ჭკვიანი ბაბუა და ცნობისმოყვარე შვილიშვილი - ანუ ნაწყვეტი სერიიდან "დილის საინტერესო საუბრები"

     ჩემს ქუჩაზე ცხოვრობს ერთი ძალიან საყვარელი მოხუცი ბაბუა, რომელიც ყოველ დილით თავის შვილიშვილ გოგონას სკოლაში აცილებს ხოლმე. დღეს დილითაც (როგორც თითქმის ყოველ დილით) მათთან ერთად მომიხდა ქუჩის რაღაც ნაწილის გავლა და მათ მორიგ ძალიან საინტერესო საუბარსაც შევესწარი უნებლიედ:

     შვილიშვილი (პატარა გოგონა, შავი, გრძრელი ჩაწნული თმით და ეშმაკუნა შავი თვალებით) ეკითხება ბაბუამისს:

- ბაბუ შენ რომ უნივერსიტეტში ჩააბარე ბევრი გამოცდა გქონდა?
- აბა არ მქონდა ბაბუ? ყველაფერში გამოცდა გვქონდა მაშინ, ახლა რომაა ასე კი არ იყო... ბევრს ვმეცადინეობდით, კარგად ვსწავლობდით და კარგადაც ჩავაბარეთ ტეხნიკუმის გამოცდები. შენ რომ გაიზრდები შენც უნდა ჩააბარო აბაა...
- რაში უნდა ჩავაბარო ბაბუ?
- ყველაფერში უნდა ჩააბარო...
- და როგორ უნდა ჩავაბარო?
- როგორ და იქ რომ მიხვალ კომისიასთან, დადგები და ისინი გკითხავენ ყველაფერს და გაიგებენ რა იციიი...რა არ იცი... კარგად გისწავლია სკოლაში...გიზარმაციაააა...
- მაგას როგორ გაიგებენ?
- როგორ და გკითხავენ ყველაფერს კაცო! (გაბრაზდა, აშკარად დაიღალა ამდენი შეკითხვით), გეტყვიან... აბა, ელენე... როგორ სწავლობდი სკოლაში, როგორ წერდი, როგორ კითხულობდი, მასწავლებლებს ხომ არ აბრაზებდი...სკოლას ხომ არ აცდენდი... გკითხავენ ასე და გაიგებენ.
- თუ მკითხავენ მე ვეტყვი კარგად ვსწავლობდიო, ზოგჯერ ვზარმაცობდიო... მაგრამ კარგად ვკითხოლობ და ვწერ და ამას რომ ვეტყვი მიმიღებენ ხომ ბაბუ უნივერსიტეტში?
- მაგას თუ ეტყვი მიგიღებენ აბა რას იზამენ, მაგრამ ზოგჯერ რომ ზარმაცობ ეგ არ მოეწონებათ. აწი თუ აღარ იზარმაცებ უფრო ადვილად მიგიღებენ. გაიგე შეენ?

     ბავშვი დაფიქრდა და ეუბნება:

- ბაბუ იცი რა მოვიფიქრე? ზოგჯერ ვიზარმაცებ მაგრამ იქ რომ მივალ არ ვიტყვი ვზარმაცობდიო, კარგად დავწერ, კარგად წავიკითხავ, იებზე ლექსსაც ვიტყვი და ჩავაბარებ...

.....................

მართალია საუბრის დასასრული ვერ მოვისმინე მაგრამ ეროვნული გამოცდების სახეცვლილი ვერსიის საფუძველის ჩაყრას ნამდვილად დავესწარი. მთავარია კარგად წერდეთ, კითხულობდეთ, ლექსები იცოდეთ, მასწავლებელს არ აბრაზებდეთ და 2025 წელს ერთიანი ეროვნული გამოცდა ჩაბარებული გაქვთ!!!

exam, granddaughter, grandfather, poetry, qwelly, qwellyblog, qwellypost, talk, tamuna chkhaidze blog, university, walk, ბაბუა, გამოცდა, დიალოგი, დილის საინტერესო საუბრები, ერთიანი ეროვნული გამოცდები, ეროვნული გამოცდები, თამუნა ჩხაიძის ბლოგი, მომავალი, საუბარი, სეირნობა, უნივერსიტეტი, შვილიშვილი, წარსული

ლაშა: მაისი 12, 2015||11:19pm

ოხ რამდენი შეკითხვები უყვართ და როგორ დაუღალავად :D

BrOliKa: მაისი 12, 2015||11:25pm
ხო ყველაფერზე კითხვა რატოომ??? რა უბედურებაა :-D ზოგჯერ პასუხის ახსნაც, რომ შეუძლებლად გეჩვენება :-D
tamuna: მაისი 12, 2015||11:51pm

ამ ბავშვს განსაკუთრებით უყვარს შეკითხვების დასმა. ჯერ გამარჯობასაც არ ამბობს, დანახვისთანავე გეკითხება - როგორ ხარ? სად მიდიხარ? და ასე დაუსრულებლად :) 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

LEVELS 60+. Maniacal Monkeys.

გამოაქვეყნა Weiweismart_მ.
თარიღი: იანვარი 26, 2021.
საათი: 6:18am 0 კომენტარი



Additional hunter training procedures. As we find above approaches to be greatest / most rewarding there may want to change locations from …

გაგრძელება

რეგულაციების პროტესტი, დაულაგებელი ოპოზიცია და NDI კვლევას ართულებს

გამოაქვეყნა Giorgi_მ.
თარიღი: იანვარი 25, 2021.
საათი: 10:47pm 0 კომენტარი

      მას შემდეგ რაც რეგულაციების შემსუბუქება თითქმის არაფრის შემსუბუქებას ჰგავდა არაერთი აქცია დაიგეგმა და ზოგიერთ ჩატარდა კიდეც. განსაკუთრებული ხალხმრავლობით არა, მაგრამ მაინც. ოპოზიციის შიგნით კვლავ არეულობა და აულაგებლობაა. NDI-მ ახალი კვლევა დადო. რაც შეეხება კორონავირუსს - დადასტურებული შემთხვევა - 253816, გუშინ დილის შემდეგ - 298; გამოჯანმრთელებული - 243396, გუშინ დილის შემდეგ - 1311; გარდაცვლილი - 3071, გუშინ დილის შემდეგ - 16; კარანტინის…

გაგრძელება

ოვალური ოთახის საპრეზიდენტო მორთულობა

გამოაქვეყნა Tamila Moshiashvili_მ.
თარიღი: იანვარი 24, 2021.
საათი: 10:28pm 1 კომენტარი

      ამერიკის პრეზიდენტის არჩევა მთელი მსოფლიოსთვის მნიშვნელოვანი მოვლენაა. მთლიანი პროცესს, არჩევნებში გამარჯვებიდან მმართველობის გადაბარებამდე, მედიის თვალი არ სცილდება და მედიას მიჩერებული საზოგადოებაც ეხვევა ამ ინტერესის საბურველში. ცხადია, პრეზიდენტების სამუშაო სივრცეც იქცევს განსაკუთრებულ ყურადღებას, მითუფრო რომ ამ კაბინეტში ყოფნა 4 წლის (შესაძლოა 8 წელიც) მანძლზე მოუწევს, ამიტომ პრეზიდენტები ისე აწყობენ სამუშაო ოთახს, როგორც მათ გემოვნებასა…

გაგრძელება

უზენაესი გამარჯვება რუსეთზე და ცივი აცრა

გამოაქვეყნა Giorgi_მ.
თარიღი: იანვარი 21, 2021.
საათი: 11:00pm 0 კომენტარი

      დავაში გამარჯვებული ქვეყნის სტატუსი გვაქვს - რუსეთს მოვუგეთ. მართალია ომიც მოვუგეთ 2008-ში, მაგრამ აღმოჩნდა რომ არ მოგვიგია. ახლა კი სტრასბურგში მოვუგეთ - უზენაესი სამართლის სახელით მოღვაწე ამ ორგანიზაციაში. ქვეყანა ამ გამარჯვებას ზეიმობს, იქით კოვიდის ვაქცინაციას იწყებს, აქეთ ელიაშვილის ოპოზიციონერობას განიხიავს. მელაშვილისა და ილიჩოვას საქმის გამოძიებაც დასრულდა. ბაიდენი - პრეზიდენტია! რაც შეეხება კორონავირუსს - დადასტურებული შემთხვევა -…

გაგრძელება

Qwelly World

free counters