ჩანიშნული სინოდი, ანაკლიისა და წყალტუბოს პროექტები, ისრაელის საგანგებო მზადება

      როგორც შემოდგომის შუა თვეს შეეფერება, პოლიტიკური აქტიურობა და ტემპერატურა ნელ-ნელა მატულობს, საპირწონედ კლებულობს ამინდის სითბო და დღეს ქარებმა უკვე შეაწუხეს დედაქალაქიც. სხვა წუხილი ისმოდა ახალ ამბებში - საოკუპაციო ზოლის მუდმივი პრობლემა, სინოდის საგანგებო სხდომა და განსახილველ თემებზე მარჩიელობა, წყალტუბო და ანაკლია - გახმაურებული პროექტები და გენ პროკურორის განათლების ფურცლებიც.

საქართველოს და მსოფლიოს ამბები / 30 ოქტომბერი, 2019

      საგანგებო სინოდი - 31 ოქტომბერს სინოდის სხდომა ჩაინიშნა. დეკანოზი მიქაელ ბოტკოველი - მეუფე იაკობი დაესწრება წმინდა სინოდის სხდომას - სინოდი მიიღებს გადაწყვეტილებას, ეკლესიის წიაღში დაიწყება თუ არა მეუფე იაკობთან დაკავშირებული საკითხების განხილვა. რამდენჯერმე მოვისმინეთ მედიასაშუალებებით ინფორმაცია, რომ თითქოს პატრიარქი აპირებდა განცხადების გაკეთებას გადადგომასთან დაკავშირებით - ეს ყველაფერი არის მტკნარი სიცრუე. გიორგი მარგველაშვილი - სახელმწიფოში ბევრი რამ არის მოშლილი, მაგრამ პრემიერმა რომ თქვას - მოდი ერთი დავჯდეთ და პატრიარქის გადადგომაზე დავილაპარაკოთო - ასეთი ანეკდოტიც არ არის ჩვენი ხელისუფლება. მეუფე იაკობმა ადვოკატ მიხეილ რამიშვილისთვის 1 ლარის გადახდაზე უარი თქვა და სასამართლოს გადაწყვეტილება გაასაჩივრა. რომან გოცირიძე მეუფე იაკობის განცხადებაზე - საკითხი შეიძლება დავახასიათოთ, როგორც საეკლესიო გადატრიალება, რომელსაც ხელისუფლება აწყობდა. მეუფე გრიგოლი - უკრაინის ეკლესიის ავტოკეფალიის აღიარების საკითხზე, ადრე თუ გვიან, გადაწყვეტილების მიღება ნებისმიერ ეკლესიას მოუწევს. მეუფე მელქისედეკი - მე მხარს ვუჭერ უკრაინის ეკლესიის ავტოკეფალიის აღიარებას. მეუფე მელქისედეკი - სინოდის სხდომაზე იქნება შეკითხვები, მაგალითად: რა ხდებოდა, რატომ ხდებოდა, რა საჭიროება მოითხოვდა? გია ხუხაშვილი - არ ველოდები, რომ სინოდის სხდომაზე ვინმეს მიმართ პერსონალურ ვერდიქტს საჯაროდ გამოიტანენ. პატრიარქის ექიმი - ილია მეორე ჯანმრთელად არის, შესაბამისად, შეძლებს, რომ ჩვეულებრივად უხემძღვანელოს წმინდა სინოდის სხდომას.

      ახალი წყალტუბო - ზვიად შალამბერიძე - წყალტუბოს განახლება არის შესაძლებლობა არამარტო ამ კურორტისთვის, არამედ მთელი რეგიონისთვის. მაია ცქიტიშვილი წყალტუბოს რეაბილიტაციის პროექტზე - კურორტის აღორძინებას უპრეცედენტო გავლენა ექნება მთელს რეგიონზე. მიხეილ სააკაშვილი - ივანიშვილი, რომლის გამოც არ განვითარდა წყალტუბო, აპირებს, პრაქტიკულად უფასოდ იგდოს ხელში ქონება, რომელიც მინიმუმ 700 მილიონი დოლარი ღირს. ნათია თურნავა წყალტუბოში ქონების 1 ლარად გასხვისებაზე - მთავარია ის, რამხელა კონტრიბუციას აპირებს ივანიშვილი და არა - ასეთი მცირე დეტალები.

      ანაკლიის პორტი - მაია ცქიტიშვილი ანაკლიის კონსორციუმის მიერ წლის ბოლომდე ვალდებულებების შესრულებაზე - მოდით, პოზიტიურად დაველოდოთ ამ პროცესს. ანაკლიის განვითარების კონსორციუმის“ გენერალური დირექტორი - თუ მთავრობა მხარდაჭერას გამოუცხადებს, დარწმუნებული ვარ, “მერიდიანი” პროექტში შემოტრიალდება. დამოუკიდებელი დეპუტატების შეფასებით, სამწუხარო ფაქტია, როდესაც მთავრობა ანაკლიის პროექტთან დაკავშირებულ განხილვას არ ესწრება. ლევან ახვლედიანი - თუ ვერ შევთანხმდებით, ანაკლიის პროექტის აქციონერები იძულებულები იქნებიან საერთაშორისო საარბიტრაჟო დავა დაიწყონ. კახა კალაძე - ვინ უშლის მამუკა ხაზარაძეს, რომ ინვესტიციები განახორციელოს და ქვეყნის განვითარებაში ჩაებას? ხათუნა ლაგაზიძე - დარწმუნებით შემიძლია გითხრათ, რომ საქართველოს ხელისუფლება ანაკლიის პორტთან მიმართებაში, რუსეთის მხრიდან უპრეცედენტო ზეწოლის ქვეშ იმყოფება. ლევან ახვლედიანი - ეს პროცესები „ანაკლიის განვითარების კონსორციუმს“ არ დაუწყია - ყველა ვზიანდებოდით, მაგრამ პირველ რიგში, ამ ყველაფრით პროექტი ზიანდებოდა. „ანაკლიის განვითარების კონსორციუმის“ გენერალური დირექტორი - თუ ბოლო იმედიც ამოიწურება, ყველაფერს მოვყვები, რა და როგორ იყო. ბექა ნაცვლიშვილი - მითია, რომ სახელმწიფო ცუდი მენეჯერია, მე თავიდანვე ანაკლიის პორტის სახელმწიფოს მხრიდან განხორციელებას დავუჭერდი მხარს. ნათია თურნავა - ჩვენ მხარს ვუჭერთ და დავუჭერთ კონსორციუმის ნებისმიერ მცდელობას, რომ შეკრას პროექტის დაფინანსება და პროექტი დროულად დაიწყოს. დავით ჭიჭინაძე - დღევანდელი გადმოსახედიდან ანაკლიის პროექტი ვერ განხორციელდება და საერთოდ, ადგილიდანაც ვერ დაიძვრება. ლევან ახვლედიანი - ანაკლიის პორტის პროექტზე შეთანხმების მიღწევა წლის ბოლომდე დარჩენილ ორ თვეში არარეალისტურია. ანაკლიის კონსორციუმის დირექტორი - არასამართლიანია განცხადება, რომ ჩვენ ვცდილობთ სახელმწიფო მძევლად ავიყვანოთ - მძევლად ვინ ვინ აიყვანა, კიდევ საკითხავია.

      თადუმაძის განათლება - განათლების ცენტრმა შალვა თადუმაძის განათლების დოკუმენტზე გამოთხოვილი ინფორმაცია მიაწოდა ანრი ოხანაშვილს, ომბუდსმენს, სერგო რატიანს, ირაკლი აბესაძეს, „საერთაშორისო გამჭვირვალობას“ და თავად თადუმაძის წარმომადგენელს. შალვა თადუმაძის წარმომადგენელი - დოკუმენტით დასტურდება, რომ შალვა თადუმაძეს 1998 წელს მიენიჭა იურისტის კვალიფიკაცია და იმდროინდელი კანონით, სასწავლო კურსის ექსტერნატის ფორმით დასრულება შესაძლებელი იყო. შალვა თადუმაძე - ჩემი დიპლომი ნამდვილია - ოპოზიციას აქვს თავისი დღის წესრიგი და ამ პოლიტიკურ ბოდვაზე მეტ კომენტარს არ გავაკეთებ. გენერალური პროკურორი ფარცხალაძესთან დაკავშირებით მეუფე იაკობის განცხადებაზე - არც ერთი მტკიცებულება არ არსებობს და გამოძიება ბოდვებზე ვერ დაიწყება. ანრი ოხანაშვილი - როგორც კი შალვა თადუმაძის დიპლომთან დაკავშირებით დოკუმენტაცია გადმოგვეგზავნება, აღარ იარსებებს კითხვის ნიშანი. რომან გოცირიძე - თამასა უფრო მაღლა ავწიე, თადუმაძის ლექტორებს სახინკლეზე უფრო მაღალი რანგის რესტორანში ვეპატიჟები.

      აბები საპარლამენტოდ და საარჩევნებოდ - ანა კობახიძე - არის საფრთხე იმისა, რომ უმრავლესობამ მისივე ინიცირებული პროექტი ჩააგდოს. გიორგი მარგველაშვილი - თუ საარჩევნო სიაში იქნებიან ჯეფერსონი, ვაშინგტონი, მედისონი და ბალცეროვიჩი, მაშინვე ვივიწყებ ყველაფერს და შემოვხაზავ „ქართულ ოცნებას“.

      ელჩობა, ევროდახმარება და პრობლემური საზღვრები - საქართველოში აშშ-ს ელჩად წარდგენილი კელი დაგნანი - ერთად ვიმუშავებთ, რათა საქართველომ გააძლიეროს საკუთარი საზღვრების დაცვა და დემოკრატიული საზოგადოების შექმნა. ევროკავშირის სადამკვირვებლო მისია ოკუპირებულ ახალგორში მცხოვრები მარგო მარტიაშვილის გარდაცვალებას გამოეხმაურა. დავით ბაქრაძე - ძალიან მნიშვნელოვანია, რომ პირველივე გამოსვლაში სამ მთავარ პრიორიტეტში აშშ-ის მომავალმა ელჩმა თავისუფალი არჩევნების ჩატარება დაასახელა. კარლ ჰარცელი ახალგორში მცხოვრები მარგო მარტიაშვილის გარდაცვალებაზე - ეს არის ტრაგიკული შემთხვევა - ჩვენ ყველანაირად ვმუშაობთ იმაზე, რომ გადაკვეთის პუნქტები გაიხსნას.

      ქართველების დეპორტი - 9 თვეში სხვადასხვა ქვეყნიდან საქართველოს 2 561 მოქალაქის დეპორტაცია განხორციელდა.

      პრიორიტეტული ავადმყოფები და გადაადგილება ჯანდასაცავად- სასწრაფო დახმარების ბრიგადები გამოძახებებზე პრიორიტეტის მიხედვით 1-ელი იანვრიდან ივლიან. რეგიონებიდან პაციენტების ტრანსპორტირებისთვის, ჯანდაცვის სამინისტრო რეანომობილების ავტოპარკის განახლებას მომავალ წელს დაასრულებს.

      ძეგლები თბილისს და სხვა თბილისური ამბები - თბილისში ჟიული შარტავას და გურამ გაბესკირიას ძეგლები დაიდგმება. კახა კალაძე - დიღომში, ანბანის სკვერში არსებული სამსართულიანი ნაგებობა დაინგრევა, რადგან ძალიან მახინჯია და მოსახლეობა წინააღმდეგი იყო. გაძვირებული პარკირება - ავტომანქანის პარკირების წესის დარღვევაზე ჯარიმა 10 ლარიდან 50 ლარამდე გაიზარდა. ლევან ხაბეიშვილი - დედაქალაქის მერმა ვერ გაითავისა, რომ არის ქალაქის თავკაცი და არა ტაქსების „დისპეტჩერი“ ან საგადასახადო ინსპექტორი.

      რეკლამებზე უარი - ლევან გოგიჩაიშვილი - მინდა, ამბროლაურის მერს მივულოცო „პორშეს“ მოგება აზარტული თამაშების გათამაშებაში - ეს არის სამარცხვინო! მივიტანოთ იერიში სიკვდილის ინდუსტრიაზე, კოლეგებო! აკაკი ზოიძე - რამდენიმე დღის წინ მოვუწოდე ტელევიზიებს, რომ „პალიტრა მედიის” მსგავსად, უარი ეთქვათ აზარტული თამაშების რეკლამაზე - კარგია, რომ პირველმა არხმა უარი თქვა.

      შეწყალება - არჩილ თალაკვაძე - ვფიქრობთ, რომ არ უნდა იყვნენ შეწყალებულები პოლიციელის სიცოცხლის ხელყოფისთვის მსჯავრდებულები, ასევე ძებნილი პირები - შეწყალება უნდა იყოს საგამონაკლისო.

საზღვარგარეთულები:

      გენოციდის აღიარება - აშშ-ის წარმომადგენლობითმა პალატამ სომეხთა მასობრივი მკვლელობა გენოციდად აღიარა. თურქეთის საგარეო საქმეთა მინისტრი სომეხთა გენოციდის აღიარებაზე - ცდება, ვინც თვლის, რომ ამ გზით შურს იძიებს. ერდოღანი აშშ-ს წარმომადგენელთა პალატის მიერ სომეხთა გენოციდის აღიარებაზე - ეს თურქი ხალხისთვის უდიდესი შეურაცხყოფაა.

      ისრაელის მზადყოფნა - ისრაელი თავდაცვის საგანგებო რეჟიმზე გადადის. მსოფლიოს მასშტაბით, მათ შორის საქართველოში ისრაელის საელჩო დაიხურა.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 469

ტეგები: qwellynews, ამბები, ბლოგი, ნიუსები, ოქტომბერი, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

RuneScape continues to grow more than ever

გამოაქვეყნა Megaomgchen_მ.
თარიღი: ოქტომბერი 20, 2020.
საათი: 4:00am 0 კომენტარი

Naturally the team and I are saddened that some gamers are upset about free spins and some also do not enjoy the capacity to also purchase extra spins, however, the truth is 90% of our members are still enjoying the Squeal of Fortune on a daily basis and RuneScape gold more than 70 percent of our free players use the Squeal of Fortune daily also - which makes it a number of the most widely appreciated content release thus far. Nearly all our players also continue to take advantage of the…

გაგრძელება

ათასეული კორონა და ქება-კრიტიკა საარჩევნოდ

გამოაქვეყნა Giorgi_მ.
თარიღი: ოქტომბერი 19, 2020.
საათი: 10:57pm 0 კომენტარი

      მეორედ ათასეულს ზემოთ ანუ 1186 ახალი შემთხევა 24 საათში და რა გასაკვირია, რომ დღის მთავარი ამბავი სწორედ კოვიდ19-ია. მთავრობის განცხადებები, გამოსვლები, გადაწყვეტილებები და კრიტიკა ცუდ მენეჯმენტზე. ამას ემატება კარზე მომდგარი არჩევნები და საარჩევნოდ ხმების მოსაგროვებლად გაკეთებული მრავალი განცხადება და თავის ქება-სხვების ლანძღვა. ადგილობრივი კორონა რიცხვებში - დადასტურებული შემთხვევა - 18663, გამოჯანმრთელებული - 8338, გარდაცვლილი - 143,…

გაგრძელება

ველოარტი ანუ ხელოვნება ველოსიპედით

გამოაქვეყნა Tamila Moshiashvili_მ.
თარიღი: ოქტომბერი 18, 2020.
საათი: 10:24pm 0 კომენტარი

      იმ თაობის გოგოებს მივეკუთვნები, რომაული არდადეგები რომ ყველაზე რომანტიკული და საყვარელი ფილმი მიაჩნიათ და ველოსიპედით კატაობა არა უბრალო გართობა, არამედ გრეგორისთან ერთად სეირნობად აღიქმებოდა. ოდრი ხომ ყველა ჩვენგანის სათაყვანებელი გოგო იყო. კალათიანი ველოსიპედი იშვიათობა იყო ჩვენს ქალაქში, მაგრამ ბიჭებისგან ნათხოვარს, კბილს ვინ გაუსინჯავდა რომ დაეწუნებინა? რას მოვაყოლე ამხელა ტექსტი? ამ ველოსიპედის ჯაჭვები „ცეპები“ ხშირად წყდებოდა და უბის…

გაგრძელება

ნახევრადღია არჩევნები და გაცხარებული ურთიერთკრიტიკა

გამოაქვეყნა Giorgi_მ.
თარიღი: ოქტომბერი 16, 2020.
საათი: 10:30pm 0 კომენტარი

      შესავალ სიტყვაში მხოლოდ არჩევნების თემა დომინირებს, ასევე კორონასგან გამოწვეული ახალი შეზღუდვები და დახურული სკოლა-ბაღები. კარტოგრაფიამ გარეჯიდან თბილისში, თბილისიდან კი სტრასბურგში გადაინაცვლა და იქ საჩივრდება. რაც შეეხება კორონას რიცხვებს - დადასტურებული შემთხვევა - 15327, გამოჯანმრთელებული - 7613, გარდაცვლილი - 124. რაც შეეხება ჩვენი ეკონომიკის მეტრს - აშშ დოლარის ფასი 3.2186 ლარია.

საქართველოს და მსოფლიოს ამბები / 16 ოქტომბერი,…

გაგრძელება

Qwelly World

free counters