აგვისტოს მიწურულის ბოლო სამუშაო დღე საკმაოდ ღრუბლიანი, ავდრიანი და წვიმიანი გამოდგა. არა მარტო ამ კონტინენტზე, დედამიწის მეორე სამყაროშიც. ჩვენი ქვეყნის მთავარ პრობლემად სახელდებული ოკუპაცია ისევ აქტუალურია და ამჯერად კიდევ რამდენიმე სოფელში არის გაურკვევლობა და დაძაბულობა, დღის მეინსტრიმიც სრულად ამ თემას მიეძღვნა.

საქართველოს და მსოფლიოს ამბები / 30 აგვისტო, 2019

      საგუშაგოები ოსეთთან - ე.წ. სამხრეთ ოსეთის „პარლამენტი“ – საქართველოს მიერ რესპუბლიკის ტერიტორიაზე შეიარაღებული ფორმირებების შეყვანა შეუნიღბავი აგრესიის ფაქტს წარმოადგენს. გერმანიის საგარეო უწყების წარმომადგენელი ჩორჩანასთან არსებულ მდგომარეობაზე - მხარეებს დიალოგის გაგრძელებისკენ მოვუწოდებთ. დავით ზალკალიანი - პარტნიორები სრულად ინფორმირებული არიან და მათი მხრიდან ამოქმედებულია ყველა მექანიზმი, რათა ვითარებიდან მშვიდად გამოვიდეთ. ანრი ოხანაშვილი - რაიმე ულტიმატუმით საუბარი „სამხრეთ ოსეთის“ ე.წ. პარლამენტის მხრიდან სრულიად მიუღებელია, მათ განცხადებებს არანაირი ძალა არ გააჩნია. კახა ქემოკლიძის განცხადებით, დე ფაქტო წარმომადგენლებთან შეხვედრამ კონსტრუქციულად ჩაიარა და ვითარების დეესკალაციისთვის ნაბიჯებზე შეთანხმდნენ. ცენტრალური ხელისუფლების მიერ კონტროლირებად და წნელისის ტერიტორიაზე მცხოვრებლებს ვეტყვი, რომ შეშფოთების მიზეზი არ აქვთ. ჩვენმა კოლეგებმა ცხინვალიდან შეხვედრაზე დააფიქსირეს, რომ მათი განზრახვა ულტიმატუმის ენით საუბარი არ ყოფილა - ბლოკპოსტის დაშლის საკითხი დღეს არ განხილულა. სუს-ის წარმომადგენელი - შეხვედრის მონაწილეებს გავუზიარეთ პოზიცია პოლიციის საგუშაგოს მოწყობაზე, რაზეც ჩვენი პოზიციები დიამეტრალურად განსხვავებული რჩება. შს მინისტრის მოადგილე - საოკუპაციო ძალების წარმომადგენლებმა განმარტეს, რომ სიტყვა „ულტიმატუმი“ იყო არასწორი ინტერპრეტაცია ჟურნალისტების მხრიდან. „სამხრეთ ოსეთის“ КГБ - ჩორჩანას მცხოვრებთა პრობლემების მოგვარებით ქართველი სამართალდამცავები დაკავებულები უნდა იყვნენ ჩორჩანაში და არა სოფელ უისტას შემოგარენში. სოფელ წნელისთან პოლიციის ბლოკ-პოსტს ცხინვალის დე ფაქტო ხელისუფლებაც განათავსებს. მურატ ჯიოევი - ჩვენ ერთი მოთხოვნა გვაქვს: ქართული პოსტი, რომლის არსებობაც ძაბავს სიტუაციას, უნდა მოიხსნას - ქართული მხარე დათმობაზე ჯერ არ წამოვიდა. ევროკავშირის სადამკვირვებლო მისია ინციდენტების პრევენციისა და მათზე რეაგირების მექანიზმის ფარგლებში ჩაშლილ შეხვედრაზე - IPRM-ის 95-ე შეხვედრა, საქართველოში ევროკავშირის მონიტორინგის მისიის ხელმძღვანელის, ერიკ ჰოგისა და სამხრეთ კავკასიაში ეუთო-ს სპეციალური წარმომადგენლის, რუდოლფ მიჰალკას მონაწილებით ერგნეთში გაიმართა. „ბატონმა ჰოგმა 2019 წლის 18 ივლისის შემდეგ განვითარებული მოვლენები მიმოიხილა. მან ადმინისტრაციულ სასაზღვრო ხაზთან არსებული ვითარება განიხილა. მისი აზრით, ბოლო პერიოდში განვითარებულმა მოვლენებმა უსაფრთხოების მდგომარეობაზე უარყოფითად იმოქმედა, მათ შორის კი განსაკუთრებით მძიმე მდგომარეობა გუგუტიანთაკარსა და წნელისშია. მათი აზრით, დაძაბულობის განსამუხტად და კონფლიქტის გამო დაზარალებული მოსახლეობის პირობების გასაუმჯობესებლად აუცილებელია დიალოგის გაგრძელება. საგარეო საქმეთა სამინისტრო მიმართავს საერთაშორისო საზოგადოებას, სათანადო რეაგირება მოახდინოს საოკუპაციო ხაზზე განვითარებულ უკანონო მოვლენებზე და მიიღოს შესაბამისი ზომები მათ შესაჩერებლად. მერის წარმომადგენელი - სოფელ ჩორჩანაში ამ დროისთვის სიმშვიდეა - სიმართლე არ არის ინფორმაცია, თითქოს, ცხინვალის ე.წ. წარმომადგენლის ულტიმატუმის შემდეგ რამდენიმე ოჯახმა სოფელი დატოვა. საგარეო საქმეთა მინისტრის მოადგილის განცხადებით, ქართული პოსტის გაუქმების საკითხი არც კი განიხილება. ვანო მაჭავარიანი - მთავრობამ მტკიცე პოზიცია უნდა დაიცვას სოფელ ჩორჩანასთან არსებულ პოლიციის საგუშაგოსთან დაკავშირებით - უსაფრთხოების საბჭოს შეკრებაა საჭირო. შს მინისტრის მოადგილე - გამყოფ ხაზთან სიტუაცია სტაბილურია და კონტროლს ექვემდებარება. ხათუნა ლაგაზიძე - ევროკავშირის მისიის განცხადება უხერხემლო და არაფრისმომცემია - რუსეთს უნდა დაუფიქსირონ, რომ ძალისმიერი ქმედება იქნება აღქმული, როგორც რუსეთის მხრიდან საომარი მოქმედებების დაწყება. სოფო კილაძე - პრინციპულად არ შევასრულებთ რუსეთის უკანონო და უსამართლო მოთხოვნებს. მურატ ჯიოევის ინფორმაციით, საოკუპაციო ხაზთან შექმნილ ვითარებაზე დღეს „ტექნიკური შეხვედრა“ გაიმართება. ანრი ოხანაშვილი სოფელ ჩორჩანაში ვითარებაზე - ჩვენთვის ულტიმატუმის ენით საუბარი მიუღებელია - უსაფრთხოების სამსახურების მიერ დაწყებული საქმიანობა ბოლომდე უნდა მივიდეს. მამუკა არეშიძე - ვფიქრობ, ოსური მხარე შეეცდება მოაწყოს პროვოკაცია, როგორც ჩანს, გარკვეული დავალება აქვთ. ქეთევან ციხელაშვილი - ყველა ნაბიჯი, რომელიც ჩვენი მხრიდან იდგმება, მიმართულია სიტუაციის დეესკალაციისკენ. აშშ-ის სახელმწიფო დეპარტამენტი სოფელ ჩორჩანასთან არსებულ ვითარებაზე - მოვუწოდებთ ყველა მხარეს, თავიდან აიცილონ ესკალაცია.

      შემწყალებელი პრეზიდენტი და მისი დისკრეციული უფლებამოსილებანი - სალომე ზურაბიშვილი პოლიციელის მკვლელობაში მსჯავრდებულის შეწყალებაზე - რატომ შევიწყალე, ამას ნამდვილად არ გეტყვით, ეს პრეზიდენტის დისკრეციული უფლებაა. ანრი ოხანაშვილი - პოლიციელის მკვლელის შეწყალება, რომელსაც ნახევარი სასჯელიც არ აქვს მოხდილი, არ არის მისაღები. ლევან იოსელიანი პოლიციელის მკვლელობაში ბრალდებულის შეწყალებაზე - პრეზიდენტს უნდა ეყოს პასუხისმგებლობა, საკუთარი გადაწყვეტილების "სისწორე" აუხსნას საზოგადოებას.

      მამალაძეების საშიში საქმე - თორნიკე მამალაძე - ერთ-ერთ ეპისკოპოსთან მქონდა შეხვედრა, რომელიც დამემუქრა, რომ მომკლავდნენ თუ საუბარს დავიწყებდი.

      სიგიჟე - 3 წლის ბავშვის დაჭრაში ბრალდებულ თამარ საძაგლიშვილს პატიმრობა შეეფარდა.

      მეცნიერებას მოწადინებული თაობა - წელს სტუდენტი 28 740 აბიტურიენტი გახდა.

საზღვარგარეთულები:

      ტრამპი ამერიკა - დონალდ ტრამპი აცხადებს, რომ ფლორიდას ქარიშხალი „დორიანის“ სახით „მონსტრი“ უახლოვდება. მედიის ინფორმაციით, დონალდ ტრამპი უკრაინისთვის 250 მილიონ დოლარიანი სამხედრო დახმარების შეწყვეტას აპირებს.

      ბარტერი - უკრაინამ და რუსეთმა პატიმრები გაცვალეს, რომელთა შორის 24 უკრაინელი მეზღვაურიცაა.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 47

ტეგები: qwellynews, აგვისტო, ამბები, ბლოგი, ნიუსები, სიახლეები

Kakha: სექტემბერი 3, 2019||4:16pm

შემოდგომააა, მაგრამ პოლიტიკა რაღაც ვერ ლაგდება )) და ბევრი ლაგები აქვს ))

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

მელომანი დიასახლისის ალბომები

გამოაქვეყნა Tamila Moshiashvili_მ.
თარიღი: აგვისტო 9, 2020.
საათი: 11:38pm 1 კომენტარი

      კორონას ეპოქის შემოქმედება არ მგონია მსოფლიო კულტურის ისტორიასი ახალ რენესანსად შევიდეს, მაგრამ ეპიდემიების ისტორიაში ყველაზე არტისტულ ხანად ნამდვილად შევა. რამდენიმე კვირის წინ ალბომებზე დისტანციის დაცვა უკვე შევეხეთ - სოციალური დისტანცია ალბომებზე, ახლა კი ერთ საკარანტინე სასტუმროს ფოტოგრაფია უნდა შემოგთავაზოთ. ლონდონის ერთ გარეუბანში არის პატარა სასტუმრო, სიდმარ…

გაგრძელება

ქუჩების გამოცოცხლება - მთელი მსოფლიო ერთი სცენაა

გამოაქვეყნა Tamila Moshiashvili_მ.
თარიღი: აგვისტო 8, 2020.
საათი: 7:46pm 3 კომენტარი

      მთელი დედამიწა სცენაა - ასეთი სლოგანი გაეშურა ანა ულმანი (Anna Ulman) ესპანეთის ქუჩებში და მარბელას სანაპიროებზე მოცეკვვავეების გადასაღებად. ცხადია, მოცეკვავეებიც თან გაიყოლა, მაგრამ სანახაობა შთამბეჭდავი გამოვიდა. ცეკვა როგორც სულის გამოძახილი, ანდა სულის მოძრაობა, ერთ-ერთი ყველაზე უფრო სახასიათო და გამომსახველობითი ხელოვნებაა, სწორედ ამიტომ ცეკვამ ქალაქები გამოაცოცხლა. ანას ობიექტივი ძირითადად ბალერინებსა და ბალერონებს დაეთმო,…

გაგრძელება

მეთორმეტე წელი აგვისტოს ომიდან

გამოაქვეყნა Giorgi_მ.
თარიღი: აგვისტო 7, 2020.
საათი: 11:25pm 0 კომენტარი

      როგორც ტრადიციულად აგვისტოში ხდება - დღევანდელი დღე სრულად მიეძღვნა 2008 წლის ომს, გახსენებებს, ურთიერთ ბრალდებებს, ოკუპანტის ლანძღვას, მუქარას და თითის ქნევას, ევროპელების შეგულიანებასა და სიტყვიერ მხარდაჭერას.

საქართველოს და მსოფლიოს ამბები / 7 აგვისტო, 2020

      საკორონე ამბები - საქართველოში კორონავირუსის 7 ახალი შემთხვევა გამოვლინდა, 7-ით გაიზარდა გამოჯანმრთელებულთა რაოდენობაც. მარინა ეზუგბაიას…

გაგრძელება

პრემიერის ანონსები და დარიგებული ფულები, ბაჩალიაშვილის საქმე და არჩევნობანა

გამოაქვეყნა Giorgi_მ.
თარიღი: აგვისტო 6, 2020.
საათი: 11:00pm 0 კომენტარი

      პრემიერმა გადაწყვიტა ხალხს ფული დაურიგოს. ახლა 17 წლის ჩათვლით მოზარდები, ახალგაზრდები დაფინანსდებიან 200 ლარით, ამას გარდა სხვა სოციალური პაკეტებიც მუშავდება ფულის დასარიგებლად. თუმცა ეკონომიკური პროგნოზები ერთმნიშვნელოვნად მძიმეა - ზამთარსა და მომავალ წელს უარესი იქნებაო. ცხადია არჩევნები და კორონა ლიდერობენ და ბაჩალიაშვილის საქმე კვლავ მეინსტრიმულია. აგვისტოს ამბავი - ომიდან კიდევ ერთი წელი.

საქართველოს და მსოფლიოს ამბები / 6…

გაგრძელება

Qwelly World

free counters