ჟურნალისტებით დაბრუნებული მილიარდელი, არჩევნების მერვედფინალები, ეკონომიკა, ავტოპარკინგი, მიწისზედა მეტრო და საერთაშორისო ჭორაობა

      არჩევნებამდე 1 კვირაც არ არის და ყოველი მეორე მარტო იმაზე საუბრობს, ვინ რა თქვა წარსულში და ვის როგორი დამოკიდებულება აქვს ევროპასთან ან რუსეთთან. ვინაიდან პრეზიდენტის შესაძლებლობები თითქმის ნულამდეა დაყვანილი, ახლა მხოლოდ ერთმანეთის ანტიპიარზე არიან გადასულები. დღეს ბიძინა ივანიშვილიც დაბრუნდა დღის ნიუსებში და ჟურნალისტებთან სხდომა გამართა. იყო სხვა კანტი-კუნტი ნიუსებიც.

საქართველოს და მსოფლიოს ამბები / 23 ოქტომბერი, 2018 /

      პარლამენტის მუნჯები - დავით ჭიჭინაძე - პარლამენტში იმდენად მუნჯი ადამიანები სხედან, მინისტრს რომ უყურებენ, კითხვის დასმისაც კი ერიდებათ.

      ბიძინა ჟურნალისტებთან - ბიძინა ივანიშვილი დღეს ჟურნალისტების შეკითხვებს პასუხობდა. ბიძინა ივანიშვილი - როგორ წარმოგიდგენიათ, ჩემს საკუთარ კაბინეტში ოთხ თითს ვაჩვენებ ზაზა ოქუაშვილს და ვერ ვლაპარაკობ, რომ არ ჩამიწერონ? - თუ ამის მეშინოდა, შემეძლო შემემოწმებინა. „რუსთავი 2“ ავრცელებს მიზანმიმართულ და არასწორ ინფორმაციას მინისტრებისა და პარლამენტარების უძრავ ქონებასთან დაკავშირებით, რაც დადასტურდა. რატომ უნდა დავსაჯო ფარცხალაძე, გაუგებარია - ამ კაცს დასაჭერი არაფერი აქვს. რომელ არაფორმალურ მმართველობაზეა საუბარი, მე ვარ იმ პარტიის თავმჯდომარე, რომელსაც პარლამენტში აქვს უმრავლესობა.

      ვატიკანელი სტუმრები პატრიარქს - ილია მეორე - კაცობრიობა ბევრჯერ ყოფილა უფსკრულის პირას და უფსკრულშიც ჩაუხედავს, ეს რომ არ განმეორდეს განსაკუთრებული მნიშვნელობა ენიჭება რწმენას და ქრისტიანული ღირებულებების დაცვას.

      საერთაშორისო ჭორაობა და წულუკიანის სხვა ნიუსები - ეკა გიგაური - თეა წულუკიანი ჭორაობს საერთაშორისო ფორუმზე, რითაც დარტყმას საკუთარ თავს აყენებს. დავით ჭიჭინაძე - თეა წულუკიანს ვურჩევდი, 7 ნოემბერი არასამთავრობოების ნაცვლად იმ კოლეგებს გაახსენოს, ვინც გვერდით უზის. დავით უსუფაშვილი წულუკიანის მიერ გიგაურის კრიტიკაზე - მმართველი პარტია ყველას თავს ესხმის, ვინც მისთვის არასასიამოვნო პოზიციებზეა.

      მართლწესრიგის ფიცი - შს სამინისტროში ორმოცმა ახალდანიშნულმა მართლწესრიგის ოფიცერმა პოლიციელის ფიცი დადო.

      არჩევნებამდე დარჩა 5 დღე - დავით ბაქრაძე - მოვიგებთ არჩევნებს და ამას გავაკეთებთ ყოველგვარი დაპირისპირების, რევანშისა და შურისძიების გარეშე. გრიგოლ ვაშაძე - რამდენიმე კვირაა, ქვეყანა უსამართლობის და უკანონობის მთელმა კასკადმა შეძრა, თუმცა ამაზე სალომე ზურაბიშვილისგან ერთი სიტყვაც არ გაგვიგია. დავით ბაქრაძე - ჩემი ამოცანაა საზოგადოება დავარწმუნო, რომ შესაძლებელია ქვეყნის წინსვლა და პრობლემების მოგვარება. სალომე ზურაბიშვილი - ჩვენ ვართ გადმონაშთი ჯერ კიდევ. სალომე ზურაბიშვილი - დავით უსუფაშვილის ვარაუდი მისი ვარაუდია, მე რატომ უნდა გავაკეთო კომენტარი. კულტურა სახელმწიფოსა და სამოქალაქო საზოგადოების განვითარების აუცილებელი პირობაა. გიორგი მარგველაშვილი - წინასაარჩევნო კამპანიისას ქვეყნის სუვერენიტეტთან, ტერიტორიულ მთლიანობასთან და თავდაცვის უფლებასთან დაკავშირებული დისკუსიით არ უნდა დავაზიანოთ ქართველი სამხედროების მორალი. მამუკა მდინარაძე - სალომე ზურაბიშვილის წიგნში არც ერთი სიტყვაა ნათქვამი იმის შესახებ, რომ ომი საქართველომ დაიწყო.

      პროდუქტის რეალიზაცია - ბაზარზე ზედამხედველობის პროცედურები და პროდუქტის რეალიზაციის შეჩერების, ამოღების, გამოთხოვის, განადგურების ნორმები, შესაძლოა, 5 ნოემბრიდან ამოქმედდეს.

      ნინელის თანამდებობა - ნინელი ჭანკვეტაძე - თანამდებობა და მთავრობაში ყოფნა რომ მდომოდა, მინისტრი ვიქნებოდი, ან პარლამენტის წევრი, ან თეატრის დირექტორი.

      ქართული გაშავება უკრაინაში - უკრაინის უშიშროების სამსახურმა ოდესაში ე.წ. კანონიერი ქურდი მერაბ ჭეიშვილი დააკავა.

      მიწისზედა მეტრო ლილოში და მეტროს ნიუსები - თბილისის გენერალურ გეგმაზე მომუშავე ჯგუფის ხელმძღვანელი - ლილოს მიმართულებით მიწისზედა მეტროს გაკეთება კვლევის გარეშე არ შეიძლება. მერიის ტრანსპორტის სამსახურის უფროსი - ხალხის ნება თუ იქნება, „სტაიანშჩიკების“ ქუჩაში დგომა აიკრძალება. მამუკა სალუქვაძე - თბილისის მიწათსარგებლობის გენერალურ გეგმას საკრებულო ნოემბრის დასაწყისში დაამტკიცებს. ეკა ლალიაშვილი - უნდა მოვიფიქროთ, რა ვუყოთ ავტოპარკის 45%-ს, რომელიც 20 წელს გადაცილებულია - უტილიზაციის პროგრამები უნდა განხორციელდეს.

      ინსპექტირების რეფორმა - ეკა ლალიაშვილი - თუ ტექნიკური ინსპექტირების გამოწვევებზე სათანადო პასუხი არ გვექნება, დიდი რისკია, რომ მომავალ წელს რეფორმა ჩაგვივარდეს.

      ბოროტი, პრორუსული განზრახვები - ლაშა ტუღუში - ვინაიდან იგორ გიორგაძე არის რუსეთის გენერალი, კეთილი განზრახვები რომ არ ექნება ჩვენი პატარა ინგლისურენოვანი გამოცემის და ქვეყნის მიმართ, ფაქტია.

      ინფლაციის კონტროლი - კობა გვენეტაძე - ყველა ბერკეტი გვაქვს იმისთვის, რომ ინფლაცია ვაკონტროლოთ და დაბალ ნიშნულზე შევინარჩუნოთ.

საზღვარგარეთულები:

      ასაფეთქებელი სოროსს - ჯორჯ სოროსის სახლთან, საფოსტო ყუთში ასაფეთქებელი მოწყობილობა იპოვეს.

      სხვა პრესიდან არაბულ მკვლელობაზე - „როიტერსი“ - აშშ-ს სადაზვერვო სააგენტოს დირექტორი საუდელი ჟურნალისტის გარდაცვალების საქმის გამოძიებაში მონაწილეობას მიიღებს.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 130

ტეგები: qwellynews, ბლოგი, ნიუსები, ოქტომბერი, სიახლეები

Kakha: ოქტომბერი 23, 2018||11:24pm

არ ასვენებენ ამ მოხუც სოროსს რა )) 

Kakha: ოქტომბერი 24, 2018||7:44pm

ნინელი ჭანკვეტაძე საიდან გამოჩნდა, ან ვინ მოიკითხა (გაახსენდა)? )) 

ლაშა: ოქტომბერი 24, 2018||9:52pm

წინასაარჩევნო გამოცოცხლება იქნება. 

Kakha: ოქტომბერი 24, 2018||10:13pm

ნეტა ქეთი დოლიძე არავინ გაიხსენოს :D

ლაშა: ოქტომბერი 24, 2018||10:38pm

თვითონ გამოჩნდება და შეგვახსენებს, უფრო სწორედ იკითხავს - „ჩემი კუკარაჩა ნანახი გაქვს?“ ))

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

მოდა კორონას ხანაში

გამოაქვეყნა Tamila Moshiashvili_მ.
თარიღი: ოქტომბერი 24, 2020.
საათი: 10:59pm 1 კომენტარი

      იტალიური დიზაინი ანტიკური ხანიდან ცნობილი, პოპულარული და დაფასებულია. თანამედროვე სამყაროშიც ბევრი არაფერი შეცვლილა - იტალიური დეფილეები, მოდის კვირეულები, დიზაინერები და მოდელები მსოფლიოს მოდის სტანდარტს ქმნიან. ცნობილი ბრენდები მათ გარშემო ტრიალებს, მაგრამ კორონამ აქაც შეიტანა თავისი კვალი. დეფილე ძალიან განსახვავებულად და დისტანციის სრული დაცვით ჩატარდა - საუბარია მოსკინოს (Moschino) კოვიდ-დეფილეზე. წარმოიდგინეთ ამდენი ახალი…

გაგრძელება

ტერაქტიც საარჩევნოა, კოვიდიც, ავტობუსებიც და ყველაფერი არჩევნებს უტრიალებს

გამოაქვეყნა Giorgi_მ.
თარიღი: ოქტომბერი 23, 2020.
საათი: 11:28pm 0 კომენტარი

      საარჩევნოდ ტერორისტული ამბავი თუ ასეთ გამოხმაურებებს გამოიწვევდა და ამდენი დღე დარჩებოდა მეინსტრიმში, ბევრი ვერ წარმოიდგენდა ალბათ, მაგრამ ფაქტია ასე მოხდა. კორონა უკვე 1700 კაცს ითვლის ყოველდღიურად, უფრო ჩაშლილი კოვიდ ამბავი ასეთია - დღეის მდგომარეობით დადასტურებული შემთხვევა - 24562, გამოჯანმრთელებული - 9751, გარდაცვლილი - 183, კარანტინში - 4408. ლარის ამბავი - აშშ დოლარის ფასია 3.2202 ლარი.

საქართველოს და მსოფლიოს ამბები / 23…

გაგრძელება

ტერორისტი სამეგრელოში და არჩევნებამდე ერთ კვირაზე ცოტა მეტი

გამოაქვეყნა Giorgi_მ.
თარიღი: ოქტომბერი 22, 2020.
საათი: 10:30pm 2 კომენტარი

      რთული და დაძაბული იყო ზუგდიდის ტერორისტული აქტი - საქ. ბანკში შევარდნილმა 4 მილიონი ჩაიდო და წავიდა, მაგრამ ინტერნეტ სივრცეს დიდი ხანია ამდენი არცერთ თემაზე არ უხუმრია რაც გუშინდელმა ტერაქტმა გამოიმუშავა. დღის მთავარია ამბავი დღესაც ეს იყო, კორონა უკვე 1500-ზეა ასული და არჩევნებამდე 10-ზე ნაკლებ დღეში, მხოლოდ ურთიერთბრალდებებია დარჩენილი. ადგილობრივი კორონა რიცხვებში - დადასტურებული შემთხვევა - 22803, გამოჯანმრთელებული - 9401, გარდაცვლილი -…

გაგრძელება

დაკარგული სახეები

გამოაქვეყნა nunu qadagidze_მ.
თარიღი: ოქტომბერი 21, 2020.
საათი: 2:30pm 0 კომენტარი

      - მე ერთხელ ძალიან მაგრად გამიმართლა...

      ასეთი სიტყვები ანკესივითაა, აუცილებლად მიიპყრობს ყურადღებას. აბა, ვინ არ ოცნებობს ასეთ რამეზე? მეც ძალაუნებურად მივუგდე ყური. ვიღაც ჭაღარა მამაკაცი ყვებოდა თავის ამბავს, ხის მერხზე ჩამომჯდარი.

      - აეროპორტში ვიყავი, საქონელს ველოდებოდი. სტიუარდესა მყავდა ერთი შეგულებული. გამოაცხადეს, რეისი იგვიანებსო. მოსაცდელ დარბაზს მივაშურე, იქ მებუფეტესთან მქონდა რაღაც ანგარიშები…

გაგრძელება

Qwelly World

free counters