დღეს, მართლმადიდებლურმა ეკლესიამ, საქართველოში, ხარების დღესასწაული იზეიმა (იხ. ხარების დღის შესახებ). ზეიმის პარალელურად კი კორონა ამბები კვლავ მეინსტრიმულია. რიცხვები საქართველოდან: დადასტურებული - 196, გამოჯანმრთელებული - 46, გარდაცვლილი- 3. ანალოგიური მონაცემები მთელი მსოფლიოსთვის: დადასტურებული- 1 410438, გამოჯანმრთელებული - 300740, გარდაცვლილი - 81015. დღის ამბები, ცხადია კორონას გარშემო ტრიალებდა - იკეტება ბაზრები და ველოდები სააღდგომო გადაწყვეტილებას. 1 დოლარი - 3.1748 ლარი ღირს.

საქართველოს და მსოფლიოს ამბები / 7 აპრილი, 2020

      თსსუ-ს პირველ საუნივერსიტეტო კლინიკაში კორონავირუსით ინფიცირებული 52 პაციენტიდან 6 პაციენტი რეანიმაციაში მკურნალობს. ბათუმში კორონავირუსით ინფიცირებული 70 წლის მამაკაცი კვლავ მართვით სუნთქვაზეა, 60 წლის ქალს კი ორმხრივი პნევმონია აქვს. ლევან რატიანი - ორსულების მდგომარეობა ყველაზე კარგია, ასევე ძალიან კარგია 13 წლის ბიჭის ჯანმრთელობის მდგომარეობა, რაც ჰქონდა, ის ჩივილებიც აღარ აქვს. 86 წლის ქალს მწვავე პნევმონია აქვს, თუმცა კლინიკაში შეყვანის შემდეგ მისი მდგომარეობა არ გართულებულა. ლევან გოფოძის განცხადებით, კლინიკაში მყოფი კორონავირუსით დაინფიცირებული პაციენტის მდგომარეობა სტაბილურია. ბათუმში, კლინიკა „მედინადან" 10-მდე მედიკოსი საკარანტინო სივრცეში გადაიყვანეს. ლევან რატიანის განცხადებით, მათ კლინიკაში კორონავირუსით დაინფიცირებული პაციენტებიდან 6 პირი კრიტიკული მედიცინის დეპარტამენტში იმყოფება.

      პრეზიდენტმა 9 მსჯავრდებული ქალი შეიწყალა.

      კორონა ოკუპაციაში - ოკუპირებულ აფხაზეთში კორონავირუსის პირველი შემთხვევა დაფიქსირდა. ქეთევან ციხელაშვილი - ჩვენი მზადყოფნა, რომ დავეხმაროთ აფხაზეთში მოსახლეობას, ძალაშია.

      მოლოდინები - ჯანდაცვის სამინისტროს წარმომადგენელი - საქართველოს დაახლოებით 10 000 კოვიდინფიცირებული პირის მართვის შესაძლებლობა აქვს.

      ემიგრაცია - ბელარუსსა და ლიეტუვაში საელჩოებმა საქართველოს მოქალაქეები დროებითი თავშესაფრით უზრუნველყვეს და ხელი შეუწყვეს მათ საქართველოში დაბრუნებას.

      ომბუდსმენი ამოქმედდა - სახალხო დამცველის აპარატი საკარანტინო სივრცეებში არსებული პირობების შესწავლას იწყებს.

      თბილისი ბაზრების გარეშე - დღეიდან თბილისში ყველა აგრარული ბაზარი იკეტება. ლევან დავითაშვილი - ქვეყნის მასშტაბით აგრარული ბაზრების ნაწილი გამონაკლისის სახით იფუნქციონირებს. აგრარული ბაზრების ფუნქციონირება დასაშვებია იმ შემთხვევაში, თუ ისინი გაითვალისწინებენ სურსათის ეროვნული სააგენტოს მიერ შემუშავებულ სტანდარტებს. შეიძლება ძალიან მკაცრად განვაცხადო, რომ პური არ უნდა გაძვირდეს! მიხეილ ხიდურელი - სააგენტოს „აწარმოე საქართველოში“ ორი მთავარი პრიორიტეტია ექსპორტის წახალისება და ადგილობრივი წარმოების განვითარება. ლევან დავითაშვილი ე.წ მობილურ ბაზრებზე - უსაფრთხოების ნორმების დაცვის შემთხვევაში, ღია სივრცეებში გამყიდველებსა და მყიდველებს შორის, შეიძლება, ასეთი კომუნიკაცია არსებობდეს. სურსათის სააგენტოს თანამშრომლებს აქვთ დავალება, რომ აგრარულ ბაზრებში პირობების დაცვა გააკონტროლონ. ლევან დავითაშვილის განცხადებით, მიმდინარე კვირაში სახელმწიფოს მიერ 9 ძირითადი პროდუქტის სუბსიდირების პროგრამაში, ბოლო მონაცემებით, 16-ზე მეტი კომპანიაა ჩართული. ლევან დავითაშვილი - შეიქმნა სპეციალური პლატფორმა, სადაც ფერმერებს შესაძლებლობა ეძლევათ, მოვაჭრეებს თავიანთი წარმოებული მალფუჭებადი სურსათი ბითუმად მიაწოდონ. აგრარული ბაზრების მოვაჭრეებს ყოველ დილით ტემპერატურას გაუზომავენ, მყიდველები კი ბაზრის ტერიტორიაზე პირბადისა და ხელთათმანის გარეშე არ დაიშვებიან.

      ინტერვიუები ეპიდემიოლოგ-ვირუსოლოგებთან - თენგიზ ცერცვაძის ინფორმაციით, კორონავირუსით დღეს გარდაცვლილი 86 წლის ქალის ორი შვილი ამ დრომდე ინფექციურ საავადმყოფოში მკურნალობს. საქართველოში ავადმყოფების მცირე რაოდენობა განაპირობა სახელმწიფო ვერტიკალის ძალიან გამართულმა, საათივით აწყობილმა მოქმედებამ. საქართველოში ტესტირება სწორი ალგორითმით მიმდინარეობს. სხვა ქვეყნებში ეპიდემიის შიდა გავრცელებას მოყვა ინფიცირებულების რაოდენობის ძალიან სწრაფი ზრდა, საქართველოში კი შიდა გავრცელების დაწყებიდან, დღეში 20 შემთხვევაზე მეტი არ ყოფილა. საქართველოს არ აქვს საკმარისი რაოდენობით დამცავი საშუალებები, ტესტ-სისტემები და ნატოსგან თუ ევროკავშირისგან მიღებული დახმარება, მნიშვნელოვანია. კორონავირუსზე ტესტირების კრიტერიუმის ახალი ალგორითმი ეს-ესაა შედის ძალაში და ყველანი ნახავთ ამ ალგორითმის სიკეთეს. საქართველოს ინფექციის გავრცელებით 109-ე ადგილი უკავია და ჩვენ უკან არიან მხოლოდ ის სახელმწიფოები, სადაც ვირუსის დიაგნოსტიკა ხდება თუ არა, ესეც არ ვიცით. ჩემი ვარაუდით, ინფიცირებულთა საერთო რაოდენობა 1000-სა და 2000-ის ფარგლებში იქნება, დაახლოებით, თვენახევრის შემდეგ, ეპიდემია წავა ქვემოთ. ამირან გამყრელიძე - კორონავირუსით ხელმეორედ დაინფიცირების რისკი არსებობს, მაგრამ მაღალი არა. მეცნიერთა უმრავლესობა ემხრობა აზრს, რომ კორონავირუსმა თბილ სეზონზე უკან უნდა დაიხიოს, თუმცა არსებობს მოსაზრება, რომ სიცივეში თავს შეგვახსენებს. ვპროგნოზირებთ, რომ ამ კვირის ბოლოს იქნება კორონავირუსით ინფიცირების 350-დან 400-მდე შემთხვევა. ბევრგან მსუბუქ შემთხვევებს სახლში მკურნალობენ, მაგრამ სანამ კლინიკებში საწოლები გვაქვს, ვარჩევთ შემთხვევების მართვა ჰოსპიტალურად მოხდეს.

      შსს-მ საგანგებო მდგომარეობის რეჟიმის დარღვევის 167 ფაქტი გამოავლინა.

      კორონა ეკლესიიდან - მეუფე ნიკოლოზი - ჩვენც ვსწავლობთ თანდათანობით ამ რთულ ვითარებაში როგორ მოვახერხოთ ის, რომ არც მრწამსს ვუღალატოთ და არც წესრიგი დავარღვიოთ. არქიმანდრიტი იოანე - წმინდა ცეცხლი აუცილებლად ჩამობრძანდება - რადგან გაცხადდა, რომ ჩამობრძანდება, ფორმაც მოიძებნება აუცილებლად. საქართველოს კათოლიკოს-პატრიარქი დღეს სამების საკათედრო ტაძარში ხარების საზეიმო წირვას არ დაესწრო - პატრიარქის ექიმი განმარტავს - ყველაფერი ნორმალურად არის, უბრალოდ გვინდოდა, რომ წნევის შემდეგ განეტვირთა თავი. მეუფე შიო - გავიხსენოთ ჩვენი განსაცდელები, თუ რაოდენ მსუბუქია ის, ვიდრე ღვთისმშობელს ჰქონდა და ვეცადოთ, შევუდგეთ ღვთისმშობელს და მის ღვთაებრივ ძეს. მეუფე ნიკოლოზი - ჩვენ მაქსიმალურად ვცდილობდით, რომ ჩვენი მრევლი ყოფილიყო განათლებული, აღზრდილი და მორწმუნე, ერთი სიტყვით თავისუფალი, თავისუფალ ადამიანს ვერაფრისკენ ვერ მოუწოდებ. ფოთისა და ხობის მიტროპოლიტი - სააღდგომო მსახურება ჩატარდება ღია ცის ქვეშ - სივრცე საკმაოდაა, სადაც ხალხი შეძლებს დასწრებას, რა თქმა უნდა, თუ საგანგებო რეჟიმი მათ მისცემს ამის საშუალებას. ნუ მოვთხოვთ პატრიარქს იმაზე მეტს, ვიდრე მის ფიზიკურ მდგომარეობას შეეფერება. თემქაზე, ზღვის უბანში მდებარე ერთ-ერთი ეკლესიის სტიქაროსანს კორონავირუსი დაუდასტურდა. ეკლესიის მოძღვარი - სტიქაროსნის დაინფიცირების წყარო არა ეკლესია, არამედ ოჯახი გახდა - მას შემდეგ, რაც სტიქაროსნის ბაბუას კორონავირუსი დაუდასტურდა, იგი ჩვენთან მსახურებაზე აღარ დამდგარა. პატრიარქი - უნდა გვახსოვდეს, რომ ყველაფერს ვერ ახსნის ადამიანი, მაგრამ ისიც უნდა გვახსოვდეს, რომ ღმერთი მოწყალეა, ყველაფერი სიმძიმე გადაივლის და მშვიდობა დაისადგურებს. დეკანოზი შალვა კეკელია - ველოდებით, რას გადაწყვეტს ჩვენი უწმინდესი, მასზე ვართ დამოკიდებული.

საზღვარგარეთულები:

      #WorldWideCovid19 - „გადავარჩინოთ ბავშვები“ - 1.5 მილიარდი ბავშვი სკოლაში არ დადის, რამაც შესაძლოა, მათი იძულებითი შრომა ან ნაადრევი ქორწინება გამოიწვიოს. სომხეთში კორონავირუსით ინფიცირებულთა რაოდენობა 853-მდე გაიზარდა. ნიკოლ ფაშინიანმა იმ შეცდომებზე ისაუბრა, რომელიც მისმა მთავრობამ კორონავირუსთან ბრძოლის პერიოდში დაუშვა. რუსეთში, ერთი დღე-ღამის მანძილზე, კორონავირუსის 1154 შემთხვევა დაფიქსირდა. ბრიტანეთის მთავრობის ინფორმაციით, ბორის ჯონსონი ხელოვნური სუნთქვის აპარატზე შეერთებული არაა და მას ჟანგბადი მიეწოდება. საფრანგეთში ბოლო დღე-ღამის მანძილზე კორონავირუსით 1417 ადამიანი დაიღუპა. ჯანდაცვის მსოფლიო ორგანიზაცია - ქვეყნების მიერ შეზღუდვების ნაადრევად მოხსნა იგივეა, ავადმყოფი საწოლიდან წამოდგეს და სირბილი დაიწყოს. ბრიტანეთის პრემიერის პრესსპიკერის ინფორმაციით, ბორის ჯონსონს პნევმონია არ აქვს, თუმცა ინტენსიური თერაპიის განყოფილებაში რჩება. ვლადიმერ პუტინი ბორის ჯონსონს - დარწმუნებული ვარ, ოპტიმიზმი და იუმორის გრძნობა დაგეხმარებათ დაავადება დაამარცხოთ. ალექსანდრე ლუკაშენკო აცხადებს, რომ საჭიროების შემთხვევაში მზად არის, კორონავირუსით ინფიცირებულებს უმკურნალოს.

      რუსეთის კოსმოსური სააგენტო დონალდ ტრამპს პლანეტების მიტაცების მცდელობაში ადანაშაულებს

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 59

ტეგები: qwellynews, ამბები, აპრილი, ბლოგი, ნიუსები, სიახლეები

Kakha: აპრილი 7, 2020||11:26pm

რუსეთს ასეთი რჩევა დაეხმარება: Less vodka bro ) 

ლაშა: აპრილი 7, 2020||11:28pm

რამდენას მართებულია, ღმერთზე თქვა ღვთაებრივი? 

Kakha: აპრილი 7, 2020||11:33pm

ვფიქრობ ამ კონტექსტში სიტყვა "ღვთაებრივი" გამოყენებული იყო, დიდებულების გამოსახატავად და არა მისი არსის ან რამე, დოგმატური მხრიდან დაენახებინა )

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

სასამართლო, პარლამენტი და განათლების სისტემური მომავალი

გამოაქვეყნა Giorgi_მ.
თარიღი: დეკემბერი 1, 2021.
საათი: 11:40pm 0 კომენტარი

      ეს ზამთარიც მოვიდა და არც ისე ცივი პირველი დღე გვქონდა. ნიუსებში მთავარი იყო კოვიდ საქართველო, განათლების მინისტრი პარლამენტში და მისი ვრცელი გამოსვლა თავისი კომენტარებით, ცხადია აქტუალურია მიშა, სასამართლო ბედი და პარლამენტის დაკომპლექტების კანონებიც. დოლარის ღირებულება - 3.1279 ლარია.

საქართველოს და მსოფლიოს ამბები | 1 დეკემბერი, 2021

qwellynews, სიახლეები, ნიუსები, ამბები, დეკემბერი

     …

გაგრძელება

ასოცირებული შეხვედრები და ბარიერები მომავალი არჩევნებისთვის

გამოაქვეყნა Giorgi_მ.
თარიღი: ნოემბერი 30, 2021.
საათი: 11:00pm 1 კომენტარი

      ხვალ ბევრი ჯარიმა დაიწერება ალბათ, რადგან მწვანე პასპორტები იწყებს ამოქმედებას. რაც შეეხება დღევანდელ დღეს - შემოდგომაც მიიწურა და ხვალიდან ზამთრის სიცივეებს შევეგებებით. ქვეყნის შიგნით მიშა კვლავ აქტუალურია, ქვეყნის გარეთ კი პრემიერი ღარიბაშვილი და მისი „ასოცირებული“ შეხვედრები. ასევე 2024-ის არჩევნების ბარიერები და სხვა. დოლარის ღირებულება - 3.1179 ლარია.

საქართველოს და მსოფლიოს ამბები…

გაგრძელება

სამი გზა - კლასიკა გამარჯვებისკენ

გამოაქვეყნა Selena_მ.
თარიღი: ნოემბერი 30, 2021.
საათი: 6:30am 0 კომენტარი

Final Fantasy XIV players have many things to do in the game, such as completing a wonderful storyline, participating in PvP and so on. At the same time, they also have a decent quality of life, and this requires players to have some FFXIV Gil to embark on a journey in this fantastic land. FFXIV Gil is the currency in Final Fantasy XIV. Just like the British Pound or Japanese Yen, FFXIV Gil is the basis for all legal transactions in Final Fantasy XIV.

FFXIV Gil has too many functions,…

გაგრძელება

ომიკრონი მსოფლიოში, სააკაშვილი საქართველოში და აზარტის მართვა

გამოაქვეყნა Giorgi_მ.
თარიღი: ნოემბერი 29, 2021.
საათი: 10:30pm 0 კომენტარი

      ბერძნული ანბანის სიდიადე ვირუსსმა გაისიგრძეგანა - მსოფლიო კოვიდვირუსის ახალმა შტამმა დაზაფრა - ომიკრონი. ჩვენთან კი მიხეილ სააკაშვილის პროცესს უფრო დიდი გამოხმაურება აქვს, ვიდრე სხვა ყველაფერ დანარჩენს. დღეს სასამართლოს დამნაშავე პრეზიდენტიც დაესწრო და სიტყვით მიმართა მოსახლეობას. დღე სულ მას მიეძღვნა და ასევე აზარტული თამაშების აკრზალვას. რაც შეეხება მოახლოებულ ზამთარს - საქართველოში 2 დეკემბრამდე წვიმაა მოსალოდნელი. დოლარის ღირებულება -…

გაგრძელება

Qwelly World

free counters