საგანგებო მდგომარეობის ამოწურვის მოახლოება, სააღდგომო ღამისთევა და პანდემიის ძალმომრეობა

      ახალი კვირა დაიწყო ძველი სტატისტიკური მონაცემებით. ამ დროისთვის კორონავირუსით ინფიცირებული მოსახლეობა საქართველოში - დადასტურებული შემთხვევა - 272, გამოჯანმრთელებული - 68, გარდაცვლილი - 3; მსოფლიოში - დადასტურებულია 1909244 შემთხვევა, განიკურნა - 440273, გარდაიცვაა - 118497. კარგი ამბები - სითბო დარჩება 15 აპრილამდე მაინც.

საქართველოს და მსოფლიოს ამბები / 13 აპრილი, 2020

      მკურნალობის ამბები - ბათუმში, კლინიკა „მედალფაში“ 25 ინფიცირებული პაციენტიდან ერთის მდგომარეობა მძიმეა. მარინა ეზუგბაია - ახალი ინფიცირებულებიდან ერთი ჩვენთანაა და ეს არის მარნეულის კლასტერი, დანარჩენი შემთხვევა ძირითადად არის რეგიონში, სადაც უმეტესობა ქობულეთის კლასტერია. ქუთაისის ინფექციურ კლინიკაში ე.წ. ქობულეთის კლასტერიდან დედა-შვილია მოთავსებული. ლევან რატიანი - რეანიმაციაში მყოფი 4 პაციენტის ჯანმრთელობის მდგომარობა მძიმეა, ხოლო სამი კრიტიკული რჩება. კორონავირუსით ინფიცირებული 4 პაციენტი მართვით სუნთქვაზეა, ორი მათგანის ჯანმრთელობის მდგომარეობა კრიტიკულია. 80 წლის ქალი, რომლის მდგომარეობაც მძიმე იყო, გამოჯანმრთელდა და სავარაუდოდ, კლინიკას ხვალ დატოვებს. ეკატერინე ტიკარაძე - პრეპარატ „პლაქვენილის“ 1 000-ზე მეტი კოლოფი უკვე შემოტანილია და დამატებით 3 000 კოლოფს ველოდებით. გეგმის შემუშავება ხდება, თუ როდის მოხდება ქრონიკული დაავადებების მქონე პირების პნევმოკოკის ვაქცინით აცრა. ჯანდაცვის მინისტრის განცხადებით, ამ ეტაპისთვის არ არის საჭიროება ე.წ. აგრესიული ტესტირების ჩამონათვალში მათი დამატების, ვისაც პნევმონიის დიაგნოზი უდასტურდება. ჯანდაცვის მინისტრის მოადგილის განცხადებით, მაისის ბოლომდე ჩინეთიდან 1 900 000 ლარამდე ღირებულების 2 მილიონ პირბადეს შეიძენენ. კელი დეგნანი - აშშ საქართველოს 2 000 მაღალი ხარისხის სწრაფ ტესტს გამოუგზავნის, რომელსაც ვირუსის დადგენა რამდენიმე საათში შეუძლია. თენგიზ ცერცვაძე - ოპონენტებმა რაც არ უნდა თქვან, პროტოკოლებისა და პაციენტთა მოძრაობის ასეთი გამართული სისტემა არც ერთ ქვეყანას არ აქვს.

      საკარანტინე ზონები და შეზღუდვის წესები - არჩილ ჯაფარიძე - ლენტეხის საკარანტინო ზონაში მშვიდი ვითარებაა, კორონავირუსის ახალი შემთხვევა ჯერ არ გამოვლენილა - თერმოსკრინინგი, სავარაუდოდ, ხვალ დასრულდება. ბადრი ჯაფარიძე - ხელისუფლებას მივმართავთ, 21 აპრილამდე საგანგებო მდგომარეობის პერიოდის დეტალური ანგარიში გამოქვეყნდეს, წინააღმდეგ შემთხვევაში საგანგებო მდგომარეობის ვადის გაგრძელებას მხარს არ დავუჭერთ. ბექა ნაცვლიშვილი მიიჩნევს, რომ კორონავირუსის გამო დაწესებული შეზღუდვები უნდა გახანგრძლივდეს. დავით ბაქრაძე - ეკონომიკური გადარჩენისა და ხალხის დახმარების გეგმის გარეშე საგანგებო მდგომარეობის გაგრძელებას მხარს ვერ დავუჭერთ. ქობულეთის მერის განცხადებით, დღეიდან საკარანტინო ზონაში მობილური ბაზარი ამოქმედდება. ლევან კობერიძე - ფრაქცია „დამოუკიდებელი დეპუტატები“ საგანგებო მდგომარეობის ვადის გაგრძელებას მხარს უპირობოდ აღარ დაუჭერს. შოთა რეხვიაშვილი - კარანტინის რეჟიმის შერბილებაზე საუბარი ალბათ, ნაადრევია - საჭიროა, იზოლაცია კიდევ გაგრძელდეს და გავრცელება დავიდეს ნულამდე. ზვიად შალამბერიძე - კორონავირუსის გამო თერჯოლის მუნიციპალიტეტში ჯერჯერობით ზომების გამკაცრება არ იგეგმება, რადგან ყველა კონტაქტი ვიცით და გეგმაზომიერად ვმოქმედებთ. ირაკლი კობახიძე - თუ გადაწყდება საგანგებო მდგომარეობის გაგრძელება, უფრო რეალურია, რომ მომდევნო კვირაში დამტკიცდეს პრეზიდენტის აქტი. მამუკა მდინარაძე - მკაცრი შეზღუდვები გვჭირდება, რომ ეს შეზღუდვები რაც შეიძლება მალე მოვხსნათ და ეკონომიკამ იმუშაოს. ხაშურის მუნიციპალიტეტის სოფელ ხიდისყურში მკაცრი საკარანტინო რეჟიმი წესდება.

      ქართული წარმოება - ნატო ჩხეიძე - არ ვისურვებდი, რომ საქართველოში წარმოებულ პირბადეს ქართული პირბადე ერქვას - ალბათ, უფრო სწორი იქნება, რომ მას თურნავას პირბადე დაერქვას.

      სასჯელი ოქრუაშვილს - 20 ივნისის საქმეზე ირაკლი ოქრუაშვილს 5 წლით თავისუფლების აღკვეთა შეეფარდა. ადვოკატი - ირაკლი ოქრუაშვილის გადასაწყვეტია მიმართავს თუ არა პრეზიდენტს შეწყალების თხოვნით, თუმცა, პრეზიდენტს მიმართვაც არ სჭირდება, ისე შეუძლია პატიმრის შეწყალება. გიგა ბოკერია - თუ არ შესრულდება შეთანხება, რომლის ერთ-ერთი საკვანძო ნაწილია ოქრუაშვილის, რურუას და უგულავას გათავისუფლება, ივანიშვილი მოიმკის უმძიმეს ხვედრს. ოქრუაშვილის საქმის პროკურორი - პროკურატურა სასამართლოს დღევანდელ გადაწყვეტილებას გაასაჩივრებს. ილია ნაკაშიძე ირაკლი ოქრუაშვილის განაჩენზე - პასუხი არის კონკრეტული: ეს არის კრიმინალურ ფაქტზე სასამართლოს გადაწყვეტილება. ხატია დეკანოიძე - ოქრუაშვილის წინააღმდეგ ბრალდება შეთითხნილია - 20 ივნისის საქმეზე ვინმე თუა გასასამართლებელი, ეს გახარია და ივანიშვილია.

      მზურნველობა ემიგრანტებზე - საგარეო უწყება - საელჩოებმა სხვადასხვა ქვეყანაში მყოფ საქართველოს 4 051 მოქალაქეს დახმარება აღმოუჩინეს, ხოლო სამშობლოში 5 540 მოქალაქე დაბრუნდა. დავით ზალკალიანის განცხადებით, საზღვარგარეთ უმუშევრად დარჩენილ საქართველოს მოქალაქეების შემთხვევებს სამინისტრო ინდივიდუალურად განიხილავს. ბერლინიდან თბილისში საქართველოს 164 მოქალაქე, მათ შორის ერთი მძიმე პაციენტი ჩამოიყვანეს. დავით ზალკალიანი - საელჩოები აქტიურად არიან ჩართულნი მედიკამენტების, ტესტებისა და სამედიცინო აღჭურვილობის საქართველოში ტრანსპორტირების საკითხებში. სსფ აცხადებს, რომ პანდემიის გამო უმუშევრად დარჩენილებს საქართველოს მთავრობა ექვსი თვე ფულად კომპენსაციას გადაუხდის, მთავრობაში განცხადება ხვალისთვის იგეგმება.

      კორონა და ეკლესია - კიევის პეჩორის ლავრაში კორონავირუსით არქიმანდრიტი გარდაიცვალა. კიევის პეჩორის ლავრაში კორონავირუსით ინფიცრებულთა რაოდენობა 90-მდე გაიზარდა. ინფექციურ საავადმყოფოში მოთავსებულ სასულიერო პირს კორონავირუსი არ დაუდგინდა. ილია ნაკაშიძე - კიევ-პეჩორის ლავრის პრაქტიკულად მთელი პერსონალი დაავადდა კორონავირუსით - სააღდგომოდ, ჩვენ მაქსიმალურად უნდა დავიცვათ დისტანცირება. რომან გოცირიძე - საზოგადოებამ ნახა, რა ხდებოდა ბზობის დღესასწაულზე - ხელისუფლებამ ხელი შეუწყო ორმაგ სტანდარტებს. გიორგი ვაშაძე ხელისუფლებას - არ გაბედოთ თქვენი უმოქმედობით შემდგომში ეპიდაფეთქება ეკლესიასა და მრევლის დაუდევრობას დააბრალოთ. გიორგი ვაშაძე - გეყოთ ვაჟკაცობა, გამოდით და ღიად განაცხადეთ, როგორია თქვენი სამოქმედო გეგმა საეკლესიო დღესასწაულების გამართვასთან დაკავშირებით. შეხვედრა საპატრიარქოში - ამირან გამყრელიძე - საპატრიარქოში მარტო სააღდგომო ლიტურგიაზე არ იყო საუბარი, მის უწმინდესობასთან ზოგადად, ეპიდსიტუაციაზე ვისაუბრეთ. საქართველოს საპატრიარქოში გამართულ შეხვედრას გიორგი გახარია ესწრებოდა.

საზღვარგარეთულები:

      #WorldWideCovid19 - ჯანმოს პრესსპიკერი - დამცავი ნიღბის ტარება მალე ნორმა იქნება - ვირუსი არსად წასვლას არ აპირებს, კორონავირუსთან ერთად ცხოვრება უნდა ვისწავლოთ. სომხეთში კორონავირუსის შემთხვევათა დადასტურებული რაოდენობა 1039-მდე გაიზარდა. რუსეთში ერთ დღე-ღამეში კორონავირუსის 2558 ახალი შემთხვევა გამოვლინდა, ხოლო 18 გარდაიცვალა. ესპანეთში, ბოლო დღე-ღამის მანძილზე, კორონავირუსით 517 ადამიანი დაიღუპა. მედიის ინფორმაციით, სამხრეთ კორეა აშშ-ს კორონავირუსის დამდგენ 600 000 ტესტს გაუგზავნის. ალექსანდრე ლუკაშენკო - ჩვენ ქვეყანაში „სუფთად“ კორონავირუსით არავინ დაღუპულა და არც დაიღუპება! ვლადიმერ პუტინი - რუსეთში კორონავირუსთან დაკავშირებული ვითარება დღითიდღე იცვლება, მაგრამ არა უკეთესობისკენ. საფრანგეთში კარანტინი 11 მაისამდე გახანგრძლივდა, ბოლო ერთი დღეში კორონავირუსით 574 ადამიანი გარდაიცვალა.

      ჯო ბაიდენს ყოფილი თანაშემწე სექსუალურ ძალადობაში ადანაშაულებს.

      მისისიპის შტატში ტორნადოს 7 ადამიანი ემსხვერპლა.

      ჩერნობილის დაბრუნება - მედიის ინფორმაციით, ჩერნობილში ხანძარი მაღალი აქტივობის რადიოაქტიური ნარჩენების საცავს მიუახლოვდა

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 17

ტეგები: qwellynews, ამბები, აპრილი, ბლოგი, ნიუსები, სიახლეები

Kakha: აპრილი 14, 2020||3:30pm

7 წელია მიშა ხან უკრაინის პრემიერი ხდება ხან თბილისში ბრუნდება, ვერ ჩამოყალიბდა რომელი ქვეყანა უნდა ააოხროს :D

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ათასეული კორონიანი საქართველოში, ოცნების სახეები და ფეხბურთელის საქმე

გამოაქვეყნა Giorgi_მ.
თარიღი: ივლისი 15, 2020.
საათი: 11:09pm 0 კომენტარი

      დღესასწაულის ქველინიუსი ცოტა პოლიტიზირებული და შედარებით ხმაურიანი გამოდგა. ცხადია, ბოლო დღეების და კვირების მთავარი ამბავი ისევ ფეხბურთელის საქმეა, რომელსაც ოპოზიციური მედია აშუქებს, ნაკლებ ოპოზიციური კი აქა-იქ ნიუსებს უთმობს. დღის მთავარი ამბავი პარლამენტარების საქმიანობასაც ეხებოდა და ოცნების შიდა პოლიტ-სახეების საქმეს.

საქართველოს და მსოფლიოს ამბები / 15 ივლისი, 2020

      ქართველი კორონა ათ ასეულს ასცდა…

გაგრძელება

კოჭლი ქსელი

გამოაქვეყნა Kakha_მ.
თარიღი: ივლისი 11, 2020.
საათი: 8:30pm 1 კომენტარი

   გვმართებს  ვიცოდეთ, რომ სურვილი რომელიც არ იქნება გამოხატული(ვნახეთ საინტერესოდ მოსაუბრე ადამიანი ან უბრალოდ დავინტერესდით ვინმეთი რომელზეც გვქონდა სურვილი რომ ახლოს "მივსულიყავით"), ის იქნება "გადატანილი" (მოხდა მისი გადატანა) რამაც წარმოქმნა მინიმალური დონით ნერვოზის გამოღვიძება, ზოგი ფსიქ.ანალიტიკოსი (მაგ.ფროიდი) მცდარად უწოდებს რომ საზოგადოების ტაბუმ(კლიშემ) იმოქმედა ადამიანზე, და მან საკუთარი სურვილი "ჩაიბრუნა" ან საქმე გვაქვს მორცხვობასთან, ორივე და…

გაგრძელება

ბუნდოვანი დეტალები და ფრენების რუკა

გამოაქვეყნა Giorgi_მ.
თარიღი: ივლისი 9, 2020.
საათი: 11:00pm 5 კომენტარი

      ნელ-ნელა იწყება ავიაფრენების და საზღვრების გახსნა და ახალი ქვეყნები ჩნდებიან ჩვენს ტურისტულ რუკაზე, თუმცა ჯერ არავინ იცი ვინმე ჩამოვა თუ არა. ქვეყნის შიგნით კი ამერიკისგან დასამსახურებელ 15%-ზე დაობენ და ერთმანეთს ეკამათებიან. შაქარაშვილის საქმეზე კი ყოველ დღე ახალი აბდა-უბდა დეტალები ჩნდებიან.

საქართველოს და მსოფლიოს ამბები / 9 ივლისი, 2020

      კორონას ტურისტული კარანტინი და შეზღუდვა-რეგლამენტები - მარინა…

გაგრძელება

ფეხბურთელის საქმე გაფართოვდა - ახალი ფიგურანტები, აშშ-ს 60 მლნ დოლარი და გახსნილი ფრენა

გამოაქვეყნა Giorgi_მ.
თარიღი: ივლისი 8, 2020.
საათი: 11:00pm 0 კომენტარი

      ივლისი ისე დაიწყო, ქველინიუსი ვერ დაბრუნდა. საბედნიეროდ, კორონა არაფერ შუაშია და გარკვეული ხარვეზების გამო შეგვიწყდა ნიუსების შეგროვება, მაგრამ დღეიდან ვბრუნდებით მომავლის იმედით. დავიწყოთ ამ კვირის ამბებიდან ვიდრე დღევანდელ დღემდე. შაქარაშვილის საქმე ერთ-ერთ გახმაურებულ საქმედ იქცევა. ბევრი გაურკვევლობისა და დამალული ამბების ან გამოგონილი სიუჟეტების გამო, გამოძიება ძალიან იწელება და რთულდება. დღის მეორე ამბავი ამერიკისგან 60 მლნ-ს დაკარგვის…

გაგრძელება

Qwelly World

free counters