ედისონის და სხვა მკვლევარები, ვრცელკომენტარებიანი პრემიერ-მინისტრი

      უქმეებზე იწვიმებსო, ამბობენ სინოპტიკოსები. მშვიდი და გრილი სექტემბერია და ეს წვიმებიც ამის დასტურ-გაგრძელება იქნება. დღევანდელი დღე მონოტონური იყო. არჩევნები რაც უფრო ახლოვდება, მით უფრო ვრცელი დრო და ადგილი-ტექსტები ეთმობა არჩევნებს. დაიწყო წინასწარი კვლევების თუ გამოკითხვების გამოქვეყნებაც. ტრადიციულად სიტყვაწყლიანია პრემიერი ღარიბაშვილი და ვრცელი გამოსვლები მრავალი მიმართულებით დღის ამბავია. კოვიდიც ჯერ არსად წასულა. ვალუტის კურსი - 1 აშშ დოლარი - 3.1140 ლარია.

საქართველოს და მსოფლიოს ამბები | 10 სექტემბერი, 2021

qwellynews, სიახლეები, ნიუსები, ამბები, სექტემბერი

      #კოვიდსაქართველო - საქართველოში კორონავირუსით ინფიცირების 2262 ახალი შემთხვევა დაფიქსირდა, გარდაიცვალა კიდევ 54 პაციენტი. საქართველოში სულ 1 433 296 აცრაა ჩატარებული, სრულად ვაქცინირებულია მოზრდილი მოსახლეობის 19.4%. საქართველოს წითელი ჯვარი „სინოფარმის“ ვაქცინის 100 000 დოზას ხვალ ჯანდაცვის სამინისტროს გადასცემს. კახა კუჭავა - გთხოვთ და მოგიწოდებთ ყველას ვაქცინაციისკენ, რომ დავიცვათ ჩვენი ოჯახის წევრები. ბათუმში, კორონავირუსით ინფიცირებული მამაკაცი, კოვიდსასტუმროში, სავარაუდოდ, გულის შეტევით გარდაიცვალა. “ასტრაზენეკას“ ვაქცინის შემქმნელი - არ მიმაჩნია, რომ „ბუსტერ“ დოზა ყველას სჭირდება.

      ედისონები და პირადი კვლევები არჩევნებზე - ანა დოლიძემ ამომრჩეველს მთაწმინდის მაჟორიტარობის კანდიდატი წარუდგინა. ზურაბ აბაშიძემ ვერის მოსახლეობასთან ახალი საარჩევნო პროგრამის ძირითადი მიმართულებები განიხილა. ანზორ მელია - უნდა მოხვიდეთ 2 ოქტომბერს არჩევნებზე, მაგრამ არ შემოხაზოთ 41 და არ შემოხაზოთ პარტია „საქართველოსთვის“, რომელმაც თვალები დასთხარა ახალგაზრდებს. ირაკლი ხელაძე დევნილთა დასახლებებში მცხოვრებ მოქალაქეებს შეხვდა. „ედისონ რისერჩის“ კვლევის მიხედვით, ხვალ რომ თვითმმართველობის არჩევნები ტარდებოდეს „ართულ ოცნებას“ ხმას გამოკითხულთა 33%მისცემდა, „ნაციონალურ მოძრაობას“ - 25, პარტიას „საქართველოსთვის“ - 10.ამავე კვლევის თანახმად, კახა კალაძე და გიორგი გახარია გამოკითხულთა 55-55 %- ს მოწონს, მელია 46%- ს. მიხეილ სარჯველაძე „ედისონ რისერჩის“ კვლევაზე - არ ვიცი, ეს კვლევა რომელი ფანჩატურის სიახლოვეს ჩატარდა, მაგრამ ფაქტია, რომ მცდარ ვარაუდს ქმნის. კახა კალაძე - შეუცდომელი არავინაა, თუმცა ჩვენ ვართ გუნდი, რომელიც ამბობს და აკეთებს. მამუკა მდინარაძის განცხადებით, პარტიის მიერ ჩატარებული კვლევით, თბილისის საკრებულოში „ქართული ოცნება“ 32 მანდატს, „ნაცმოძრაობა“ კი 12 ადგილს მოიპოვებს. კვლევის თანახმად, ადგილობრივ არჩევნებში „ქართულ ოცნებას“ 48.6%, „ნაციონალურ მოძრაობას“ - 27.1%, „საქართველოსთვის“ 5.8% უჭერს მხარს. „ქართული ოცნების“ კვლევით, თბილისის მერის არჩევნებში კახა კალაძეს გამოკითხულთა 56,1%-იანი, ნიკა მელიას - 28,3%-იანი, გიორგი გახარიას კი 6%-იანი მხარდაჭერა აქვს. პაატა მანჯგალაძე - პარტიული კვლევა არ შეიძლება გამოვიყენოთ რაიმეს საზომად, რაც შეეხება "ედისონ რისერჩის" კვლევას, იქ გარკვეული ტენდენციები ასახავს რეალობას. კახა კალაძე - მომდევნო ოთხი წლის განმავლობაში, დედაქალაქში დაგეგმილია 1 000-მდე ქუჩის რეაბილიტაცია, საზოგადოებრივი ტრანსპორტი სრულად მოწესრიგდება. გპირდებით, თავს არ დავზოგავ, ყველაფერს გავაკეთებ იმისთვის, რომ რაც შეიძლება მეტი პროექტი განვახორციელოთ. შეიძლება ჩემი რეიტინგი ჩვენს პარტიაზე მეტიც იყოს - შეიძლება ადამიანი „ნაცმოძრაობის“ მხარდამჭერი იყოს, მაგრამ როგორც მერობის კანდიდატს მე მაძლევდეს ხმას. იაგო ხვიჩია „ქართული ოცნების“ კვლევაზე - როგორც ჩანს, მიზნისთვის მიუღწევიათ და არჩევნებში 48%-ს იღებენ - ყოჩაღ და ვულოცავ! მამუკა მდინარაძე „ედისონ რისერჩის“ კვლევაზე - “ლეიბორისტულ პარტიას“ ყველა არჩევნებში 1% აქვს და 500% -ით მეტი დაუწერეს, დანარჩენზე ალბათ, სერიოზულად საუბარი არც ღირს. „მესამე ძალა - სტრატეგია აღმაშენებლის“ლიდერები სამგორის მოსახლეობას შეხვდნენ. ლევან დოლიძე - ბოლო პერიოდში ჩატარებული ნებისმიერი კვლევა ადასტურებს, რომ დასრულდა ის ეტაპი, როდესაც „ოცნება“ და „ნაცმოძრაობა“ მარტო იყვნენ პირისპირ. მამუკა ხაზარაძე - 2 ოქტომბერს უნდა გადავტეხოთ ბარიერი, ჩავატაროთ რეფერენდუმი და უარი ვუთხრათ ერთპარტიულ და ერთი კაცის მართულ სისტემას ამ ქვეყანაში. კახა ოქრიაშვილი - დარწმუნებული ვარ, „Edison Research“-ის კვლევა ახლაც დაემთხვევა რეალობას და 2 ოქტომბრის რეფერენდუმზე „ქართული ოცნება“ 33%-საც ვერ აიღებს.

      ვრცლად საკითხავი პრემიერი - ირაკლი ღარიბაშვილი - ქვეშეთი-კობის ახალი გზა და ამიერკავკასიაში უნიკალური 9 კმ-იანი გვირაბი საუკუნის პროექტია. დავამტკიცეთ, რომ შეგვწევს უნარი და ძალა, ავიღოთ პასუხისმგებლობა ჩვენი მოქალაქეების დაცვაზე, უსაფრთხოებასა და განვითარებაზე. მომდევნო წლებში ინფრასტრუქტურაზე 32 მილიარდი ლარი დაიხარჯება, 7 მილიარდი ლარის ინვესტიციას კი სოფლის მეურნეობაში ვგეგმავთ. არავის მივცემთ უფლებას, რაიმე პროვოკაცია მოაწყოს, მომდევნო 3 წელი არჩევნები აღარ გაიმართება, ხალხი დაისვენებს და ჩვენ კონცენტრირებას მოვახდენთ საქმეზე. იმის მიუხედავად, რომ საკმაოდ შთამბეჭდავია ის საქმე, რაც გავაკეთეთ, ვიცით, რომ მთავარი გამოწვევაა უმუშევრობა, გაჭირვება, სიღარიბე და ამიტომაც, მთავარი საზრუნავი მოსახლეობის კეთილდღეობა უნდა იყოს. გაოგნებული და გაკვირვებული ვარ, როგორ შეიძლება, ჯერ კიდევ 20 თუ 25% მხარს უჭერდეს იმ პოლიტიკურ ძალას, რომელმაც ქვეყნის ტერიტორიები დაგვაკარგინა. ქვეყანაში ეპიდემიოლოგიური სიტუაცია უკვე სტაბილურდება და ვითარება დამშვიდებისა და დაწყნარებისკენ მიდის. „ქართული ოცნება“ რომ ყველა ქალაქსა და მუნიციპალიტეტში გაიმარჯვებს, თვით ოპოზიციას არ ეპარება ეჭვი. რა შეიძლება უწოდო იმ საქციელს, როცა მიდიხარ ბრიუსელში და ევროპელ პარტნიორებს სთხოვ, საქართველოს არ მიეცეს უვიზო რეჟიმი, ამას აკეთებდნენ „ნაცმოძრაობის" ლიდერები სააკაშვილის ხელმძღვანელობით. 8-9 წლის წინ საჩვენებელი გზები იყო დაგებული და იმასაც ათჯერ ხსნიდნენ სხვადასხვა რაკურსით, ჩვენმა ხელისუფლებამ რეაბილიტაცია ჩაუტარა 10 ათას კილომეტრ გზას, 150 კილომეტრი ახალი მაგისტრალური გზა დაიგო. ის, რომ ხელშესახებია პროგრესი და ძალიან ბევრი სიკეთე მოიტანა „ქართულმა ოცნებამ", ცალსახაა და ამაზე აღარავინ დავობს, გარდა ჩვენი უპასუხისმგებლო ოპონენტებისა. ჩვენი საერთო მიზანი და ოცნებაა სწორედ ჩვენი ქვეყნის და ჩვენი ხალხის გაერთიანება, ვიდრე ჩვენი ერი არ გაერთიანდება, ძალიან რთული იქნება ჩვენი ქვეყნის გაერთიანება. რატომ ესხმიან თავს პატრიარქს, ეკლესიას, ჯარს, პოლიციას, ყველაზე ავტორიტეტულ პირებს თუ ინსტიტუტებს?! იმიტომ, რომ კარგად იციან, მშვიდობიან სიტუაციაში გამორიცხულია მათი ხელისუფლებაში დაბრუნება. ვერც ერთმა დამპყრობელმა ვერ შეძლო თავისუფლებისმოყვარე ქართველი ხალხის დაჩოქება, როგორ შეიძლებოდა ისეთ უსახურ პოლიტიკოსებს დავმორჩილებოდით, როგორიცაა სააკაშვილი და მისი კრიმინალური ბანდა.

      ღვინო წარმატებად - მარიამ ქვრივიშვილი - ღვინის ტურიზმის კონფერენციაზე შესაძლებლობა გამოვიყენეთ, მეტი გვესაუბრა საქართველოს ტურიზმის პოტენციალზე. UN WTO “ტვიტერზე” საქართველოში ღვინის ტურიზმის განვითარებაზე წერს.

      ყურძნის ბედი - 10 სექტემბრის მონაცემებით, კახეთში 65 ათასი ტონა ყურძენია გადამუშავებული, აქედან 15 ათას ტონამდე დასეტყვილი ყურძენია

საზღვარგარეთულები:

      #კოვიდმსოფლიო - მსოფლიოში კორონავირუსით ინფიცირებულთა რაოდენობამ 224 მილიონს გადააჭარბა, კოვიდ 19-ს 4.6 მილიონზე მეტი ადამიანი ემსხვერპლა. დანია ევროკავშირის პირველი ქვეყანა გახდა, სადაც ყველა კოვიდშეზღუდვა მოიხსნა. სომხეთში კორონავირუსის 669 ახალი შემთხვევა დადასტურდა, გარდაიცვალა 11 ადამიანი. ლოს ანჯელესის სკოლებში 12 წლის ზემოთ ასაკის მოსწავლეებისთვის ვაქცინაცია სავალდებულო ხდება. რუსეთში კორონავირუსის 18 341 ახალი შემთხვევა გამოვლინდა, გარდაიცვალა 789 ადამიანი. გერმანია ორსულებს კოვიდ 19-ის საწინააღმდეგო ვაქცინით აცრის რეკომენდაციას აძლევს.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 48

ტეგები: qwellynews, ამბები, ბლოგი, ნიუსები, სექტემბერი, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ფალადორის საშინაო ამბები

გამოაქვეყნა Nfkjasfas_მ.
თარიღი: მაისი 24, 2022.
საათი: 4:30am 0 კომენტარი

After Sten displays to you, Suak will tell you which armor piece you need to make. If you follow the instructions he requires  you'll be awarded a bonus exp to reward you. Once Suak's requested armor piece changes, you can go to the anvil select that armor piece, and then continue your work.

To create Runescape Burial Armor, you'll require a hammer and iron, steel, mithril, the adamant, or rune. Smithing at level 30 is required as this is the minimum required to work with iron ingots.…

გაგრძელება

ევროპული გზის ამბები

გამოაქვეყნა Giorgi_მ.
თარიღი: მაისი 23, 2022.
საათი: 11:06pm 0 კომენტარი

      პოლიტიკური კინკლაობა იმაზე ვის უფრო მეტად უნდა ევროპაში და ვის უფრო ევროპული კურსი უჭირავს. აი, ეს არის ჩვენს ქვეყანაში დღის მთავარი პოლიტიკური ამბავი და ცხადია, ნიუსრუმშიც მხოლოდ ეს ამბავი ტრიალებს. ასევე, მსოფლიოს უკრაინული ამბები. და ამ ამბების პარალელურად საქართველოს პოზიცია ევროპულ კავშირში გაწევრიანების გზაზე. ლარის ამბავი - 1 დოლარის ღირებულება - 2.8767 ლარია.

საქართველოს და…

გაგრძელება

დუნკანის კორტების ვარსკვლავი

გამოაქვეყნა Breezespring_მ.
თარიღი: მაისი 22, 2022.
საათი: 4:30am 0 კომენტარი

Duncan was a formidable player on the court. He earned the reputation of  being a clutch player, as evident by his three NBA Finals MVP awards. Duncan would often not keep his best performances for the play-offs - his post-season performance was always more impressive than his regular season stats.

The in-game scores reflect this, including 95 Rebounding and 98 Defensive Consistency as well as an IQ of 98 in Shots to mention some. Unrated or not Duncan was the man to beat. Although he…

გაგრძელება

პეპილის კაბები უფრთოდ

გამოაქვეყნა Tamila Moshiashvili_მ.
თარიღი: მაისი 21, 2022.
საათი: 11:04pm 0 კომენტარი

      „იგრძენით თქვენს ტანზე პეპლები“ ასეთია ესპანური დამოდელო ფირმის ახალი კოლექციის სლოგანი. Bibian Blue ბარსელონაში, უნიკალური კაბების კოლექციას ქმნის, კაბის მთელი იდეა ისეთია, თითქოს ისინი აწყობილია პეპლის ნაზი ფრთების სხვადასხვა ნაწილებით. მთლიანი ზედაპირის დიზაინი პეპლის სხვადასხვა სახეობებს მიბაძავით არის შექმნილი. ტანზე შეიძლება მოირგოთ მონარქი თავისი ნათელი ნარინჯისფერი ფერებით, ასევე მინდვრის პეპლები და მრავალი სხვა. პატარ-პატარა…

გაგრძელება

Qwelly World

free counters