სადღესასწაულო ძარცვა, ლიეტუვას ტურნე, ანაკლიაში თიბისი და ფრესკოს ბრალდებები

      მართალია საჯარო დასვენებებით აღინიშნა კლარა ცეტკინობის რვა მარტობა, მაგრამ დღის ამბებს შორის, როგორც პოლიტიკური სიახლეები, ასევე ჩვენი კრიმინალური სიძლიერეც გამოვლინდა. მსოფლიო არაერთ ფაქტს იცნობს, როდესაც დღესასწაულებზე ხდება ძარცვა, ამიტომ ქართველებმაც მიბაძეს და საქართველოს ბანკი დააყაჩაღეს. სხვა ამბებში კი ისევ თიბისი და ანაკლია ისმოდა, შიდაპარტიული თემები და პრეზიდენტის ლიეტუვური ტურნე.

საქართველოს და მსოფლიოს ამბები / 8 მარტი, 2019/

      მოუასფალტებელი ქუჩები და თბილისის მერიის რვა მარტი - კახა კალაძე - ქუჩები, რომელთა მოასფალტება ჯერჯერობით ვერ ხერხდება, ისეთ დონეზე მაინც უნდა მოვაწესრიგოთ, რომ მოქალაქეებმა გადაადგილება შეძლონ. კახა კალაძე - ამტვერებადი მასალის დამუშავების რეგულირების მიზნით, თბილისის მერიას პარლამენტში საკანონმდებლო წინადადება გადაგზავნილი აქვს. თბილისის მერია ელიავას ბაზრობის საკითხის გადაწყვეტის ორ ვარიანტს განიხილავს.

      პრეზიდენტი ლიეტუვაში - დალია გრიბაუსკაიტე - ლიეტუვა და საქართველო მამაც ქვეყნებს უყვართ და აფასებენ. საქართველოს პრეზიდენტმა ლიეტუვისა და საქართველოს დამოუკიდებლობისათვის მებრძოლთა ხსოვნას პატივი მიაგო. სალომე ზურაბიშვილი ვილნიუსში კიბერუსაფრთხოების სფეროში განზრახულობათა დეკლარაციის ხელმოწერის ცერემონიას დაესწრო. საქართველო და ლიეტუვა კიბერუსაფრთხოების სფეროში თანამშრომლობას გააძლიერებენ. საქართველოს პრეზიდენტმა ლიეტუვაში მცხოვრებ ქართველ სტუდენტებთან შეხვედრაზე დასაქმების საკითხებსა და შრომის ბაზრის მოთხოვნებზე ისაუბრა.

      დიდი ბიუჯეტის განათლება - მამუკა ბახტაძე - 2020 წელს განათლების სექტორზე 2 მლრდ-ს გავითვალისწინებთ, 2021 წელს - ორ მილიარდ ნახევარს, ხოლო 2022 წელს - 3 მლრდ 400 მლნ ლარს. მამუკა ბახტაძე - ეკონომიკური გამოწვევების ერთ-ერთი მიზეზი არის ის, რომ განათლება და ეკონომიკა ერთმანეთს დაშორდა. მამუკა ბახტაძის განცხადებით, პედაგოგების, ასევე მეცნიერთა ანაზღაურება გაიზრდება.

      სარვამარტო ძარცვა - თვითმხილველების ინფორმაციით, გლდანში, „საქართველოს ბანკის“ ფილიალში რამდენიმე პირი შეიჭრა, პოლიციის მისვლის შემდეგ კი, ცეცხლი გახსნეს. შსს - „საქართველოს ბანკის“ დაყაჩაღებისას, თავდამსხმელების მიერ ცეცხლის გახსნის შედეგად არავინ დაშავებულა. თვითმხილველის განცხადებით, „საქართველოს ბანკზე“ თავდამსხმელები ნიღბებით იყვნენ. თვითმხილველების ინფორმაციით, „საქართველოს ბანკს“ თავს სამი პირი დაესხა, რომლებიც გასროლის შემდეგ მიიმალნენ. დაუდასტურებელი ინფორმაციით, გლდანში, „საქართველოს ბანკზე“ თავდამსხმელებს მძევალი ჰყავდათ აყვანილი. შსს-მ "საქართველოს ბანკზე" თავდასხმის ფაქტზე გამოძიება ყაჩაღობის, ცეცხლსასროლი იარაღის უკანონოდ შეძენა-შენახვისა და თავისუფლების უკანონოდ აღკვეთის მუხლებით დაიწყო. „საქართველოს ბანკის“ დაყაჩაღებამდე გატაცებული მამაკაცის დედა აცხადებდა, რომ მისი შვილი საღამოს დასთან წავიდა, თუმცა დანიშნულების ადგილამდე ვერ მივიდა. არაოფიციალური ინფორმაციით, „საქართველოს ბანკზე“ თავდამსხმელებმა ჯერ ორ ადამიანთან ერთად მანქანა გაიტაცეს, ბანკზე თავდასხმის შემდეგ კი მძევლები დატოვეს და გატაცებული მანქანით გაიქცნენ. ბანკის დაყაჩაღებამდე გატაცებულების ახლობლები - გამტაცებლებს ორივე მათგანი მთელი ღამე ტყეში ჰყოლიათ, მამაკაცი ხელ-ფეხშეკრული საბარგულში ყოფილა გამოკეტილი. „საქართველოს ბანკის“ დაყაჩაღებამდე გატაცებული ორივე ახალგაზრდის დაკითხვა დასრულდა.

      გასაჯაროვების თხოვნა მამალაძის საქმეზე - ადვოკატი - დეკანოზ გიორგი მამალაძეს ისეთი არაფერი ჩაუდენია, რისი დამალვაც საჭირო გახდებოდა.

      თიბისის ირგვლივ ანაკლიამდე - პრემიერი - წერილზე სერიოზული კომენტარი გამიჭირდება, მაგრამ ჩემი კაბინეტის ნებისმიერი მინისტრი მზად არის გასცეს კითხვებზე პასუხები პარლამენტში თუ საგამოძიებო ორგანოებთან. პრემიერი - პოლიტიკური ძალები ცდილობენ, „თიბისის“ საკითხი დააბრუნონ პოლიტიკურ ველში, რაც არის სრული უპასუხისმგებლობა. მამუკა ბახტაძე - ის, რომ მთავრობას არ სურს ანაკლიის პროექტის რეალიზაცია, ყველაზე იაფფასიანი და უპასუხისმგებლო პოლიტიკური სპეკულაციაა. მამუკა ბახტაძე „თიბისი ბანკზე“ - განსაკუთრებულს ვერაფერს ვხედავ იმაში, რომ ამ საკითხზე პროკურატურა აკეთებს განცხადებებს. მამუკა ბახტაძე - რა კავშირი შეიძლება ჰქონდეს ანაკლიის პორტს იმ ტრანზაქციასთან, რაც მოხდა კომერციული ბანკის შემადგენლობაში? არანაირი! გია ვოლსკი - გიორგი გახარიას წინააღმდეგ შეტევის მიტანა და საგამოძიებო კომისიის მოთხოვნა არის მცდელობა, გადაფარონ ძირითადი. ირაკლი ლექვინაძე - ანაკლიის პორტის პროექტზე მზად ვართ მამუკა ხაზარაძეს სახელმწიფოსთან ვუშუამდგომლოთ. ეკა ბესელია - "თიბისი ბანკის" საქმე იმსახურებს, რომ პარლამენტმა არ აირჩიოს მხარის პოზიცია და გახდეს ამ პროცესში მიუკერძოებელი არბიტრი და მედიატორი. თამარ ჩუგოშვილი - ანაკლიის პორტის პროექტს არაფერი ემუქრება - მას სახელმწიფოს მხრიდან მაქსიმალური ხელშეწყობა ჰქონდა და მომავალშიც ექნება.

      პარტია ოცნება - მამუკა ბახტაძე - პარტიაში ყოველთვის მიმდინარეობს ნიჭიერი და მოტივირებული ადამიანების მოზიდვის პროცესი. გიორგი კანდელაკი - თუ განახლებაზეა საუბარი, „ქართულმა ოცნებამ" პირველ რიგში თავმჯდომარე უნდა გამოცვალოს. ოთარ კახიძე - კომპანია კასტინგს ჩაატარებს, მერე წარუდგენენ ბატონ ბიძინას რაღაც სიას, წითელი კალმით გვარებს მონიშნავს და იტყვის, რომ ეს არის ჩვენი ახალი „ქართული ოცნება“. ეკა ბესელია „ქართული ოცნების“ მიერ კადრების შერჩევაზე - მმართველი პარტია არ უნდა დაემსგავსოს ბიზნეს პროექტს, პარტია უნდა ჰგავდეს პარტიას. თამარ ჩუგოშვილი - ჩვენ გვსურს მოვიძიოთ ახალი ადამიანები სხვადასხვა დონის მმართველობის გასაძლიერებლად - ეს პროცესი მიდის და ამაში საქილიკო არაფერია.

      ფრესკოს ბრალდებები - პრემიერი „ფრესკოს“ დამფუძნებლის განცხადებაზე - განცხადება, რომ იარაღით მიდიან ბიზნესმენებთან, მძიმე ბრალდებაა, ეს ან უნდა დაადასტურო, ან ცრუ ბრალდებისთვის პასუხი უნდა აგო. კახა კალაძე - 2012 წლიდან ვერ დამისახელებთ ვერც ერთ ფაქტს, რომ სახელმწიფო რომელიმე ბიზნესს ატერორებდეს. ფადი ასლი კახა კალაძეს პასუხობს და იმ კომპანიების ჩამონათვალს აქვეყნებს, რომლებიც სახელმწიფოს ქმედებების შედეგად დაზარალდნენ ან გაკოტრდნენ. ფინანსთა სამინისტრო - თუ არ დადასტურდა "ფრესკოს“ დამფუძნებლის ბრალდებები, სამინისტრო იტოვებს უფლებას, მიმართოს სამართლებრივ გზას, ასევე, სოფრომაძისგან მოითხოვოს საჯარო ბოდიში. ფინანსთა სამინისტროს შიდა აუდიტის დეპარტამენტმა ვასილ სოფრომაძის მიერ გამოთქმულ ბრალდებებთან დაკავშირებით მოკვლევა დაიწყო.

საზღვარგარეთულები:

      დაულაგებელი ვენესუელა - ნიკოლას მადურომ ქვეყანაში ელექტროენერგიის მიწოდებასთან დაკავშირებულ პრობლემებში „ამერიკული იმპერიალიზმი“ დაადანაშაულა.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 112

ტეგები: qwellynews, ამბები, ბლოგი, მარტი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

It's always entertaining to peer the creative approaches

გამოაქვეყნა dakunlee_მ.
თარიღი: დეკემბერი 6, 2022.
საათი: 9:30am 0 კომენტარი

It's always entertaining to peer the creative approaches Animal Crossing gamers manipulate to create horrors inside any such lovable online game. There are surely no limits to Nook Miles Ticket  design within the identify, permitting gamers to discover both their good and terrible sides with regards to decor.

The player has made exceptional use of the game's deep sea creature, a redecorating concept that frequently is going left out via many lovers in terms of furnishing their…

გაგრძელება

ომში დაღუპვის განხილვები, თბილისის მშვიდობა და პოლიტიკური ქულები

გამოაქვეყნა Giorgi_მ.
თარიღი: დეკემბერი 5, 2022.
საათი: 11:30pm 0 კომენტარი

      როცა გარეთ ჩამოუყალიბები თოვლია წვიმასა და თოვაში რომ ვერ გარკვეულა, ეგაა ავდარი, ე.ი. უკვე კარგად დაზამთრდა. დღის მთავარ ამბავს ორი ძირითადი მიმართულება ჰქონდა - პრეზიდენტის ჯანმრთელობა და უკრაინაში დაღუპული ქართველი მეომრების სამძიმარი, რომელიც ძალიან რეზონანსული იყო. საბანკო და ფინანსური ამბებიც ისმოდა, მაგრამ არააქტიურად. დღეს 1 აშშ დოლარის ოფიციალური ღირებულება 2.6987 ლარია.…

გაგრძელება

წინწაგდებული საქმე ხიდის მშენებლობაზე

გამოაქვეყნა ლაშა_მ.
თარიღი: დეკემბერი 4, 2022.
საათი: 12:32am 0 კომენტარი

      მართალია, ჩემს უბნელებსაც კი ღიმილისმომგვრელად ეჩვენათ ჩემი იდეა, საბჭოთა „აზნევთის“, ევროპული, კლასიკური, არაორიგინალური სახელწოდებით „ხიდისუბანით“ ჩანაცვლებაზე, მაგრამ ეგ არაფერი - ფაქტი ერთია - აქამდე ორი ხიდი გვქონდა უბნის გადმოსახედზე, ახლა უკვე სამი გვაქვს.

      მცხეთის მუნიციპალიტეტის ვებ გვერდზე, 2019 წლის, 22 მარტით დათარიღებულ სტატიაში ვკითხულობთ „საქართველოს რეგიონული განვითარებისა და ინფრატსრუქტურის სამინისტროს,…

გაგრძელება

ვრცელი დღე ყოფილი პრეზიდენტის გარშემო

გამოაქვეყნა Giorgi_მ.
თარიღი: დეკემბერი 2, 2022.
საათი: 11:30pm 0 კომენტარი

      როგორც ჩანს დეკემბერი ცივი იქნება - ხვალიდან თოვლს ველოდებით. მთავარი ამბებიც ნელ-ნელა ერთფეროვნდება. ბოლო დღეები მთლიანად მიხეილ სააკაშვილის გარშემო ვითარდება. დღევანდელი მეინსტრიმიც ასეთი იყო - მიშა პატიმარი, მიშა ავადმყოფი, მიშა მოწამლული და ა.შ. ცხადია, ხმაურიანი უნდა ყოფილიყო რუსეთის აფხაზური „მივლინებების“, ასევე შიდა პოლიტიკური ნიუსები და ა.შ. დღეს 1 აშშ დოლარის ოფიციალური ღირებულება 2.7056 ლარია.…

გაგრძელება

Qwelly World

free counters