ნატოსთვის მიღების შეხსენება, პარლამენტის სამყოფელის კამათობანი, კრიმინალი და სამართალი, ბლოკჩეინის რუკა

      შემოდგომის კიდევ ერთი კვირა მიიწურა. ამჯერად კვირის სადღესასწაულო დასასრული იყო ქრისტიანებისთვის - დღეს ღმრთისმშობლის შობა იზეიმება და პატრიარქმა სადღესასწაულო ლიტურღია აღავლინა. დღესასწაულის მიუხედავას დასვენება არ იყო და საკმაოდ დატვირთული სამუშაო დღე გამოვიდა. ისევ განახლდა ნატოში მისწრაფების ნიუსები, კრიმინალსა და სასამართლოებზეც ბევრი ისაუბრეს, მაგრამ თავარი მაინც პარლამენტის ადგილსამყოფელის გარკვევა იყო.

საქართველოს და მსოფლიოს ამბები / 21 სექტემბერი, 2018 /

      ნატოში შესვლის დაუღალავი მცდელობებიდან - საქართველოს ნატო-ს გენერალური მდივნის მოადგილე როუზ გიოტმიოლერი სტუმრობს. აშშ-ს სახელმწიფო დეპარტამენტი - ჩვენ სულმოუთმენლად ველით, რომ ერთ დღეს საქართველოს ნატო-ში ვიხილავთ. ნატო-ს გენერალური მდივნის მოადგილე - ნატო რუსეთს მოუწოდებს, გაიყვანოს ჯარები საქართველოდან. დავით დონდუა ნატო-ს გენერალური მდივნის მოადგილეს შეხვდა. დავით დონდუა - ნატო-ს გენერალური მდივნის მოადგილესთან შეხვედრაზე აღინიშნა, რომ საქართველოს აქვს ყველა პრაქტიკული მექანიზმი ალიანსში გაწევრიანებისთვის.

      კრიმინალური ქართული სამყარო - ზაზა ოქუაშვილი - ჩვენ გვაქვს ორგანიზებულ, კრიმინალურ ჯგუფთან საქმე, რომელიც ფიქრობს, როგორ იმოქმედოს თითქოსდა უხილავად. მაია ცქიტიშვილი ზაზა ოქუაშვილის განცხადებაზე - მთავრობაში ელიტური კორუფცია არ არსებობს, არანაირი ლიმიტი არ არსებობს მინისტრებისთვის. ლევან დავითაშვილი ზაზა ოქუაშვილის განცხადებაზე - ზოგიერთი ბიზნესმენის თუ ვითომ ბიზნესმენის აბსურდულ ბრალდებებზე კომენტარის გაკეთება გამიჭირდება.

      ბახტაძის შეხვედრები - მამუკა ბახტაძემ მსოფლიო ბანკის ჯგუფის პრეზიდენტს განათლების და ბიზნესის ხელშეწყობის მიმართულებით დაგეგმილი რეფორმები გააცნო. მამუკა ბახტაძემ და კრისტინ ლაგარდმა მაკროეკონომიკური სტაბილურობის საკითხებზე ისაუბრეს. მამუკა ბახტაძემ და NED-ის პრეზიდენტმა არჩევნების სამართლიან და თავისუფალ გარემოში ჩატარების საკითხზე ისაუბრეს.

      წინასაარჩევნო სამყარო - დავით ბაქრაძე წინასაარჩევნო შეხვედრას საჩხერეში განაგრძობს. მაია ცქიტიშვილი - ზოგიერთ პარტიას გაყალბების გზით ახასიათებს მხარდამჭერების სიების შეგროვება, რაც სისხლის სამართლის დანაშაულია. დავით ბაქრაძე - არ შეიძლება პრეზიდენტი დაიმალოს კაბინეტის კარს უკან და თქვას, რომ მას არ ეხება ქვეყნის და ხალხის პრობლემა.

      საპოლიციო ჰაბი და ქუთაისის პრობლემა - თამარ ჩუგოშვილი - ქუთაისში მდებარე პარლამენტის შენობის გამოყენებას შინაგან საქმეთა სამინისტრო საპოლიციო ჰაბისთვის აპირებს. ხათუნა გოგორიშვილი - „ქართული ოცნების“ პოლიტიკური გადაწყვეტილებაა, რომ ქუთაისი აღარ იყოს საპარლამენტო ქალაქი. გია ვოლსკის განცხადებით, პარლამენტის ქუთაისიდან თბილისში სრულად გადმოტანის შედეგად დაზოგილი თანხები ისევ ქუთაისს მოხმარდება. სალომე სამადაშვილის შეფასებით, 2012 წლიდან „ოცნებამ“ დეცენტრალიზაციის პროცესი შეაჩერა და პარლამენტის ქუთაისში სრულად გადატანა ვერ მოესწრო. რეგლამენტის პროექტის კორექტირებულ ვარიანტში უკვე ასახულია, რომ პარლამენტის ადგილსამყოფელია თბილისი - რუსთაველის გამზირი #8. პარლამენტის ახალი რეგლამენტის პროექტს, რომელშიც პარლამენტის ადგილსამყოფელად თბილისია ასახული, სესიაზე პირველი მოსმენით განიხილავენ. ლევან გოგიჩაიშვილი - ანომალიაა, როცა დედაქალაქი არ არის საპარლამენტო ადგილი. ირაკლი კობახიძე - რეგლამენტის რეფორმა თვისებრივად გააძლიერებს პარლამენტის ადგილსა და როლს კონსტიტუციურ სისტემაში. გიორგი კანდელაკი - პარლამენტის ქუთაისიდან გადატანა უკან გადადგმული ნაბიჯი და რეგიონის მნიშვნელობის დაკნინება იქნება.

      დადგენილებები ხორავას საქმეზე - ანრი ოხანაშვილი - დავადგინეთ, რომ არავის გაუბედავს ხორავას ქუჩის საქმეზე პირადი ან პოლიტიკური მოტივით მართლმსაჯულებაში ჩარეულიყო. გიგა ბოკერია უმრავლესობას - სისხლიანი გარჩევებისა და ვენდეტას წახალისება იქნება, თუკი საზოგადოება დაინახავს, რომ ვიღაც იმიტომ არ ისჯება, რომ პროკურატურაში გავლენიანი ახლობელი ჰყავს. მამუკა მდინარაძე - ნებისმიერ სისხლის სამართლის საქმეში შეგიძლიათ ნახოთ ჩატარებული 500 საგამოძიებო მოქმედება, ხოლო 1500-ზე თქვათ, რომ არ ჩატარდა. არჩილ თალაკვაძე - სამწუხაროდ, საგამოძიებო კომისიამ ვერ დაადგინა, თუ ვინ მიაყენა დავით სარალიძეს სასიკვდილო ჭრილობა.

      რობაქიძის საქმე - გურამ დონაძე - ბუტა რობაქიძის საქმეზე, ყოფილ პატრულს გამოძიებისთვის მიცემულ ჩვენებაში არსად აქვს ნახსენები, რომ შემთხვევის ადგილზე 2 ავტომატი ნახა. ბრალდებული ზაზა ბაქრაძე - ბუტა რობაქიძის საქმეზე დღეს დაკითხული არც ერთი მოწმის ჩვენება სანდო არ არის.

      განტვირთვის წახალისება ანუ მსუბუქი ნარკომანია - ლევან დავითაშვილი - ამ ქვეყანაში ნარკოტიკების წახალისებაზე საუბარი არასდროს ყოფილა.

      ბლოკჩეინის რუკა - გიორგი ქობულია - ძალიან მნიშვნელოვანია, რომ ბლოკჩეინთან დაკავშირებით საქართველო უკვე არის მსოფლიო რუკაზე.

საზღვარგარეთულები:

      ამერიკულ-სარუსო სანქციები - აშშ-ის სახელმწიფო დეპარტამენტმა სანქციების სიაში რუსეთის კიდევ 27 მოქალაქე და 6 კომპანია შეიყვანა. რუსეთის საგარეო საქმეთა მინისტრის მოადგილე - არავის გამოუვა რუსეთისთვის პირობების კარნახი - სანქციების ვაშინგტონელ ავტორებს ვურჩევთ, შეწყვიტონ ფაციფუცი.

      კონფლიქტური ირანი - ნიკი ჰეილიმ ახლო აღმოსავლეთში კონფლიქტებზე პასუხისმგებლობა ირანს დააკისრა.

      ჩივილი სამშობლოშივე - Daily Telegraph - პეტრო პოროშენკომ BBC-ს დიდი ბრიტანეთის სასამართლოში უჩივლა.

      დიდი კატასტროფა ტანზანიაში - ვიქტორიას ტბაში ბორანის ჩაძირვის შედეგად სულ მცირე 100 ადამიანი დაიღუპა.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 145

ტეგები: qwellynews, ბლოგი, ნიუსები, სექტემბერი, სიახლეები

Kakha: სექტემბერი 21, 2018||11:23pm

პოროშენკო ასე მონდომებულია, ესეიგი რაღც შანსი აქვს :D

მაიკო: სექტემბერი 21, 2018||11:28pm

ზურაბიშვილიც მონდომებულია თუმცა შანსების რა ვთქვა  :დდდ

Kakha: სექტემბერი 22, 2018||3:27pm

ნიუსი: აიფონ Xs max_ს შიდა მეხსიერება ექნება 512GB, ნახევარი ტერაბაიტი, მაგრამ ისმის შეკითხვა მომხმარებელმა რითი უნდა შეავსოს? :D

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

თითებზე ასხმული ქალაქები

გამოაქვეყნა Tamila Moshiashvili_მ.
თარიღი: სექტემბერი 19, 2021.
საათი: 10:24pm 1 კომენტარი

      დიდი ხანია ოქრომჭედელი არ ყოფილა ჩვენი ბლოგის სტუმარი. დღეს ოლა შეხტმანი (Ola Shekhtman) უნდა გავიცნოთ. ოლას უყვარს მოგზაურობა და მოგზაურობისას, ამა თუ იმ ქალაქის სუვენირების შეგროვება. ერთხელაც გადაწყვიტა რომ თავად შეექმნა მუდმივი თანამგზავრი სუვენირი. ქალაქში ჩასვლისას, ოლა ფართო პეიზაჟებს აკვირდება, სწავლობს, ხატავს და ერთ სიბრტყეზე გადააქვს. შემდეგ იწყება ყველაზე რთული. თითოეული მისი ბეჭედი ხელით არის დამუშავებული, დახერხილი,…

გაგრძელება

ექსტრადირების ამბავი, კოკაინი და მიყურადება

გამოაქვეყნა Giorgi_მ.
თარიღი: სექტემბერი 17, 2021.
საათი: 11:26pm 1 კომენტარი

      ნელ-ნელა იწყება კოვიდის მეხუთე ტალღაზე საუბარი და შესამზადებლად ვაქცინაციის წახალისება. დღის მთავარ ამბებში კვლავ საარჩევნო „სისუფთავეა“, ასევე ფარული ჩანაწერები ნელ-ნელა გამომზეურება მტყუან-მართლის გარკვევის პარალელურად. მეგის ქარდავას ექსტრადაცია განხორცილდება. ვალუტის კურსი - 1 აშშ დოლარი - 3.1129 ლარია.

საქართველოს და მსოფლიოს ამბები | 17 სექტემბერი, 2021…

qwellynews, სიახლეები, ნიუსები, ამბები, სექტემბერი

გაგრძელება

სახელმწიფო უსაფრთხოების სამსახური და პროტესტები საარჩევნოდ

გამოაქვეყნა Giorgi_მ.
თარიღი: სექტემბერი 16, 2021.
საათი: 11:30pm 0 კომენტარი

      როგორც ჩანს დაანონსებული წვიმები მხოლოდ ქობულეთს აუხდა მძიმედ - ძლიერმა წვიმამ სახლები დაიტბორა, რამდენიმე სოფელში კი მეწყრული პროცესები განვითარდა. ქვეყანაში ისევ მოსმენების ამბავია აქტუალური და კვლავ სუს მიმართ ისმის კითხვები და პროტსტები. ცხადია, ყველაფერი არჩევნებს უკავშირდება და მის გარშემო ტრიალებს. ვალუტის კურსი - 1 აშშ დოლარი - 3.1141 ლარია.

საქართველოს და მსოფლიოს ამბები | 16…

გაგრძელება

საარჩევნო ტრადიცია - მოსმენები, მიყურადებები და ჩანაწერების გამომზეურება, მერე კომენტარები

გამოაქვეყნა Giorgi_მ.
თარიღი: სექტემბერი 15, 2021.
საათი: 10:30pm 1 კომენტარი

      გამოდარებას არ შეგარგებენ რა, ხვალ და ზეგ წვიმა და ძლიერი ქარი გველოდებაო. დღეს კი მეინსტრიმული აღმოჩნდა ჩვენი საარჩევნო ტრადიცია - ფარული მიყურადების, მოსმენოების, ჩანაწერების მოულოდნელი გამომზეურება და სკანდალ-სკანდალ ნიუსები. დღის მთავარი თემა სწორედ ეს იყო. მეორე მთავარი ამბავია მოახლოებული არჩევნები. ვალუტის კურსი - 1 აშშ დოლარი - 3.1129 ლარია.

საქართველოს და მსოფლიოს ამბები | 15…

გაგრძელება

Qwelly World

free counters