისაუბრებთ. ტოკიოში, ნაკამეგუროს რაიონში მოღვაწეობს…

გაგრძელება

Qwelly World

free counters