დიდი ხანია მცხეთა-თბილისის მარშრუტკებზე არაფერი დამიწერია და ამჯერად გადავწყვიტე, არა მათზე, არამედ მათთვის დავწერო. მცხეთაში თბილისიდან ხშირად მიმომსვლელებს, კარგად ეცოდინებათ, რომ საღამოს, თბილისიდან მცხეთისკენ წასვლა 23:00 საათამდე შეუძლიათ, ხოლო მცხეთიდან თბილისისკენ 20:30 წუთამდე, ანუ ესაა ის დრო, რომელსაც ვპასუხობთ კითხვაზე - „ბოლო რომელზე გადის?“.

      დაკვირვებული თვალი შეამჩნევდა, გონება კი იკითხავდა - „კი მაგრამ ცხრის ნახევრიდან 11 საათამდე, ხომ გიწევთ უკან, თბილისში მიბრუნება? და ბარემ ხალხი წაიყვანოთ, არ გირჩევნიათ?“ ამის პასუხი მძღოლებს დიდი ხანია მოფიქრებული აქვთ - „დასავლეთის გზიდან ვბრუნდებით, რადგან უფრო მოკლეა, უფრო მალე ჩავდივართ. მცხეთაზე გამოვლას აზრი არ აქვს, რადგან ხალხი არ გვხვდება და ტყუილად ვხარჯავთ საწვავსაც და დროსაც“-ო.

      ცხადია, ამ პასუხში ჭეშმარიტების მსუყე ლუკმებია მოთავსებული, რადგან მთელს მცხეთაზე გამოვლას, თბილისისკენ წასვლა, საქართველოს მთავარი გზატკეცილით სჯობს - უფრო სწრაფი და მოკლეა.

      პოსტის მიზანი, სწორედ ამ სისწრაფის და სიმოკლის გაზომვაა მათემატიკურ სიდიდეებში. რიცხვები ყველაფერს უკეთ აჩვენებენ.

      ტექნოლოგური სამყაროს სამადლოდ უნდა ითქვას, რომ ბევრი ცდა-წვალება არ დამჭირვებია. გავხსენი Google Map და დავიწყე მანძილების გაზომვა.

      პირველ შემთხვევაში, მანძილი მოცემულია ე.წ. აგურის ქარხნის დასახლებიდან (იქ სადაც ავტოსადგურია), მცხეთის გავლით, ცენტრალურ გზამდე (ანუ იქამდე, სადაც მცხეთის გზა და გზატკეცილი ერთდება).

      ხოლო მეორე ფოტოზე, საწყისი და საბოლო წერტილები იდენტურია, განსხვავებულია მხოლოდ მარშრუტი.

      როგორც ხედავთ, გუგლის დათვლებით, მცხეთაზე გამოვლა ავტომობილებს 300 მეტრით და 4 წუთით მეტი უჯდებათ.

      ამ ორ პასუხს შორის შეუფასებელად მიმაჩნია დრო, ამიტომ რისი შეფასებაც შეიძლება, ეს არის 300 მეტრის საწვავი.

      დავიწყოთ: საშუალოდ, მცხეთა-თბილისის სამარშრუტო ტაქსები მოიხმარენ 2,10 თეთრიან დიზელს.

      1 ლიტრით ანუ 2,10 თეთრით, სამარშრუტო ტაქსი გადის საშუალოდ 6-7 კილომეტრს (ეს საკმაოდ ცუდი დათვლებით, უფრო მეტსაც გაივლიან წესით). გამოდის, 300 მეტრის გასავლელად საჭიროა დაახლოებით 10-12 თეთრის საწვავი (2,10 * 0,3 / 6).

      ცხადია, ავტომობილს მხოლოდ საწვავი არ ესაჭიროება. ყველაზე ხშირად გამოცვლადი და ხარჯიანი გახლავთ მოტორის ზეთი და საბურავები.

      ზეთი დაახლოებით 7 000 - 8 000 კილომეტრზე იცვლება და მისი ღირებულება 130-150 ლარის ფარგლებში მერყეობს. შესაბამისად, ხსენებული მონაკვეთი, ანუ 300 მეტრი საჭიროებს დაახლოებით 1 თეთრის ღირებულების ზეთს (150 * 0,3 / 7 000).

      რაც შეეხება საბურავებს, ყველაზე ცუდ გზაზეც კი, საბურავები 60 000 - 70 000 კმ-ზე იცვლება. თითოეული ახალი საბურავი კი 300 ლარი ჯდება, ანუ 300 მეტრში გაცვეთილი საბურავების ღირებულება არის ასევე 1 თეთრი (1200 * 0,3 / 60 000).

      საბოლოო ჯამში, დასავლეთის გზიდან მოვლის მოგება შეადგენს 12+1+1 ანუ 14 თეთრსა 4 წუთს (ვიმეორებ, დრო იმდენად შეუფასებელია, რომ არც ვაპირებ თანხებში მის გაზომვას. ამასთანავე, ვითვალისწინებ, მთელი დღის შრომისგან გადაღლილობის მაღალ მაჩვენებელს - მძღოლებს დაახლოებით 15-16 საათიანი სამუშაო დღე აქვთ).

      დასკვნის სახით - რჩევა მცხეთა-თბილისის მარშრუტკებს - თუკი, მცხეთიდან წასვლის შემთხვევაში, 1 ადამიანი მაინც დაგხვდებათ გაჩერებებზე, თქვენ უკვე 86 თეთრიან მოგებას ნახავთ! (თუ ეცოდინებათ მცხეთლებს, რომ 9-ის ნახევრის შემდეგ, 11-ის ნახევრამდე, დაახლოებით ყოველ 30 წუთში ივლით, ერთი მგზავრიც გეყოლებათ და მეტიც. ეს შიდა ტურიზმსაც გააუმჯობესებს და მცხეთელები ხომ ამოისუნთქავენ. მცხეთაში გზები  ისე გადათხრილი აღარ არის როგორც ადრე, ანუ მანქანას არ დაანგრევთ და საცობი ხომ ამ ქალაქს იშვიათად თუ ღირსებია). ხოლო, თუკი არავინ დაგხვდებათ, 14 თეთრი მცხეთელების სიყვარულის შესაწირი იყოს ან იქნებ მთავრობა დაფიქრდეს და დაგიფასოთ.

P.S. ერთი კადნიერი თხოვნაც მექნება:

      გთხოვთ, ბენზოგასამართ სადგურებზე ავზის შესავსებად, ხალხით დატვირთულები ნუ შედიხართ. თქვენს გარდა და დასავლეთ საქართველოში მიმავალი მარშრუტკების გარდა (ისინიც ალბათ გორში ან ხაშურში ასხამენ), მგზავრებით სავსე არცერთი სამარშრუტო ტაქსი არ შედის „კალონკაზე“.


ფოტოზე ასახულია მანძილი დიდუბიდან (ანუ იმ ადგილიდან, სადაც რიგში დგომა ზოგჯერ 40 წუთიც გიწევთ) ერთ-ერთი ყველაზე ხშირად მოხმარებად ბენზოგასამართ სადგურამდე.

ნახვა: 293

ტეგები: Qwelly, ბლოგი, მარშრუტკა, მცხეთა-თბილისი

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ბუნდოვანი დეტალები და ფრენების რუკა

გამოაქვეყნა Giorgi_მ.
თარიღი: ივლისი 9, 2020.
საათი: 11:19pm 0 კომენტარი

      ნელ-ნელა იწყება ავიაფრენების და საზღვრების გახსნა და ახალი ქვეყნები ჩნდებიან ჩვენს ტურისტულ რუკაზე, თუმცა ჯერ არავინ იცი ვინმე ჩამოვა თუ არა. ქვეყნის შიგნით კი ამერიკისგან დასამსახურებელ 15%-ზე დაობენ და ერთმანეთს ეკამათებიან. შაქარაშვილის საქმეზე კი ყოველ დღე ახალი აბდა-უბდა დეტალები ჩნდებიან.

საქართველოს და მსოფლიოს ამბები / 9 ივლისი, 2020

      კორონას ტურისტული კარანტინი და შეზღუდვა-რეგლამენტები - მარინა…

გაგრძელება

ფეხბურთელის საქმე გაფართოვდა - ახალი ფიგურანტები, აშშ-ს 60 მლნ დოლარი და გახსნილი ფრენა

გამოაქვეყნა Giorgi_მ.
თარიღი: ივლისი 8, 2020.
საათი: 11:00pm 0 კომენტარი

      ივლისი ისე დაიწყო, ქველინიუსი ვერ დაბრუნდა. საბედნიეროდ, კორონა არაფერ შუაშია და გარკვეული ხარვეზების გამო შეგვიწყდა ნიუსების შეგროვება, მაგრამ დღეიდან ვბრუნდებით მომავლის იმედით. დავიწყოთ ამ კვირის ამბებიდან ვიდრე დღევანდელ დღემდე. შაქარაშვილის საქმე ერთ-ერთ გახმაურებულ საქმედ იქცევა. ბევრი გაურკვევლობისა და დამალული ამბების ან გამოგონილი სიუჟეტების გამო, გამოძიება ძალიან იწელება და რთულდება. დღის მეორე ამბავი ამერიკისგან 60 მლნ-ს დაკარგვის…

გაგრძელება

The second part about the DL shedding boils down

გამოაქვეყნა Megaomgchen_მ.
თარიღი: ივლისი 3, 2020.
საათი: 4:30am 0 კომენტარი

The second part about the DL shedding boils down to each snap basically being a coin flip between OL and DL and we notice those awful pitches more because they technically shouldn't be occurring but they sadly do. It wraps around to Madden 20 coins the bad coding and how OL/DL interactions have not been updated in a couple of years. Even the folks working on Madden nfl have confessed that they do not understand how they work because it's code in addition to legacy code and it is sadly…

გაგრძელება

ფეხბურთელის იდუმალი გარდაცვალება და პრემიერის ვრცელი გამოსვლა პარლამენტში

გამოაქვეყნა Giorgi_მ.
თარიღი: ივნისი 26, 2020.
საათი: 11:00pm 12 კომენტარი

      პრემიერის პარლამენტში მისვლა, ყოველთვის დღის მეისნტრიმული ამბავია და დღესაც ასე იყო - მთელი დღე, ყველა მედიასაშუალება სწორედ პრემიერის გამოსვლის გარშემო საუბრობდა, წერდა და გადმოსცემდა. ამასთანავე, ბოლო დღეების ყველაზე გაურკვეველი და მძიმე საქმე - ახალგაზრდა ფეხბურთელის გარდაცვალების საქმე.

საქართველოს და მსოფლიოს ამბები / 26 ივნისი, 2020

      კოვიდჯორჯია - მარინა ეზუგბაიას განცხადებით, კოვიდ 19-ით…

გაგრძელება

Qwelly World

free counters