ინიციატორი რესპუბლიკელები, მერია, მელაშვილი და უგირავნო მელია

      შპრიცები უკვე აქ არიან, ახლა ვაქცინებს ელოდებიან. რესპუბლიკელებმა ცოტა ხნით შევიდეთ პარლამენტშიო - გამოსაძიებლადო და მერე წამოვიდეთო. მელიამ გირაოს არ გადავიხდიო და კალაძემ სპორტის სასახლეთან ურბანული გენოციდი მიდისო. კორონავირუსის სტატისტიკა ასეთია - დადასტურებული შემთხვევა - 263601, ბოლო დღე-ღამეში - 544; გამოჯანმრთელებული - 255385, ბოლო დღე-ღამეში - 469; გარდაცვლილი - 3311, ბოლო დღე-ღამეში - 5; კარანტინის რეჟიმში - 430. დოლარის ფასი ლარში - 3.3112.

საქართველოს და მსოფლიოს ამბები | 10 თებერვალი, 2021

qwellynews, სიახლეები, ნიუსები, ამბები

      #კოვიდსაქართველო - საქართველოში კორონავირუსით ინფიცირების 544 ახალი შემთხვევა გამოვლინდა, ქვეყანაში ბოლო 24 საათში 18 244 ტესტი ჩატარდა. 5 ადამიანი გარდაიცვალა. პოლიციამ ბოლო 24 საათში კორონავირუსის გამო დაწესებული რეგულაციების დარღვევის 687 ფაქტი გამოავლინა. კახა კალაძის განცხადებით, ტრანსპორტში პირბადის გარეშე ასვლის მცდელობის 524 ფაქტი გამოვლინდა, 3 790 მგზავრს გაფრთხილება მიეცა, ერთ შემთხვევაში პოლიციის გამოძახებაც გახდა საჭირო. თამარ გაბუნია - ყველა ვთანხმდებით, რომ ვაქცინების მობილიზებაა საჭირო, ევროკავშირის ქვეყნები, პირდაპირ მწარმოებლები და „კოვაქსი“ 3 მიმართულებაა, რომელიც ჩვენთვის სამუშაო არეალია. ჯანდაცვის სამინისტრო - ვაქცინაციისთვის 50 000 შპრიცი უკვე საქართველოშია.

      ევროკავშირობის პრობლემები - გრიგოლ გეგელია - თუკი „ოცნებას“ სურს 2024 წელს ევროკავშირში გაწევრიანების თაობაზე განაცხადის შეტანა, მას მოუწევს არაუგვიანეს 2022 წლისა რიგგარეშე არჩევნები ჩაატაროს. სერგი კაპანაძე - ევროკავშირის მოხსენებაში კარგად ჩანს, რომ ჩვენი ევროპელი პარტნიორები ზუსტად აცნობიერებენ იმას, თუ რა არის გამოსავალი არსებული პოლიტიკური კრიზისიდან. მამუკა ხაზარაძე - „ოცნება“ არ დადის დებატებზე - ვინ მიგვიღებს ევროკავშირში თუ ერთმანეთს ტელევიზიაშიც არ ვესაუბრებით?!

      ცოტა ხნით გაპარლამენტარება - რესპუბლიკური ინიციატივა - დავით მათიკაშვილის შეფასებით, „ევროპული საქართველოს“ პოზიცია საგამოძიებო კომისიასთან დაკავშირებით, კიდევ ერთი ნიშანია, რომ ამ პარტიას „ყველა პროცესში ნეგატიური და დესტრუქციული როლი გააჩნია“. ლევან იოსელიანი - ვისაც რაიმე მტკიცებულება აქვს არჩევნების გაყალბებაზე, კომისიაზე წარმოადგინოს, მათთან ერთად ვიბრძოლებ, რომ ეს გაყალბება დავამტკიცო. ირაკლი ქადაგიშვილი - ის განცხადებები, რასაც ოპოზიცია აკეთებს გაყალბებული არჩევნების გარშემო, კიდევ ერთხელ გვაჩვენებს, რომ მათი ყველა მტკიცება და განცხადება ყალბია. ნიკოლოზ სამხარაძე - თუ ოპოზიციის წარმომადგენლებს დეპუტატობა არ უნდათ, ხელახლა დაწერონ განცხადებები და თვითონ მიაჭირონ მწვანე ღილაკს ხელი - ჩვენ კვლავ შევიკავებთ თავს და ამდენი იწილო-ბიწილოც დამთავრდება. ოპოზიციას არჩევნების გაყალბების დამადასტურებელი რაიმე მტკიცებულება რომ ჰქონდეს, მთელი მსოფლიოსთვის ექნება წარდგენილი. ანრი ოხანაშვილი - კომისიაში გამოკითხვაზე მოსვლა მათ ნებაზე არაა დამოკიდებული - თუ არჩევნების გაყალბების დამადასტურებელი ფაქტები აქვთ, დადონ. საბა ბუაძე - ხათუნა სამნიძის განცხადებას „ლელო“ ერთმნიშვნელოვნად არ ეთანხმება - საპარლამენტო საქმიანობაში ნებისმიერი ფორმით მონაწილეობა, ბოიკოტიდან გასვლას ნიშნავს. ვახტანგ კალოიანი - განხილვად ღირს ყველაფერი, მაგრამ „რესპუბლიკელების“ განცხადება ცოტა ბუნდოვანია. არმაზ ახვლედიანი - მე მონაწილეობას მივიღებდი „რესპუბლიკელების“ ინიციატივის განხილვაში. ბაჩუკი ქარდავა „რესპუბლიკელების“ ინიციატივაზე - რაც არ უნდა ლამაზად ჟღერდეს და საარჩევნო კანონმდებლობასთან იყოს დაკავშირებული, პარლამენტში შესვლა არა მორალის, არამედ პოლიტიკური პრინციპულობის საკითხია. ნუგზარ წიკლაური „რესპუბლიკელების“ ინიციატივაზე - ვფიქრობ, დაუფიქრებელი განცხადება იყო - არ მგონია, რომ ფრიდონ ინჯიას შეუერთდნენ, ასეთ რამეს ნამდვილად ვერ ვუსურვებდი. მამუკა ხაზარაძე: პარლამენტში ერთჯერადად შესვლა არაფრის მომტანია, ამას მხარს არ დავუჭერთ. მდინარაძის თქმით, რესპუბლიკელების პოზიცია „ბავშვური თამაშია“.

      მერია მუშაობს - კახა კალაძემ მერიის სხდომაზე მეტროსადგურ გოცირიძის სარეაბილიტაციო სამუშაოების მიმდინარეობაზე ისაუბრა. დედაენისა და 9 მარტის ბაღების სარეაბილიტაციო სამუშაოები ერთ თვეში მთლიანად დასრულდება. სპორტის სასახლის მიმდებარე ტერიტორიაზე ჩვენ ვხედავთ ურბანულ გენოციდს, ტყვარჩელის ქუჩის #5-ში ბარაკები დაინგრევა და პატარა სკვერი აშენდება. ნინოშვილზე არსებული მიწის ნაკვეთის საპრივატიზაციო პირობაა „ცენტრ პოინტის“ დაზარალებულების დასაკმაყოფილებლად 18 მილიონ 400 ათასი ლარის გამოყოფა. დღეიდან ზონალურ-საათობრივი პარკირების გადასახადი ისევ ამოქმედდება. დავიწყეთ მოსწავლე-ახალგაზრდობის სასახლის რეაბილიტაცია - დაახლოებით 34 მლნ ლარი დაიხარჯება და 2023 წელს უნდა დასრულდეს სრული რეაბილიტაცია.

      მელაშვილის სამართალი - ივერი მელაშვილის ადვოკატის განცხადებით, დღევანდელ წინასასამართლო სხდომაზე ბრალდების მხარის მტკიცებულებების დაუშვებლობასთან დაკავშირებით შუამდგომლობას დააყენებე. ივერი მელაშვილი - მე მგონი, სიმართლე გაიმარჯვებს, ალბათ, უდანაშაულოდ უნდა გვცნოს სასამართლომ. თბილისის საქალაქო სასამართლოში ივერი მელაშვილისა და ნატალია ილიჩოვას წინასასამართლო სხდომა მიმდინარეობდა. პროკურორი - სასამართლოს სხდომაზე დამატებით მტკიცებულებებს წარვადგენთ, ეს არის ივერი მელაშვილის საჯარო განცხადებები, სადაც ის ჩადენილ ქმედებას აღიარებს. ივერი მელაშვილი - პროკურატურა ცდილობს, ყველა განცხადება თავის სასარგებლოდ გამოიყენოს - ძალიან ცუდად იყო გაგებული, დავით გარეჯი რომ ჩვენია, ამაზე ორი აზრი არ არსებობს.

      უგირავნო მელია - ნიკა მელია - მე არ გადავიხდი გირაოს და არავის აქვს უფლება გადაიხადოს ჩემს მაგივრად - თუ ვინმე ჩემს მაგივრად გადაიხდის, წინასწარ ვაცხადებ, ეს იქნება პროკურატურის და ხელისუფლების მორიგი ბინძური მაქინაცია. ირაკლი ჩომახაშვილი - რასაც პროკურატურა ნიკა მელიასთან მიმართებაში აკეთებს, მსგავსი პრაქტიკაში არავის ჰქონია - მას არანაირი ბერკეტი არ აქვს დარჩენილი, გარდა პატიმრობის მოთხოვნისა. დავით მათიკაშვილი - მელიას საქციელის ადეკვატური იქნება ყველა ის გადაწყვეტილება, რაც კონსტიტუციით, კანონითა და პარლამენტის რეგლამენტით არის გათვალისწინებული. ლევან იოსელიანი - თუ პარლამენტში ნიკა მელიასთვის იმუნიტეტის მოხსნის თაობაზე საკითხი შემოვა, ჩემს კოლეგებს მოვუწოდებ, ეს არ გააკეთონ. ანრი ოხანაშვილი ნიკა მელიაზე - თუ ვინმე ეცდება კონსტიტუციის დარღვევას, მოხდება შესაბამისი სამართლებრივი რეაგირება, კანონზე და კონსტიტუციაზე მაღლა ვერავინ დადგება. ირაკლი ქადაგიშვილი ნიკა მელიაზე - ადამიანი, რომელსაც პრეტენზია აქვს პოლიტიკოსობაზე, ამბობს, რომ არ ვემორჩილები კანონს, არ მაინტერესებს საქართველო და მისი კანონი.

      აკადემიკოსი თამაზ გამყრელიძე გარდაიცვალა. მიხეილ ჩხენკელი - ღრმა მწუხარებას გამოვთქვამ დიდი ქართველი მეცნიერისა და საზოგადო მოღვაწის, თამაზ გამყრელიძის გარდაცვალების გამო.

      საქართველოს სტატისტიკის ეროვნული სამსახური - 2020 წელს შსს-მ ოჯახში ძალადობის 9144 მსხვერპლი გამოავლინა, საიდანაც 7573 ქალია. გასულ წელს ქვეყნის მასშტაბით 13 511 ხანძარი დაფიქსირდა და 65 ადამიანი დაიღუპა.

საზღვარგარეთულები:

      #კოვიდმსოფლიო - საფრანგეთმა კორონავირუსთან დაკავშირებით გამოცხადებული საგანგებო მდგომარეობა 1-ელ ივნისამდე გაახანგრძლივა. სომხეთში კორონავირუსის 196 ახალი შემთხვევა გამოვლინდა და 4 პაციენტი გარდაიცვალა. Bloomberg - მსოფლიოში კორონავირუსის საწინააღმდეგო ვაქცინაცია 138.3 მილიონზე მეტ ადამიანს ჩაუტარდა. აშშ-ში კორონავირუსის 92 666 ახალი შემთხვევა გამოვლინდა და 3 031 ადამიანი გარდაიცვალა. რუსეთში კორონავირუსის 14 494 ახალი შემთხვევა გამოვლინდა და ინფიცირებულთა საერთო რაოდენობამ 4 მილიონს გადააჭარბა. აზერბაიჯანში კორონავირუსის 147 ახალი შემთხვევა გამოვლინდა, 4 ადამიანი გარდაიცვალა.

      ამერიკელი სენატორების უმრავლესობა ჯო ბაიდენს მოუწოდებს, თურქეთს ადამიანის უფლებების დაცვისკენ უბიძგოს.

      ვლადიმერ პუტინი - რუსეთის საგარეო უწყებას საერთაშორისო მშვიდობის უზრუნველყოფაში მნიშვნელოვანი წვლილი შეაქვს. სერგეი ლავროვი - დასავლეთს სურს რუსეთი საკუთარი ინტერესების განვითარებისთვის ხელსაყრელ ტერიტორიად აქციოს.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 66

ტეგები: qwellynews, ამბები, ბლოგი, თებერვალი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

Density Gradient Centrifugation

გამოაქვეყნა EFTcheat_მ.
თარიღი: მარტი 29, 2024.
საათი: 5:30am 0 კომენტარი







Nycodenz, a broadly applied reagent in laboratory options, holds important significance in the field of mobile biology and biochemistry. In the following paragraphs, we will take a look at the multifaceted mother nature of Nycodenz, its programs, and how it revolutionizes density gradient centrifugation techniques.



What is Nycodenz?

Nycodenz is a non-ionic, iso-osmotic iodinated density gradient medium commonly used in cell separation and purification…

გაგრძელება

აქტიური თავმჯდომარე, პირომანი მოზარდის საქმე და სხვ.

გამოაქვეყნა Giorgi_მ.
თარიღი: მარტი 28, 2024.
საათი: 11:35pm 0 კომენტარი

ევროპულ მუნდიალზე საქართველოს ეროვნული ნაკრების საგზურის მიღების შემდეგ, ქვეყანა ნელ-ნელა გამოერკვია სიხარულის ემოციიდან და როგორც იქნა ცხოვრება ძველ კალაპოტს დაუბრუნდა. ჯერ კიდევ პენალტების, გოლების, ემოციების, ჟივილ-ხივლის პერიოდია, მაგრამ დღის ამბები, ასე თუ ისე მოგროვდა ნიუს-მწერლებში. აქტიური იყო შალვა პაპუაშვილის მრავალმხრივი კომენტარები და ინტერვიუები, მათ შორის საკონსტიტუციო ცვლილებებზე და სასამართლო…

გაგრძელება

Dive In to the Beat: An Introduction to Hearing Rap Audio

გამოაქვეყნა EFTcheat_მ.
თარიღი: მარტი 28, 2024.
საათი: 4:30am 0 კომენტარი







Rap tunes, with its infectious beats, poetic lyrics, and charming storytelling, happens to be a dominant pressure within the audio business and a cultural phenomenon throughout the world. From its humble beginnings from the streets of New York City to its latest standing as a worldwide genre influencing vogue, language, and social actions, rap has progressed into a diverse and dynamic art type embraced by hundreds of thousands. For anyone who is new to rap or seeking to…

გაგრძელება

Study Recombinant Protein Creation

გამოაქვეყნა EFTcheat_მ.
თარიღი: მარტი 27, 2024.
საათი: 12:00am 0 კომენტარი







Proteins tend to be the workhorse molecules that generate nearly each Organic program. Using the escalating recognition of the purpose of proteins in numerous investigate and production things to do, basically isolating them from their natural host cells are unable to meet the escalating need of the market. Chemical synthesis can be not a practical option for this endeavor a result of the size and complexity of proteins. As a substitute, the developments manufactured…

გაგრძელება

Qwelly World

free counters