"იგი ცა და დედამიწასავით განსხვავდებოდა"...
- იასუნარი კავაბატა; თოვლიანი მხარე
წვიმდა და შემოდგომას არ ეკავა ხელში არც ქოლგა, არც საწვიმარი ეცვა, ფეხშიშვლი და თმაგაშლილი იდგა და წვიმდა... იდგა, და წვიმდა... ოთხს ოცი აკლდა და ის უკვე მესამედ ისხამდა ფინჯან ყავას... მთელი სხეული უთრთოდა, თითქოს დედემიწაც მასთან ერთად კანკალებდა... თავში ყველაფერი კარუსელივით უტრიალებდა, ნერვული ბოჭკოები ფეთქავდა და თავისი გალეული გულისცემაც კი, დიდ ხმაურად ეჩვენებოდა... სიჩუმეს მსხვრევისფერი ხმა ჰქონდა... კუთხეში, იატაკზე იჯდა და ოთახის ბოლოში ვერაფერს ხედავდა, სახლში ბურუსი იდგა... მუცელში პლანეტები ეჯახებოდნენ ერთმანეთს და ამავე დროს, თავს ყველაზე პატარა, ბუზისხელა არსებად გრძნობდა... შიში და შეძრწუნება ისხდნენ სულში და სათითაოდ იპარავდნენ ნერვებს სხეულიდან... უძიროდ წვიმდა...
იოჰანი მარტოკაცად ცხოვრობდა მას შემდეგ, რაც ცოლი მისმა უცნაურმა ფიქრებმა შეაშინა და ექიმთან მისვლა შესთავაზა, არ უნდოდა ძალით რამე გაეკეთებინებინა, მაგრამ იოჰანი სასტიკი წინააღმდეგი იყო და გამუდმებით ჩხუბობდნენ, სანამ ცოლმა მოთმინება არ დაკარგა, ჯანდაბისკენ გზა დაულოცა და აიბარგა... დედ-მამა ადრე გარდაეცვალა, ნათესავებს მის სანახავად არ ეცალათ... თუმცა, იოჰანი ფიქრობდა რომ მარტოკაცი კი არა, აღარავინ იყო, რადგან სხვებზე ადრე საკუთარმა თავმა მიატოვა... წიგნები და ნოტები არეულად ეყარა ოთახებში, საათს ვერსად წააწყდებოდი, გაყინული კედლები რაღაც ნაწერებით იყო აჭრელებული, რამდენიმეგან მისივე თქმით, მშობლიური ვარსკვლავიც ჰქონდა მოხაზული, მაგრამ ყველაზე მეტად იმას განიცდიდა, რომ მისი სახელი აღარ ახსოვდა და ვერც ვერავისგან გებულობდა, რადგან ის მართლა ვარსკვლავი იყო და პლანეტების რიცხვს არ მიეკუთვნებოდა...
იოჰანმა კარი გააღო და კიბეზე დაეშვა... ისეთ ხმაურს გამოსცემდა, თითქოს კიბეც უკან მიჰყვებოდა... ქუჩაში ჯერ კიდევ მოძრაობდნენ უმარტივესნიღბიანი სახეები, ვერც სევდას, ვერც სიხარულს, ვერც ფიქრს და ვერც გაბრაზებას რომ ვერ გამოხატავენ... ყველაფერი ტრიალებდა მის გარშემო, იცოდა, რომ დედამიწასაც აქვს თავი და ბოლო, მაგრამ მაინც გარბოდა... ვერცხლისფრად თენდებოდა სახლებს, ხეებს, ფოთლებს შორის და მის წინ მაინც ურღვევი სიბნელე იდგა... მთელი არსებით ეჯახებოდა მას, მაგრამ სიბნელე უფრო და უფრო ტკენდა...
იოჰანი ყველა შემხვედრს ეკითხებოდა ხომ არ იცოდნენ საიდან მოდიოდა, რა ერქვა მის ვარსკვლავს, მაგრამ მათგან მხოლოდ დამცინავ, შეშფოთებულ, ან გაოცებულ მზერას იღებდა პასუხად... ამაოდ ცდილობდა აეხსნა მათთვის, რომ ვინც ამ პლანეტაზე ცხოვრობს, წარმოშობით ყველა დედამიწელი არ არის... მისთვის ყველაფერი ერთ უცნაურ სიზმარს ჰგავდა, სადაც თავს უცხოდ გრძნობდა, უნდოდა გამოღვიძებოდა, ბოლოს და ბოლოს მიეტოვებინა ეს სიზმარი თავის პერსონაჟებიანად და ყველასთვის ეთქვა: "ჯანდაბამდე გზაც გქონიათ!.. მარტივად რომ ვთქვათ, მე მომწყინდა"...
საიდანღაც გრამოფონზე აჟღერებული მუსიკის ხმა ესმოდა... ახლა იოჰანი ტრიალებდა მატილდესთან ჩახუტებული, მის თმაში ჩარჩენილ ზღვის სუნს ისუნთქავდა ღრმად და გემი ტალღებს ხლეჩდა შუა ოკეანეში... ამ გემზე მუშაობდა იოჰანი მეზღვაურად და მატილდეც სწორედ აქ გაიცნო, ახლა, სულ რაღაც ორი დღეა, მაგრამ ყველაზე გამორჩეული ორი დღე... მან თვალები გაახილა და მათი ცივი მზერები დაინახა... მატილდე არ იყო... იოჰანი ყველა უჯრედით და ყველა ელემენტით დაღლილი იდგა და იმ მელოდიის ნოტებშერეულ, დასველებულ, მინორულ ჰაერს ისუნთქავდა... ნესტოები ებერებოდა და სულს უფხაჭნიდა რაღაც, გამეტებით... პატარა გოგონას ხმამ გამოაფხიზლა, დედას ეძახდა, მერე თვალი მოჰკრა, როგოგრ გაუშვეს ბეღურა ჩიტი ფანჯრიდან ერთად... მან თვალი გააყოლა, მაგრამ მალე მზერა ვეღარ მიაწვდინა ჩიტს და თავისთვის, ძლივს გასაგონად თქვა: „შინ“...
ცოტა ხანში იოჰანი უკვე სახლში იყო, ფანჯრის რაფაზე იჯდა და პატარა, ბამბის ქულასავით ღრუბლებს უყურებდა... როგორ უნდოდა ხელით შეხებოდა, ერთხელ მაინც... აღარაფერი ხმაურობდა, სიჩუმეც ჩუმად იყო... მზემ ცხრავე თვალი დახუჭა და მიატოვა უმთვარო ღამე...
ნახვა: 962
ტეგები: Qwelly, blog, qwellyland, ბლოგი, დღიური, თოვლიანი_მხარე, იასუნარი_კავაბატა, ჩანაწერი
გაფრინდა???
დუმილის უფლებით ვისარგებლებ ამ შემთხვევაში... :
დუმილი როგორც თანხმობა თუ დუმილი როგორც გაფრენის უსურვილობა? :)
რომ მდომოდა ჩემი პირით თქმა პირდაპირ დავწერდი :)
... ვინც ამ პლანეტაზე ცხოვრობს, წარმოშობით ყველა დედამიწელი არ არის...
ხომ ვამბობ მე ეს გოგო ძალიან მომწონსთქო :)))
მადლობა თამო <3
კომენტარი
Welcome to
Qwelly
გამოაქვეყნა EFTcheat_მ.
თარიღი: მაისი 21, 2024.
საათი: 7:27am
0 კომენტარი
0 მოწონება
So, within our huge globe these days, It really is super crucial for everybody - no matter whether you are a business, Element of a bunch, or just somebody - in order to chat to each other whether or not we converse various languages or originate from unique cultures.
Which is exactly where translations and localization are available. These are generally two…
გამოაქვეყნა Nevillberger_მ.
თარიღი: მაისი 21, 2024.
საათი: 6:46am
0 კომენტარი
0 მოწონება
The next batch of players coming in after the first three groups will be Groups 4 (QB, QB, WR), 5 (QB, WR) along with Groups 6 (RB). Next arrivals are the groups 7 (DL) and 8 (DL) as well as 9 (LB) and then the arrivals and arrivals of secondary players in Mut 24 Coins Groups 10. 11 and 10.
A tight race is at the top of the draft class for the chance to be the number. #1 overall pick, all eyes will be on the quarterbacks'…
გაგრძელება
გამოაქვეყნა taoaxue_მ.
თარიღი: მაისი 21, 2024.
საათი: 6:17am
0 კომენტარი
0 მოწონება
Exploring the Viridian Wildwood
At the heart of the Affliction expansion lies the mysterious Viridian Wildwood, a dark and sprawling forest shrouded in secrets and danger. As players venture into this enigmatic wilderness, they will encounter strange holes in the ground, beckoning them into POE currency trade uncharted territory. Each step taken within the Viridian Wildwood unveils new mysteries and challenges, with Wisps…
გამოაქვეყნა taoaxue_მ.
თარიღი: მაისი 21, 2024.
საათი: 6:16am
0 კომენტარი
0 მოწონება
Exploring the Viridian Wildwood
At the heart of the Affliction expansion lies the mysterious Viridian Wildwood, a dark and sprawling forest shrouded in secrets and danger. As players venture into this enigmatic wilderness, they will encounter strange holes in the ground, beckoning them into <a href="https://www.mmoexp.com/Path-of-exile/Currency.html">POE currency trade</a> uncharted territory. Each step taken within the Viridian Wildwood unveils new mysteries and challenges,…
© 2024 George. •
თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!
Qwelly_ზე რეგისტრაცია