მაჟორიტარიზმი პარლამენტისთვის, პოსტ კორონას აკრძალვა-ნებართვა და რასიზმი არეულობის მოტივად

      გადამწვარი და გამომცხვარი ზაფხული გველოდებაო, ამბობენ სინოპტიკოსები. ტემპერატურა, ზოგიერთ დღეებში, 40 გრადუსამდეც კი მოიმატებსო და მგონი ნიშნები დღეს უკვე გამოჩნდა - ჩახუთულობა და სიცხე ივნისის მეორე კვირას არ აკლდა. დღის ამბებში ნელ-ნელა არჩევნები დაწინაურდა და საარჩევნო მაჟორიტარების მოხვედრის გზების ძიება, ცხადია, პოსტკორონა პერიოდში ეკონომიკისა და მთავრობის პასუხისმგებლობებზე, აკრძალვებსა და ნებართვებზე ამბები, ერთ-ერთი მეინსტრიმული ნიუსებია. დოლარს რაც შეეხება - 2.9805 ლარია მისი ღირებულება.

საქართველოს და მსოფლიოს ამბები / 8 ივნისი, 2020

      კორონავირუსის ნარჩენები და მომიჯნავე ამბები - მარინა ეზუგბაიას განცხადებით, კორონავირუსით ინფიცირებული 1 ახალი პაციენტი საკარანტინო სივრციდანაა. მაკა სოლოღაშვილი - მეზობელი ქვეყნის დასახმარებლად, ვფიქრობ, რომ უნდა მოხდეს უფრო ცენტრალიზებულად დაგეგმვა, ცალკეული კლინიკები არ მსჯელობენ, ესაა ქვეყნის მისაღები გადაწყვეტილება. ქუთაისში კორონავირუსის დიაგნოზით მოთავსებულ 68 წლის მამაკაცს მოგზაურობის ისტორია აქვს. პაატა იმნაძის განცხადებით, სომხეთისთვის საქართველოს მხრიდან დახმარების გაწევის თაობაზე მოლაპარაკებები მიმდინარეობს. ის ფაქტი, რომ კოვიდ 19-ის ნაკლები შემთხვევა ვლინდება ბოლო დღეების განმავლობაში, დამშვიდების საფუძველს არ იძლევა, რადგან ვირუსი არ გამქრალა. ჩვენს მეზობელ ქვეყნებშიც ზაფხულია და ცხელა, მიუხედავად ამისა, ვხედავთ რა ხდება, კლიმატის იმედზე ნუ ვიქნებით, წესების დაცვის იმედზე ვიყოთ. ყველაფერი იქნება მაქსიმალურად კონტროლირებადი - ტურისტი უნდა ჩამოდიოდეს და არ ეშინოდეს სად მოდის, ჩვენ არ უნდა გვეშინოდეს საიდანაც მოდის. აუზები გაიხსნება, მაგრამ შესამუშავებელი იქნება გარკვეული რეგულაციები. მარიამ ქვრივიშვილი - ბევრი ფილტრი იქნება ჩამოსული ტურისტისთვის ისე, რომ დავრჩეთ კონკურენტუნარიანი ქვეყანა და არ შევქმნათ დამატებითი ბარიერები. ბექა ფერაძე - სასტუმროებს კიდევ ერთ კვირიანი ვადა აქვთ, რომ ინსპექტირება მოითხოვონ და შრომის ინსპექცია სრულიად უსასყიდლოდ შეამოწმებს მზაობას, რამდენად აქვთ დანერგილი სტანდარტები, რომელიც მოთხოვნილია. შრომის პირობების ინსპექტირების დეპარტამენტის უფროსი აცხადებს, რომ სპორტდარბაზების გახსნა დამოკიდებულია იმაზე, რამდენად შეძლებენ ისინი ჯანდაცვის სამინისტროს მოთხოვნებთან ადაპტირებას. მარიამ ქვრივიშვილი - სასტუმრო ჯერ უნდა შემოწმდეს, დააკმყოფილოს ყველა სტანდარტი, მიიღოს ნებართვა და ამის შემდეგ აქვს განთავსების ობიექტს საშუალება, რომ უმასპინძლოს შიდა თუ საერთაშორისო მოგზაურს. მნიშვნელოვანია, კიდევ უფრო მეტ მოქალაქეს გავუჩინოთ სურვილი, რომ პირველ რიგში, საქართველოში იმოგზაუროს. ბექა ფერაძის განცხადებით, ღია და დახურული ტიპის აუზებთან დაკავშირებით სპეციალური პროტოკოლი უახლოეს მომავალში იქნება შემუშავებული. პირბადის ტარების წესის დარღვევისთვის შესაძლოა, ჯარიმა არა 50 ლარის, არამედ 20-30 ლარის ოდენობით განისაზღვროს. დიმიტრი ხუნდაძე - დახურულ სივრცეში პირბადის გარეშე ყოფნისას საჯარიმო სახდელის 20 ლარით განსაზღვრა, მიზნის მისაღწევად საკმარისი იქნება. ანრი ოხანაშვილი - თუ ადამიანს ჯანმრთელობის მდგომარეობის გამო პირბადის ტარება არ შეუძლია, არ დაჯარიმდება. ანრი ოხანაშვილის განცხადებით, თუ პირბადის ტარება, ადამიანის ჯანმრთელობას კონკრეტული დაავადების გამო, საფრთხეს უქმნის, შესაძლებელია, შესაბამისი ცნობა გაიცეს. ანრი ოხანაშვილის განცხადებით, თუ პირბადის ტარება, ადამიანის ჯანმრთელობას კონკრეტული დაავადების გამო, საფრთხეს უქმნის, შესაძლებელია, შესაბამისი ცნობა გაიცეს. ეკონომიკის მინისტრის მოადგილე - ქართული პირბადის წარმოების პროგრამა გრძელდება, პირბადეების საკმარისი მარაგი გვაქვს. პაატა იმნაძე - მოთხოვნაა, რომ ნიღაბი უნდა ეკეთოს ყველას, ეს არ ეხება ღია სივრცეს, სადაც დისტანციის დაცვა შეგვიძლია და სახლშიც არ არის აუცილებელი ნიღბის ტარება. მესმის საუბარი „დაჩიპვა“ ვაქცინა, რა უნდა ვთქვა ამაზე? გარდა იმისა, რომ ვაქცინები რომ გაჩნდება, ვისაც აცრის დიდი სურვილი ექნება, ნეტავ, იმას ეყოს. სარკინიგზო მიმოსვლა 15 ივნისიდან განახლდება. FAO-ს სურსათის უვნებლობის ექსპერტები - ამჟამად არ არსებობს მტკიცებულება COVID-19-ის საკვების გზით გავრცელების შესახებ - უმი ხილისა და ბოსტნეულის მირთმევა უსაფრთხოა. რომან გოცირიძე - ერთი ერთჯერადი პირბადე ღირს ერთი პურის ფასი, კეთილი ინებონ და ვიდრე დააჯარიმებენ, უზრუნველყონ სოციალურად დაუცველები და შემოსავლების არმქონე ადამიანები პირბადეებით. დახურულ საჯარო სივრცეებში პირბადის ტარების წესების დარღვევისთვის ფიზიკური პირები 20 ლარით დაჯარიმდებიან. საქართველოში კორონავირუსის 812 შემთხვევაა დადასტურებული, გამოჯანმრთელებულთა რიცხვი კი 683-ს შეადგენს.

      იარაღიანი დეპუტატი - არსებული ინფორმაციით, დედოფლისწყაროს მუნიციპალიტეტში, სოფელ გამარჯვების საკრებულოს დეპუტატმა ორი პირი ცივი იარაღით დაჭრა. პოლიციამ ორი პირის დაჭრის საქმეზე დედოფლისწყაროს მუნიციპალიტეტის სოფელ გამარჯვების საკრებულოს დეპუტატი დააკავა.

      გაურკვევლობა ბიუჯეტში - ლევან კობერიძე - მთელი ბიუჯეტი გამოყენებულია „ქართული ოცნების" წინასაარჩევნო პარტიული მიზნებისთვის - ჯერ თავისი ფულით მოსყიდვას არ ერიდებოდნენ და ახლა ამას საბიუჯეტო თანხებით აპირებენ. რომან გოცირიძე - მთავრობის ტყუილ-მართალი ბიუჯეტის პროექტში გამოჩნდება. რომან კაკულია - ახალი კანონპროექტის მიზანია ისეთი გარემოს შექმნა, რომელშიც იქნება რეაბილიტაციის წამახალისებელი ეფექტიანი მექანიზმები და ყველა კრედიტორის უფლებების დაცვის გარანტიები. 5 ივნისი ბიუჯეტის წარდგენის ბოლო თარიღი იყო - მთავრობას ბიუჯეტის კორექტირებული ვარიანტი პარლამენტში დღესაც არ წარუდგენია.

      მაჟორიტარიზმის ბედი - ირაკლი აბესაძის განცხადებით, საკვანძო საკითხია, რომ ოპოზიციური პარტიები თბილისის მაჟორიტარულ ოლქებზე შეთანხმდნენ. ზაალ უდუმაშვილი დუშეთის მუნიციპალიტეტის სოფელ ზემო და ქვემო შუახევში მოსახლეობას შეხვდა. საპარლამენტო არჩევნებზე, „ნაციონალური მოძრაობის“ მაჟორიტარი დეპუტატობის ერთ-ერთი კანდიდატი ზაალ უდუმაშვილი იქნება. მარიამ ჯაში - ჩემი არჩევანი შეიძლება იყოს ჩემს სამაჟორიტარო ოლქში - სამგორის რაიონში კენჭისყრა, ასევე განვიხილავ სხვა შესაძლებლობებს. გიორგი კახიანი - ოპოზიცია მაჟორიტარობის საერთო კანდიდატებზე შეჯერდება თუ ვერა, ამას ჩვენთვის განსაკუთრებული მნიშვნელობა არ აქვს - არჩევნებში „ქართული ოცნება" გაიმარჯვებს. დავით ბაქრაძე - „ევროპულ საქართველოს“ თბილისის 2-ზე მეტ ოლქში მაჟორიტარობის კანდიდატი არ ეყოლება - აქტიურად ვიქნები ჩართული კამპანიაში, როგორც სიით პირველი ნომერი, არ გამოვრიცხავ, რომ თბილისის ერთ-ერთი რაიონის მაჟორიტარი ვიყო. ეკა ბესელია - თუ პარლამენტში ვერ შევა ჩემი პარტია, პოლიტიკიდან წავალ. არ ვოცნებობ მაჟორიტარობაზე, ვემხრობი საერთო მაჟორიტარებს. კვაჭანტირაძე - ყველაფერს გავაკეთებთ იმისთვის, რომ ეს არ იყოს ერთი კაცის სახელთან ასოცირებული პარტია.

      ჯარის მმართველი - ირაკლი ღარიბაშვილი - ჩემი დაპირება, რომელიც ვაზნების ქარხნის მშენებლობა იყო, რთული, გრძელვადიანი, საშვილიშვილო პროექტია, რომელსაც ჯარს დავუტოვებ. შეგვიძლია, „სუ -25“-ების აღდგენა, გამოშვება, წარმოება და გაყიდვა, მსოფლიოში არაერთი კონფლიქტია და ქვეყნები ამ ტიპის თვითმფრინავებზე მაღალ ინტერესს აცხადებენ. უხერხულია ჯარს დაამადლო, წამოაძახო 160 დოლარად შეფასებული საათი. ოპოზიციასთან არაფერი მაქვს სალაპარაკო, პარლამენტში მათთან სალაპარაკოდ არ მივდივარ. ღარიბაშვილი ოპოზიციის ნაწილზე - საერთოდ უარი უნდა თქვან პოლიტიკაში ჩართულობაზე, სანამ იქნებიან პოლიტიკაში, მანამდე ქვეყანაში არ იქნება მშვიდობა.

      რურუა ციხეში - ადვოკატი - პროკურატურა ხელოვნურად ცდილობს პროცესი გააჭიანუროს და გიორგი რურუა საპატიმროში დატოვოს.

      გაძვირებული მგზავრობა - ქუთაისი-თბილისის მიმართულებით საქალაქთაშორისო მგზავრობის ღირებულება გაძვირდა. კახეთიდან თბილისის მიმართულებით მიკროავტობუსით მზგავრობის ღირებულება 1 ლარით გაძვირდა.

საზღვარგარეთულები:

      დამნაშავის მკვლელობიდან საპროტესტო აქციებამდე - აშშ-ის ეროვნული გვარდია კალიფორნიას ტოვებს. რომში გამართულ ანტირასისტულ საპროტესტო აქციაზე ათასობით ადამიანი შეიკრიბა. სიეტლში საპროტესტო აქციაზე შეიარაღებული პირი შეიჭრა და დემონსტრანტი დაჭრა. საფრანგეთის საგარეო საქმეთა მინისტრი - მშვიდობიანი დემონსტრანტებისა და ჟურნალისტების წინააღმდეგ ძალის გამოყენება მიუღებელია. CNN - სიეტლის პოლიციამ საპროტესტო აქცია ძალის გამოყენებით დაშალა. მინეაპოლისის ქალაქის საკრებულოს წევრების უმეტესობა პოლიციის დეპარტამენტის დაშლას უჭერს მხარს.

      კორონა მეზობლებში და დედამიწის კიდეებზე - სომხეთში კორონავირუსით დაინფიცირებულთა რაოდენობა 13 325-მდე გაიზარდა. რუსეთში ბოლო 24 საათში კორონავირუსით 8 985 ადამიანი დაინფიცირდა და 112 დაიღუპა. აშშ-ში კორონავირუსით დაინფიცირებულთა რაოდენობა 1 942 363-მდე, დაღუპულთა კი - 110 514-მდე გაიზარდა. იაპონიაში, ბოლო 3 თვის განმავლობაში პირველად, კორონავირუსით არავინ დაღუპულა.

      ანგარიშწორება - თურქეთის ხელისუფლებამ გიულენთან კავშირში ეჭვმიტანილი 149 ადამიანის დაკავების განკარგულება გასცა.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 27

ტეგები: qwellynews, ამბები, ბლოგი, ივნისი, ნიუსები, სიახლეები

Kakha: ივნისი 9, 2020||12:22pm

რაღა დროს გიულენია, ეტყობა თურქეთშიც არჩევნებია :D  და განტევების ვაცი ჭირდებათ )

Kakha: ივნისი 9, 2020||4:54pm

ჩინეთის ირონია: ამერიკა ადამიანის უფლებების და დაცვის "მქადაგებელია" თუმცა როცა კრიზისია "სხვანაირ" ამერიკად წარმოჩინდა :D ეტყობა დისკრედიტაციით ცდილობს გადაფაროს თავისი დანაშაული :D

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

მელომანი დიასახლისის ალბომები

გამოაქვეყნა Tamila Moshiashvili_მ.
თარიღი: აგვისტო 9, 2020.
საათი: 11:38pm 0 კომენტარი

      კორონას ეპოქის შემოქმედება არ მგონია მსოფლიო კულტურის ისტორიასი ახალ რენესანსად შევიდეს, მაგრამ ეპიდემიების ისტორიაში ყველაზე არტისტულ ხანად ნამდვილად შევა. რამდენიმე კვირის წინ ალბომებზე დისტანციის დაცვა უკვე შევეხეთ - სოციალური დისტანცია ალბომებზე, ახლა კი ერთ საკარანტინე სასტუმროს ფოტოგრაფია უნდა შემოგთავაზოთ. ლონდონის ერთ გარეუბანში არის პატარა სასტუმრო, სიდმარ…

გაგრძელება

ქუჩების გამოცოცხლება - მთელი მსოფლიო ერთი სცენაა

გამოაქვეყნა Tamila Moshiashvili_მ.
თარიღი: აგვისტო 8, 2020.
საათი: 7:46pm 3 კომენტარი

      მთელი დედამიწა სცენაა - ასეთი სლოგანი გაეშურა ანა ულმანი (Anna Ulman) ესპანეთის ქუჩებში და მარბელას სანაპიროებზე მოცეკვვავეების გადასაღებად. ცხადია, მოცეკვავეებიც თან გაიყოლა, მაგრამ სანახაობა შთამბეჭდავი გამოვიდა. ცეკვა როგორც სულის გამოძახილი, ანდა სულის მოძრაობა, ერთ-ერთი ყველაზე უფრო სახასიათო და გამომსახველობითი ხელოვნებაა, სწორედ ამიტომ ცეკვამ ქალაქები გამოაცოცხლა. ანას ობიექტივი ძირითადად ბალერინებსა და ბალერონებს დაეთმო,…

გაგრძელება

მეთორმეტე წელი აგვისტოს ომიდან

გამოაქვეყნა Giorgi_მ.
თარიღი: აგვისტო 7, 2020.
საათი: 11:25pm 0 კომენტარი

      როგორც ტრადიციულად აგვისტოში ხდება - დღევანდელი დღე სრულად მიეძღვნა 2008 წლის ომს, გახსენებებს, ურთიერთ ბრალდებებს, ოკუპანტის ლანძღვას, მუქარას და თითის ქნევას, ევროპელების შეგულიანებასა და სიტყვიერ მხარდაჭერას.

საქართველოს და მსოფლიოს ამბები / 7 აგვისტო, 2020

      საკორონე ამბები - საქართველოში კორონავირუსის 7 ახალი შემთხვევა გამოვლინდა, 7-ით გაიზარდა გამოჯანმრთელებულთა რაოდენობაც. მარინა ეზუგბაიას…

გაგრძელება

პრემიერის ანონსები და დარიგებული ფულები, ბაჩალიაშვილის საქმე და არჩევნობანა

გამოაქვეყნა Giorgi_მ.
თარიღი: აგვისტო 6, 2020.
საათი: 11:00pm 0 კომენტარი

      პრემიერმა გადაწყვიტა ხალხს ფული დაურიგოს. ახლა 17 წლის ჩათვლით მოზარდები, ახალგაზრდები დაფინანსდებიან 200 ლარით, ამას გარდა სხვა სოციალური პაკეტებიც მუშავდება ფულის დასარიგებლად. თუმცა ეკონომიკური პროგნოზები ერთმნიშვნელოვნად მძიმეა - ზამთარსა და მომავალ წელს უარესი იქნებაო. ცხადია არჩევნები და კორონა ლიდერობენ და ბაჩალიაშვილის საქმე კვლავ მეინსტრიმულია. აგვისტოს ამბავი - ომიდან კიდევ ერთი წელი.

საქართველოს და მსოფლიოს ამბები / 6…

გაგრძელება

Qwelly World

free counters