არავინაა შენს მიმართ ვალდებული
ერთმა კარგმა ლექტორმა, სემესტრის დასრულებისას, გადაწყვიტა ძააალიან კარგი ფორმით დაგვმშვიდობებოდა :) მან გამოგვიგზავნა ტექსტი, რომელსაც, ჩემი აზრით, კარგი იქნება თუ წაიკითხავთ და ამიტომ ახლა გაგიზიარებთ. :)
არავინაა შენს მიმართ ვალდებული – ჰარი ბრაუნის წერილი შვილს
ჰარი ბრაუნი გახლდათ მწერალი, ინვესტორი, ამერიკის ლიბერტარიანული პარტიის წევრი, პარტიის მხრიდან წარდგენილი პრეზიდენტობის კანდიდატი 1996 წლის არჩევნებში, აშშ-ს თავისუფლების ფონდის დირექტორი.
ძვირფასო შვილო,
შობა ღამეა და ჩვეული პრობლემის წინაშე ვდგავარ – ვერ გადამიწყვეტია რა გაჩუქო. ალბათ მოგეწონებოდა წიგნები, სათამაშოები, ტანსაცმელი, თუმცა დღეს ძალზედ ეგოისტი ვარ და მსურს ისეთი საჩუქარი გაგიკეთო, რომელიც რამოდენიმე თვესა და წელიწადზე მეტხანს შეგრჩება. მსურს ამ საჩუქარმა, ყოველ შობის ღამეს, ჩემი თავი გაგახსენოს.
მხოლოდ ერთი რამის ჩუქება რომ შემძლებოდა, ალბათ იქნებოდა ერთი მარტივი სიმართლე, რომლის სასწავლად ბევრი წელი დამჭირდა. მჯერა, თუ ახლა ამას გაიგებ, ბევრ უაზრო ტკივილსა და პრობლემას აიცილებ თავიდან.
არავინაა შენს მიმართ ვალდებული.
ალბათ მკითხავ, რატომ შეიძლება ასეთი უბრალო განცხადება მნიშვნელოვანი იყოსო? შესაძლოა, ასე არ ჩანს, მაგრამ მისი სწორად გაანალიზება ბევრ რამეს გასწავლის ცხოვრებაში.
არავინაა შენს მიმართ ვალდებული.
ეს ნიშნავს, რომ არავინ ცხოვრობს შენთვის, ჩემო პატარა. არავინ არ წარმოადგენს შენს პიროვნებას. ყველა ადამიანი საკუთარი თავისთვის ცხოვრობს და მხოლოდ საკუთარ ბედნიერებას შეიგრძნობს სრულად.
როდესაც მიხვდები რომ არავის ეკუთვნის შენი ბედნიერება ან სხვა რაიმე, მხოლოდ მაშინ გექნება შესაძლებლობა არავის დაუთმო ისინი.
ეს ნიშნავს, რომ არავის არ აქვს ვალდებულება უყვარდე. თუ ვინმეს უყვარხარ, მხოლოდ იმიტომ რომ შენში რაიმე განსაკუთრებული და უნიკალურია და ეს მას სიამოვნებას ანიჭებს. ეცადე იპოვნო საკუთარ თავში ეს უნიკალურობა და განივითარო – დარწმუნებული იყავი რომ უფრო მეტად შეგიყვარებენ.
როდესაც ადამიანები რაიმეს აკეთებენ შენთვის, მხოლოდ იმიტომ რომ ეს მათ სურთ, რადგან შენც აძლევ მათ რაიმე ღირებულს, რის გამოც სურვილი უჩნდებათ რომ გასიამოვნონ.
არავინაა ვალდებული მოსწონდე. თუ მეგობრებს შენთან ყოფნა უნდათ, ეს შემთხვევითობა არაა. ისწავლე როგორ გააბედნიერო ადამიანები და ისინი ეცდებიან გვერდიდან არ მოგშორდნენ.
არავინაა ვალდებული პატივი გცეს. ბევრი ადამიანი შეიძლება ბოროტადაც მოგექცეს, მაგრამ როცა მიხვდები რომ არავის არ აქვს ვალდებულება კეთილად მოგექცეს და დაუშვებ იმ ფაქტსაც, რომ შეიძლება ადამიანები ბოროტად მოგექცნენ, შეძლებ თავიდან აირიდო ადამიანები, რომლებიც ზიანს მოგაყენებენ.
არავინაა ვალდებული შენს მიმართ და არც შენ ხარ ვალდებული ვინმეს მიმართ.
მხოლოდ შენ გაქვს პასუხისმგებლობა საკუთარ ცხოვრებაზე. მხოლოდ შენ ხარ ვალდებული რომ გახდე საუკეთესო ადამიანი, რომელიც შეგეძლო ყოფილიყავი. რადგან თუ ამას შეძლებ, სხვებიც მოისურვებენ იყვნენ შენთან ერთად, მოგცემენ იმას რაც გჭირდება, იმის სანაცვლოდ რასაც მათთვის გაიღებ.
შეიძლება ზოგმა ადამიანმა არ მოისურვოს შენს გვერდით ყოფნა, გარკვეულ მიზეზთა გამო, მაგრამ როცა ასე მოხდება, ეძებე ურთიერთობები რომელიც თავად გსურს. ნუ აქცევ სხვის პრობლემას საკუთარ პრობლემად.
როდესაც ისწავლი, რომ თავად უნდა მოიპოვო ადამიანთა სიყვარული და პატივისცემა, აღარასოდეს დაელოდები შეუძლებელს და შესაბამისად, იმედიც აღარ გაგიცრუვდება.
სხვა ადამიანები არ არიან ვალდებული საკუთარი საკუთრება გაგიზიარონ, არც თავიანთი გრძნობები და ფიქრები. და თუ ასე აკეთებენ, გახსოვდეს რომ შენ მოიპოვე მათი ნდობა, შენ დაიმსახურე მათი სიყვარული და პატივისცემა. მხოლოდ ამას ჯილდოდ ნუ ჩათვლი, რადგანაც შეიძლება დაკარგო. ისინი შენ გეკუთვნის, რადგან თავად მოიპოვე და დაიმსახურე.
დიდი ტვირთი მომეხსნა მხრებიდან როდესაც გავაანალიზე, რომ არავინაა ვალდებული ჩემს მიმართ. არავინაა ვალდებული ჩემს მიმართ პატივისცემით, სიყვარულით, მეგობრობით, ქცევითა და თავაზიანობით. როგორც კი ამას მივხვდი, ჩემი ურთიერთობები დალაგდა, ვცდილობდი ყოველთვის ისეთ ადამიანებთან დამეჭირა ურთიერთობა, რომელთაც ის სურდათ, რაც მე.
ამის გაანალიზება დამეხმარა მეგობრობაში, ბიზნესში, სიყვარულსა და უცხო ადამიანებთან ურთიერთობაში. ეს მარტივი ჭეშმარიტება ხშირად მახსენებს, რომ შემიძლია მივიღო ის, რაც მსურს თუ სხვა ადამიანის სამყაროში შევაღწევ. აუცილებლად უნდა მიხვდე რას ფიქრობს, რა უნდა და რისი სჯერა და მხოლოდ ამის შემდეგ შევძლებ მიხვდე თავად რა გსურს მისგან. მხოლოდ ასე შეძლებ შეინარჩუნო ურთიერთობები მასთან, ვისთანაც ბევრი საერთო გაქვს.
ადვილი არაა ამ უბრალო სიტყვებით შეაჯერო ის, რაც წლების განმავლობაში მისწავლია, მაგრამ თუ ყოველ შობა ღამეს ამ წერილს ხელმეორედ გადაიკითხავ, დარწმუნებული ვარ ყოველწლიურად უფრო და უფრო ნათელი გახდება შენთვის.
ვიმედოვნებ ასე იქნება, რადგან ყველაზე მეტად მსურს გაიაზრო მარტივი ჭეშმარიტება, რომელიც თავისუფლებას გაჩუქებს:
არავინაა შენს მიმართ ვალდებული...
სიყვარულით,
მამა
-
ლაშა: თებერვალი 19, 2014||8:55pm
-
არავის არ აქვს ვალდებულება უყვარდე. თუ ვინმეს უყვარხარ, მხოლოდ იმიტომ რომ შენში რაიმე განსაკუთრებული და უნიკალურია და ეს მას სიამოვნებას ანიჭებს
:'( :'( :'(
არადა რა კარგად დაიწყო :( ერთი გამაგებინეთ, ახლა ამ კაცმა კარგი რამ ასწავლა შვილს? არ ჯობად ეს ფრაზა ასე დაებოლოვებინა - თუ ვინმეს უყვარხარ, მხოლოდ იმიტომ რომ მას აქვს ნიჭი სიყვარულის და მადლობელი იყავი რომ უყვარხარ! :'(
-
ლიკა: თებერვალი 19, 2014||9:01pm
-
ლაშიკო, გაგიკვირდება და მაგ შენიშვნაში გეთანხმები :D მაგის მომდევნო წინადადებაც ვერ მომწონს.. :D მაგრამ არაა ეგ აქ მნივნელოვანი, ძირითადი მაინც სხვა რამ მგონია აქ ეწეროს :D
-
-
ძირითადი აქცენტი კი ვიცი რაც არის, მაგრამ ამ მცირე გადაცდომებთ ხიბლს კარგავს :( ჯამში მიუხედავად იმისა რომ ეუბნება - არავინა არაა ვალდებული შენს მიმართ, თან შეაგონებს რომ - თუ ვინმეს უყვარხარ შენი დამსახურებაა, თუ ვინმეს შენთან ურთიერთობა უნდა შენი დამსახურებაა, თუ ვინმეს შენთვის რაიმეს გაკეთება უნდა ესეც შენი დამსახურებაა. მაშ, ამ ლოგიკით გაზრდილი ბავშვი, დიდი შანსია რომ პირიქით შეაბრუნებს იდეას - თუ 5 კაცს ვუყვარვარ და რაღაცას მიკეთებს, ე.ი. ეს ჩემი დამსახურებაა, მაშ დანარჩენი 1500 რატომ არ აკეთებ ჩემთვის რამეს, მე ხომ ვიმსახურებ სიყვარულს და მეგობრობას? :)
-
nino usenashvili: თებერვალი 19, 2014||9:09pm
-
ლიკა გეთანხმები არაჩველებრივი ქალბატონია ჩვენი ლექტორი ^_^ ეს რამდენიმე წელია მივედი მაგ დასკვნამდე, რომ "არავინ არის ვალდებული ჩემს წინაშე, ისევე როგორ მე სხვის წინაშე"... ეს მხოლოდ იმიტომ, რომ იმედები არ გამიცრუვდეს და სხვას მეტი მოვალეობები არ დავაკისრო. თუმცა, სულ მახსენდება პატარა უფლისწულიდან ამონარიდი: "შენ ვალდებული ხარ იზრუნო იმაზე, ვინც მოიშინაურე. ვალდებული ხარ იზრუნო შენს ვარდზე..." ალბათ, მაინც არსებობენ ადამიანები (სხვაგვარად წარმოუდგენელია) ვის წინაშეც ვალდებული ხარ, თუმცა "ვალდებულება" უნდა იცოდე რა არის, მასაც საზღვრები აქვს...
-
-
ის 1500 არაა ვალდებული შენნაირად ჩათვალოს, რომ სიყვარულს და მეგობრობას იმსახურებ :P :D
-
-
-
ლაშიკო, გითხარი უკვე ჩემი აზრი მაგ ფრაზის შესახებ. :P ამ წერილის ყველა წინადადება აბსოლუტური ჭეშმარიტება კი არ არის :D სააამაგიეროდ ბევრ საკითხს კარგი კუთხით ეხება და თუ ამფრაზას ამომავალ წერტილად არ მივიჩნევთ და მანდედან არ გავავითარებთ სხვა ყველა მსჯელობას, ყველაფერი კარგად იქნება :D :D
-
-
ლაშა ამას გავიმეორებ - "შენ ვალდებული ხარ იზრუნო იმაზე, ვინც მოიშინაურე. ვალდებული ხარ იზრუნო შენს ვარდზე..." ალბათ, მაინც არსებობენ ადამიანები (სხვაგვარად წარმოუდგენელია) ვის წინაშეც ვალდებული ხარ, თუმცა "ვალდებულება" უნდა იცოდე რა არის, მასაც საზღვრები აქვს... " ამ ადამიანებში ვგლისხმობ ზუსტათ იმათ ვინც გიყვარს :)
Welcome to
Qwelly
ღონისძიებები
ბლოგ პოსტები
Beyond its practical implications
გამოაქვეყნა taoaxue_მ.
თარიღი: მაისი 20, 2024.
საათი: 4:57am
0 კომენტარი
0 მოწონება
The revelation sparked by the dodge roll mechanic transformed my perception of Path of Exile 2. It wasn't just another ARPG; it was a game that rewarded skillful play and tactical thinking. No longer was I merely bashing through enemies with brute force; I was dodging, weaving, and timing my movements with precision.
But the impact of the dodge roll extended beyond combat mechanics. It reshaped the entire gameplay experience, instilling a sense of agency and empowerment. Suddenly,…
გაგრძელებაHow Can I Get Paperwork Apostilled In the united kingdom
გამოაქვეყნა EFTcheat_მ.
თარიღი: მაისი 18, 2024.
საათი: 8:30am
0 კომენტარი
0 მოწონება
Company in today and age has State-of-the-art radically and extended throughout the world. As a consequence of its huge community and around the world existence, it has gotten more simple to arrive at objective customers anyplace throughout the world. Despite the fact that issues have absent simpler, working jointly all throughout the world presents numerous problems way too. As an example, it involves a further force to guarantee and confirm corporate archives. Mainly because…
Skull and Bones
გამოაქვეყნა Rozemondbell_მ.
თარიღი: მაისი 17, 2024.
საათი: 12:00pm
0 კომენტარი
0 მოწონება
Surviving the Crucible of Raid Bosses
The Snow's robust build enables it to Skull and Bones Items endure relentless assaults from formidable raid bosses such as the Op Welling.
Master the ship's bracing mechanics to mitigate incoming damage and regenerate stamina efficiently.
Approach engagements with the Op Welling cautiously, employing strategic healing and bracing techniques to sustain prolonged combat.
Despite facing significant adversary firepower, the Snow's…
გაგრძელებაThe dodge roll
გამოაქვეყნა taoaxue_მ.
თარიღი: მაისი 17, 2024.
საათი: 4:30am
0 კომენტარი
0 მოწონება
The revelation sparked by the dodge roll mechanic transformed my perception of Path of Exile 2. It wasn't just another ARPG; it was a game that rewarded skillful play and tactical thinking. No longer was I merely bashing through enemies with brute force; I was dodging, weaving, and timing my movements with precision.
But the impact of the dodge roll extended beyond combat mechanics. It reshaped the entire gameplay experience, instilling a sense of agency and empowerment. Suddenly,…
გაგრძელებაQwelly World
© 2024 George.
•
თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!
Qwelly_ზე რეგისტრაცია