აქამდე მისი სახელის ყოველ ხსენებაზე მისი ფილმები მახსენდებოდა და უნებლიედ ვიწყებდი სიცილს. დღეს სულ სხვანაირ განწყობაზე დამაყენა ნანა მჭედლიძის სახელის ხსენებამ. ტელევიზიების საინფორმაციო გამოშვებებმა თუ სააგენტოებმა გუშინ გვამცნეს - სესილია თაყაიშვილის შემდეგ ქართველებისთვის ყველაზე საყვარელი ბებია დღეს ისე გარდაიცვალა კაციშვილს არ გახსენებია 20 მარტს მისთვის 90 წლის იუბილე ვარსკვლავის გახსნას ვინ ჩივის და ერთი სიტყვით მაინც მიელოცაო. ბებიები როგორ არ გვიყვარს, კინოები ხომ საერთოდ... მაგრამ... არ გაგვემტყუნება - აქეთ ასწლოვანი ტიტის კრუიზულ მოგზაურობას მივშტერებივართ და იქით ფარულად გადაღებული სხვისი ცხოვრების ჩანაწერებში გვაქვს ცხვირი ჩარგული. მოკლედ, არ გვეცალა...

ახალი ამბავი რომ წავიკითხე ის კადრი გამახსენდა "იმერული ესკიზების" დასასრულს, ბებია მარიამი საკუთარი სახლის შესასვლელში რომ არის ჩამომჯდარი, სულ მარტო და ლოდინის მეტი არაფერი დარჩენია. ნანა მჭედლიძემ ეს ფილმი საკუთარი ბავშვობის ისტორიებზე დაყრდნობით, ფაქტიურად სცენარის გარეშე გადაიღო და დღეს ალბათ მხოლოდ მე არ მგონია, რომ ამ ფილმმა არა მხოლოდ მისი ბავშვობა, არამედ მთელი სიცოცხლე ასახა.

ნანა მჭედლიძე 1926 წელს ხონში დაიბადა. თბილისის შოთა რუსთაველის სახელმწიფო თეატრალური ინსტიტუტის სამსახიობო ფაკულტეტის დამთავრების შემდეგ სწავლა იმავე ინსტიტუტში განაგრძო რეჟისურის განხრით, რომელიც 1957 წელს დაასრულა. ის ერთდროულად იყო რეჟისორიც, მსახიობიც და სცენარისტიც.

ნანა მჭედლიძის პირველი რეჟისორული ნამუშევარი იყო კინონოველა სახელწოდებით "ჩქარი მატარებელი", რომელიც მან ოტია იოსელიანის მოთხრობის მიხედვით გადაიღო და სადიპლომო ნამუშევრად წარადგინა. სადიპლომო ნამუშევრის შემდეგ კი იყო არაერთი ფილმი, რომელიც არამხოლოდ ქართული კინოს ისტორიაში იკავებს ღირსეულ ადგილს, არამედ მაყურებლის ყოველდღიურობის ნაწილად იქცა ფრთოსანი ფრაზების სახით. ნანა მჭედლიძის გადაღებულია ფილმები: "პირველი მერცხალი"; "იმერული ესკიზები"; "დიდედები და შვილიშვილები"; "დანაშაული მოხდა", "ვიღაცას ავტობუსზე აგვიანდება". მათ შორის ყველაზე ცნობილი "იმერული ესკიზები" და "პირველი მერცხალია". ორივეს გადაღების ისტორია გარკვეულ უცნაურობებთან არის დაკავშირებული. პირველში მთავარი როლის შესრულება და ბებიის სტატუსის მორგება თავად რეჟისორს მოუხდა, მეორეს შემთხვევაში კი კომედიად ჩაფიქრებული ფილმი - დრამად გადააკეთა. "მინდოდა ქართველების სახე" აღმეწერაო და გამოუვიდა კიდეც.

მის ერთ-ერთ ბოლო ინტერვიუში ამბობდა:

"როგორც ყველა მართლმადიდებელი ვფიქრობ, რომ ადამიანები არ კვდებიან, გარდაიცვლებიან, წავლენ ზეციურ საქართველოში. რას ვიზმთ, ასეა ცხოვრება!"

მართლაც და რას ვიზამთ, ასეთია ცხოვრება და ასეთები ვართ ადამიანები. იმედია ზეციურ საქართველოში უფრო მეტად დააფასებენ, ვიდრე ეს მიწიერმა ქართველებმა მოვახერხეთ.

უფალმა დაგიმკვიდროთ ცათა სასუფეველი "მარიამ ბებია"...

ნახვა: 389

ტეგები: Qwelly, გარდაცვალება, დაფასება, კინო, მჭედლიძე, რეჟისორი

ლაშა: მარტი 30, 2016||6:48pm

კიდევ კარგი თავადაც აღნიშნე - ბოლო რამდენიმე კვირის განმავლობაში, ვის ეცალა ნანა მჭედლიძესთვის, რაღაც ორი კინკილა ფილმი აქვს გადაღებული, თან იქ არც ეროტიკაა, არც პორნოგრაფია, არც კომპრომატები და არც არაფერი "ღირებული". და ხის ამბავიც ნამდვილად მნიშვნელოვანია - ჩვენ ბუნების მოყვრული ხალხი ვართ. )) 

ვუერთდები პოსტის ბოლოს გამოთქმულ შენს კეთილ სურვილს! 

vako: მარტი 31, 2016||11:05pm

ნანა მჭედლიძე კიარა ისეთები არ გახსენებიათ :D

Kakha: აპრილი 20, 2016||10:57am

და მაინც დაფასება ვიცით ორიგინალური! :D 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

კორონავირუსი იგივე COVID-19

გამოაქვეყნა Giorgi_მ.
თარიღი: თებერვალი 27, 2020.
საათი: 8:29pm 0 კომენტარი

      დავიწყოთ რეკომენდაციებით - ხელ-პირის ხშირი დაბანა - გვახსოვდეს, რომ ხელებს იმიტომ ვიბანთ ხშირად, რადგან ხელის სახეთან მიტანის ჩვევა წუთში ათეულჯერ მაინც ხორციელდება ადამიანის მიერ და ეს ქმნის პრობლემას, ამიტომ ხელებთან ერთად პირიც დავიბანოთ, ქუჩაში ნაცნობებისა და ახლობლების ნახვისას გადაკოცვნისგან თავის შეკავება, ნაკლები კომუნიკაცია საზღვარგეთიდან დაბრუნებულ ადამიანებთან, ნაკლები კომუნიკაცია გარეულ ცხოველებთან (თუმცა, ეს უკანასკნელი…

გაგრძელება

კორონა საქართველოშია, ეკონომიკური ფორუმი და გარჩევა სადილზე

გამოაქვეყნა Giorgi_მ.
თარიღი: თებერვალი 26, 2020.
საათი: 10:00pm 6 კომენტარი

      საღამოს ყველაზე ხმაურიანი ამბავი - ვირუსმა საქართველოშიც შემოაღწია - საქართველოში კორონავირუსის პირველი შემთხვევა დაფიქსირდა - ამის შესახებ სულ რამდენიმე წუთის წინ მთავრობის ადმინისტრაციაში გამართულ ბრიფინგზე ეკატერინე ტიკარაძემ განაცხადა - ვირუსი დაუდგინდა საქართველოს მოქალაქეს, 50 წლის მამაკაცს, რომელიც გუშინ აზერბაიჯანის გავლით ირანიდან შემოვიდა. მამაკაცი ინფექციურ საავადმყოფოშია გადაყვანილი. მინისტრის ინფორმაციით, მისი მდგომარეობა…

გაგრძელება

მოზარდების განაჩენი, ანექსიის დღე, კორონას ახალი ცენტრები და ჩატეხილი მაგიდა

გამოაქვეყნა Giorgi_მ.
თარიღი: თებერვალი 25, 2020.
საათი: 9:30pm 1 კომენტარი

      ზამთრის კუდის მოქნევა ალბათ მაინც მარტის საქმე იქნება, მაგრამ თებერვლის ბოლოს ჯერ მთებში აიკრძალა მოძრაობა, შემდეგ ბარშიც წვიმამ და თოვლ-ნამქერმა არ დააყოვნა. ალბათ, ასეთი თალხი ეხურა თბილისს 99 წლის უკან. დღის მთავარი თემა იუნკერების გახსენება იყო. ასევე მოლაპარაკებების შეუძლებლობაზე საუბრობდა ოპოზიცია, ხორავას საქმეზე განაჩენიც გამოიტანეს. კორონაც ისევ დაუმარცხებელია და მეტიც, ახალი ეპიცენტრები და კერები ჩნდება მსოფლიოში - ირანი,…

გაგრძელება

საზღვრებს ვირუსი აწესებს, მინისტრი პარლამენტს არ სწყალობს, მარში ტაძრებს იცავს

გამოაქვეყნა Giorgi_მ.
თარიღი: თებერვალი 24, 2020.
საათი: 10:00pm 4 კომენტარი

      ახლა ისეთი ამბავია მსოფლიო პანდემიასთან დაკავშირებით, რომ ხვალ წვიმა იქნება თუ ელჭექი, აღარავის აინტერესებს. არადა, დღეს გაზაფხულის მშვენიერი დარი იდგა. მსოფლიოს ახლა კორონავირუსი ადარდებს და რაც დრო გადის, უფრო რთული ხდება მისგან თავდაცვა - სამეზობლო იკეტება და ჩვენი ქვეყანაც ამ ჩაკეტილობას შეუერთდა. დღის მთავარი ამბავი იყო მინისტრის პარლამენტში მიუსვლელობაც, აქცია საპატრიარქოსთან და ანას ბაღის მცველები ვარკეთილში.

საქართველოს და…

გაგრძელება

Qwelly World

free counters