ჩემპიონი მოჭიდავე, ელ-ავტომობილების ქარხანა, პიარკამპანიის მანკიერებანი, ჩანაწერები და დედაქალაქის მეტრომანია

      დღეს გამოყოლებული გუშინდელი კარგი ამბავი იყოს, ჩვენი ნიუსების შესავალი. საქმე ისაა, რომ ჭიდაობაში კიდევ ერთი მსოფლიო ჩემპიონი გვყავს - მოჭიდავე გენო პეტრიაშვილი მსოფლიო ჩემპიონი გახდა. კვირა დაიწყო ასევე წვიმიანი პროგნოზებით. როგორც წერენ - 24 ოქტომბერს საქართველოს ზოგიერთ რაიონში წვიმა, 25 ოქტომბერს კი, ძლიერი ქარია მოსალოდნელი. დღეს ასევე საუბრბდნენ ავტოქარხანაზე, პარკინგზე, ცხადია არჩევნებზეც და ფარული ჩანაწერების ძიებაზეც.

საქართველოს და მსოფლიოს ამბები / 22 ოქტომბერი, 2018 /

      პიარ-ანტიპიარული არჩევნები - დავით ბაქრაძე - რუსეთი ჰააგაში საქართველოს წინააღმდეგ არგუმენტად სალომე ზურაბიშვილის წიგნიდან ციტატებს იყენებს. თამარ ჩუგოშვილი დავით ბაქრაძის განცხადებაზე - 2008 წლის ომთან დაკავშირებით ზურაბიშვილის მხრიდან საბოლოო პოზიცია რაც იყო, არ სცდება საერთაშორისო შეფასებებს. დავით ბაქრაძე - ოთარ ფარცხალაძეს დაკითხვაზე დაბარებასაც ვერ უბედავენ. ელენე ხოშტარია - „ნაციონალური მოძრაობის“ თავდასხმებით ჩვენ არაფერი გვაკლდება, ამით ისინი „ქართულ ოცნებას“ აძლიერებენ. სოფო კილაძე დავით ბაქრაძის განცხადებაზე - ზურაბიშვილის წიგნი წაკითხული არ მაქვს, მაგრამ ვფიქრობ, რომ ოპოზიცია ამ ყველაფრის არასწორად ინტერპრეტირებას ახდენს. სოფო კილაძე - ე.წ. ჩანაწერების ომთან დაკავშირებით, მნიშვნელოვანია, ორივე მიმართულებას გაეცეს პასუხი: შინაარსობრივ მხარეს და საიდან მოხვდა ისინი „რუსთავი 2"-ის ხელში. გიორგი კანდელაკი - გრიგოლ ვაშაძის წარმომადგენლის უწყებათაშორის კომისიაში დარჩენა დაბნეულობას იწვევს. სალომე ზურაბიშვილი - ფაქიზი თემები, ყველა ვითომ ჩემს წინააღმდეგაა გამოყენებული, მაგრამ სინამდვილეში გამოყენებულია საქართველოს წინააღმდეგ. სალომე ზურაბიშვილს ბადრი პატარკაციშვილის დედამ და დებმა, ჯამში 180 000 ლარი შესწირეს.

      პროკურორების დაბარება - თამარ ჩუგოშვილი - კონკრეტული საქმის გამოძიებაზე მთავარი პროკურორის პარლამენტში დაბარება არ არის საუკეთესო პრაქტიკა.

      ავტოპარკი - მამუკა ბახტაძე - მთავრობის გეგმის თანახმად, 10 წლის განმავლობაში საქართველოში მოქმედი ავტოპარკის 90% ელექტრომობილებით ჩანაცვლდება.

      კვლევა ავტობუსებზე და სხვაქალაქური ნიუსები - კახა კალაძე - წლის ბოლოს კვლევა დასრულდება და გვეცოდინება, გვჭირდება თუ არა მიკროავტობუსები ქალაქში. - სამგორიდან ლილოს მიმართულებით ახალი მეტროსადგურები აშენდება. კახა კალაძე - ყველა რაიონში, ყველა უბანში იქნება პარკირების განსხვავებული ტარიფი. ტაქსის მძღოლებს, რომლებსაც ყველაფერი მოწესრიგებული ექნებათ, არაფრის გადახდა არ მოუწევთ. კახა კალაძე - 2021 წლამდე თბილისის მეტროპოლიტენს 12 ახალი შემადგენლობა დაემატება. კახა კალაძე - ავტობუსებისთვის ვგეგმავთ შეიქმნას სპეციალური ვიზუალი და თბილისს საკუთარი ბრენდის ავტობუსები ჰყავდეს. შემოვლითი რკინიგზა - პრემიერი - შემოვლითი რკინიგზის პროექტს ჰქონდა სერიოზული საინჟინრო ნაკლოვანებები და მისი არსებული დიზაინით დასრულება იყო სრულიად მიუღებელი. კახა კალაძე - 2020 წლიდან დედაქალაქში 18 მეტრიანი 200-მდე ელექტროავტობუსი იმოძრავებს. ელექტრომობილებისთვის მუნიციპალურ საპარკინგე ადგილებზე სპეციალური უფასო სადგომები გამოიყოფა.

ქუთაისის ავტოქარხნის ალტერნატივა - საქართველოში შესაძლოა, ელექტრომობილების ქარხანა აშენდეს. მამუკა ბახტაძე - საქართველოში მომავალ წელს 2000-ზე მეტი ელექტრომობილი შემოვა.

      გატანილი სარჩელი - შემოსავლების სამსახურმა „შავი ზღვის უნივერსიტეტის“ წინააღმდეგ სარჩელი სასამართლოდან გაიტანა. ილიას ჩილოღლუ - „შავი ზღვის უნივერსიტეტი“ ავტორიზაციის საბჭოს გადაწყვეტილების მოლოდინშია.

      რეზერვისტი მსურველები - თორნიკე რიჟვაძე - ამაყი ვარ, რომ აჭარიდან ამდენმა ახალგაზრდამ გამოთქვა სურვილი მონაწილეობა მიეღო სარეზერვო სამსახურის საპილოტე პროგრამაში.

      იუსტიციის საბჭო - სერგო მეთოფიშვილი - იუსტიციის საბჭოს ზოგიერთი არამოსამართლე წევრი კაბინეტში იბარებს გამოსაცდელ ვადაში მყოფ მოსამართლეებს, რომლის შეფასებასაც ახორციელებს - ეს მანკიერი პრაქტიკაა.

      კანაფის ფესტივალი - იაგო ხვიჩია - „კანაფის ფესტივალზე“ ამდენი პოლიციელის ყოფნას ის შედეგი ჰქონდა, რომ ბაყაყი, დათვი და მგელი დაიჭირეს.

      ცრუჩვენება - დავით ჭიჭინაძე - როგორც ვიდეოჩანაწერიდან ირკვევა, ლევან ყიფიანმა სამართალდამცავებს ცრუ ჩვენება მისცა, რომ ის სარდაფში ჩაყვანილი არ ყოფილა. ლევან კობერიძე ფარულ ჩანაწერებზე - თუკი ახალ მტკიცებულებებსა და გარემოებებზეა საუბარი, მაშინ საჭიროა ახალი საქმე აღიძრას. გია ვოლსკი - რაც დრო გადის, ვრწმუნდები, რომ ზაზა ოქუაშვილი წამსვლელია, რომ რაღაც ფალსიფიცირება გაეკეთებინა და ამაში ლევან ყიფიანი ჩაეთრია. ირაკლი კობახიძე ოპოზიციას - ოქუაშვილს რაც შეეხება, ვიდრე 3D ვერსია არ გამოქვეყნდება, პარლამენტი ამ საკითხის განხილვაში არ უნდა ჩაერთოს.

საზღვარგარეთულები:

      ჟურნალისტიკის ბედი არაბეთში - ანგელა მერკელი - ჟურნალისტ ჰაშქაჯის მკვლელობის ფონზე საუდის არაბეთისთვის შეიარაღების მიწოდება შეუძლებელია.

      კონგრესული ამბები - ბოლო კვლევების თანახმად, კონგრესის არჩევნების წინ, აშშ-ში დემოკრატები ლიდერობენ.

      ლონდონიდან ტერეზა - ტერეზა მეი - ლონდონსა და ბრიუსელს შორის „ბრექსიტის“ საკითხზე საბოლოო შეთანხმება 95%-ით არის შეთანხმებული.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 85

ტეგები: qwellynews, ბლოგი, ნიუსები, ოქტომბერი, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

კორონასგან ჩაკეტილი სვანეთი და კანდიდატების ჭიდილი

გამოაქვეყნა Giorgi_მ.
თარიღი: აგვისტო 10, 2020.
საათი: 10:49pm 0 კომენტარი

      წინათ გასაჭირისა და შეჭირვების დროს ხალხი მთაში გარბოდა, ამჯერად ყველაზე მაღალი მთა ჩაიკეტა და იქიდან გამოქცევას ლამობენ. ის ორი კინკილა ტურისტიც კარანტინის ზონებში გადაიყვანეს - სვანეთში კორონას გავრცელებამ მისი ჩაკეტვა გამოიწვია. თბილისში კანდიდატებს ერთმანეთს აჯიბრებენ. ბაჩალიაშვილის საქმე ისევ პირადი ინფორმაციების გამომზეურებას მიყვება.

საქართველოს და მსოფლიოს ამბები / 10 აგვისტო, 2020

      კორონა მაღალ…

გაგრძელება

მელომანი დიასახლისის ალბომები

გამოაქვეყნა Tamila Moshiashvili_მ.
თარიღი: აგვისტო 9, 2020.
საათი: 11:38pm 2 კომენტარი

      კორონას ეპოქის შემოქმედება არ მგონია მსოფლიო კულტურის ისტორიასი ახალ რენესანსად შევიდეს, მაგრამ ეპიდემიების ისტორიაში ყველაზე არტისტულ ხანად ნამდვილად შევა. რამდენიმე კვირის წინ ალბომებზე დისტანციის დაცვა უკვე შევეხეთ - სოციალური დისტანცია ალბომებზე, ახლა კი ერთ საკარანტინე სასტუმროს ფოტოგრაფია უნდა შემოგთავაზოთ. ლონდონის ერთ გარეუბანში არის პატარა სასტუმრო, სიდმარ…

გაგრძელება

ქუჩების გამოცოცხლება - მთელი მსოფლიო ერთი სცენაა

გამოაქვეყნა Tamila Moshiashvili_მ.
თარიღი: აგვისტო 8, 2020.
საათი: 7:46pm 3 კომენტარი

      მთელი დედამიწა სცენაა - ასეთი სლოგანი გაეშურა ანა ულმანი (Anna Ulman) ესპანეთის ქუჩებში და მარბელას სანაპიროებზე მოცეკვვავეების გადასაღებად. ცხადია, მოცეკვავეებიც თან გაიყოლა, მაგრამ სანახაობა შთამბეჭდავი გამოვიდა. ცეკვა როგორც სულის გამოძახილი, ანდა სულის მოძრაობა, ერთ-ერთი ყველაზე უფრო სახასიათო და გამომსახველობითი ხელოვნებაა, სწორედ ამიტომ ცეკვამ ქალაქები გამოაცოცხლა. ანას ობიექტივი ძირითადად ბალერინებსა და ბალერონებს დაეთმო,…

გაგრძელება

მეთორმეტე წელი აგვისტოს ომიდან

გამოაქვეყნა Giorgi_მ.
თარიღი: აგვისტო 7, 2020.
საათი: 11:00pm 0 კომენტარი

      როგორც ტრადიციულად აგვისტოში ხდება - დღევანდელი დღე სრულად მიეძღვნა 2008 წლის ომს, გახსენებებს, ურთიერთ ბრალდებებს, ოკუპანტის ლანძღვას, მუქარას და თითის ქნევას, ევროპელების შეგულიანებასა და სიტყვიერ მხარდაჭერას.

საქართველოს და მსოფლიოს ამბები / 7 აგვისტო, 2020

      საკორონე ამბები - საქართველოში კორონავირუსის 7 ახალი შემთხვევა გამოვლინდა, 7-ით გაიზარდა გამოჯანმრთელებულთა რაოდენობაც. მარინა ეზუგბაიას…

გაგრძელება

Qwelly World

free counters