როგორც ტრადიციულად აგვისტოში ხდება - დღევანდელი დღე სრულად მიეძღვნა 2008 წლის ომს, გახსენებებს, ურთიერთ ბრალდებებს, ოკუპანტის ლანძღვას, მუქარას და თითის ქნევას, ევროპელების შეგულიანებასა და სიტყვიერ მხარდაჭერას.

საქართველოს და მსოფლიოს ამბები / 7 აგვისტო, 2020

      საკორონე ამბები - საქართველოში კორონავირუსის 7 ახალი შემთხვევა გამოვლინდა, 7-ით გაიზარდა გამოჯანმრთელებულთა რაოდენობაც. მარინა ეზუგბაიას განცხადებით, კორონავირუსის 7 ახალი შემთხვევიდან 1 იმპორტირებულია, 5 დადასტურებულ შემთხვევასთან კონტაქტია და ერთის წყარო უცნობია. მაია ბუწაშვილი - დღეს არსებული დინამიკით, 2020 წლის ბოლოს, ან 2021 წლის დასაწყისში კორონავირუსის ვაქცინა უნდა იყოს საბოლოო სახით ფორმირებული.

      #არჩევნები2020 - გიგა ბოკერია - „ნაციონალურმა მოძრაობამ“ მცდარი არჩევანი გააკეთა. ბადრი ჯაფარიძე - „ქართული ოცნება” დამაჯერებლად დამარცხდება. ეკა გიგაური - მოსახლეობას უნდა ახსოვდეს, რომ მთავრობის დახმარება არა რომელიმე პოლიტიკური პარტიიდან, არამედ სახელმწიფო ბიუჯეტიდან მოდის. გიორგი კახიანი - კომიკური ვითარებაა, რაც ოპოზიციურ ფლანგზე ხდება - ვერ შეთანხმდნენ, ვინ იქნება პრემიერ-მინისტრი. ბოკერია - შანსი, რომ სააკაშვილისნაირ ფიგურაზე პარტიებს შორის კომპრომისი შედგეს, ნულის ტოლია.

      აგვისტოს მეთორმეტე წლისთავი - რუსლან აბაშიძე - აქტიური საერთაშორისო ჩართულობა არის უმნიშვნელოვანესი ფაქტორი საერთაშორისო სამართლის პრინციპების შესაბამისად კონფლიქტის მშვიდობიანი მოგვარების. გიორგი გახარია - ჩვენ არასოდეს შევეგუებით ოკუპაციას. გიგა ბოკერია - პუტინის რუსეთი არის საქართველოს მტერი. ლინას ლინკევიჩუსი - საქართველოს ტერიტორიის 20 პროცენტის ოკუპაცია და მცოცავი ანექსია გრძელდება. „ევროპული საქართველოს“ წარმომადგენლებმა ერგნეთის საოკუპაციო ხაზთან, აგვისტოს ომიდან 12 წლისთავთან დაკავშირებით სიმბოლური აქცია გამართეს. ირაკლი ბერაია - ჩვენი სამშვიდობო პოლიტიკის მთავარი საყრდენია შერიგება. ნორვეგიის საგარეო საქმეთა მინისტრი რუსეთს საქართველოდან ჯარების გაყვანისკენ მოუწოდებს. აშშ - ს საელჩო - მოვუწოდებთ რუსეთს, უკან წაიღოს აფხაზეთისა და სამხრეთ ოსეთის ე.წ. დამოუკიდებლობის აღიარება. ბადრი ჯაფარიძე - ოკუპაციის საკითხი „ქართული ოცნების” უნიათო პოლიტიკის გამო აღარ არის მსოფლიო პოლიტიკის დღის წესრიგში და ჩვენ ეს უნდა დავაბრუნოთ. საქართველოს საგარეო უწყება რუსეთს მოუწოდებს შეწყვიტოს უკანონო, პროვოკაციული მოქმედებები და შეთანხმებით ნაკისრი ვალდებულებები შეასრულოს. ელენე ხოშტარია - ეს უნდა იყოს დღე, როცა მთელი სახელმწიფო არის ერთიანი ამ მარტივ პოზიციაში, რომ რუსეთი საქართველოს მტერია. გიორგი გახარია - რუსეთმა უნდა შეწყვიტოს დესტაბილიზაციური ქმედებები და 2008 წლის "ცეცხლის შეწყვეტის შეთანხმება" შეასრულოს. ეუთო-ში აშშ-ის მისია - რუსეთს ვალდებულებების შესრულებისა და საქართველოს ოკუპაციის შეწყვეტისკენ მოვუწოდებთ. თინა ხიდეშელი - ჩვენ დიქტატორთან გვაქვს საქმე, ვისთვისაც სხვისი ქვეყნის ოკუპაცია და საარტილერიო ცეცხლით დახოცვა, არაფერს წარმოადგენს. ბადრი ბასიშვილი - მჯერა, რომ აფხაზ და ოს ძმებთან ერთად ვიცხოვრებთ, რუსეთი ჩვენს ტერიტორიას მალე დატოვებს. ბრიტანელი პარლამენტარი - რუსეთი საქართველოში სამხედრო და კიბერ-აგრესიას განაგრძობს. პიტერ სტანო - ევროკავშირი რუსეთ-საქართველოს კონფლიქტის სტაბილიზაციისა და მშვიდობიანად მოგვარების ერთგული რჩება. 7-8 აგვისტოს, 2008 წლის რუსეთ - საქართველოს ომის 12 წლისთავთან დაკავშირებით სხვადასხვა სახის ღონისძიება გაიმართება. ვიოლა ფონ კრამონი - ოკუპირებული ტერიტორიების ე.წ. აღიარების პოლიტიკის მარცხი აჩვენებს, რომ საქართველო რუსეთის აგრესიის წინაშე მარტო არ დგას. ირაკლი ღარიბაშვილი - მჯერა, რომ ჩვენი ტერიტორიების ოკუპაცია დროებითია. სალომე ზურაბიშვილი - ოკუპაცია საქართველოს ყველა მოქალაქისათვის უდიდესი ტკივილია - ამ ტრაგედიას ერთნაირად განვიცდით საოკუპაციო ხაზის ორივე მხარეს. ევროპარლამენტარები - საქართველოს ოკუპირებულ რეგიონებში მიმდინარე „ბორდერიზაციის“ პროცესი და ადამიანის უფლებების სისტემატური დარღვევა უნდა შეწყდეს. დავით ზალკალიანი - დაუღალავი სვლა მშვიდობის, კეთილდღეობის, დემოკრატიისა და ევროპული ოჯახისკენ საქართველოს გააზრებული არჩევანია. გიორგი გახარია - არ არსებობს სხვა გზა მშვიდობის გარდა, უნდა დავიბრუნოთ ჩვენი მიწა მშვიდობიანად, ყოველდღიური შრომით, სწავლით და რაც მთავარია, წარმატებული, დემოკრატიული და ევროპული სახელმწიფოს მშენებლობით. ირაკლი კობახიძე - ოკუპაციას ჰყავს ორი თანაავტორი - პუტინი და სააკაშვილი.

      თამარ ბაჩალიაშვილის საქმე - მიხეილ რამიშვილი - ვითხოვთ, შსს-მ აღარ გაავრცელოს განცხადებები, რომელიც თესავს აზრს, რომ გამოძიება მხოლოდ თვითმკვლელობის ვერსიით მიდის. კომპანიის იურისტი - ბაჩანა ლობჟანიძე ძალიან უცნაურად გამოჩნდა, ZAG-საც წერდა, როგორც თამუნას მეგობარი და ინფორმაცია აინტერესებდა.

      ეკონომიკა - ივანე მაჭავარიანი - დღეს, საქართველო გერმანიის ფინანსური მხარდაჭერის ერთ-ერთი ყველაზე დიდი მიმღები ქვეყანაა ერთ სულ მოსახლეზე. ნათია თურნავას განცხადებით, საქართველოში დაახლოებით 300-მდე უცხოელი ტურისტია ჩამოსული. პანდემიის გამო ეკონომიკა შემცირდა და შემცირდება, შესაბამისად, ინვესტიციებიც გართულდება. სოციალური დახმარების დრო ადეკვატურად და სწორად არის შერჩეული. ნათია თურნავა არ გამორიცხავს, რომ მთავრობამ იმ ქვეყნებისთვის საზღვრის გახსნის საკითხს გადახედოს, რომელთა მოქალაქეებს საქართველოში შემოსვლა უპირობოდ შეუძლიათ.

      საეტალონო დაგეგმარება - ეკა ლალიაშვილი ჭავჭავაძის გამზირზე - ამ ტიპის გზის დაგეგმარებით, სივრცე მოძრაობის ყველა მონაწილეზე თანაბრად გადანაწილდა - ვთვლი, რომ სხვა დიდი გამზირებიც ჭავჭავაძის მსგავსად უნდა დაგეგმარდეს.

საზღვარგარეთულები:

      მსოფლიოში კორონავირუსით დაინფიცირებულთა რაოდენობამ 19 მილიონს გადააჭარბა. სომხეთში კორონავირუსის 166 ახალი შემთხვევა გამოვლინდა, 5 ადამიანი გარდაიცვალა. რუსეთში კორონავირუსის 5 241 ახალი შემთხვევა გამოვლინდა და 119 ადამიანი გარდაიცვალა.

      ურწმუნო ჯო - დონალდ ტრამპი - ჯო ბაიდენი ღმერთის წინააღმდეგია.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 22

ტეგები: qwellynews, აგვისტო, ამბები, ბლოგი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

დახატული სახეები რეალური თმებით

გამოაქვეყნა Tamila Moshiashvili_მ.
თარიღი: სექტემბერი 20, 2020.
საათი: 9:07pm 0 კომენტარი

      ამას ხომ მეც მოვიფიქრებდი და გავაკეთებდი?! - ყველაზე ხშირი გაფიქრება, როდესაც რაიმე მსგავსს ვნახულობ - მარტივსა და საინტერესოს. ხელოვანი ტაილერ კლარკი (Tyler Clark) რომელიც აქამდე მხოლოდ მხატვრობით ირჩენდა თავს, ახლა ხატვასთან ერთად მინი დეკორაციების კეთებას შეუდგა. საქმე ისაა, რომ შავი გოგონების პორტრეტების ხატვით გატაცებულს ცოტა უფრო მეტის და დასამახსოვრებლის შექმნა უნდოდა - გადაწყვიტა რეალიზმი შეეძინა საკუთარი ნამუშევრებისთვის.…

გაგრძელება

უფასური ლარის გამაჯანსაღებელი, ბაჩალიაშვილის გზა სიკვდილამდე და კორონა ისევ

გამოაქვეყნა Giorgi_მ.
თარიღი: სექტემბერი 18, 2020.
საათი: 11:45pm 0 კომენტარი

      როდესაც ქვეყანაში ლარი კურსი განსაკუთრებულ დაღმასვლას განიცდის და მალე დოლარი მხოლოდ ოცნების სფერო გახდება, ცხადია, დღის მთავარი ამბავი ეკონომიკის მინისტრის პარლამენტში გამოსვლა უნდა ყოფილიყო. შეგახსენებთ, 1 აშშ დოლარის ოფიციალური ღირებულება დღეს 3.2140 ლარი იყო დღეს, მაგრამ როგორც მინისტრის გაპარლამენტების დროს ხდება ხოლმე, მხოლოდ პარტიული კამათი, ლანძღვა, ერთმანეთის ავ-კარგის ჩვენება და უშინაარსო ამბების განხილვა იყო. დღის მთავარი ამბავია…

გაგრძელება

აიერაის გამოკვლეული მოსახლეობა და საერთო კანდიდატის პრობლემა

გამოაქვეყნა Giorgi_მ.
თარიღი: სექტემბერი 17, 2020.
საათი: 11:00pm 1 კომენტარი

      ეგზიტპოლებამდე ჯერ კიდევ დიდი დროა, მაგრამ წინასწარ კვლევებს უკვე დებენ კარგად დაფინანსებული კომპანიები - ამჯერად აირაიმ დადო კვლევა ვის რა უნდა, ვინ ვის ირჩევს, რა აწუხებს და ა.შ. როგორც ხდება ხოლმე, ამ კვლევის შედეგებიც საპოლიტიკუროდ სალაპარაკო გახდა. ოპოზიცია ჯერ კიდევ ვერ ჩამოყალიბებულა საკუთარ კანდიდატზე პრემიერის თანამდებობაზე, მაგრამ გაერთიანების ილუზია მაინც იქმნება. კორონა 179 ახალი შემთხვევით არ კარგავს აქტუალობას. დოლარი 3.20…

გაგრძელება

ტურიზმი და ეკონომიკა თბილისში, კორონას მწვერვალი და საარჩევნო საქმე

გამოაქვეყნა Giorgi_მ.
თარიღი: სექტემბერი 16, 2020.
საათი: 11:30pm 0 კომენტარი

      კორონა ვირუსის ახალი მწვერვალები დაპყრობას ახერხებს საქართველოში - უკვე 196 შემთხვევაა. ქვეყნის მთავარი ამბავი სწორედ ამ გაზრდილი შემთხვევების მკურნალობის შესაძლებლობის გარკვევას ეძღვნება, ასევე არ ივიწყებენ საარჩევნოდ ხმების დაგროვების მცდელობას და აქტიური კამპანიები მიმდინარეობს. ტურიზმის აღდგენისთვის უკვე საერთაშორისო სხდომები იმართება თბილისში და რჩევა-დარიგება-დაპირებებიც მრავლად ისმის. რთველი კვლავ პრობლემდება და რაგბისტები უკვე ტყვიებს…

გაგრძელება

Qwelly World

free counters