UNICEF-ის შეფასებები სოციალურ პროგრამებზე, ნორმალიზება რუსეთთან, არჩევნები და ფეხბურთელის საქმის სასამართლოები

      აგვისტო უჩვეულოდ გრილი და წვიმიანი გამოდგა. დღის წვიმიან ამბებს შორის გამორჩეულის სვანეთის შემთხვევა - პანდემიისგან ჩაკეტილი სვანეთი, ახლა მდინარემ ჩაკეტა და ლენტეხის ოთხი სოფელი მოსწყვიტა დანარჩენ საქართველოს. დღის მთავარია ამბავი გახმაურებული სასამართლოც იყო, ამჯერად შაქარაშვილის საქმის. ასევე მოახლოებული არჩევნები და მისი დამკვირვებლების რაოდენობა, UNICEF-ის კვლევის შედეგები და რუსეთთან ურთიერთობის ნორმალიზების კრიტერიუმები.

საქართველოს და მსოფლიოს ამბები / 21 აგვისტო, 2020

      მარინა ეზუგბაიას განცხადებით, კორონავირუსით ინფიცირებული 15 პაციენტიდან 2 ინფიცირებულის წყარო უცნობია. მარინა ეზუგბაიას განმარტებით, ინფექციურმა საავადმყოფომ კოვიდ და აივ/შიდსით ინფიცირებული მხოლოდ სტაციონარული პაციენტების მიღება შეაჩერა, ამბულატორიული მომსახურების გაწევას კი აგრძელებს. ქობულეთში, ერთ-ერთი სასტუმროს მეპატრონეს კორონავირუსი დაუდგინდა.

      ნორმალიზება რუსეთთან - სერგი კაპანაძე - სერგეი ლავროვის განცხადება ნიშნავს, რომ ვაღიაროთ აფხაზეთი და „სამხრეთ ოსეთი“. პარლამენტის თავმჯდომარე ლავროვის განცხადებაზე - საქართველო თავისი ეროვნული ინტერესების ხარჯზე არავითარ დათმობას არ აპირებს. მამუკა მდინარაძე - ვიდრე საქართველოს ოკუპაცია გრძელდება, რუსეთთან ვერანაირი დიპლომატიური ურთიერთობების ნორმალიზებაზე საუბარი ვერ იქნება. თეონა აქუბარდია - რუსეთი დღესაც აგრძელებს საქართველოს ტერიტორიების მცოცავ ოკუპაციას, იტაცებს მშვიდობიან მოქალაქეებს. კელი დეგნანი - ნორმალიზების გზა არის, რომ რუსეთმა საქართველოსთან ფრენებზე დაწესებული შეზღუდვა უნდა მოხსნას. რუსეთის საგარეო საქმეთა მინისტრმა სერგეი ლავროვმა იმედი გამოთქვა, რომ საქართველოსა და რუსეთს შორის პანდემიის გამო შეწყვეტილი პოლიტიკური დიალოგი კარასინ-აბაშიძის ფორმატში მალე აღდგება.

      სტიქიით მოწყვეტილი სვანეთი - ძლიერი წვიმის შედეგად მდინარე ლასკადურა ადიდდა. ლენტეხის მუნიციპალიტეტში 4 სოფელი გარესამყაროს მოწყდა. გოჩა ენუქიძე - ამინდის დასტაბილურებასთან ერთად ლენტეხის მუნიციპალიტეტში დაიწყება სწრაფი და კოორდინირებული მუშაობა ეფექტიანი შედეგების მისაღებად. ლენტეხის მუნიციპალიტეტში შესაძლოა ადგილობრივების ევაკუაცია გახდეს საჭირო. რაჭა-ლეჩხუმ-სვანეთის სამხარეო ადმინისტრაცია ლენტეხის სტიქიასთან დაკავშირებით ინფორმაციას ავრცელებს.

      დასაკვირვებელი არჩევნები 2020 - “ევროპული საქართველოს“ ინფორმაციით, მთავრობა არჩევნებზე საერთაშორისო დამკვირვებლების შეზღუდული რაოდენობით მოწვევას გეგმავს. არჩილ თალაკვაძე - ვმუშაობთ, რომ რაც შეიძლება მეტი დამკვირვებელი უსაფრთხოდ ჩამოვიდეს ქვეყანაში. გიორგი ვაშაძე - თუ ახლა უმძიმესი კრიზისის დროს შესაძლებელი იყო ფინანსების გამოყოფა ონკოლოგიური პაციენტებისთვის, რატომ არ გაკეთდა ეს აქამდე? რამდენ სიცოცხლეს გადავარჩენდით?! კელი დეგნანი - მნიშვნელოვანია, რომ პარლამენტი უფრო პლურალური იყოს, უფრო მეტი პარტია იყოს წარმოდგენილი. გიორგი ვაშაძე - ნათქვამია, განგება ვინმეს ჩამოშორებას რომ გადაწყვეტს, ჯერ ჭკუას გამოაცლისო - არ მინდა, ეს გამოთქმა გამართლდეს ზოგიერთი ჩემი კოლეგის მიმართ. კახა კალაძე - ჩვენ გავისტუმრეთ ხელისუფლება, რომელიც ყველაფერს აკეთებდა, რომ სიტყვის თავისუფლება შეეზღუდა. მამუკა მდინარაძე - ნაცვლად იმისა, რომ ჩვენი ძვირფასი ოპიზიცია საუბრობდეს მათ გეგმებზე, „საოცარ“ კამპანიას აწარმოებენ. გოგი მეშველიანი - არჩევნებში ღირსეულად გავიმარჯვებთ და ბევრ სასიკეთო საქმეს გავაკეთებთ როგორც თეთრიწყაროსთვის, ისე ჩვენი ქვეყნისთვის. სერგო ჩიხლაძე - ჩვენმა ძალისხმევამ შედეგი გამოიღო, ონკოლოგიური პაციენტების მკურნალობა დაფინანსდება, მაგრამ ეს საკმარისი არაა, მკაცრად გავაკონტროლებთ ამ პროცესს.

      მსოფლიო ორგანიზაციის კვლევა - UNICEF-ის კვლევის თანახმად, საქართველოს მთავრობის ანტიკრიზისული ფულადი დახმარება მნიშვნელოვნად უწყობს ხელს სიღარიბის დაძლევას. ეფექტურია დახმარება უმუშევრად დარჩენილი, რეგულარულ ხელფასზე მომუშავე პირებისათვის. 17 წლის ჩათვლით ასაკის ბავშვებისათვის საყოველთაო ფულადი დახმარება ყველაზე ეფექტური მოდელია მოსახლეობისა და ბავშვების სიღარიბის დასაძლევად. გაეროს ბავშვთა ფონდის წარმომადგენელი - მთავრობას ვურჩევთ, გააფართოვოს მიზნობრივი სოციალური დახმარება, რათა დარწმუნდეს, რომ დახმარება ყველა ღარიბ ოჯახს მოიცავს. არჩილ თალაკვაძე - ოპონენტების კრიტიკის მიუხედავად, გაერო-ს კვლევამ დაადასტურა, რომ სოციალური დახმარებები ადამიანებზეა ორიენტირებული. ნათია თურნავა - UNICEF-ის დასკვნა კიდევ ერთი დასტურია, რომ სწორი მიმართულებით ვახორციელებთ სოციალურ და ეკონომიკურ პოლიტიკას. დიმიტრი ხუნდაძე - UNICEF-ის მიერ რეკომენდირებული 50-ლარიანი დახმარების ნაცვლად, ჩვენ 200-ლარიანი დახმარება შემოვიტანეთ.

      Microsoft-ი - საქართველოს განათლების სამინისტრო ციფრულ სწავლებას რეალობად აქცევს.

      გახმაურებული სასამართლო - არასრულწლოვან ნ.ქ.-ს ადვოკატი - იმედი გვაქვს, მოწმეები მისცემენ ობიექტურ ჩვენებას. ადვოკატის განცხადებით, შაქარაშვილის საქმეზე ბრალდებული არასრულწლოვანი ზ.ხ სასამართლოზე შეუძლოდ გახდა, რის გამოც სასწრაფო დახმარების გამოძახება გახდა საჭირო. შაქარაშვილის საქმეზე დაკავებულის ადვოკატის განცხადებით, N8 დაწესებულებაში შესვლის და არასრულწლოვნებთან გასაუბრების უფლებას არ აძლევენ. შაქარაშვილის გარდაცვალების საქმეზე ბრალდებულის ადვოკატი - ადვოკატების დისკრედიტაცია შეგნებულად მიმდინარეობს, ჩვენი უფლებებით ვერ ვსარგებლობთ. არასრულწლოვან ზ.ხ.-ს მამამ, თამაზ ხომასურიძემ შიმშილობა შეწყვიტა. გიორგი გელხაური - არასრულწლოვან ზ.ხ-ს ჯანმრთელობის მდგომარეობა დამძიმდა, მან სასამართლო პროცესი დატოვა და მეც იგივე მთხოვა. შაქარაშვილის გარდაცვალების საქმეში ბრალდებული არასრულწლოვნების პროცესი გადაიდო. ადვოკატი - არასრულწლოვანი ლ.შ შიმშილს აგრძელებს, რთულია, როდესაც მშრალ შიმშილობას აცხადებენ არასრულწლოვნები. პროკურორი - არსებობს შთაბეჭდილება, რომ ზ.ხ.-ს მხრიდან პროცესის ხელოვნურად გაჭიანურება ხდება, რის გამოც მას საზოგადოებრივი ადვოკატი დაენიშნა.

      სწავლა - ეკატერინე დგებუაძემ ახალი სასწავლო წლის დაწყებასთან დაკავშირებით თბილისის სკოლების დირექტორებთან სამუშაო შეხვედრა გამართა.

      ბაჩალიაშვილის საქმე - მედიაში გავრცელებული ექსპერტიზის დასკვნით, თამარ ბაჩალიაშვილის სხეულში 4 სახის მედიკამენტი ფიქსირდება, საიდანაც 1 ქართულ ბაზარზე არ იყიდება. მიხეილ რამიშვილი - თამარ ბაჩალიაშვილის ორგანიზმში არ არის არანაირი ალკოჰოლის, ნარკოტიკის, ფსიქოტროპული, ტოქსიკური ან სხვა ნივთიერების კვალი.

      ხაზარაძის წერილები - პროკურატურა მამუკა ხაზარაძის მიმართ ე.წ. მუქარის წერილზე - ექსპერტიზის დასკვნის თანახმად, წერილზე არსებული თითის ანაბეჭდები არ ეკუთვნის გიორგი გახარიას. ანა ნაცვლიშვილი „მუქარის წერილთან“ დაკავშირებით პროკურატურის განცხადებაზე - უბადრუკი მცდელობაა, არჩევნებამდე 2 თვით ადრე გიორგი გახარია როგორმე „გაათეთრონ“.

საზღვარგარეთულები:

      #WorldCorona2020 - სომხეთში კორონავირუსის 158 ახალი შემთხვევა გამოვლინდა, 6 ადამიანი გარდაიცვალა. რუსეთში კორონავირუსის 4 870 ახალი შემთხვევა გამოვლინდა და 90 ადამიანი გარდაიცვალა.

      ტაძრები მეჩეთებად - აია სოფიას შემდეგ, თურქეთის ხელისუფლება კიდევ ერთი ტაძრის მეჩეთად გადაკეთებას აპირებს.

      ბელარუსი - სვეტლანა ტიხანოვსკაია საწარმოების თანამშრომლებს - გააგრძელეთ და გააფართოვეთ გაფიცვები. ბელარუსის არმია ფართომასშტაბიან სამხედრო წვრთნებს გამართავს. ალექსანდრე ლუკაშენკო - რუსეთს ჩვენი დაკარგვის ეშინოდა, დასავლეთს რუსეთის წინააღმდეგ ჩვენი ჩაბმა სურდა.

      მდიდარი ზღვა - რეჯეფ თაიფ ერდოღანი ადასტურებს, რომ თურქეთმა შავ ზღვაში ბუნებრივი აირის დიდი მარაგი აღმოაჩინა.

      ნავალნის მოწამვლა - დონალდ ტრამპი - ვაშინგტონი ალექსეი ნავალნის ირგვლივ განვითარებულ მოვლენებს თვალს ადევნებს. ალექსეი ნავალნის პირველადი დიაგნოზი ნივთიერებათა ცვლის დარღვევაა, რამაც სისხლში შაქრის მკვეთრი ვარდნა გამოიწვია. თვითმფრინავი, რომლითაც ალექსეი ნავალნი გერმანიაში სამკურნალოდ უნდა გადაეყვანათ, ომსკში დაეშვა. ზურაბ ბატიაშვილი - მოსკოვში ბელარუსის სცენარის რუსეთში გამეორების საფრთხე დაინახეს და შესაძლოა, ალექსეი ნავალნის შემთხვევა ამას უკავშირდებოდეს. კახა გოგოლაშვილი - ძაღლს რომ გამოაბამენ საბელს და რამხელაზეც უნდათ, ისე მიუშვებენ - აი, ასე ჰყავს ხალხი პუტინს დაჭერილი და ალექსეი ნავალნი ნამდვილად უქმნის საფრთხეს. ექიმი - ჩვენ არ მივიჩნევთ, რომ ალექსეი ნავალნი მოწამლულია. პოლონეთის პრემიერი - შეშფოთებული ვარ ნავალნის მოწამვლის შესახებ გავრცელებული ინფორმაციით და რუსეთიდან მის ტრანსპორტირებაზე უარის თქმით. ნავალნის პრესსპიკერი - გერმანელი ექიმები აცხადებენ, რომ ალექსეი ნავალნის ტრანსპორტირება შესაძლებელია. რუსი ექიმები ალექსეი ნავალნის გერმანიაში სამკურნალოდ გადაყვანას დათანხმდნენ.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 53

ტეგები: qwellynews, აგვისტო, ამბები, ბლოგი, ნიუსები, სიახლეები

Kakha: აგვისტო 22, 2020||8:00am
  • რა ხალხია რა, ჯერ 5 კაცი ცემით კლავენ, მერე გული მისდით როცა იგივეს სასამართლოზე უმტკიცდებათ, თუ ასეთი მშიშარა ხარ, შუაღამეს ნუ გახვალ სახლიდან ნურავის მოსაკლავად, და გულიც აღარ გაგეპარება არსად ) 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

კანონიერების გამოკვლევა, დაპირისპირება დმანისში და ბერობიდან განყენება

გამოაქვეყნა Giorgi_მ.
თარიღი: სექტემბერი 21, 2021.
საათი: 11:16pm 0 კომენტარი

      უპირველესად გილოცავთ ღმრთისმშობლის შობას. დღის მთავარი პოლიტიკური ამბები კი უკავშირდება საარჩევნო დებატებს. დღეს მეინსტრიმში იყო ასევე სისხლიანი ბანერები, დმანისში არეულობა, ფარული ჩანაწერების კანონიერება თუ უკანონობა, მგზავრობა თბილისში და სივერაგე ოკუპაციაში. ვალუტის კურსი - 1 აშშ დოლარი - 3.1163 ლარია.

საქართველოს და მსოფლიოს ამბები | 21 სექტემბერი, 2021…

qwellynews, სიახლეები, ნიუსები, ამბები, სექტემბერი

გაგრძელება

ბილბორდების ბედი, საიას სარჩელი და ფარული საქმის კომისია

გამოაქვეყნა Giorgi_მ.
თარიღი: სექტემბერი 20, 2021.
საათი: 11:00pm 0 კომენტარი

      სანამ არჩევნები არ ჩატარდება, მოგვიწევს ასეთი ამბები ავიტანოთ - ჩანაწერები და მიყურადებები, კომპრომანტების გამოქვეყნება და მერე მათზე კომენტარები, ახალი გამოძიებები და ასე წრეზე სიარული. დღეს ბილბორდების თემაც აქტუალური იყო - ე.წ. სისხლიანი ბილბორდები. ასევე მეგის ქარდავა და საიას სარჩელი. ვალუტის კურსი - 1 აშშ დოლარი - 3.1099 ლარია.

საქართველოს და მსოფლიოს ამბები | 20 სექტემბერი,…

გაგრძელება

თითებზე ასხმული ქალაქები

გამოაქვეყნა Tamila Moshiashvili_მ.
თარიღი: სექტემბერი 19, 2021.
საათი: 10:24pm 1 კომენტარი

      დიდი ხანია ოქრომჭედელი არ ყოფილა ჩვენი ბლოგის სტუმარი. დღეს ოლა შეხტმანი (Ola Shekhtman) უნდა გავიცნოთ. ოლას უყვარს მოგზაურობა და მოგზაურობისას, ამა თუ იმ ქალაქის სუვენირების შეგროვება. ერთხელაც გადაწყვიტა რომ თავად შეექმნა მუდმივი თანამგზავრი სუვენირი. ქალაქში ჩასვლისას, ოლა ფართო პეიზაჟებს აკვირდება, სწავლობს, ხატავს და ერთ სიბრტყეზე გადააქვს. შემდეგ იწყება ყველაზე რთული. თითოეული მისი ბეჭედი ხელით არის დამუშავებული, დახერხილი,…

გაგრძელება

ექსტრადირების ამბავი, კოკაინი და მიყურადება

გამოაქვეყნა Giorgi_მ.
თარიღი: სექტემბერი 17, 2021.
საათი: 11:00pm 1 კომენტარი

      ნელ-ნელა იწყება კოვიდის მეხუთე ტალღაზე საუბარი და შესამზადებლად ვაქცინაციის წახალისება. დღის მთავარ ამბებში კვლავ საარჩევნო „სისუფთავეა“, ასევე ფარული ჩანაწერები ნელ-ნელა გამომზეურება მტყუან-მართლის გარკვევის პარალელურად. მეგის ქარდავას ექსტრადაცია განხორცილდება. ვალუტის კურსი - 1 აშშ დოლარი - 3.1129 ლარია.

საქართველოს და მსოფლიოს ამბები | 17 სექტემბერი, 2021…

qwellynews, სიახლეები, ნიუსები, ამბები, სექტემბერი

გაგრძელება

Qwelly World

free counters