საახალწლო განწყობები სრულიად ქრება, როდესაც ტრაგედია მთელს ქვეყანას შეძრავს - ასეთი ამბავი იყო გუშინ გარდაცვლილი 15 წლის მოზარდის ისტორიაც. დღევანდელი დღე, თავიდან ბოლომდე ამ ამბავს მიეძღვნა, კომენტარები, დავალებები, შენიშვნები, პროტესტი და პოლიტიკური გამოსვლებიც კი ამ გარდაცვალების გარშემო ტრიალებდა.

საქართველოს და მსოფლიოს ამბები / 18 დეკემბერი, 2019

      გარდაცვლილი მოზარდი - შინაგან საქმეთა სამინისტროსთან საპროტესტო აქცია ლოზუნგით „ამ ცხოვრების დედაც“ დღესაც გაიმართა. შსს-სთან მიმდინარე აქციის მონაწილეების მთავარი მოთხოვნაა, ვახტანგ გომელაურის პოლიტიკური პასუხისმგებლობა დადგეს. გიორგი მშვენიერაძე - ხშირად, დღევანდელი პოლიციის ქმედება არის არა დანაშაულის გახსნა ადამიანის უფლებების დასაცავად, არამედ დანაშაულის გასახსნელად ადამიანის უფლებების მასობრივი დარღვევა. პრემიერ-მინისტრი 15 წლის მოზარდის გარდაცვალებასთან დაკავშირებით შინაგან საქმეთა, განათლების, ჯანდაცვის და იუსტიციის სამინისტროებს მიმართავს - პირველ რიგში, სრული პასუხისმგებლობით ვაცხადებ, რომ უმკაცრესად დაისჯება ყველა ის პირი, მიუხედავად რანგისა თუ სტატუსისა, რომლის მხრიდანაც რაიმე ტიპის დანაშაულის ჩადენის ფაქტს დაადასტურებს სახელმწიფო ინსპექტორის სამსახური - დამოუკიდებელი საგამოძიებო უწყება, რომლის შექმნასაც ჩვენ დავუჭირეთ მხარი. კახა კალაძე - ლუკა სირაძე რატომღაც დაეჯახა გაუცხოებას, გულგრილობას, არაპროფესიონალიზმს - როცა ბავშვი იღუპება, ამაში დამნაშავე მთლიანად საზოგადოება ვართ. სოფო კილაძე 15 წლის მოზარდის გარდაცვალებაზე - ეს უმძიმესი შემთხვევაა - ვინმესთვის ხელის დაფარებაზე საუბარი არარელევანტურია და ამის მცდელობა იქნება არაადამიანობა. რომან გოცირიძე - 15 წლის ლუკა სირაძე სისტემის მორიგი მსხვერპლია - ყველამ აგოს პასუხი, პოლიტიკური თანამდებობის პირებმა პოლიტიკურად. მარიამ ჯაში - კონტროლზე აგვყავს ლუკას ტრაგედია და არავის მივცემთ უფლებას, თავიდან აიცილოს პასუხისმგებლობა. სახელმწიფო ინსპექტორი - იმას, რომ ვინმე ელოდებოდა ბავშვის გარდაცვალებას და ამის შემდეგ მივიღეთ გამომძიებლის დაკავების გადაწყვეტილება, ვერ დავეთანხმები. ლოზუნგით „გუშინ შენი შვილიც მოკლეს" - ბათუმის სახელმწიფო უნივერსიტეტთან აქცია გაიმართა. პრეზიდენტის ადმინისტრაციის ინფორმაციით, სალომე ზურაბიშვილმა დღეს ყველა საზეიმო ღონისძიება გააუქმა. 15 წლის მოზარდის გარდაცვალების საქმეზე, სახელმწიფო ინსპექტორი სახალხო დამცველს შეხვდა. ნინო ლომჯარია 15 წლის მოზარდზე - სავარაუდოდ, ადგილი ჰქონდა ზეწოლას და ჩვენების მიცემის იძულებას, საეჭვოა, გამოკითხვის ხანგრძლივობაც. ეკატერინე ტიკარაძე 15 წლის მოზარდზე - ეს არის ერის ტრაგედია და ამ შემთხვევაში, არ არსებობს მთავრობისა და ოპოზიციის გუნდი. სტუდენტებმა და მოძრაობა „შეცვალეს“ წევრებმა ილიაუნისთან და თსუ-სთან 15 წლის მოზარდის სოლიდარობის აქცია გამართეს. გია ვოლსკი - სიღრმისეულად არის შესასწავლი სკოლამ რა როლი ითამაშა - გადაუხდელობის გამო ამ ბავშვს მოუხდა წასვლა. „მწვანე სკოლის“ დირექტორი - რომ მცოდნოდა ასე დამთავრდებოდა, სულ დაეწვათ ეს სკოლა, პატრულს არ გამოვიძახებდი. სოფო კილაძე 15 წლის მოზარდის გარდაცვალებაზე - მნიშვნელოვანია ვთქვათ ისიც, რომ სამართალდამცველების პასუხისმგებლობასთან ერთად, ასევე იკვეთება კითხვის ნიშნები სკოლასთან. ლონდა თოლორაია - გარემოებები, რომლებიც ბავშვისთვის არ არის მისაღები, გამოიკვეთა სკოლაშიც და პოლიციაშიც - გპირდებით, რომ არც ერთი პირის მიმართ არ ექნება ფაქტის შელამაზებას ადგილი. კახა კოჟორიძე - 15 წლის მოზარდის გარდაცვალების ფაქტზე დაკავებული გამომძიებელი ე.წ ყინწვისის სპეცოპერაციის საქმეშიც ფიგურირებს. გამომძიებლის ადვოკატი - პოლიციის თანამშრომლებს სკოლის ადმინისტრაციამ დაახვედრა უკვე ამოღებული ვიდეოკამერები, ბავშვების ინფორმაცია, თუ ვინ შეიძლება ყოფილიყო კადრებზე აღბეჭდილი და ბავშვების პირადი მიმოწერა. შსს-ს შესასვლელთან აქტივისტებმა სტიკერები წარწერით: „სირცხვილია“ გააკრეს. აქციის მონაწილეებმა პარლამენტის შენობასთან სანთლები დაანთეს და გარდაცვლილი 15 წლის მოზარდის ხსოვნას პატივი მიაგეს. შსს-სთან აქცია დასრულდა - აქციის მონაწილეებმა 15 წლის მოზარდის ხსოვნის საპატივსაცემოდ ფანრები აანთეს. ნინო ლომჯარია - საქართველოში რამდენიმე თვეში ამოქმედდება ბავშვთა კოდექსი, რომლის თანახმად, სახალხო დამცველი კოდექსის განხორციელებაზე ზედამხედველი უწყება ხდება. საპატრიარქოს პრესსპიკერი - გუშინ მოძღვარმა შვიდგზის ზეთისცხების მსახურება შეასრულა საავადმყოფოში, ლუკასთვის, შესაბამისად მას შენდობის ლოცვაც წაუკითხა მან. ესეც რომ არა, დაზუსტებით შეუძლებელია იმის თქმა, რომ მან თავი გადმოიგდო. არსებობს მოსაზრება და გამორიცხული არ არის, რომ შემთხვევით ჩამოვარდნილიყო. 15 წლის ლუკა სირაძისთვის წესის აგებაზე არ იქნება დაბრკოლება. პატრიარქმა მისცა კურთხევა. სახელმწიფო ინსპექტორმა, ლონდა თოლორაიამ დაადასტურა, რომ ლუკა სირაძის გარდაცვალების შემდეგ თვითდაზიანებები კიდევ ერთმა, 15 წლის მოზარდმა მიიყენა.

      მთავარი ეკონომისტი - ნათია თურნავას განცხადებით, საქართველოსთვის ბუნებრივი აირის ძირითადი მომწოდებელი კვლავ აზერბაიჯანია, მთლიან იმპორტში რუსეთის წილი კი 5%-ია. ნათია თურნავა აცხადებს, რომ 2019 წლის ეკონომიკური ზრდის ტემპით კმაყოფილია. ნათია თურნავას განცხადებით, „ანაკლიის კონსორციუმისთვის" ვალდებულებების შესრულების ვადის გადავადება „ყოვლად მიზანშეუწონელია, რადგან პორტის პროექტი ისედაც დაგვიანდა“. ნათია თურნავას ინფორმაციით, სამეთვალყურეო საბჭო არ შეეწინააღმდეგება საპენსიო სააგენტოს დირექტორის ლევან სურგულაძის სურვილს, რომ თანამდებობა დატოვოს. ნათია თურნავა - ყოველთვის ხელს შევუწყობთ მცირე და საშუალო ბიზნესის განვითარებას, რათა გავამყაროთ ეკონომიკური ზრდის ტენდენცია და სიღარიბე დავძლიოთ.

      საკრებულოს წევრი კუხიანიძე - გიორგი მშვენიერაძე - საზოგადოებაში სამართლიანად ჩნდება განცდა, რომ კუხიანიძის განცხადებები გარკვეულწილად გამოხატავს იმ განწყობებს, რაც სახელისუფლებო გუნდშია. გიორგი ტყემალაძე ერეკლე კუხიანიძეზე - ჩვენს მიერ მანდატის შეწყვეტას პროცედურა არ ითვალისწინებს, მანდატის შეწყვეტა მხოლოდ პირადი განცხადების საფუძველზე ხდება. საკრებულოს უმრავლესობის წევრი ლევან ჟორჟოლიანი - ერეკლე კუხიანიძეს ვურჩევ, აიღოს პასუხისმგებლობა და მანდატი დატოვოს. „ქართული ოცნების“ გადაწყვეტილებით, ერეკლე კუხიანიძე უმრავლესობის რიგებს დატოვებს.

      ზამთრის საჯანმრთელოდ - პაატა იმნაძის ინფორმაციით, გრიპის სამივე ქვეტიპი გამოჩნდა, დაავადების შემთხვევების მატება ბოლო ორი კვირის განმავლობაში შეინიშნება.

      საახალწლო ამბავნარი - დღეიდან 7 იანვრის ჩათვლით, თბილისის მასშტაბით საახალწლო ბაზრობები ამოქმედდა. 8 იანვრიდან 9 მარტის პარკის და „დედაენის ბაღის“ დენდროლოგიური პროექტები განახლდება.

      ბაბილოვის ოსური ხედვა - ანატოლი ბიბილოვი - ოსი ერის ერთადერთი ეროვნული იდეა ოსეთის რუსეთის შემადგენლობაში შესვლა უნდა იყოს.

საზღვარგარეთულები

      კურილიის პრობლემური კუნძულები - იაპონია რუსეთს მოუწოდებს, დაუყოვნებლივ გაათავისუფლოს კურილიის კუნძულებთან დაკავებული გემები.

      ჰონკ-კონგში ცნობილი საახალწლო ფოიერვერკები წელს არ გაიმართება - ტურიზმის საბჭოს ინფორმაციით, ფოიერვერკების „შუქების სიმფონიით“ ჩანაცვლდება, რომელიც ცათამბჯენების ფასადებზე გაიმართება. გადაწყვეტილება ადგილობრივმა მთავრობამ უსაფრთხოების ზომებიდან გამომდინარე მიიღო.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 2342

ტეგები: qwellynews, ამბები, ბლოგი, დეკემბერი, ნიუსები, სიახლეები

George: დეკემბერი 18, 2019||10:42pm

რა ფარისევლობაა: თუ შემთხვევით ჩამოვარდა - რა გამოსვლებია და რა ბრალდებები ? და თუ გადახტა: თვითმკვლელობამდე მიყვანა სისხლისსამართლის დანაშაულია, მაგრამ საელესიო წესის აგება შეუძლებელია, ისევე როგორც გირჩის სექტის დეკანოზისთვის ! #qwellynews

ლაშა: დეკემბერი 19, 2019||12:33am

პრესსამსახურმა პიარული განცხადებები დაიწყო? (( 

ისე, თუ დადგინდება, რომ ფსიქოლოგიური ძალადობის მსხვერპლი იყო და ამის გამო გადმოხტა, ამ შემთხვევაში როგორი იქნება საეკლესიო წესი? 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

truly worth it?

გამოაქვეყნა Waitman Papelbon_მ.
თარიღი: ნოემბერი 30, 2023.
საათი: 1:00pm 0 კომენტარი



If on your own advised me a lot of many years in the past that one particular of the Colorado Rockies' maximum worthwhile exchange chips in just 2022 would be a 37-12 months-outdated pitcher that experienced discovered fresh new everyday living with the staff members just after a 7-12 months hiatus, I would include informed your self toward near your mouth and reduce performing insane. Still, daily life is stranger than fiction, and that basically comes about toward be the circumstance…

გაგრძელება

Philosophical Bunting Vol. II

გამოაქვეყნა Waitman Papelbon_მ.
თარიღი: ნოემბერი 30, 2023.
საათი: 1:00pm 0 კომენტარი



Mickey Mantle bunted. Mickey Mantle bunted a whole lot. Mickey Mantle bunted within the All-Star sport and the Globe Sequence. It is made up of absolutely nothing towards do with the transfer and something toward do with manufacturing defenders get the job done. There are considerably less balls within perform than at any time This implies defenders pay much less electricity shifting. This is correct earlier mentioned the training course of a match, a collection, and a time. Investing…

გაგრძელება

Oops! All Astros

გამოაქვეყნა Waitman Papelbon_მ.
თარიღი: ნოემბერი 30, 2023.
საათი: 1:00pm 0 კომენტარი



The present-day offseason will watch Crawfish Containers critique each and every of the 316 avid gamers in direction of appear to be at some place of the Astros method within just 2022. Even though the monthly time doesn conclude for a different 2 months, I was established upon starting up early due to the fact even profiling 2 gamers for every working day, I would nevertheless not include them all performed via the start off of spring doing exercises. I compromised by way of starting…

გაგრძელება

We'll look at some of the best equipment you can get the trinkets

გამოაქვეყნა taoaxue_მ.
თარიღი: ნოემბერი 29, 2023.
საათი: 10:00am 0 კომენტარი

We are glad to welcome you back to the channel my title is Skye and today we're going to review pre raid the best slot to   play Arcane Mage in Wrath of the Lich King. I want to quickly discuss some of the most important details regarding hit ratings since you are a range caster DPS, you will want to have a total of 17% hit score, also known as 446.

You can take off three percent if you're in an attack with one of the Shadow Priest or a Moonkin with verifier spec, if you're an…

გაგრძელება

Qwelly World

free counters