საღამოს პოზიტიური აქცია იყო ტაშის კვრით მადლობის გადახდა ექიმებისთვის - ასეა, 18 მარტის საღამოს პოზიტიური ამბები. დღის ახალი თემა იყო წმინდა სინოდის დანიშვნა 20 მარტს და ასევე, მოსახლეობის შეგულიანება, რომ პროდუქტები არ მოგვაკლდება და არც საგანგებო სიტუაციის გამოცხადების საშიშროება არ დგას ჯერ-ჯერობით. ყოველდღიურად, უფრო ბევრი ადამიანი გადაჰყავთ იძულებით თვითიზოლაციიდან კარანტინში. დღის მთავარი რეკომენდაცია - „დარჩით სახლში“! კალიები დაბრუნდნენ აფრიკაში.

საქართველოს და მსოფლიოს ამბები / 18 მარტი, 2020

     

      კორონას საშინაო პოლიტიკა - საქართველოში კორონავირუსით ინფიცირების შემთხვევათა რაოდენობა 38-მდე გაიზარდა. გიორგი გახარია - საგანგებო მდგომარეობაზე გადასვლისთვის ტექნიკურად მთავრობა მზად არის უკვე დღეს. ტვირთების ტრანსპორტირების ნაწილში, ჩვენც და ჩვენი მეზობელი ქვეყნებიც, გლობალურად, სახელმწიფოებიც ამბობენ, რომ უნდა მოხდეს წესების გამარტივება. ეკატერინე ტიკარაძე - მიგვაჩნია, რომ საგანგებო სიტუაციის შემოღება არ გახდება საჭირო. ვარაუდი, რომ რომელიმე ინფიცირებულის წყაროს დადგენა ვერ მოვახერხოთ, არსებობს, რაც გამოიწვევს იმას, რომ გვექნება გარკვეული პიკი, რაც შეიძლება, იყოს 80-დან 100 მოქალაქემდე. რესპუბლიკური საავადმყოფოს დირექტორი - დღეს ხუთ პაციენტს ჩაუტარდა კორონავირუსზე ტესტი, მათგან ორის პასუხი მივიღეთ და ორივე ნეგატიურია. გიორგი გახარია - ხელისუფლება მზადაა, მოქალაქეებთან ერთად იმოქმედოს ეფექტურად და იბრძოლოს, რომ მოახდინოს როგორც ეკონომიკის, ისე ჯანდაცვის მიმართულებით იმ ზიანის, მინიმალიზაცია, რომელსაც ერთმნიშვნელოვნად მივიღებთ. გიორგი გახარია - ეჭვი მეპარება, რომ 26 აპრილამდე სრულად შევძლებთ სასწავლო პროცესის აღდგენას. ჯანდაცვის სამინისტრომ რესპუბლიკურ საავადმყოფოს ხელოვნური სუნთქვის 30 აპარატი გადასცა. ოზურგეთში თვითიზოლაციაში 26 მოქალაქე რჩება, 14 პირი კი თვითიზოლაციის წესების დარღვევისათვის, კარანტინშია გადაყვანილი. გიორგი გახარია - ანტიკრიზისული გეგმა, რომელიც წარმოვადგინეთ, პირველ რიგში, არის ეფექტური, ეს არის ჩვენი საერთაშორისო პარტნიორების შეფასებაც. COVID-19-ის გავრცელების თავიდან აცილების მიზნით, საქართველოში დღეიდან სამარშრუტო ტაქსებით მოძრაობა აიკრძალა. ავტობუსებში დღეიდან მძღოლის სივრცე დანარჩენი ნაწილისგან იზოლირებული იქნება, მოქალაქეები კი უკანა კარით ისარგებლებენ. საქართველომ დღეიდან სახელმწიფო საზღვარზე უცხო ქვეყნის მოქალაქეების შემოსვლა აკრძალა. მარინა ეზუგბაია - კორონავირუსით ინფიცირებული ახალი პაციენტების მდგომარეობა ამ ეტაპზე სტაბილურია. კორონავირუსით ინფიცირებული ორი ახალი პაციენტი ინფექციურ საავადმყოფოში მოთავსებული ერთ-ერთი პაციენტის კონტაქტია. საქართველოში კორონავირუსით ბავშვების დაავადების მაჩვენებელი სხვა ქვეყნებთან შედარებით მაღალ პროცენტად ითვლება. ინფექციურ საავადმყოფოში გუდაურიდან გადაყვანილ პირებს, რომლებსაც უცხოელ ტურისტებთან ჰქონდათ კავშირი, კორონავირუსი არ დაუდასტურდათ. ბათუმის ინფექციურ საავადმყოფოში ვირუსის ნიშნებით კარანტინიდან ორი პირი შეიყვანეს. გორის ჰოსპიტალის დირექტორის ინფორმაციით, თბილისის აეროპორტიდან მათ საკარანტინო ზონაში 35 პირი მიიყვანეს. საკარანტინო ზონებში იძულების წესით 99 ადამიანია გადაყვანილი. გია ვოლსკი - ამ ეტაპზე, საგანგებო ვითარების გამოცხადების აუცილებლობა არ არის. სუპერმარკეტების ქსელებში აცხადებენ, რომ სასურსათო მარაგების პრობლემა არაა და გასაყიდ პროდუქტზე ლიმიტების დაწესების საჭიროებაც არ დგას. რუსთავის მერი სამარშრუტო ტაქსების მძღოლებს მოუწოდებს, დაემორჩილონ დაწესებულ შეზღუდვას და მუშაობა შეაჩერონ. ეკატერინე ტიკარაძე - ისეთი პაციენტები, რომელთაც კორონავირუსის მსუბუქი გამოვლინება ექნებათ, ოჯახის ექიმის მომსახურებას სახლში მიიღებენ. ქუთაისის მერი - ქალაქში საკვები პროდუქტების საკმარისი მარაგია და მოსახლეობის შიშის საფუძველი არ აქვს. ეკატერინე ტიკარაძე - თუ ინფიცირების შემთხვევების მაღალი მატება გვექნება, გავცემთ რეკომენდაციას, რომ სწავლა კიდევ ერთხელ შეჩერდეს. ჯანდაცვის მინისტრის განცხადებით, კორონავირუსით ინფიცირებული 4 ახალი პაციენტიდან ორი პირველ საუნივერსიტეტო კლინიკაშია მოთავსებული. პაატა იმნაძე - დაავადებათა კონტროლის ცენტრი მოხალისეებს ვერ გამოიყენებს ვერც ლაბორატორიაში, ვერც კონტაქტების მოძიებასა და ვერც მათ მეთვალყურეობაში. პაატა იმნაძე - ბავშვები შეიძლება იყვნენ კორონავირუსის გავრცელების წყარო ბაბუებისა და ბებიებისთვის. ჯანდაცვის მინისტრის განცხადებით, საჭიროების შემთხვევაში მოსახლეობის მასობრივი ტესტირების რესურსი იქნება. ჯანდაცვის მინისტრი - ახალი კორონავირუსის წინააღმდეგ ბრძოლის პროცესში მოხალისეების ჩართულობა ამ ეტაპისთვის შეიძლება იყოს სარისკო. პაატა იმნაძე - მე ნოსტრადამუსი არ ვარ და არც ვანგა - სიტუაციის მიხედვით იქნება ყველაფერი ქვეყანაში. პაატა იმნაძის განცხადებით, მოსახლეობის ე.წ.აგრესიული ტესტირება მეოთხეული გადაცემის შემდეგ, კორონავირუსის ფართოდ გავრცელების შემთხვევაში მოხდება. კობა გვენეტაძე - ფინანსური სექტორი მოცემულ გამოწვევას მომზადებული ხვდება. კობა გვენეტაძის განცხადებით, საერთაშორისო სავალუტო ფონდთან, ფინანსური დახმარების მიღებასთან დაკავშირებით, დისკუსია დაწყებულია. ირაკლი აბესაძის განცხადებით, თვითიზოლაციისა და კარანტინის წესების დაცვისთვის, შესაძლოა, გარკვეული ღონისძიებების გამკაცრება აუცილებელი გახდეს. გია ვოლსკი მონიტორინგის ჯგუფის თანამომხსენებლების განცხადებაზე - ვფიქრობ, ფანჯარა დიდი ხანია გამოღებულია, საქართველო ევროპული საზოგადოების ღირსეული წევრია. ეგვიპტის არაბთა რესპუბლიკაში დარჩენილი ქართველი სტუდენტები სამშობლოში გამოემგზავრებიან. კობა გვენეტაძის განცხადებით, კორონავირუსიდან გამომდინარე, წელს ეკონომიკური ზრდა უფრო დაბალი იქნება, ვიდრე სხვა შემთხვევაში იქნებოდა. ირაკლი კობახიძე - პარლამენტის მუშაობის ონლაინ რეჟიმზე გადასვლის გადაწყვეტილება რომც მივიღოთ, სასწრაფო წესით ვერ ამოქმედდება. დავით ბაქრაძე - დღეს არის იმის დრო, საზოგადოებამ აჩვენოს ერთიანობა და სოლიდარობა მათ, ვისაც ყველაზე მეტად ემუქრება ვირუსის საფრთხე. ქუთაისის მერის გადაწყვეტილებით, 70 წელს გადაცილებულ მარტოხელა მოხუცებს საკვებს სახლში მიუტანენ. ნათია თურნავა - აქცენტი გაკეთდება იმ პროდუქციის საქართველოში წარმოებაზე, რომელზეც მოთხოვნა დიდია. ლევან დავითაშვილი - ხაზგასმით მინდა ვთქვა, სასურსათო მომარაგების კუთხით არანაირი რისკი არაა - პანიკა და არასწორი მოქმედებები ხშირად ქმნის გარკვეულ პრობლემებს და დროებით შეფერხებებს. ლევან დავითაშვილის განცხადებით, თუ ბაზარზე იქნება სპეკულატიური ფასების გაზრდა, სამართალდამცავი ორგანოები შესაბამის რეაგირებას მოახდენენ. მოძრაობა "შეცვალეს" წევრებმა ლუგარის ლაბორატორიაში მედიკოსებს საკვები პროდუქტები მიუტანეს. ირაკლი პეტრიაშვილი - პროფკავშირები ამ კრიზისულ პერიოდში მხარდაჭერას უცხადებს ხელისუფლებას და ვიტოვებთ იმედს, რომ სახელმწიფო უზრუნველყოფს მოქალაქეებს საარსებო მინიმუმით. ზუგდიდში პირბადეების წარმოება დაიწყო. რესპუბლიკური საავადმყოფოს დირექტორის განცხადებით, კლინიკაში მყოფი პაციენტების მდგომარეობა დამაკმაყოფილებელია. თენგიზ ცერცვაძე - პრემიერმა აიღო პირდაპირი მართვა თავის ხელში, რომელიც პირველივე დღეებიდანვე გამოდგა ძალიან ეფექტური. გახარია ექიმებს - მადლობა იმ სამოქალაქო გმირობისთვის, რომელსაც ყოველდღე ჩადიხართ. თენგიზ ცერცვაძე აცხადებს, რომ მისი და ექსპერტების უმეტესობის აზრით, საქართველოში კორონავირუსის მეოთხეული გავრცელება არ ფიქსირდება. ამირან გამყრელიძე - ალბათ, დაფიქსირდება მეოთხეული და მეხუთეული გადაცემის შემთხვევები - ეპიდემია გაფართოვდება, მაგრამ ჩვენი მთავარი ამოცანაა, ზრდა მინიმალური იყოს.

      წმინდა სინოდი 20 მარტს ჩატარდება. დეკანოზი თეოდორე გიგნაძე - გამოვხატავთ მზადყოფნას, საჭიროების შემთხვევაში, მოხალისეებად ჩავერთოთ ყველა საჭირო მიმართულებით. წმინდა სინოდის სხდომის განსახილველი საკითხი კორონავირუსთან დაკავშირებით შექმნილი ვითარება იქნება.

      კორონას საერთაშორისო ვითარება - საფრანგეთში კორონავირუსით გარდაცვლილთა რაოდენობა 175-მდე გაიზარდა. ევროკავშირმა 30 დღის განმავლობაში საზღვრები ჩაკეტა. დონალდ ტრამპის ადმინისტრაცია ტრილიონიანი დახმარების პაკეტის დამტკიცების ინიციატივით გამოდის. უკრაინაში 100 000 ნიღბის მოპარვისთვის სამი პირი დააკავეს. თურქეთში კორონავირუსით გარდაცვალების პირველი შემთხვევა დაფიქსირდა. სომხეთში კორონავირუსით დაინფიცირებულთა რაოდენობა 78-მდე გაიზარდა. ბოლო 24 საათში, ჩინეთში კორონავირუსის შიდა გავრცელების მხოლოდ 1 შემთხვევა დაფიქსირდა. მსოფლიო ჯანდაცვის ორგანიზაცია სამხრეთ-აღმოსავლეთ აზიას კორონავირუსის გავრცელების წინააღმდეგ უფრო აგრესიული ზომების გატარებისკენ მოუწოდებს. კორონავირუსის გამო, ლას-ვეგასში არსებული ყველა სამორინე დაიხურა. აზერბაიჯანში კორონავირუსით ინფიცირებულთა რაოდენობა 27-მდე გაიზარდა. სომხეთში ინფიცირებულთა რაოდენობის ზრდასთან ერთად, ინფექციური საავადმყოფოს მშენებლობა საგანგებო რეჟიმში მიმდინარეობს. ავსტრალიის პრემიერი - ყველაფერი კიდევ უფრო შეიცვლება, რადგან ჩვენ გლობალური პრობლემის წინაშე ვდგავართ - ასეთი რამ ას წელიწადში ერთხელ შეიძლება მოხდეს. ევროკომისიის პრეზიდენტი - სათანადოდ ვერ შევაფასეთ კორონავირუსი - ახლა აუცილებლად უნდა მივიღოთ ის ზომები, რაც ორი-სამი კვირის წინ სასტიკად გვეჩვენებოდა. საფრანგეთის ჯანდაცვის მინისტრის განცხადებით, იმედოვნებენ, რომ კორონავირუსით ინფიცირების შემთხვევები 8-12 დღეში კლებისკენ წავა. აშშ-ის სახაზინო მდივანი - თუ სახელმწიფო სწორ ნაბიჯებს არ გადადგამს, კრიზისმა შეიძლება „დიდი დეპრესიით“ და მეორე მსოფლიო ომით მიყენებულ ზარალს გადააჭარბოს. უკრაინის რადას დეპუტატს კორონავირუსი დაუდგინდა. დიდ ბრიტანეთში კორონავირუსის 676 ახალი შემთხვევა გამოვლინდა.

      მსოფლიოს ახალი საფიქრალი - მილიონობით კალიამ აღმოსავლეთ აფრიკას გადაუარა.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 40

ტეგები: qwellynews, ამბები, ბლოგი, მარტი, ნიუსები, სიახლეები

Kakha: მარტი 18, 2020||11:55pm

კალიებიც ფორმაში არიან

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ახალ ოცწლედში შესვლის ბიუჯეტი და კარტოგრაფია სასამართლოში

გამოაქვეყნა Giorgi_მ.
თარიღი: დეკემბერი 1, 2020.
საათი: 11:08pm 0 კომენტარი

      დეკემბერი დადგაო და არაფერიც არ შეიცვალა - ოპოზიცია ისევ ინარჩინებს პრინციპულობას შეუსვლელობაზე, მეათე მოწვევის პარლამენტი კი პირველი სხდომისთვის ემზადება და სავარაუდოდ, 11 დეკემბერს გამართავს. დღის მთავარი ამბავი 2021 წლის ბიუჯეტის განყოფა იყო და კარტოგრაფიაც კვლავ აქტუალურია. კოვიდ-პოპულაცია - 139343 დადასტურებული, აქედან გამოჯანმრთელებული - 117560, გარდაცვლილი - 1303, კარანტინში - 1978. რაც შეეხება დოლარს, მისი ფასი 3.3185…

გაგრძელება

შემოდგომაც სრულდება და სუსხიან ზამთარს ველით კოვიდ და პოლიტ სარბიელზე

გამოაქვეყნა Giorgi_მ.
თარიღი: ნოემბერი 30, 2020.
საათი: 11:00pm 0 კომენტარი

      გიორგობისთვე მიიწურა და მას გაჰყვა შემოდგომის მთელი ბედნიერებაც, ხვავ-ბარაქის დაგროვება მაინცდამაინც არ გამოვიდა წელს, მაგრამ შემოდგომა თავის ფერსა და სუსხს არ დაშურებია. ხვალიდან კარგად აცივდება და ზამთარს ვეღარაფერი შეაკავებს. ამასობაში მეათე მოწვევის პარლამენტი პირველი სხომისთვის ემზადება, ოპოზიცია კი პირველი პროტესტისთვის. კოვიდიც არსად აპირებს წასვლას - 135584 დადასტურებული, აქედან გამოჯანმრთელებული - 113986, გარდაცვლილი - 1267,…

გაგრძელება

ჯინჯერები, წითურები პორტრეტებში

გამოაქვეყნა Tamila Moshiashvili_მ.
თარიღი: ნოემბერი 28, 2020.
საათი: 8:41pm 0 კომენტარი

      ფაქტი, რომ მსოფლიო მოსახლეობის მხოლოდ 1-2% იბადება წითელი თმით, ამ ადამიანებს განსაკუთრებულს ხდის. ზოგჯერ, ეს განსაკუთრებულობა დადებითად წაადგებათ ხოლმე, ზოგჯერ კი ჩაგვრისა და ბულინგის მსხვერპლნიც გამხდარან. ჩვენი დღევანდელი მასპინძელი ფოტოგრაფია. შესავლიდან გამომდინარე, აღარ გაგიკვირდებათ, თუ დავწერ, რომ წარმოშობით შოტლანდიელია, ანუ იმ ქვეყნიდან არის, სადაც წითური ადამიანები, შეიძლება ითქვას, უმავლესობაშიც არიან - ყველგან იპოვით ერთ წითურს…

გაგრძელება

დარდი პანდემიაზე, ეკონომიკაზე, კარტოგრაფებზე და მოახლოებულ წვიმებზეც

გამოაქვეყნა Giorgi_მ.
თარიღი: ნოემბერი 27, 2020.
საათი: 10:30pm 0 კომენტარი

      მარხვის დაწყების წინ, პატრიარქმა მოძღვრებს ლოცვა-კურთხევა მისცა საჭიროების შემთხვევაში რძის პროდუქტების მიღებაზე კურთხევა გასცენ. ხვალიდან შეზრუდვების ამოქმედება იწყება, ამიტომ დღევანდელი პარასკევი, რომელსაც შავი პარასკევიც წამოეწია, დედაქალაქის სრული პარალიზების მიზეზი გახდა - ყველა საყიდლებს ეშურებოდა. მომავალი დღეები წვიმიანი იქნებაო, ამბობენ სინოპტიკოსები - 2 დეკემბრამდე მცირე წვიმაა მოსალოდნელი. კოვიდს რაც შეეხება - 123470 დადასტურებული,…

გაგრძელება

Qwelly World

free counters