გათავისუფლების მუხტი, კორონა-კოლონია და მოახლოებული დღესასწაულები

      აპრილის გმირობის დღეს, წლევანდელი აპრილისგან განსხვავებით, მაშინ ყველა ქუჩაში იყო და კომენდატის საათმა და სწორედ დღევანდელმა დღემ უბიძგა ხალხს სახლში შეკეტილიყო. დღეს 9 აპრილია - 31 წელი შესრულდა იმ დღიდან. ქვეყანაში კი მთავარი ამბავი პანდემიასთან ბრძოლაა და ამ დროისთვის საქართველოში დადასტურებული შემთხვევათა რაოდენობა - 218, მათგან გამოჯანმრთელებული - 51, გარდაცვლილი კი - 3. მთელს მსოფლიოში აღირიცხა - 1 577445, გამოჯანმრთელდა 348129 და გარდაიცვალა - 93666 ადამიანი. ამასობაში აღდგომის დღესასწაულიც მოდის.

საქართველოს და მსოფლიოს ამბები / 9 აპრილი, 2020

      კორონას მკურნალობა - ინფექციონისტის ინფორმაციით, ბოჭორიშვილის კლინიკაში 1 ინფიცირებულის მდგომარეობა მძიმეა, 5 მცირეწლოვნის კი საყურადღებო. მარინა ეზუგბაიას განცხადებით, ინფექციურ საავადმყოფოში მძიმე პნევმონია კორონავირუსით ინფიცირებულ შვიდ პაციენტს აღენიშნება. ექიმების ინფორმაციით, ვანში მცხოვრები კორონავირუსით ინფიცირებული 75 წლის ქალის, მისი მეუღლის და სიძის ჯანმრთელობის მდგომარეობა საშუალო სიმძიმისაა. თბილისის ზღვის ჰოსპიტალის წარმომადგენელი - ერთი პაციენტის ჯანმრთელობის მდგომარეობა კრიტიკულია, მას ფილტვების ანთება აქვს, თუმცა კორონავირუსი არ დაფიქსირდა. ლევან რატიანი - კლინიკაში ამ ეტაპზე კორონავირუსით ინფიცირებული 54 პაციენტი იმყოფება, რომელთაგან 6-ის მდგომარეობა კვლავ მძიმეა. ლევან გოფოძის ინფორმაციით, კლინიკაში მყოფ ორ ინფიცირებულს პნევმონია აღენიშნება, თუმცა მათ მართვითი სუნთქვა არ სჭირდებათ. ლევან რატიანის ინფორმაცით, ლენტეხიდან ჩამოყვანილ პაციენტს ორმხრივი, მწვავე პნევმონია აღენიშნება. მარინა ეზუგბაია - ოთხი ახალი შემთხვევის დაინფიცირების წყარო ცნობილია.

      აღდგომის მოახლოება - ვახტანგ გომელაური - ალბათ, შევჯერდებით ისე, რომ არ დავარღვევთ კანონს არც ჩვენ და არც ეკლესია. აგრესიული ტესტირება თავდაცვის ძალებს, საეკლესიო პირებს და პენიტენციურ, ხანდაზმულთა და ფსიქიატრიულ დაწესებულებებში მყოფ ადამიანებს ჩაუტარდებათ. აგრესიული ტესტირების სამიზნე ჯგუფების ჩამონათვალში სასულიერო პირები მოხვდნენ - პრემიერი - ეს უკავშირდება ყველაფერს და პირველ რიგში, რისკების შეფასებას ჩვენი ეპიდემიოლოგების მხრიდან. რესპუბლიკური საავადმყოფოს დირექტორის ინფორმაციით, აგრესიული ტესტირებით ჟურნალისტებსაც შეამოწმებენ. სალომე ზურაბიშვილი - წელს ეკლესიაში ვერ მივალ, ვერ მივალ აღდგომის წირვაზე, რადგან ქვეყნის პრეზიდენტს არ შეუძლია, დაარღვიოს ის, რაც არის კანონი და წესი. მეუფე დანიელი - მხოლოდ უფლის შეწევნით დავამარცხებთ ამ განსაცდელს - დღეს ჩვენი სარწმუნოება გამოცდას გადის და შეგვიძლია ვთქვათ, რომ მოსახლეობის ძალიან დიდი ნაწილი ამ გამოცდას ღირსეულად აბარებს.

      ევროპული ფულები და ბანკები - კარლ ჰარცელი - სიამაყით ვაცხადებ, რომ ევროკავშირი გადაამისამართებს და დააჩქარებს 180 მლნ ევროზე მეტი თანხის გამოყოფას საქართველოს დასახმარებლად. გიორგი გახარიამ EBRD-ისა და ADB-ის პრეზიდენტებთან ვიდეოკონფერენცია გამართა. ADB-ის პრეზიდენტმა და გიორგი გახარიამ კოვიდ-19-ის საპასუხო დახმარების პაკეტი განიხილეს. მაია ცქიტიშვილი - ADB-ისა და EBRD-ის პრეზიდენტენთან განვიხილეთ ის შესაძლო დახმარება, რომელსაც ისინი გამოუყოფენ საქართველოს ამ გლობალური პანდემიის გამოწვევებიდან გამომდინარე. მსოფლიო ბანკის პროგნოზით, COVID-19-ის გამო, საქართველოში ეკონომიკური ზრდა მკვეთრად შენელდება. გიორგი გახარია - ეკონომიკური ზრდის სერიოზულ შემცირებას ველოდებით. ნათია თურნავა - ჩვენი საერთაშორისო პარტნიორები ერთხმად აღნიშნავენ, რომ საქართველოს ხელისუფლებამ ძალიან დამაჯერებელი და ეფექტიანი ეკონომიკური რეფორმები გაატარა.

      პიკის მოახლოება - გიორგი გახარია - პიკს აპრილის ბოლოს ან მაისის დასაწყისში უნდა ველოდოთ, თუმცა ყველანაირი პროგნოზი პირობითია. პრეზიდენტი - ჩვენ ჯერ კიდევ შუაგულ კრიზისში ვართ, უნდა გავაგრძელოთ ეს ბრძოლა - არ უნდა მოვდუნდეთ, არ უნდა ჩავთვალოთ, რომ ჩვენ გადარჩენილი ვართ.

      ქართული პირბადე - მარნეულის, ბოლნისის, ვანისა და ქობულეთის მუნიციპალიტეტები საქართველოში დამზადებული პირბადეებით მომარაგებულია. ამირან გამყრელიძე - საქართველოში წარმოებული პირბადეები მრავალჯერადია, გარეცხვასა და გაუთოებას ექვემდებარება. პაატა იმნაძე - საქართველოში წარმოებული პირბადეების მსგავსი პირბადეებით შავ ჭირზე ვმუშაობდით წლები.

      პანდემია იმერეთში - იმერეთში რწმუნებულის ინფორმაციით, ვანში თერმოსკრინინგით უკვე 6 ათასი ადამიანი შემოწმდა.

      9 აპრილის მოგონება - აშშ-ს საელჩო - ეროვნული ერთიანობის დღის 31 წლისთავზე ჩვენ ვიხსენებთ 21 უდანაშაულო ადამიანს, ვინც თბილისის ქუჩებში სიცოცხლე დაკარგა. 31 წლის განმავლობაში პირველად, პარლამენტთან, 9 აპრილის მემორიალის მიმდებარე ტერიტორია ცარიელია. დავით ზალკალიანი - 9 აპრილის გმირების სიმამაცისა და გაუტეხლობის მაგალითი დღემდე გვახსენებს რანი ვართ და საიდან მოვდივართ. ალექსანდრე მოწერელია - 9 აპრილმა დემოკრატიულ სამყაროს საბჭოთა იმპერიის ნამდვილი სახე დაანახა. გიორგი გახარია - გვახსოვდეს წარსული, გვახსოვდეს ის ერთიანობის განცდა, რამაც ჩვენ 1989 წლის 9 აპრილიდან, 1991 წლის 9 აპრილამდე მიგვიყვანა. თელავის მერმა და სახელმწიფო რწმუნებულმა 9 აპრილის მემორიალი გვირგვინით შეამკეს. მამუკა მდინარაძე - 9 აპრილი საქართველოში ასოცირდება გმირობასთან, თავგანწირვასთან და თავისუფლებასთან. მიხეილ ჩხენკელი - 9 აპრილის ერთიანობა და თანადგომა კვლავაც გვმატებს ძალას და უკეთესი ხვალინდელი დღის რწმენას. გიორგი კეკელიძე მოსახლეობას მოუწოდებს, 9 აპრილის დღესთან დაკავშირებით, ღია ფანჯრებიდან ერთმანეთს საქართველოს ჰიმნი მოასმენინონ და დროშები გამოფინონ. პრეზიდენტი - მე არ მივსულვარ მემორიალთან, რადგანაც საზოგადოების დიდი ნაწილი ვერ მივიდოდა - ეს არ ნიშნავს, რომ რამენაირად დაკნინდა 9 აპრილის დღესასწაული და ტრაგიზმი.

      ფიქრნი საქართველოზე - მეთიუ ბრაიზა - თუ ვისაუბრებთ მხოლოდ საქართველოზე ან სამხრეთ კავკასიაზე, კორონავირუსის გამო, უმაღლესი რანგის ლიდერებისგან ყურადღება არ იქნება.

      უზღვავი პური - პურის მრეწველთა კავშირის თავმჯდომარე აცხადებს, რომ ხორბლის დეფიციტი და პურის გაძვირება მოსალოდნელი არ არის.

      პრობლემები ტესტებზე - გიორგი ვაშაძე - ყველა ახალი შემთხვევა ადასტურებს, რომ ადამიანები მიმართავენ ექიმებს, მათ კი არ აქვთ სადიაგნოსტიკო შესაძლებლობები და ვერ უსვამენ კორონავირუსზე დიაგნოზს. პრემიერი - როდესაც პირველი სიმპტომები გვაქვს, საავადმყოფოში არ უნდა გავიქცეთ, უნდა დავრეკოთ 112-ზე და შემდგომ უკვე ექიმები მართავენ ყველაფერს.

      ჩამოსასვლელი ქართველები - პრემიერის განცხადებით, აშშ-ში მყოფი 79 მოსწავლე სამშობლოში დაბრუნდება.

      აფხაზეთში, რუსულ სამხედრო ბაზაზე საველე ჰოსპიტალი ეწყობა.

საზღვარგარეთულები:

      #WorldWideCovid19 - სერბეთის პრეზიდენტის ვაჟი კორონავირუსით დაინფიცირდა. გერმანელი მეცნიერების ნაწილი მიიჩნევს, რომ მსოფლიოს მასშტაბით კორონავირუსის ინფექციების მხოლოდ 6%-ია აღმოჩენილი. იტალიის პრემიერის განცხადებით, ევროკავშირი უნდა დაეხმაროს იმ ქვეყნებს, რომლებიც ვირუსისგან ყველაზე მეტად დაზარალდნენ. ჩვენ რომ მკაცრი კარანტინი თავიდანვე დაგვეწესებინა, გიჟად ჩამთვლიდნენ. სომხეთში კორონავირუსით ინფიცირებულთა რაოდენობა 921-მდე გაიზარდა. რუსეთში კორონავირუსით ინფიცირებულთა რაოდენობა 10 131-მდე გაიზარდა. ესპანეთში, ბოლო დღე-ღამის განმავლობაში, კორონავირუსით 683 ადამიანი დაიღუპა. მედიის ცნობით, ბორის ჯონსონი ინტენსიური თერაპიის განყოფილებიდან პალატაში გადაიყვანეს იტალიაში კორონავირუსით ბოლო დღე-ღამეში 610 ადამიანი დაიღუპა. ნიუ-იორკის შტატში დღე-ღამეში კორონავირუსით 799 ადამიანი გარდაიცვალა. ერაყში კორონავირუსით ინფიცირებულთა რიცხვმა 1200-ს გადააჭარბა. რუსეთის ეკლესიის წარმომადგენელი - აღდგომა სიხარულის დროა და არა გლოვის, ამ დღეს საფლავების მონახულებაზე უარის თქმა, არც ცოდვაა და არც ხსოვნის შეურაცხყოფა.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 26

ტეგები: qwellynews, ამბები, აპრილი, ბლოგი, ნიუსები, სიახლეები

Kakha: აპრილი 9, 2020||11:29pm

მეთიუ ბრაიზა ვინაა? :D სადმე მათიას იორშიც რო ჩაწერონ? :D და კიდე ჩერნენკოც არა?

Kakha: აპრილი 11, 2020||4:19pm

იაფი მუშახელი + მაქსიმალური მოგება = ჩინეთს, და როცა ხარ "ზე სახელმწიფო" უცებ აღმოჩნდება რომ თავზე ინგრევა ყველაფერი (

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ქუჩების გამოცოცხლება - მთელი მსოფლიო ერთი სცენაა

გამოაქვეყნა Tamila Moshiashvili_მ.
თარიღი: აგვისტო 8, 2020.
საათი: 7:46pm 1 კომენტარი

      მთელი დედამიწა სცენაა - ასეთი სლოგანი გაეშურა ანა ულმანი (Anna Ulman) ესპანეთის ქუჩებში და მარბელას სანაპიროებზე მოცეკვვავეების გადასაღებად. ცხადია, მოცეკვავეებიც თან გაიყოლა, მაგრამ სანახაობა შთამბეჭდავი გამოვიდა. ცეკვა როგორც სულის გამოძახილი, ანდა სულის მოძრაობა, ერთ-ერთი ყველაზე უფრო სახასიათო და გამომსახველობითი ხელოვნებაა, სწორედ ამიტომ ცეკვამ ქალაქები გამოაცოცხლა. ანას ობიექტივი ძირითადად ბალერინებსა და ბალერონებს დაეთმო,…

გაგრძელება

მეთორმეტე წელი აგვისტოს ომიდან

გამოაქვეყნა Giorgi_მ.
თარიღი: აგვისტო 7, 2020.
საათი: 11:25pm 0 კომენტარი

      როგორც ტრადიციულად აგვისტოში ხდება - დღევანდელი დღე სრულად მიეძღვნა 2008 წლის ომს, გახსენებებს, ურთიერთ ბრალდებებს, ოკუპანტის ლანძღვას, მუქარას და თითის ქნევას, ევროპელების შეგულიანებასა და სიტყვიერ მხარდაჭერას.

საქართველოს და მსოფლიოს ამბები / 7 აგვისტო, 2020

      საკორონე ამბები - საქართველოში კორონავირუსის 7 ახალი შემთხვევა გამოვლინდა, 7-ით გაიზარდა გამოჯანმრთელებულთა რაოდენობაც. მარინა ეზუგბაიას…

გაგრძელება

პრემიერის ანონსები და დარიგებული ფულები, ბაჩალიაშვილის საქმე და არჩევნობანა

გამოაქვეყნა Giorgi_მ.
თარიღი: აგვისტო 6, 2020.
საათი: 11:00pm 0 კომენტარი

      პრემიერმა გადაწყვიტა ხალხს ფული დაურიგოს. ახლა 17 წლის ჩათვლით მოზარდები, ახალგაზრდები დაფინანსდებიან 200 ლარით, ამას გარდა სხვა სოციალური პაკეტებიც მუშავდება ფულის დასარიგებლად. თუმცა ეკონომიკური პროგნოზები ერთმნიშვნელოვნად მძიმეა - ზამთარსა და მომავალ წელს უარესი იქნებაო. ცხადია არჩევნები და კორონა ლიდერობენ და ბაჩალიაშვილის საქმე კვლავ მეინსტრიმულია. აგვისტოს ამბავი - ომიდან კიდევ ერთი წელი.

საქართველოს და მსოფლიოს ამბები / 6…

გაგრძელება

აქტივისტი

გამოაქვეყნა Kakha_მ.
თარიღი: აგვისტო 6, 2020.
საათი: 9:30pm 0 კომენტარი

   როცა ტემპი დამოუკიდებელია შენგან( ანუ ვექტორზე დადექი, რომელიც მხოლოდ წინ მიდის ისეთი სიჩქარით რომ შენი გონება ვერ ოპერირებს და ვერ ეწევა ტემპს, ასეთი მდგომარეობა ან დაგღუპავს ან ხელმოცარული დარჩები, ის გკარნახობს ნაბიჯებს და ასე უსასრულოდ, შენ კი შეგიძლია მხოლოდ იჯდე და რომანტიზმის ფოტოები ათვალიერო, (როცა უკვე ჩამორჩი) მყუდრო კოტეჯებზე, ზღვაზე დასვენებაზე, მოგზაურობაზე და ასე შემდეგ. ადამიანი შემგუებელი არსებაა, ის ეგუება და ყოველ ჯერზე მეტ "დოზას" ითხოვს…

გაგრძელება

Qwelly World

free counters