თეთრ დღეს ვერ ვიწუდებთ დღევანდელ დღეს, რადგან არც მზე გვაკლდა და შიგადაშიგ არც ღრუბელი, მაგრამ მთელი დღე რომ თეთრ ფულებზე იყო საუბარი მედია ამბებში - ეს ფაქტია. ფული გათეთრდა თუ გაჩუქდა თუ გამეგობრდა, შსს და პროკურატურა ამ საკითხებს არკვევდა მთელი დღის განმავლობაში. დანარჩენ მსოფლიოს კი ამაზონი ადარდებს.

საქართველოს და მსოფლიოს ამბები / 27 აგვისტო, 2019

      დავიწყოთ მედიური ამბებით და მთელი დღის მთავარ თემებსაც ლოგიკურად გავკვებით - პაატა სალია - ძალიან მალე „რუსთავი 2“ დაგიბრუნდებათ იმ გადაცემებით, რომლებიც მაყურებლების დიდი პოპულარობით სარგებლობდა. ნიკა გვარამია - არავის ჰქონია ჩემთან საუბარი იმაზე, რომ „რუსთავი 2“- ზე დაბრუნდებოდა და თუ ვინმე დაბრუნდება, იხილავთ - მე ვიცი, ჩემთან ვინ იმუშავებს.

      მეორე მედია ნიუსი, იმდენად არის მედიის, რამდენადაც ტვ პირველის შენობის მესაკუთრეს ეხება - გენერალურმა პროკურატურამ ავთანდილ წერეთლის მიმართ აღკვეთის ღონისძიების შეფარდებასთან დაკავშირებით სასამართლოს მიმართა. პროკურატურა ავთანდილ წერეთლის მიმართ 500 000 ლარის ოდენობის გირაოს შეფარდებას მოითხოვს. ადვოკატი - ავთო წერეთლისთვის აღკვეთის ღონისძიების შეფარდების არანაირი საფუძველი არ არსებობს. გია ხუხაშვილი - პროკურატურის მხრიდან ავთო წერეთლისთვის წაყენებული ბრალი კრიტიკას ვერ უძლებს. ავთანდილ წერეთელი მოსამართლეს - ვერ გავიგე მკვლელობას მედავებიან თუ ფულის მითვისებას. ავთანდილ წერეთელი - თუ ისეთი შესაძლებლობები მაქვს, როგორც ამბობენ, 500 000-ს გავეკიდები? - ტელევიზია გინდათ? ვერ მიიღებთ! ვახტანგ წერეთელი და ნინო ჟიჟილაშვილი დიპლომატიური კორპუსის წარმომადგენლებს ხვდებიან. ავთანდილ წერეთლის საქმის პროკურორებს სასამართლოსთან მანქანით გადაადგილების საშუალება არ მისცეს. ნინო ჟიჟილაშვილი - ელჩებს დეტალური ინფორმაცია მივაწოდეთ. იტალიის ელჩი - ყველა საქმეს ყურადღებით ვადევნებთ თვალს, რომელსაც შეიძლება, რაიმე გავლენა ჰქონდეს მედიის თავისუფლებასა და პლურალიზმზე. პროკურატურა სასამართლოს შუამდგომლობით მიმართავს, ავთანდილ წერეთელს საქართველოს საზღვრის დატოვება საგამოძიებო ორგანოს შეტყობინების გარეშე აეკრძალოს. ავთანდილ წერეთელი - მე ფული ვასესხე ჩემს მეგობრებს, რა ტრანზაქცია გააკეთა ხაზარაძემ და ჯაფარიძემ, რა ჩემი საქმეა. ავთანდილ წერეთელი - 180 ლარი პენსია, დღეს ეს არის ჩემი შემოსავალი. ვატო წერეთელი - მე უნდა ვიხსნა მამაჩემი - თუ გირაოში ქონების ჩადება მოგვიწევს, ეს იქნება „ტვ პირველის“ შენობა. ავთანდილ წერეთელს ნახევარი მილიონი ლარის ოდენობის გირაო შეეფარდა. ავთანდილ წერეთელი - გირაოს თანხას არ გადავიხდი, წავალ ციხეში.

      გათეთრებული ფულების გაგრძელებას ხაზარაძესთან მივყავართ - ფინანსური მონიტორინგის სამსახურის უფროსი ბრიტანეთში ხაზარაძე-ჯაფარიძის ანგარიშების დაყადაღებაზე - სისულელეზე კომენტარს ვერ გავაკეთებ. ფინანსური მონიტორინგის სამსახური ბრიტანეთისგან მამუკა ხაზარაძისა და ბადრი ჯაფარიძის ანგარიშების დაყადაღებას ითხოვს. ბადრი ჯაფარიძე - გვინდა, ჩვენი მეგობარი ქვეყნების სამსახურებს ვაცნობოთ, რომ სახელმწიფო სამსახურები პოლიტიკური დევნის ინსტრუმენტად გამოიყენება. მამუკა ხაზარაძე - მინდა ხელისუფლებას დავუსვა შეკითხვა - რატომ შეეშინდა? არ გამოგივათ! ანაკლიას აუცილებლად ავაშენებთ ან თქვენთან ერთად ან თქვენს გარეშე. უახლოეს ხანში დავაფუძნებთ მოძრაობას - მინდა შეგაშინოთ, ახალგაზრდების უზარმაზარი არმიაა. მამუკა ხაზარაძე ბიძინა ივანიშვილს სასაუბროდ ტელეეთერში იწვევს. პროკურორი - ფულის გათეთრებაში ბრალდებული მამუკა ხაზარაძე და ბადრი ჯაფარიძე უკვე მერამდენედ ცდილობენ, არასწორი ინფორმაცია გაავრცელონ. გია ვოლსკი - მამუკა ხაზარაძე პოლიტიკას ტყუილით იწყებს. პროკურორი - საქმის მასალებიდან გამომდინარე, საქართველოს ფინანსური მონიტორინგის სამსახურს არ მიუმართავს ბრიტანელი კოლეგებისათვის. პირიქით, ბრიტანულმა მხარემ მიაწოდა ინფორმაცია ქართულ მხარეს ბრალდებულების ფინანსური აქტივობების შესახებ“. „ანუ, აღნიშნული კომუნიკაცია შედგა ბრიტანული მხარის ინიციატივით და დამერწმუნებით, რომ ამ ქვეყანაში ნამდვილად არის ის უმაღლესი სტანდარტი, სადაც მარტივად გაირჩევა კრიმინალური საქმეები პოლიტიკური დევნისგან.

      შსს დაკავებები - 20-21 ივნისის აქციის საქმეზე, სისხლის სამართლის პასუხისგებაში შსს-ს კიდევ ერთი თანამშრომელი მიეცა.

      ერთნაირობა - ბექა ნაცვლიშვილი - "ნაციონალური მოძრაობისა" და "ქართული ოცნების" ეკონომიკურ და სოციალურ პოლიტიკას შორის არანაირი განსხვავება არ არის.

      აფხაზეთის აღიარება - სერგეი ლავროვი - აფხაზეთის საერთაშორისო აღიარების პროცესი შეუქცევადია.

      ლოგალური ხანძარი - ატენის ხეობაში, წიწვოვანი ტყის მასივში გაჩენილი ხანძარი ლიკვიდირებულია.

საზღვარგარეთულები:

      ირანი და ტრამპობა - დონალდ ტრამპი - ირანი თუ განაგრძობს იმის კეთებას, რასაც აკეთებს, ხისტ ძალას შეეჯახება. მჯერა, ირანს შეუძლია დიდებული ქვეყანა იყოს, მაგრამ არ შეიძლება, მათ ატომური იარაღი ჰქონდეთ.

      მსოფლიო ხანძარი - ბრაზილიის ხელისუფლება ამაზონის ტყეებში ხანძრის გამო ელჩებს შვებულების გადადებისკენ მოუწოდებს. ბრაზილიის მთავრობა ამაზონის ტყეებში ხანძრის ჩასაქრობად „დიდი შვიდეულის“ ქვეყნების მიერ შეთავაზებულ თანხაზე უარს ამბობს. ცენტრალური აფრიკის რეგიონებში ხანძარია, რომელიც მასშტაბებით ამაზონის ტყეებში არსებულ ხანძრებს აღემატება.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 26

ტეგები: qwellynews, აგვისტო, ამბები, ბლოგი, ნიუსები, სიახლეები

Kakha: აგვისტო 30, 2019||10:00pm

ისეთი ამინდებია (აცივდა) და ხანძარიც ჩაქვრებოდა აბა რა იქნებოდა )) 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

მაყურებლების ანტი მაყურებლები - უჩვეულო კინოჩვენება, წყალტუბო და ანაკლია, მაღაროელების ახალი გაფიცვები და მოსამართლეთა კომპეტენცია

გამოაქვეყნა Giorgi_მ.
თარიღი: ნოემბერი 11, 2019.
საათი: 8:39pm 0 კომენტარი

      ნოემბრის ახალი კვირის დასაწყისი უქმეების და კულტურის განხილვით დაიწყო - ფილმი პრემიერა იმაზე უფრო ხმაური გამოდგა, ვიდრე ეს ფილმი თავად მოიფიქრებდა (ან იქნება, ამიტომაც გადაიღეს რომ ეხმაურა). დღის…

გაგრძელება

მარგალიტები სიდამპლეში

გამოაქვეყნა Tamila Moshiashvili_მ.
თარიღი: ნოემბერი 10, 2019.
საათი: 10:41pm 0 კომენტარი

      გუშინ მიკროსკოპული სამყაროს მშვენიერებაზე ვისაუბრეთ, ახლა კი სოკოს და ობმოდებულ ხილს შევეხოთ, რომელიც იმაზე მდიდრულად გამოიყუერბა, ვიდრე უბრალოდ დამპალი ხილი. დღევანდელი სკულპტურების ავტორი ქეთლინ…

გაგრძელება

მიკროსამყაროს სკულპტურა

გამოაქვეყნა Tamila Moshiashvili_მ.
თარიღი: ნოემბერი 9, 2019.
საათი: 11:20pm 0 კომენტარი

      ბუნება მრავალმხრივ მომხიბლელი და საინტერესო მოცემულობაა, რომელიც ჩვენს გარშემო, ჩვენგან დამოუკიდებლად არსებობს. თუმცა, ზოგჯერ შეუიარაღებელი თვალით, შეუძლებელია იმ უფრო დიდი სამყაროს ხილვა,…

გაგრძელება

საშვიდნოემბრო გახსენება, განათლება უმინისტროდ და ნატო უჩვენოდ

გამოაქვეყნა Giorgi_მ.
თარიღი: ნოემბერი 7, 2019.
საათი: 11:30pm 0 კომენტარი

      ნოემბრის ერთ-ერთ ტრადიციად ქცეული დღე - 7 ნოემბრის გახსენება და იმედში შეჭრის დღემდე დაუსრულებელი სასამართლოები - ცხადია ერთ-ერთი თემა დღეს ეს იყო. მთავარი თემა განათლებას და უმინისტროდ დარჩენილ…

გაგრძელება

Qwelly World

free counters