ჩხრეკა და დაკითხვები, შეშფოთებები მსოფლიოდან და გაძვირებული პური

      მეოთე ტალღაც მოვიდა. ამჯერად, სერფინგით ვერ ისიამოვნებთ, ეს კოვიდის ტალღების გაგრძელებაა და უკვე შესაძლო შეზღუდვებზეც საუბრობენ. მძიმე ვითარებაა. დღეს კვლავ 5 ივლისის ამბების გამოძიება იყო მთავარი თემა და ამ დღის გამოხმაურებებიც, განსაკუთრებით ევროპულ-ამერიკული შეშფოთებები და კომენტარები. დღე, სვეტიცხოველში რუსულად გალობდნენ და ესეც გახმაურდა. შესაძლოა ძალიან დაცხეს და ტემპერატურამ 39 გრადუსს გადააჭარბოს. ვალუტის კურსი - 1 აშშ დოლარი - 3.1221 ლარია.

საქართველოს და მსოფლიოს ამბები | 16 ივლისი, 2021

qwellynews, სიახლეები, ნიუსები, ამბები

      #კოვიდსაქართველო - საქართველოში კორონავირუსით ინფიცირების 1 653 ახალი შემთხვევა გამოვლინდა, ბოლო 24 საათში 34 800 ტესტი ჩატარდა. 13 ადამიანი გარდაიცვალა. 19 ივლისიდან ტრენინგებზე, კონფერენციებსა და სემინარებზე მონაწილეთა დასწრება მხოლოდ PCR ტესტის შემდეგ ხდება ნებადართული, ბანაკის ტიპის შეკრებები კი იკრძალება. გიგა ბოკერია - ახლა ისევ საუბარს იწყებენ შეზღუდვებზე, მაშინ როცა არჩევნები მოდის - ერთხელ, თავისი ჭკუით წარმატებით გამოცადეს ამ შეზღუდვების პოლიტიკური ამოცანებისათვის გამოყენება. ამირან გამყრელიძე - სამედიცინო სფეროში დასაქმებული 65 ათასი ადამიანიდან აცრილი მხოლოდ 12 ათასია. „ფაიზერის“ ვაქცინით 16-17 წლის პირების აცრა მას შემდეგ დაიწყება, რაც საქართველოში ვაქცინის მე-2 და მე-3 პარტია შემოვა. „ფაიზერზე“ რეგისტრაციისას, პორტალზე დაახლოებით, 12 000-მდე ადგილი განვათავსეთ და 10-15 წუთში 120 000-მდე ადამიანს ჰქონდა შესვლის მცდელობა. შეზღუდვების მოხსნა საქართველოში ძალიან სწრაფად მოხდა - სამწუხაროდ, ჩვენ ვიჩქარეთ შემსუბუქება. საქართველოში ერთჯერადად ვაქცინირებული პირებიდან კორონავირუსით 12 ადამიანი გარდაიცვალა. IDFI - შესაძლებელია მნიშვნელოვან პრობლემად შეფასდეს Covid-19-თან დაკავშირებული ფინანსების განკარგვის პროცესის გამჭვირვალობის დაბალი ხარისხი.

      5 ივლისის საქმე - გურამ ფალავანდიშვილის სახლში ჩხრეკა მიმდინარეობს, პოლიციამ ჩხრეკა ჩაატარა „ალტ-ინფოს“ დამფუძნებლის, ზურაბ მახარაძის ბინაშიც. „ალტ-ინფოს“ დამფუძნებელი ზურაბ მახარაძე ბინის ჩხრეკის შემდეგ პოლიციის განყოფილებაში გადაიყვანეს. ხატია დეკანოიძემ პროკურატურაში განცხადება შეიტანა, სადაც იმ პირების დაპატიმრებას ითხოვს, რომლებიც 5-6 ივლისს ძალადობისკენ მოუწოდებდნენ. შსს პრაიდის მოწინააღმდეგეთა სახლების ჩხრეკაზე - საგამოძიებო მოქმედებები რამდენიმე მისამართზე მიმდინარეობს. გიორგი ვაშაძე „პრაიდის" მოწინააღმდეგეთა სახლების ჩხრეკაზე - ეს არის საჩვენებელი მოქმედება შსს-ის და გომელაურის მხრიდან, რომ რაიმე მაინც თქვან. გურამ ფალავანდიშვილი პოლიციის განყოფილებაში წაიყვანეს, თუმცა თავად ფალავანდიშვილის განცხადებით, „დაკავებას არ ელის“. ფიქრია ჩიხრაძე - ლექსო ლაშქარავას გარდაცვალებამ უკვე დაწყებული სამოქალაქო დაპირისპირება გააჩერა - გააჩერა კარგად ორგანიზებული, ფინანსურად უზრუნველყოფილი და ინფორმაციულად მხარდაჭერილი რუსული სცენარი საქართველოში. გურამ მაჭარაშვილი - შს მინისტრისგან ვიცით, ყველაფერი გააკეთეს, რომ იძულების ფაქტები აღეკვეთათ, მაგრამ ბევრ ლოკაციაზე იყო აგრესიული ადამიანები, ამიტომ ვერ მოხერხდა მათი შეკავება. რომან გოცირიძე - რა ჩხრეკაა საჭირო, როცა ვიღაც ხისთავა, მოფაშისტო ელემენტი რუსთაველზე დგას და მოუწოდებს, რომ 100 მეტრის იქით მდებარე ოფისისკენ უნდა გაემართოს 500 კაცი. ანა ნაცვლიშვილი - შსს-ს მინდა ვუთხრა, თავს ნუ "იპამპულავებენ", ძალადობრივი მოწოდებები ბალიშის ქვეშ არ ინახება, თუ მათ გამოძიების სრულყოფილად წარმართვის სურვილი აქვთ, "იუთუბს" მიმართონ. დეკანოზი სპირიდონ ცქიფურიშვილი გამოკითხვაზე მივიდა. ვახო სანაია - ჩხრეკა არაფერს ნიშნავს, სანამ ყველას არ დააკავებენ, ვინც დარბევას ხელმძღვანელობდა - მთავარი მოთხოვნაა, პრემიერის გადადგომა. „ევროპული საქართველოს“ წევრებმა შსს-ს გენინსპექციაში საჩივარი შეიტანეს, რომლითაც 5 ივლისს, „სამსახურებრივი მოვალეობის არაჯეროვნად შემსრულებელ პოლიციელებზე“ გამოძიების დაწყებას მოითხოვენ. გურამ ფალავანდიშვილი - მზად ვიყავით, თუ „პრაიდი“ ტანკებით დაიძვრებოდა, ტანკების ქვეშ ჩავწოლილიყავით, თავი გაგვეწირა. სოზარ სუბარი - 5-6 ივლისის მოვლენებთან დაკავშირებით, ყველა დამნაშავე, ვის მიმართაც კონკრეტული ბრალი გამოიკვეთება, შესაბამისი სიმკაცრით აგებს პასუხს. სალომე სამადაშვილი „პრაიდის" მოწინააღმდეგეთა სახლებში ჩხრეკაზე - ილუზია აქვთ, რომ ამ ნაბიჯებით გაანეიტრალებენ იმ მწვავე შეკითხვებს, რომელიც გომელაურს ელოდება პარლამენტში. „ალტ-ინფოს" დამფუძნებლის, ზურა მახარაძის განცხადებით, „თუ ელჩებისა და პარტნიორი ქვეყნების მხრიდან ზეწოლა იქნება“, ამ შემთხვევაში დაკავებას არ გამორიცხავს.

      საპარტნიორო შეშფოთება - სახელმწიფო დეპარტამენტი - მოვუწოდებთ საქართველოს ხელისუფლებას, შეასრულოს 19 აპრილის შეთანხმება, მათ შორის უზენაეს სასამართლოში დანიშვნების შეჩერება, სასამართლო რეფორმის ჩატარებამდე. ენტონი ბლინკენი - აშშ ღრმად შეშფოთებულია საქართველოს პარლამენტის მიერ მოსამართლეების დამტკიცების გამო - ამბიციური სასამართლო რეფორმა კრიტიკულად მნიშვნელოვანია ქვეყნის წარმატებისთვის. კელი დეგნანი - აშშ-ის განცხადებები ნაჩქარევად გაკეთებული არ არის და გზავნილები სერიოზულად უნდა იქნას განხილული - სანქციები ერთ-ერთი ინსტრუმენტია. საჭიროა მკაფიო, ძლიერი გზავნილი საქართველოს ხელისუფლებისგან, რომ ვინც ძალადობა წაახალისა, ვინც ძალადობრივად დაესხა თავს მოქალაქეებს, ამას ექნება შედეგები მათთვის. სალომე სამადაშვილის განცხადებით, სახელმწიფო დეპარტამენტმა ბოლო განცხადებაში ტონი შეცვალა და „ფაქტობრივად არ გამორიცხა, რომ სანქციების მექანიზმს აამოქმედებს“. იაგო ხვიჩია - თუ ხელისუფლება პარტნიორების შენიშვნებს არ გაითვალისწინებს, ჩათვალეთ, რომ გეზი არის რუსეთისკენ და შემოდგომაზე არჩევანი რუსეთსა და დასავლეთს შორის კეთდება. გურამ მაჭარაშვილი - 19 აპრილის შეთანხმებას ჩვენი პარტნიორების რეკომენდაციების საფუძველზე თანმიმდევრულად მივყვებით. გიორგი ხვედელიანი - შარლ მიშელი იმისთვის ჩამოდის, რომ ხელისუფლებას ელაპარაკოს - „გადაგდებაზე" პასუხი უნდა გასცენ. რომან გოცირიძე - დამოუკიდებელი საქართველოს ისტორიაში მსგავსი განცხადებები არ გაკეთებულა ჩვენი პარტნიორების მხრიდან - პოლიტიკური ფასის გადახდა ნიშნავს, რომ მთავრობა უნდა გადადგეს. ანა ნაცვლიშვილი - განცხადებები, რომელიც აშშ-ის მხრიდან კეთდება, მიანიშნებს იმაზე, რომ შეთანხმების დარღვევა არის ფაქტი და მას მოჰყვება შედეგები, შესაძლოა, ეს იყოს სანქციები. ანა ბუჩუკური - მმართველმა გუნდმა შეიძლება ჩათვალოს, რომ თვითონ არის მართალი, მაგრამ ფაქტია, საქართველოსთან დაკავშირებით დანარჩენი მსოფლიო სხვანაირ შეფასებებს აკეთებს. დავით ჭიჭინაძე - შარლ მიშელი თავისი რეპუტაციის დასაცავად ბრუნდება - უკვე ყველამ გაითავისა, რომ „ქართულ ოცნებასთან“ არაფერზე მოლაპარაკება არ შეიძლება. სოზარ სუბარი - სტრატეგიული მეგობრები ძალიან მკაცრ განცხადებას აკეთებენ, ინფორმაცია არ აქვთ და არ იციან - დარწმუნებული ვარ, საქმე სანქციებამდე არ მივა. შარლ მიშელი სალომე ზურაბიშვილს და ირაკლი ღარიბაშვილს შეხვდება. გიორგი ვაშაძე ხელისუფლებას - მიშელის შეთანხმებას ამერიკული და ევროპული ბეჭედი ადევს, თუ მას გადაუვლით, მძიმე დღე დაგიდგებათ - დაბრძანდით და მოიფიქრეთ, როგორ აიცილებთ სანქციებს. რომან გოცირიძე - ჰაერში სანქციების სუნი ტრიალებს - ადგნენ და აშშ-ის ელჩს დასცხეს, თანაც როგორ?! - ვიღაც ჩინოვნიკმა გააფუჭა ჩვენს შორის ურთიერთობაო, სამარცხვინო განცხადებაა.

      კვერექსი რუსულად - საპატრიარქო - განვმარტავთ, რომ უკრაინიდან საქართველოში მოსალოცად ჩამობრძანებულია სასულიერო პირთა ჯგუფი. მათ ითხოვეს სვეტიცხოველში მსახურების ნებართვა. დღეს ქართველ მღვდელმსახურებთან ერთად ქართულ და საეკლესიო სლავურ ენებზე ერთობლივი მსახურება აღევლინა. მოგეხსენებათ, უკრაინაში, ღვთისმსახურება საეკლესიო სლავურ ენაზე აღევლინება. ზოგადად, ეკლესიაში მიღებული პრაქტიკაა, სტუმრებს მსახურების ნაწილის მშობლიურ ენაზე შესრულების საშუალება მიეცეს.

      „პურის მცხობელთა ასოციაციის“ თავმჯდომარე - პურის ფასს 10 თეთრით მოვუმატეთ, მაგრამ მაღაზიები როგორ იქცევიან, პასუხისმგებელი არ ვარ.

      საბა ბუაძე - წინასაარჩევნოდ მთავრობამ სათამაშო ბიზნესს გადასცა 5 მილიონი ლარი იმისათვის, რომ „ქართულ ოცნებასთან" დაკავშირებულმა პირებმა გააგრძელონ საარჩევნო კამპანიის დაფინანსება.

      ვანის არქეოლოგიურ მუზეუმი გამოფენას - „სიცოცხლე და სიკვდილი – დიდებული პომპეი“ უმასპინძლებს.

      თავდაცვის სამინისტრო - თავდაცვის ძალებში მასობრივი ვაქცინაცია აქტიურად მიმდინარეობს.

      აბიტურიენტებისთვის, რომლებმაც კორონავირუსის ინფექციის დადასტურების გამო გამოცდაზე დასწრება ვერ მოახერხეს, დამატებითი სესიები დაინიშნა.

საზღვარგარეთულები:

      #კოვიდმსოფლიო - სომხეთში კორონავირუსით ინფიცირების 162 ახალი შემთხვევა გამოვლინდა და 2 ადამიანი გარდაიცვალა. რუსეთში კორონავირუსს 799 ადამიანის სიცოცხლე ემსხვერპლა, რაც რეკორდულად მაღალი დღიური მაჩვენებელია. უნგრეთში მოქალაქეებს კორონავირუსის ვაქცინის მესამე დოზას შესთავაზებენ, მედიკოსებისთვის კი ვაქცინაცია სავალდებულო ხდება.

      თურქეთში ელექტროენერგიის ფასი 12%-ით, ხოლო ბუნებრივი გაზის ფასი 15%-ით გაიზარდა.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 55

ტეგები: qwellynews, ამბები, ბლოგი, ივლისი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ექსტრადირების ამბავი, კოკაინი და მიყურადება

გამოაქვეყნა Giorgi_მ.
თარიღი: სექტემბერი 17, 2021.
საათი: 11:26pm 0 კომენტარი

      ნელ-ნელა იწყება კოვიდის მეხუთე ტალღაზე საუბარი და შესამზადებლად ვაქცინაციის წახალისება. დღის მთავარ ამბებში კვლავ საარჩევნო „სისუფთავეა“, ასევე ფარული ჩანაწერები ნელ-ნელა გამომზეურება მტყუან-მართლის გარკვევის პარალელურად. მეგის ქარდავას ექსტრადაცია განხორცილდება. ვალუტის კურსი - 1 აშშ დოლარი - 3.1129 ლარია.

საქართველოს და მსოფლიოს ამბები | 17 სექტემბერი, 2021…

qwellynews, სიახლეები, ნიუსები, ამბები, სექტემბერი

გაგრძელება

სახელმწიფო უსაფრთხოების სამსახური და პროტესტები საარჩევნოდ

გამოაქვეყნა Giorgi_მ.
თარიღი: სექტემბერი 16, 2021.
საათი: 11:30pm 0 კომენტარი

      როგორც ჩანს დაანონსებული წვიმები მხოლოდ ქობულეთს აუხდა მძიმედ - ძლიერმა წვიმამ სახლები დაიტბორა, რამდენიმე სოფელში კი მეწყრული პროცესები განვითარდა. ქვეყანაში ისევ მოსმენების ამბავია აქტუალური და კვლავ სუს მიმართ ისმის კითხვები და პროტსტები. ცხადია, ყველაფერი არჩევნებს უკავშირდება და მის გარშემო ტრიალებს. ვალუტის კურსი - 1 აშშ დოლარი - 3.1141 ლარია.

საქართველოს და მსოფლიოს ამბები | 16…

გაგრძელება

საარჩევნო ტრადიცია - მოსმენები, მიყურადებები და ჩანაწერების გამომზეურება, მერე კომენტარები

გამოაქვეყნა Giorgi_მ.
თარიღი: სექტემბერი 15, 2021.
საათი: 10:30pm 1 კომენტარი

      გამოდარებას არ შეგარგებენ რა, ხვალ და ზეგ წვიმა და ძლიერი ქარი გველოდებაო. დღეს კი მეინსტრიმული აღმოჩნდა ჩვენი საარჩევნო ტრადიცია - ფარული მიყურადების, მოსმენოების, ჩანაწერების მოულოდნელი გამომზეურება და სკანდალ-სკანდალ ნიუსები. დღის მთავარი თემა სწორედ ეს იყო. მეორე მთავარი ამბავია მოახლოებული არჩევნები. ვალუტის კურსი - 1 აშშ დოლარი - 3.1129 ლარია.

საქართველოს და მსოფლიოს ამბები | 15…

გაგრძელება

ჩანაწერები საპატრიარქოზე და არჩევნები ნარკოტესტებზე

გამოაქვეყნა Giorgi_მ.
თარიღი: სექტემბერი 13, 2021.
საათი: 11:00pm 0 კომენტარი

      არჩევნების მთავარი ამბავი ნარკოტესტი და ბანერებია. კანდიდატების დაფიპირისპირება ვირტუალურ რეალობაში გადადის. ახლოვდება არჩევნები და ყველა თემა მის გარშემო აქტუალურდება. დღეიდან საზოგადოებრივი ტრანსპორტის მოძრაობა აღდგა და კოვიდიც გააქტუალურდა. ტრანსპორტი კი ამუშავდა, მაგრამ როგორც კალაძე ამბობს - არც ერთი საზოგადოებრივი ტრანსპორტი არ დაიძვრება, თუ მგზავრი პირბადის გარეშე იქნება. დღის ახალი სკანდალი - ხელისუფლება საპატრიარქოს უსმენს, უმაღლესი…

გაგრძელება

Qwelly World

free counters