ქველინიუსი გილოცავთ 2020 წელს. კარგი აბების, კეთილი სიახლეების და დადებითი ნიუების წელი ყოფილიყოს. ახალი წლის შემდეგ, თითქმის არაფერი ხდებოდა გარდა ნაძვის ხის კრიტიკისა, საახალწლოდ გახარჯული მილიონების გამოძიება-გამოჩხრეკვისა და ტრადიციული კრიტიკისა, მეორეს მხრივ - მილოცვებისა, მიღწევებისა და მომავალი წლის გეგმებისა. თოვლიც კი 4 იანვრისთვის ჩაინიშნა.

საქართველოს და მსოფლიოს ამბები / 3 იანვარი, 2020

      პატრიარქი - უნდა გვახსოვდეს, რომ ბედნიერება დამოკიდებულია ჩვენზე. ილია მეორე - მე მინდა ვისარგებლო შემთხვევით და მივმართო რუსეთის პრეზიდენტ ბატონ ვლადიმერ პუტინს - უნდა დამთავრდეს ოკუპაცია აფხაზეთისა და ცხინვალისა. უნდა გვახსოვდეს, რომ საქართველოა წილხვედრი ყოვლადწმინდისა ღვთისმშობლისა. სალომე ზურაბიშვილი - ერის დეპრესია მხოლოდ მტრებს თუ გაახარებს, ჩვენ შეგვიძლია, გავფანტოთ სიძულვილის, ღვარძლის შავი ღრუბელი და ენერგიის მობილიზება ქვეყნის აღმშენებლობისთვის მოვახდინოთ. არჩილ თალაკვაძე - ჩვენ ერთად ბევრი რამის გაკეთება შევძელით! მადლობას გიხდით ყველას, ვინც იცავდით სამშობლოს! გიორგი გახარია - 2020 წელი იმედის და გამარჯვების წელი იქნება - ერთად უნდა დავძლიოთ არსებული გამოწვევები, ჩვენს გასაკეთებელს სხვა არავინ გააკეთებს.

      ზოგიერთი წესი და რეგულაცია საახალწლოდ - პირველი იანვრიდან საოჯახო ტიპის სასტუმროები წყლის ტარიფს ახალი მოდელით - ე.წ ჰიბრიდული ტარიფით გადაიხდიან. 1-ელი იანვრიდან დასაქმების ხელშეწყობის სახელმწიფო სააგენტო ამოქმედდა. „112“ და „ერთობლივი ოპერაციების ცენტრი“ ერთიანდება.

      რუსთავი ორის საქმე სასამართლოში - პროკურორი - ნიკა გვარამიამ კახაბერ დამენიასთან ერთად გაფლანგა "რუსთავი 2"-ის კუთვნილი ქონებრივი უფლება, დაახლოებით, 7 მილიონამდე ლარი. დიმიტრი საძაგლიშვილის განცხადებით, ნიკა გვარამიას წინააღმდეგ მიმდინარე სამართლებრივი საქმე აბსურდულია და დანაშაულის ნიშნებს არ შეიცავს. ნიკა გვარამია - მოსამართლეს ვუთხარი, რომ შეუძლია სხდომები ყოველდღე ჩანიშნოს, არის დღეები როცა ვერ მივალ და შეუძლია ხელიხელჩაკიდებულმა იაროს პროკურორთან ერთად.

      დღესასწაულობა - დეკემბერში ხილი 32%-ით, ბოსტნეული 14 %-ით, რძის პროდუქტები 13.5%-ით, ხორცი 15 %-ით, პურპროდუქტები კი 6.6 %-ით გაძვირდა. საახალწლო დღეებში, კვებითი და ალკოჰოლური ინტოქსიკაციის გამო, ქვეყანაში 1254 გამოძახება დაფიქსირდა.

      პრეზიდენტის შვილი - ცოტნე გამსახურდიას მეუღლე - ოპერაციები, რომელიც ცოტნეს ჩაუტარდა, თურქეთის კლინიკაში დადებითად შეფასდა და დამატებითი ქირურგიული ჩარევა აღარ სჭირდება. გიორგი გამსახურდიას ინფორმაციით, ცოტნე გამსახურდიას თურქეთში გამგზავრებისა და მკურნალობასთან დაკავშირებული ყველა საკითხი ფონდმა "ქართუმ" გადაჭრა.

საზღვარგარეთულები:

      აღმოსავლეთი ომში ან ომის პირას - ბაღდადის აეროპორტში სარაკეტო თავდასხმის დროს ირანელი გენერალი და ერაყელი საბრძოლო დაჯგუფების მეთაური დაიღუპნენ. ირანის საგარეო საქმეთა მინისტრი გენერლის მკვლელობაზე - ამ გაიძვერული ავანტიურიზმის შედეგებზე პასუხისმგებლობა აშშ-ს ეკისრება. ირანის უმაღლესი ლიდერი - სასტიკი შურისძიება ელოდებათ იმ კრიმინალებს, რომლებმაც თავისი ბინძური ხელები სისხლით დაისვარეს. დავით ზალკალიანი - ვგმობთ ახლახანს მომხდარ შეტევას ბაღდადში, ამერიკის შეერთებული შტატების საელჩოზე. ბაღდადის საერთაშორისო აეროპორტში სარაკეტო თავდასხმას 7 ადამიანის სიცოცხლე ემსხვერპლა. „ჰეზბოლა“, „ჰამასი“, რუსეთი და სირია ბაღდადის აეროპორტში აშშ-ის ოპერაციას გმობენ. ზურაბ ბატიაშვილი - თუ სამხედრო კონფლიქტი დაიწყო, ირანიდან ლტოლვილთა მასების დაძვრაა მოსალოდნელი - განზე მდგომი ვერ ვიქნებით, შეიძლება ჰუმანიტარული კატასტროფის წინაშე დავდგეთ. ერაყის პრემიერის თქმით, ბაღდადის აეროპორტში აშშ-ის ოპერაცია ბიძგს მისცემს გამანადგურებელი ომის დაწყებას ერაყში, რეგიონსა და მსოფლიოში. აშშ-ის სახელმწიფო დეპარტამენტი ამერიკის მოქალაქეებს მოუწოდებს, ერაყი დაუყოვნებლივ დატოვონ. დონალდ ტრამპი - ირანს არასდროს მოუგია ომი, მაგრამ ასევე არასდროს წაუგია მოლაპარაკებებში.

      მედიის ცნობით, ისრაელის არმია საბრძოლო მზადყოფნაშია.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 1134

ტეგები: qwellynews, ამბები, ბლოგი, იანვარი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ბილბორდების ბედი, საიას სარჩელი და ფარული საქმის კომისია

გამოაქვეყნა Giorgi_მ.
თარიღი: სექტემბერი 20, 2021.
საათი: 11:20pm 0 კომენტარი

      სანამ არჩევნები არ ჩატარდება, მოგვიწევს ასეთი ამბები ავიტანოთ - ჩანაწერები და მიყურადებები, კომპრომანტების გამოქვეყნება და მერე მათზე კომენტარები, ახალი გამოძიებები და ასე წრეზე სიარული. დღეს ბილბორდების თემაც აქტუალური იყო - ე.წ. სისხლიანი ბილბორდები. ასევე მეგის ქარდავა და საიას სარჩელი. ვალუტის კურსი - 1 აშშ დოლარი - 3.1099 ლარია.

საქართველოს და მსოფლიოს ამბები | 20 სექტემბერი,…

გაგრძელება

თითებზე ასხმული ქალაქები

გამოაქვეყნა Tamila Moshiashvili_მ.
თარიღი: სექტემბერი 19, 2021.
საათი: 10:24pm 1 კომენტარი

      დიდი ხანია ოქრომჭედელი არ ყოფილა ჩვენი ბლოგის სტუმარი. დღეს ოლა შეხტმანი (Ola Shekhtman) უნდა გავიცნოთ. ოლას უყვარს მოგზაურობა და მოგზაურობისას, ამა თუ იმ ქალაქის სუვენირების შეგროვება. ერთხელაც გადაწყვიტა რომ თავად შეექმნა მუდმივი თანამგზავრი სუვენირი. ქალაქში ჩასვლისას, ოლა ფართო პეიზაჟებს აკვირდება, სწავლობს, ხატავს და ერთ სიბრტყეზე გადააქვს. შემდეგ იწყება ყველაზე რთული. თითოეული მისი ბეჭედი ხელით არის დამუშავებული, დახერხილი,…

გაგრძელება

ექსტრადირების ამბავი, კოკაინი და მიყურადება

გამოაქვეყნა Giorgi_მ.
თარიღი: სექტემბერი 17, 2021.
საათი: 11:00pm 1 კომენტარი

      ნელ-ნელა იწყება კოვიდის მეხუთე ტალღაზე საუბარი და შესამზადებლად ვაქცინაციის წახალისება. დღის მთავარ ამბებში კვლავ საარჩევნო „სისუფთავეა“, ასევე ფარული ჩანაწერები ნელ-ნელა გამომზეურება მტყუან-მართლის გარკვევის პარალელურად. მეგის ქარდავას ექსტრადაცია განხორცილდება. ვალუტის კურსი - 1 აშშ დოლარი - 3.1129 ლარია.

საქართველოს და მსოფლიოს ამბები | 17 სექტემბერი, 2021…

qwellynews, სიახლეები, ნიუსები, ამბები, სექტემბერი

გაგრძელება

სახელმწიფო უსაფრთხოების სამსახური და პროტესტები საარჩევნოდ

გამოაქვეყნა Giorgi_მ.
თარიღი: სექტემბერი 16, 2021.
საათი: 11:30pm 0 კომენტარი

      როგორც ჩანს დაანონსებული წვიმები მხოლოდ ქობულეთს აუხდა მძიმედ - ძლიერმა წვიმამ სახლები დაიტბორა, რამდენიმე სოფელში კი მეწყრული პროცესები განვითარდა. ქვეყანაში ისევ მოსმენების ამბავია აქტუალური და კვლავ სუს მიმართ ისმის კითხვები და პროტსტები. ცხადია, ყველაფერი არჩევნებს უკავშირდება და მის გარშემო ტრიალებს. ვალუტის კურსი - 1 აშშ დოლარი - 3.1141 ლარია.

საქართველოს და მსოფლიოს ამბები | 16…

გაგრძელება

Qwelly World

free counters