მესამე პრეზიდენტის დაბრუნების პირობები, ვირუსის რეკორდები, ცესკოს ამბები და რუსული გაზი გერმანიას

      როცა მესამე პრეზიდენტი პრემიერობას თანხმდება, ოპოზიცია ერთიანდებაო, ქართული პოლიტიკური სახელმძღვანელოს შესავალში წერია (ჯერ არ დაბეჭდილა, მაგრამ ალბათ ჩაწერენ). დღის მთავარი ამბები, სწორედ მოახლოებულ არჩევნებს, ცესკოს გადაწყვეტილებებსა და საარჩევნოდ პარტია-კოალიციების ამბებს ეხებოდა. ასევე ყოფილი პრეზიდენტის ტრიუმფით დაბრუნების გეგმებს. გვირგვინოსანმა ვირუსმაც თავი გამოიჩინა და აჭარა გაწითლდა (ამბობენ ინფექციონისტები). დოლარი კვლავ გარბის და 1 აშშ დოლარის ოფიციალური ღირებულება 3.0890 ლარია.

საქართველოს და მსოფლიოს ამბები / 8 სექტემბერი, 2020

      ვირუსის ქართული რეკორდები - კორონავირუსის 45 ახალი შემთხვევიდან 21 აჭარაში გამოვლინდა, საიდანაც 3 ე.წ. ხოფას ბაზრობის კლასტერს უკავშირდება. მარინა ეზუგბაია - დაავადებამ ინტენსიური გავრცელება მიიღო და ზომიერი, კონტროლირებადი მატება ეჭვქვეშ დგება - აჭარა უკვე წითელი ზონაა. კორონავირუსის 45 შემთხვევიდან 2 იმერეთში გამოვლინდა, 5 კი ცაგერის მუნიციპალიტეტში. კორონავირუსის 45 ახალი შემთხვევიდან 2 „ავერსის" რუსთავის კლინიკის მედპერსონალს დაუდასტურდა. ამირან გამყრელიძე - აუცილებელია ყველა დახურულ შენობაში პირბადის გამოყენება, დისტანციის დაცვა და სანიტარული წესრიგის დაცვა. „პარაგრაფი“ - პიროვნება, რომელსაც Covid-19 დაუდასტურდა, არ არის შტატში რიცხული თანამშრომელი და სასტუმროში დროებით იმყოფებოდა. ამირან გამყრელიძე - ყველა მშობელს ვთხოვ, დაიცვან რეკომენდაციები. კორონავირუსის 45 ახალი შემთხვევიდან 5 თბილისში ფართომასშტაბიან ქორწილს უკავშირდება, 3-ის ინფიცირების წყარო უცნობია. ამირან გამყრელიძე - სამწუხაროდ, ჩვენი მოსახლეობა, განსაკუთრებით ზაფხულის პერიოდში, მოეშვა - შევიქმენით ილუზია, რომ საქართველოში თითქოს დავამარცხეთ კორონავირუსი. თამარ გაბუნია - კორონავირუსის ვაქცინის თაობაზე ინტერესის წერილი გადავგზავნეთ, მოსახლეობის 20% -ის ვაქცინაციისთვის 20 მილიონი დოლარია საჭირო. თამარ გაბუნია - თუ ბოლო ორი კვირის განმავლობაში ჯამურად კორონავირუსის 370 შემთხვევა გვექნება, „მწვანე ზონაში“ დავრჩებით.

      კორონაჯარიმა - 12 ივნისიდან 31 აგვისტოს პერიოდში, პირბადის ტარების წესის დარღვევის 9884 შემთხვევა დაფიქსირდა.

      არჩევნების ამბები #არჩევნები2020 - ცესკო რეგისტრაციიდან მოხსნილ, რეგისტრაცია ძალადაკარგულ და მისამართის მითითების გარეშე რეგისტრირებულ ამომრჩევლებს მიმართავს. ქუთაისში „ევროპული საქართველოს“ მაჟორიტარობის კანდიდატის, ოთარ კახიძის ღია ოფისი გაიხსნა. სერგო რატიანის განცხადებით, ხელისუფლებამ ჭიათურაში სოციალურად მძიმე მდგომარეობაში მყოფი ოჯახებისთვის პროდუქტი რეალურზე უფრო ძვირად შეიძინა. ცესკო-ს პრესსპიკერის განცხადებით, ჯერჯერობით, უცხო ქვეყნის მოქალაქის წინასაარჩევნო კამპანიაში ჩართვის ფაქტი არ დადასტურებულა. ირაკლი ოქრუაშვილი - თუ არ იქნება გამაერთიანებელი ძალა, კოალიცია დაიშლება. ანა დოლიძე პარლამენტს საარჩევნო უბნებზე ტელეფონების აკრძალვის მოთხოვნით მიმართავს. დავით მათიკაშვილი - ჩვენი ვალდებულებაა, რომ სწორად გადავდგათ ნაბიჯები როგორც პანდემიის წინააღმდეგ ბრძოლაში, ასევე არჩევნების მაღალი ხარისხით ჩატარებისთვის. დავით ბაქრაძე - ქვეყანას უნდა ჰყავდეს მთავრობა, რომელიც არა ბატონი, არამედ მსახური იქნება, ხალხი მოიყვანს და გაუშვებს მთავრობას. დავით მათიკაშვილი - მარტივი შედარებაა, რა იყო 2012 წლამდე და რა არის დღეს, ამიტომ ასარჩევი არაფერია. 31 ოქტომბერს საარჩევნო ადმინისტრაცია ამომრჩეველს პირბადით უზრუნველყოფს. გიორგი ვაშაძე - ჩემი პრემიერობის დროს ანგარიშსწორებას დავასრულებთ და სააკაშვილს საქართველოში ჩამოსვლის შესაძლებლობა ექნება. დავით ბაქრაძე - ჩვენი გეგმაა, ნაკლები ფული მთავრობას, მეტი ფული, მეტი კეთილდღეობა და ეკონომიკური განვითარება ხალხს. დავით მათიკაშვილი - არ გვაქვს იმის ფუფუნება, რომ პანდემიის მიუხედავად, არჩევნების გადავადებაზე, ან სხვა გადაწყვეტილებაზე ვიმსჯელოთ.

      სააკაშვილის მობრუნების ამბები - სერგი კაპანაძე სააკაშვილის მიმართვაზე - მარტო სადღეგრძელო და იმაზე საუბარი, თუ როგორი უნდა იყოს ქვეყანა, საკმარისი არ არის. ბექა ნაცვლიშვილი - მიხეილ სააკაშვილი თავისი დაპირებებით „ქართულ ოცნებას" ეხმარება. ირაკლი ოქრუაშვილი - რეალურად რომ შევხედოთ, მიშას უფრო აქვს პრემიერობის შანსი, ვიდრე ვაშაძეს. დავით მათიკაშვილი მიხეილ სააკაშვილზე - უკვე მერამდენედ ტირის ნიანგის ყალბი ცრემლებით. ანა დოლიძე - სააკაშვილის ერთ პოლუსზე გამოჩენა, მეორე პოლუსზე ივანიშვილის ძალებს აძლიერებს. ზვიად ძიძიგური - ყველამ ვნახეთ, რომ არც ზღვით, არც გვირაბით და არც თვითმფრინავით მიხეილ სააკაშვილი არ დაბრუნებულა. მამუკა მდინარაძე - სააკაშვილის "ნიანგის ცრემლებით ტირილი", რომ თურმე მის დროს სასამართლო კარგი არ ყოფილა, ფარისევლობაა. რომან გოცირიძე - მიხეილ სააკაშვილმა განაცხადა, როდის ჩამოვა - ეს იქნება ხელისუფლების შეცვლის შემდეგ, ნოემბერში, ეს არის პასუხი. დავით მათიკაშვილი - მიხეილ სააკაშვილი არსად ჩამომსვლელი არაა, ის არის მხდალი, ჩვეულებრივად კარიკატურული ფიგურა.

      მრავალტონიანი ყურძენი კახეთში - 8 სექტემბრის მონაცემებით, კახეთში 11 ათას ტონამდე სხვადასხვა ჯიშის ყურძენია გადამუშავებული.

      ხელფასის კანონი - ბექა ნაცვლიშვილი - „მინიმალური ხელფასის ოდენობის შესახებ" კანონპროექტის მიღებით 300 000 დასაქმებულის მდგომარეობა გაუმჯობესდება.

      ეკონომიკის სტატისტიკა - საქსტატის წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ მეორე კვარტალში 237.8 მლნ აშშ დოლარი შეადგინა. ნათია თურნავა - პირდაპირი უცხოური ინვესტიციების ზრდა კიდევ ერთხელ ადასტურებს ჩვენი ეკონომიკური და ანტიკრიზისული პოლიტიკის ეფექტიანობას. ნათია თურნავა - რეინვესტირების მაჩვენებლის ზრდა აჩვენებს, რომ ინვესტორები მოგებას ქვეყანაში ტოვებენ და ახალ სამუშაო ადგილებს ქმნიან. ბექა ლილუაშვილი - პანდემიის და ეკონომიკური კრიზისის ფონზე, პირდაპირი უცხოური ინვესტიციების ზრდა მიუთითებს, რომ ინვესტორები ენდობიან ქვეყანაში არსებულ ეკონომიკურ პოლიტიკას. ნათია თურნავა - საქართველოს ეკონომიკამ ვარდნის პიკი გაიარა და გამოცოცხლებისკენ მიდის.

      შაქარაშვილის და ბაჩალიაშვილის საქმეები - გიორგი შაქარაშვილის მკვლელობის საქმეში ბრალდებული არასრულწლოვნის, ზ.ხ-ს მამა პროკურატურასთან ბენზინით მივიდა და თავის დაწვით იმუქრებოდა. შაქარაშვილის საქმეზე გამოძიებისთვის ცრუ ინფორმაციის მიწოდების ბრალდებით დაკავებულმა ვერონიკა არონიამ პენიტენციური დაწესებულება გირაოს გადახდის შემდეგ დატოვა. შაქარაშვილის საქმეზე დაკავებული არასრულწლოვნის მამა პროკურორთან შეხვედრას ითხოვს, წინააღმდეგ შემთხვევაში, თავის მოკვლით იმუქრება. გიორგი შაქარაშვილის საქმეზე დაკავებული არასრულწლოვნის ზ.ხ.-ს მამას პროკურატურის წარმომადგენლები ხვდებიან. შაქარაშვილის საქმის პროკურორი - ბრალდებულებმა არა მხოლოდ ტანსაცმელზე, არამედ ტელეფონებშიც წაშალეს ინფორმაცია და ყველა შესაძლო მტკიცებულება, რაც მათ ხელთ იყო. ადვოკატი - ბაჩალიაშვილის ოჯახის წევრები ნახავენ საქმის მასალებს, ვიდეომასალებს და დრონის ჩანაწერებს, ვითომ სამძებრო სამუშაოები 72 საათი მიმდინარეობდა და ვიდეოზე მხოლოდ 30 წუთია. ბაჩანა ლობჟანიძე - თამარ ბაჩალიაშვილის მანქანაში სხვა პირის დნმ-იც აღმოჩნდა, ცხადია, ეს სუიციდი არ არის. თამარ ბაჩალიაშვილის დედის განცხადებით, მისი მოთხოვნაა, რომ საქმეში FBI-ს ექსპერტები ჩაერთონ. თამარ ბაჩალიაშვილის ოჯახის ადვოკატი - გამოძიება ახლა მკვლელობის ვერსიაზე მუშაობს, მიდის მტკიცებულებების მოპოვება.

საზღვარგარეთულები:

      #WorldCorona2020 - აშშ-ში კორონავირუსის 24 362 ახალი შემთხვევა დადასტურდა და 265 ადამიანი გარდაიცვალა. ბელარუსის პრემიერი კორონავირუსის საწინააღმდეგო რუსული ვაქცინით აცრეს. სომხეთში კორონავირუსის 108 ახალი შემთხვევა გამოვლინდა და 3 ადამიანი გარდაიცვალა. რუსეთში ბოლო 24 საათში კორონავირუსით 5 099 ადამიანი დაინფიცირდა და 122 ადამიანი გარდაიცვალა. სი ძინპინი - ჩინეთი კორონავირუსთან ბრძოლის დროს გამჭვირვალედ და პასუხისმგებლობით მოქმედებდა.

      რუსული გაზი გერმანიას - დონალდ ტრამპი - გერმანიამ უარი უნდა თქვას „ჩრდილოეთის ნაკადი-2“-ის გაყვანაზე. ჩრდილოეთის ნაკადი-2“ 1 200 კილომეტრის სიგრძის მილსადენი იქნება, რომელიც ბალტიის ზღვის გავლით რუსულ გაზს პირდაპირ გერმანიას მიაწვდის. პროექტის მშენებლობის დასრულება 2021 წელს არის დაგეგმილი. რუსეთის საგარეო საქმეთა მინისტრის მოადგილე - ნავალნისთან დაკავშირებულმა სიტუაციამ „ჩრდილოეთის ნაკადი -2“-ზე უარყოფითად არ უნდა იმოქმედოს.

      ბელარუსი - სვეტლანა ტიხანოვსკაია - ალექსანდრე ლუკაშენკოს, როგორც პრეზიდენტს, არანაირი ლეგიტიმაცია არ გააჩნია, ის ბელარუსს აღარ წარმოადგენს. მედიის ინფორმაციით, მარია კოლესნიკოვა ბელარუსის ხელისუფლებამ მას შემდეგ დააკავა, რაც მან ქვეყნიდან გაძევებისგან თავის დასაღწევად პასპორტი დახია. ალექსანდრე ლუკაშენკო ქვეყანაში საკონსტიტუციო რეფორმის შემდეგ ვადამდელ არჩევნებს არ გამორიცხავს. დიმიტრი პესკოვი - კრემლი არ არის მზად აღიაროს, რომ ბელარუსში პოლიტიკური პატიმრები არიან. ლუკაშენკო - შესაძლოა, პრეზიდენტის სკამზე ყოფნისას გადავაჭარბე, შესაძლოა, მაჩვენებენ არა მხოლოდ ტელევიზორში, არამედ უთოდან და ჩაიდნიდანაც, თუმცა ახლა ბელარუსების დაცვა მხოლოდ მე შემიძლია.

      ინდო-ჩინური ომი - ჩინეთი ინდოელ ჯარისკაცებს სადავო საზღვრის უკანონოდ გადაკვეთასა და „პროვოკაციული“ გასროლის განხორციელებაში ადანაშაულებს. თამარ ბაჩალიაშვილის დედა - მანქანაში სისხლის კვალი, სავარაუდოდ, თამუნას ეკუთვნის.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 114

ტეგები: qwellynews, ამბები, ბლოგი, ნიუსები, სექტემბერი, სიახლეები

ლაშა: სექტემბერი 9, 2020||12:13am

#qwellynews: ჯანდაცვის მსოფლიო ორგანიზაციის დირექტორი - მსოფლიო მზად უნდა იყოს შემდეგი პანდემიისთვის. 

მგონი მოსწონს ჩვენი შეშინება. 

ლაშა: სექტემბერი 9, 2020||10:10pm

ჩანს, სეტყვამდე აღებული მოსავალია. ისე, ამ გაგანია შემოდგომას, ეს უქორწილობა იქნებოდა? (( 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ომის გმირების და ომის „ბრალდებების“ დღე

გამოაქვეყნა Giorgi_მ.
თარიღი: აგვისტო 8, 2022.
საათი: 11:08pm 0 კომენტარი

      ტრადიციად ქცეული კითხვის დღე - 08.08.08 - ვინ დაიწყო ომი? და დაუსრულებელი ბრალდებები ერთმანეთის რუსეთუმეობაზე, ასეთია აგვისტოს პირველი დღეების პოლიტიკური ცხოვრება საქართველოში. დღესაც 08.08.22-ში, კვლავ გმირების საფლავები შეამკეს, დაგმეს ოკუპაცია და პარალელურად ქსენოფობიაც, ასევე განიხილებოდა ცესკოს თავმჯდომარეობის კანდიდატები. დღეს 1 აშშ დოლარის ოფიციალური ღირებულება 2.7141 ლარია.…

გაგრძელება

ბრენდებით უკმაყოფილება

გამოაქვეყნა Muxia_მ.
თარიღი: აგვისტო 2, 2022.
საათი: 10:00am 0 კომენტარი



The Shattered League is running from today through March 3. If you've been wanting to get back into Old School RuneScape, this might be the right time to take the plunge. If you're planning on jumping into let us know your reasons below!

Runescape And Outriders aren't two games that people consider in tandem so the sight of a Runescape player address r/Outriders may be a shock. This led to an interesting discussion and post between fans of both games. The whole thing boils down…

გაგრძელება

კოსმოსური ემბლემები

გამოაქვეყნა Tamila Moshiashvili_მ.
თარიღი: ივლისი 31, 2022.
საათი: 11:25pm 0 კომენტარი

      მას შემდეგ რაც, ჯეიმს ვებმა სამყარო ახალი თვალით გვაჩვენა, რა გასაკვირია რომ გაიზარდა მისი პოპულარობა მარკეტინგულ სამყაროშიც. ჯერ კიდევ გაფრენის წინ დამზადდა მოვლენის აღმნიშვნელი პატჩი (ჩვენებურად ალბათ უფრო ემბლემა, იარლიყი, სიმბოლო, რომელიც როგორც წესი ამოქარგულია გარკვეულ მატერიაზე და შემდეგ მაგრდება ტანისამოსზე ან სპეც ტანსაცმელზე. შეიძლება ბეიჯიც ეწოდოს და ა.შ.). ტიმ განიონის (Tim Gagnon) ემბლემებს თითქმის ყველა კოსმოსური მიღწევა ახსოვთ…

გაგრძელება

აღდგა, ვითარცა ერთადერთი

გამოაქვეყნა Nfkjasfas_მ.
თარიღი: ივლისი 29, 2022.
საათი: 10:00am 0 კომენტარი

The show is likely to follow the plot of the games fairly close, however, it could contain new features that contain flashbacks and characters that were mentioned, but were not featured on the screen. The show isn't set with a exact release date, however it is expected to launch sometime in 2023.

According to reports, the series may still filming, though it's likely to be close to wrapping the photography as of the moment.Twisted Metal will also be getting a small-screen debut and is…

გაგრძელება

Qwelly World

free counters