ათასეული კორონიანი საქართველოში, ოცნების სახეები და ფეხბურთელის საქმე

      დღესასწაულის ქველინიუსი ცოტა პოლიტიზირებული და შედარებით ხმაურიანი გამოდგა. ცხადია, ბოლო დღეების და კვირების მთავარი ამბავი ისევ ფეხბურთელის საქმეა, რომელსაც ოპოზიციური მედია აშუქებს, ნაკლებ ოპოზიციური კი აქა-იქ ნიუსებს უთმობს. დღის მთავარი ამბავი პარლამენტარების საქმიანობასაც ეხებოდა და ოცნების შიდა პოლიტ-სახეების საქმეს.

საქართველოს და მსოფლიოს ამბები / 15 ივლისი, 2020

      ქართველი კორონა ათ ასეულს ასცდა - მარინა ეზუგბაიას განცხადებით, კორონავირუსით ინფიცირების 4 ახალი შემთხვევიდან 3 შემოტანილია, ერთის დაინფიცირების წყაროს მოძიება კი გრძელდება. რუსთავის „ცხელების ცენტრში“ 65 წლის ქალს „კოვიდ 19“ დაუდასტურდა. კორონავირუსის პრევენციისთვის განსაზღვრული რეკომენდაციების დაცვის მიზნით, ქვეყნის მასშტაბით ამ დროისთვის 13 300-მდე ინსპექტირება განხორციელდა. ნათია თურნავა - პანდემიის მიუხედავად, საქართველოში ახალი საწარმოები იხსნება. კახეთში 10 თვის ბავშვს კორონავირუსი დაუდასტურდა. კორონავირუსით ინფიცირებულ 10 თვის ბავშვს ვირუსის მსუბუქი ფორმა აქვს და ტემპერატურა არ უფიქსირდება. საქართველოში კორონავირუსის დადასტურებული შემთხვევების რაოდენობა 1004-ს შეადგენს. კოვიდინფიცირებული აბიტურიენტი გამოცდას იქ ჩააბარებს, სადაც მკურნალობას გადის.

      დაცვა - თბილისის საქალაქო სასამართლოდან პატიმრის გაქცევის ფაქტზე, პროკურატურამ გამოძიება დაიწყო.

      სალომე ზურაბიშვილი ზუგდიდში ვლაქერნობის დღესასწაულს ესწრება.

      შეკვეთილში, დენდროლოგიური პარკი დღეიდან ოფიციალურად გაიხსნა.

      ოცნების სამზარეულო - დავით ჭიჭინაძე - ივანიშვილმა ცინიზმის უმაღლესი მწვერვალი გამოავლინა. რომან გოცირიძე - ივანიშვილისთვის „ოცნების“ ყველა წევრი ვირუსმატარებელია, კვლავ ვიხილავთ ბუნკერიდან საუბრებს "ოცნების" ოფისთან. ირაკლი მეზურნიშვილის განცხადებით, იმაში, რომ ივანიშვილი საარჩევნო შტაბის შეხვედრას ონლაინ რეჟიმში დაესწრო, საეჭვო არაფერია. რომან გოცირიძე - ივანიშვილი პარლამენტში კომფორტს ვერ იგრძნობს, მაშინ დარბაზი უნდა გაიყოს შუაში და ერთი ფლიგელი დაეთმოს მას, სადაც დაცვის 100 წევრი დაჯდება. ირაკლი კობახიძის განცხადებით, ბიძინა ივანიშვილის გადასაწყვეტია, იქნება თუ არა საარჩევნო სიის პირველი ნომერი. უახლოეს მომავალში დავასახელებთ მაჟორიტარი დეპუტატობის კანდიდატებს, შემდეგ გაგრძელდება სიაზე მუშაობა. ირაკლი კობახიძე - პარლამენტის თავმჯდომარე არის არჩილ თალაკვაძე და გააგრძელებს ამ პოზიციაზე მუშაობას. ეკა ბესელია - ბილბორდებზე კობახიძე, კილაძე, ოხანაშვილი და მათიკაშვილი ვერ გაიკვრებიან ხომ? ერთადერთი არის ივანიშვილი და ის თუ არ გამოჩნდა, ვინ არის “ქართული ოცნება”?

      ფარდულის ქალაქი - „ნაცმოძრაობის“ წევრი - საპარლამენტო ქალაქის ნაცვლად, ქუთაისი ფარდულების ქალაქად გადაიქცევა.

      დამკვირვებლების მისია - პრეზიდენტი - ევროკავშირის სადამკვირვებლო მისია უნდა გავააქტიუროთ და მისი სამოქმედო არეალი უნდა გაიზარდოს. გია ვოლსკი - ბორდერიზაციის პროცესი არის გამოხატულება იმ ბოროტი სახის, რაც ოკუპაციას გააჩნია. უკრაინის საგარეო საქმეთა სამინისტრო რუსეთის საოკუპაციო ძალების წარმომადგენლების მიერ საქართველოს მოქალაქის, ზაზა გახელაძის დაკავების ფაქტს ეხმაურება.

      ვერ-მფრინავი - გიორგი კანდელაკი - მთავრობა „ვიზეარს“ ფრენების უფლებას არ აძლევს.

      კალაძის გამოწვევა - კახა კალაძე - მნიშვნელოვანი გამოწვევაა ტრანსპორტის მოწესრიგება ისე, რომ მოქალაქეებმა კერძო ავტომობილების ნაცვლად უპირატესობა საზოგადოებრივ ტრანსპორტს მიანიჭონ. პეკინის გამზირსა და მიმდებარე ქუჩებზე პარკირების ზონალურ-საათობრივი სისტემა ამოქმედდება. სამშენებლო ან სხვა ინერტული ნარჩენით გარემოს დაბინძურებაზე ფიზიკური პირის მიმართ ჯარიმა 25-ჯერ, იურიდიულის მიმართ კი 10-ჯერ გაიზარდა. კულტურის სფეროს დაფინანსება გაიზრდება.

      პარლამენტის საქმეებიდან - არჩილ თალაკვაძე „ევროპულ საქართველოს“ - როგორ ხდება, რომ ბიუროს ყველა სხდომაზე წერილი შემოგაქვთ, თითქოს სხდომას არ ესწრებით და შემდეგ სხდომებს ესწრებით? ბიუროს სხდომაზე ვერ ვხედავ იმ ადამიანებს, ვინც კორონავირუსის პიკის დროს გვსაყვედურობდნენ, პარლამენტი რატომ არ მუშაობსო. კანონპროექტი, რომელიც კომუნიკაციების კომისიას ლიცენზირებულ კომპანიებში სპეციალური მმართველის დანიშვნის უფლებას აძლევს, პარლამენტმა პირველი მოსმენით დაამტკიცა. კანონპროექტი, რომელიც „კომერციული ატაშეს“ თანამდებობის გაუქმებას ითვალისწინებს, პარლამენტმა მესამე მოსმენით დაამტკიცა.

      ფეხბურთელის საქმე - შაქარაშვილის საქმეზე დაკავებული არასრულწლოვნის ადვოკატის განცხადებით, მისი დაცვის ქვეშ მყოფის გარეგანი დაზიანებების დათვალიერება ვერ მოხერხდა. ადვოკატი აცხადებს, რომ შაქარაშვილის საქმეზე დაკავებული არჩილ გაგნიძის კატეგორიული მოთხოვნაა, საგამოძიებო ექსპერიმენტი ჩატარდეს. პრეზიდენტი შაქარაშვილის საქმეზე - მე ვაჟკაცობა ვიცი ერთი-ერთზე, ჯგუფური ძალადობა არის მიუღებელი, არაქართული - კიდევ უფრო მაღალი დონის ვაჟკაცობაა აღიარება და მონანიება. ომბუდსმენი პრეზიდენტის განცხადებაზე - არ უნდა მოვახდინოთ არც ერთი-ერთზე და არც ჯგუფური ძალადობის რომანტიზება. შაქარაშვილის მეგობრის ჩვენებით, მცხეთაში, დაბადების დღეზე სიტუაცია დაძაბული იყო, რადგან „ბიჭებს გოგოების წინაშე თავიანთი დომინანტობის წარმოჩენა სურდათ“. შაქარაშვილის საქმეზე 10 წლის მოწმის ჩვენებით, ავტომანქანა, რომელსაც მამამისი მართავდა, ხიდზე დაყრილი მწვანილის ასაღებად გააჩერეს. შაქარაშვილის საქმეში ამირხანაშვილის ბოლო ჩვენება არაა - დაკავებულების ადვოკატები გამოძიების ხარვეზებზე საუბრობენ. შაქარაშვილის საქმეზე ბრალდებული მორაგბე საგამოძიებო ექსპერიმენტს ითხოვს.

      დავით ცინარიძე 30 000-ლარიანი გირაოს სანაცვლოდ გაათავისუფლეს. სულხან სალაძე დავით ცინარიძის გათავისუფლებაზე - ოჯახში ძალადობის საქმეებზე სახელმწიფოს პოლიტიკა მკაცრი უნდა იყოს.

საზღვარგარეთულები:

      მსოფლიოს ისევ აშინებს კოვიდ მომავალი - ავსტრალიაში კორონავირუსის 237 ახალი შემთხვევა დაფიქსირდა, 3 პაციენტი კი გარდაიცვალა. იაპონიაში, აშშ სამხედრო ბაზებზე, კორონავირუსით დაინფიცირებულთა რაოდენობა 136-მდე გაიზარდა. სომხეთში, ბოლო 24 საათში, კორონავირუსის 515 ახალი შემთხვევა გამოვლინდა, 11 ადამიანი გარდაიცვალა. ჯანდაცვის მინისტრი - საქართველოს მხარე მზადაა, მეზობელ სომხეთს ყველა საჭიროებით დაეხმაროს. რუსეთში, 24 საათში კორონავირუსის 6 422 ახალი შემთხვევა გამოვლინდა და 156 ადამიანი გარდაიცვალა. ჯო ბაიდენი - საქმე იმდენად ცუდადაა, რომ ტრამპმაც კი გადაწყვიტა პირბადე ატაროს. ჩინეთი აშშ-ს დაწესებული სანქციების გამო საპასუხო ნაბიჯით ემუქრება.

      თურქეთი და რუსეთი ფრენების განახლებაზე შეთანხმდნენ.

      ბელარუსში ვიქტორ ბაბარიკოსა და ვალერი ცეპკალოს მხარდამჭერ აქციებზე 250-მდე ადამიანი დააკავეს.

      აზერბაიჯანის თავდაცვის უწყება - ჩვენმა შენაერთებმა სომხეთის კუთვნილი კიდევ ერთი სამხედრო ობიექტი გაანადგურეს. მაიკ პომპეო სომხეთ-აზერბაიჯანს ცეცხლის დაუყოვნებლივი შეწყვეტისეკნ მოუწოდებს.

      იერუსალიმში, ბენიამინ ნეთანიაჰუს გადადგომის მოთხოვნით გამართულ აქციაზე, 50 დემონსტრანტი დააკავეს.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 39

ტეგები: qwellynews, ამბები, ბლოგი, ივლისი, ნიუსები, სიახლეები

Kakha: ივლისი 16, 2020||9:51pm

აზერბაიჯანმა დაუმიზნა აეს_ს და არ ფიქრობენ იმას რომ მარტო სომხეთში კიარ გაჟონავს რადიაცია აზერბაიჯანში თურქეთში და აქაც წამოვა :D რა ხალხია 1 კინკილა ქვეყანა ჩაიბარეს და ვერ მიუხედიათ ( ვლადიმიროვიჩი რა ჩუმადაა :D თუმცა ეგ ხო ორივეს ხმარესაა ანუ არცერთის, ელოდება როდის დაიცლებიან სისხლისგან რო დაიპყროს )) 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ცხოვრება კიდევ უფრო გაძვირდება!

გამოაქვეყნა Giorgi_მ.
თარიღი: დეკემბერი 2, 2020.
საათი: 11:04pm 0 კომენტარი

      ზამთრის სუსხში გაზის ფასი გაეზრდა იურიდიულ პირებს, გარდა პურის მწარმოებლებისა. სავალალო ანონსია. პური არ გაძვირდება აპრილამდე და მერე ვნახოთო. ოპოზიციამ, ვადამდელი არჩევნებია ჩვენი ერთადერთი სასაუბრო თემაო და მეორე მხრივ, პოლიტიკოსების სასამართლო საქმეებს აპროტესტებენ. ვაქცინას ველოდებით ორ-სამ კვირაში, იქამდე კი ვითვლით კოვიდიანებს - 143376 დადასტურებული, აქედან გამოჯანმრთელებული - 121621, გარდაცვლილი - 1342, კარანტინში - 1980. რაც შეეხება…

გაგრძელება

სასესხო დოკუმენტები - შესაძლებლობები და პრობლემები

გამოაქვეყნა EFTcheat_მ.
თარიღი: დეკემბერი 2, 2020.
საათი: 9:00pm 0 კომენტარი

When Notary Signing Agents go to the signing table, they bring countless pages of documents, and borrowers often have questions about them. But there is fine line between what an NSA can and cannot say, and Servicenummer often gets phone calls asking relating to this.

Whilst you may explain loan documents, you are never permitted to make clear how loan documents will affect borrowers. Yet how can you define "explain, " and how do you know when you have crossed the line?

Why…

გაგრძელება

ახალ ოცწლედში შესვლის ბიუჯეტი და კარტოგრაფია სასამართლოში

გამოაქვეყნა Giorgi_მ.
თარიღი: დეკემბერი 1, 2020.
საათი: 11:00pm 0 კომენტარი

      დეკემბერი დადგაო და არაფერიც არ შეიცვალა - ოპოზიცია ისევ ინარჩინებს პრინციპულობას შეუსვლელობაზე, მეათე მოწვევის პარლამენტი კი პირველი სხდომისთვის ემზადება და სავარაუდოდ, 11 დეკემბერს გამართავს. დღის მთავარი ამბავი 2021 წლის ბიუჯეტის განყოფა იყო და კარტოგრაფიაც კვლავ აქტუალურია. კოვიდ-პოპულაცია - 139343 დადასტურებული, აქედან გამოჯანმრთელებული - 117560, გარდაცვლილი - 1303, კარანტინში - 1978. რაც შეეხება დოლარს, მისი ფასი 3.3185…

გაგრძელება

შემოდგომაც სრულდება და სუსხიან ზამთარს ველით კოვიდ და პოლიტ სარბიელზე

გამოაქვეყნა Giorgi_მ.
თარიღი: ნოემბერი 30, 2020.
საათი: 11:00pm 0 კომენტარი

      გიორგობისთვე მიიწურა და მას გაჰყვა შემოდგომის მთელი ბედნიერებაც, ხვავ-ბარაქის დაგროვება მაინცდამაინც არ გამოვიდა წელს, მაგრამ შემოდგომა თავის ფერსა და სუსხს არ დაშურებია. ხვალიდან კარგად აცივდება და ზამთარს ვეღარაფერი შეაკავებს. ამასობაში მეათე მოწვევის პარლამენტი პირველი სხომისთვის ემზადება, ოპოზიცია კი პირველი პროტესტისთვის. კოვიდიც არსად აპირებს წასვლას - 135584 დადასტურებული, აქედან გამოჯანმრთელებული - 113986, გარდაცვლილი - 1267,…

გაგრძელება

Qwelly World

free counters