ქართველების ევროპული ტრიბუნა, ფედერაციის მოჩხუბარი პრეზიდენტი და დედაქალაქური ამბები

      ბოლო დროს ცუდ ამბებს კიდევ უფრო ცუდი ამბები მოჰყვება ხოლმე. აფეთქებას 4 წლის ბავშვის გარდაცვალება მოჰყვა, დღეს ასევე 4 წლის ბავშვმა სადეზინფექციო საშუალება დალიაო, ამბობდნენ. სხვა ამბები, დღევანდელ დღეს, ოთხოზორია-ტატუნაშვილის სიას უკავშირდებოდა, ასევე ჭიდაობის ამბებს, პრემიერისა და პრეზიდენტის შეხვედრებს და სხვა.

საქართველოს და მსოფლიოს ამბები / 23 იანვარი, 2019/

      ოთხოზორია-ტატუნაშვილის სია - „ევროპული საქართველოს“ ინიციატივით წარდგენილ ოთხოზორია-ტატუნაშვილის სიას ევროსაბჭომ მხარი დაუჭირა. სერგი კაპანაძე - ევროსაბჭოს საპარლამენტო ასამბლეაზე „ოცნების“ არც ერთ წევრს მხარი არ დაუჭერია რეზოლუციისთვის, რომლის ერთ-ერთი ნაწილი ოთხოზორია-ტატუნაშვილის სიაა. თამარ ჩუგოშვილი „ოთხოზორია-ტატუნაშვილის სიასთან“ დაკავშირებით სერგი კაპანაძის განცხადებაზე - უხერხულია მეგობრებო!

      ფედერაციის დაკავებული პრეზიდენტი და მისი მხარდაჭერა - ბერძნულ-რომაული სტილით მოჭიდავე სპორტსმენების ნაწილი აქციას მართავს. გენო პეტრიაშვილი - ბოდიშს ვუხდით გულშემატკივარს, ეს ყველაფერი მათ ყურამდე რომ მივიდა. ვაკის ფალავანთა კლუბთან დაკავებული გეგა გეგეშიძის მხარდასაჭერად აქცია გაიმართა. მიხეილ ბატიაშვილი ჭიდაობის ფედერაციაში მიმდინარე მოვლენებზე - ყველაფერს გავაკეთებთ, რომ რაც შეიძლება, სწრაფად გადაიჭრას კონფლიქტი. მოჭიდავე ზურაბ დათუნაშვილი - არ მინდოდა, რომ გეგა გეგეშიძე ციხეში წასულიყო, ჩემი მოთხოვნაა, ჭიდაობის ფედერაცია დატოვოს.

      პრემიერის შეხვედრები - მამუკა ბახტაძე დავოსში კანადის საერთაშორისო ვაჭრობის დივერსიფიკაციის მინისტრს შეხვდა. მამუკა ბახტაძე - ჩემი მთავრობის სტრატეგიაა, საქართველო რეგიონის ცენტრად აქციოს ბიზნესის, ვაჭრობის, ფინანსების, ტურიზმისა და განათლების სფეროში. ირაკლი ჩიქოვანი - სპეკულაცია იმაზე, თითქოს პრემიერისგან გავრცელდა დაუზუსტებელი ინფორმაცია, უსაფუძვლო მცდელობაა, დისკრედიტებულ იქნას საქართველო-ევროკავშირს შორის მიღწეული თანამშრომლობის უპრეცედენტო დონე. მამუკა ბახტაძე - ნატო ჩვენი მთავარი მისწრაფებაა და ამ მისწრაფების ერთგული ვრჩებით. მამუკა ბახტაძე - ჩვენს რეგიონს აქვს უზარმაზარი ეკონომიკური პოტენციალი. მამუკა ბახტაძე - აშშ ჩვენი სტრატეგიული პარტნიორია და ჩვენს ქვეყნებს შორის ურთიერთობა არასდროს ყოფილა ასეთ მაღალ დონეზე. მამუკა ბახტაძე - ჩვენი ისტორიული ფესვები და ჩვენი მომავალიც ევროპულია.

      პრეზიდენტი ევროპაში - სალომე ზურაბიშვილი - საქართველოს სჭირდება ევროკავშირისა და საერთაშორისო საზოგადოების ძლიერი ჩართულობა, რათა მივაგნოთ კონფლიქტის ახლებურ მშვიდობიან გადაწყვეტას. სალომე ზურაბიშვილმა ევროკომისართან თავშესაფრის მაძიებელთა და მიგრაციის თემატიკაზე იმსჯელა. ჟან-კლოდ იუნკერი - საჭირო იქნება, რომ ყველა შესაძლო შემთხვევაში ხაზი გავუსვათ საქართველოს ტერიტორიული მთლიანობის დაცვის აუცილებლობას. სალომე ზურაბიშვილი - ჩემი პირველი ვიზიტი ბრიუსელში ცხადყოფს, რაოდენ მნიშვნელოვანია ჩვენი კავშირები ნატო-სთან. სალომე ზურაბიშვილი - საქართველომ აირჩია ევროინტეგრაციის გზა და მას არ გადაუხვევს, რადგან სხვა ალტერნატივა არ აქვს.

      საუკეთესო თიბისი - Global Finance-მა „თიბისი ბანკი“ საქართველოში ვაჭრობის ფინანსირებაში საუკეთესო ბანკად აღიარა.

      მოსამართლის შერჩევა - ეკა გიგაური - საჭიროა სისტემის ე.წ. ჩინჩალაძე-მურუსიძის კლანისგან გაწმენდა - მოსამართლეობის შერჩევის კრიტერიუმებს უახლოეს დღეებში წარვადგენთ. საპარლამენტო უმრავლესობის წევრებმა, რომლებიც მოსამართლეთა სიას ღიად დაუპირისპირდნენ, შეხვედრა გამართეს. ჟორჟოლიანის სამუშაო ოთახში იმყოფებოდნენ პარლამენტის წევრები: ლევან გოგიჩაიშვილი, ზაზა პაპუაშვილი, მირიამ წიკლაური, ბექა ნაცვლიშვილი, რუსლან პოღოსიანი, გედევან ფოფხაძე. გედევან ფოფხაძე - არასდროს დამიმალავს საკუთარი პოზიცია, რომ უვადოდ დასაჭერი მოსამართლეები უვადოდ ინიშნებოდნენ.

      ქართველის მკვლელობა - იტალიაში საქართველოს მოქალაქე სავარაუდოდ, ისევ საქართველოს მოქალაქემ მოკლა.

      ფეხით მოსიარულე მოსწავლეები - გიგი უგულავა - საქართველოს 100-ზე მეტი სკოლის ათასობით მოსწავლე სატრანსპორტო მომსახურების გარეშე დარჩა და სკოლამდე კილომეტრების გავლა ფეხით უწევს. შესყიდვების სააგენტო - „ევროპული საქართველოს“ გავრცელებული ინფორმაცია, მოსწავლეების სასკოლო ტრანსპორტით მომსახურების გარეშე დატოვებაზე, სინამდვილეს არ შეესაბამება.

      კალაძე და მერია ანუ თბილისური ამბები - კახა კალაძე - პატივცემულმა ინვესტორმა, ვისთანაც გასდიოდა შანტაჟის ენით საუბარი, ისევ იმასთან ისაუბროს. კოოპერატიული ბინათმშენებლობით დაზარალებულ 40 ოჯახს დღეს 1 ლარად ფართი გადაეცემა. თბილისში არსებული გარეგანათებები LED-ის ტიპის გარეგანათებებით ჩანაცვლდება. მერია დამატებით შეარჩევს ქუჩებს, სადაც მიკროავტობუსებს გაჩერება მხოლოდ მოსაცდელებზე შეეძლებათ. სამგორის რაიონში არსებული სამხედრო დასახლება თავდაცვის სამინისტროს ბალანსიდან დედაქალაქის მუნიციპალიტეტის ბალანსზე გადავა. კახა კალაძის განცხადებით, კვლევით გამოვლინდა, რომ თბილისის საბაგირო ხაზების განვითარებას დიდი პოტენციალი აქვს. თბილისში ავტობუსების მძღოლები ახალი, სპეციალური ფორმებით ივლიან. თბილისი-გაჩიანის დამაკავშირებელ გზაზე გზაგამტარის რეაბილიტაცია დასრულდა. საბავშვო ბაღში 4 წლის ბავშვის სადეზინფექციო ხსნარით შესაძლო მოწამვლის ფაქტს სპეციალური კომისია სწავლობს. გიგი უგულავა - კახა კალაძეს ვურჩევდი, ჩემი ჩრდილიდან გამოვიდეს - ნუ მეტოლება.

      საპატრიარქოს დაპირება - მოვაჭრეების განცხადებით, საპატრიარქოში პირობა მისცეს, რომ მათთვის ჯვრის მონასტრის მიმდებარედ ალტერნატიული ადგილი გამოიყოფა.

      ჩაბარებული დამნაშავე - ბრიტანეთის მოქალაქე ჯეკ შეფერდი, რომელსაც ახალგაზრდა ქალის მკვლელობა ედება ბრალად და რომელიც საქართველოში იმალებოდა, პოლიციას ჩაბარდა. შსს - გაერთიანებული სამეფოს ძებნილი ჯეკ შეფერდის მიმართ კანონით გათვალისწინებული წინასაექსტრადიციო პროცედურები მიმდინარეობს.

საზღვარგარეთულები:

      აკრძალვა პრეზიდენტს - აშშ-ს კონგრესის წარმომადგენელთა პალატამ კანონი მიიღო, რომელიც ქვეყნის პრეზიდენტს ნატო-დან გამოსვლას უკრძალავს.

      უჯარო ტრანსგენდერები - აშშ-ს უზენაესმა სასამართლომ მხარი დაუჭირა ტრამპის ადმინისტრაციის ინიციატივას, რომელიც შეიარაღებულ ძალებში ტრანსგენდერების მსახურობას ზღუდავს.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 88

ტეგები: qwellynews, ამბები, ბლოგი, იანვარი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

The second part about the DL shedding boils down

გამოაქვეყნა Megaomgchen_მ.
თარიღი: ივლისი 3, 2020.
საათი: 4:30am 0 კომენტარი

The second part about the DL shedding boils down to each snap basically being a coin flip between OL and DL and we notice those awful pitches more because they technically shouldn't be occurring but they sadly do. It wraps around to Madden 20 coins the bad coding and how OL/DL interactions have not been updated in a couple of years. Even the folks working on Madden nfl have confessed that they do not understand how they work because it's code in addition to legacy code and it is sadly…

გაგრძელება

ფეხბურთელის იდუმალი გარდაცვალება და პრემიერის ვრცელი გამოსვლა პარლამენტში

გამოაქვეყნა Giorgi_მ.
თარიღი: ივნისი 26, 2020.
საათი: 11:05pm 11 კომენტარი

      პრემიერის პარლამენტში მისვლა, ყოველთვის დღის მეისნტრიმული ამბავია და დღესაც ასე იყო - მთელი დღე, ყველა მედიასაშუალება სწორედ პრემიერის გამოსვლის გარშემო საუბრობდა, წერდა და გადმოსცემდა. ამასთანავე, ბოლო დღეების ყველაზე გაურკვეველი და მძიმე საქმე - ახალგაზრდა ფეხბურთელის გარდაცვალების საქმე.

საქართველოს და მსოფლიოს ამბები / 26 ივნისი, 2020

      კოვიდჯორჯია - მარინა ეზუგბაიას განცხადებით, კოვიდ 19-ით…

გაგრძელება

ნამდვილი მეთევზე

გამოაქვეყნა ბექა ხოჯავა_მ.
თარიღი: ივნისი 25, 2020.
საათი: 11:30am 0 კომენტარი

      თევზაობა არ არის ჰობი, ეს ავადმყოფობაა. ნამდვილი მეთევზე იმით იცნობა, როგორ ჰყვება. თუ ექვსგირვანქიანი წვერას აღწერისას ფეხზე წამოდგა, ხელები გაშალა და ოთახის მთელ სიგრძეზე გადახტა, არ ყოფილა ნამდვილი მეთევზე, მაგრამ თუ მღელვარებისგან ხმა უწყდება, ცრემლი სდის და მთელ ტანში ჟრუანტელი უვლის - ჩვენიანია. ნამდვილი მეთევზეები მარტონი არიან თავიანთ ავადმყოფობასთან, როგორც ჩინელები - ოპიუმის ჩიბუხთან. მზისა და ქაშაყის ქერცლიდან არეკლილი სინათლის…

გაგრძელება

არეული ამინდი, არეული ოპოზიცია, არეული ახალგაზრდები და გადარეული კორონა

გამოაქვეყნა Giorgi_მ.
თარიღი: ივნისი 24, 2020.
საათი: 11:00pm 2 კომენტარი

      პრემიერის მადლობით დაიწყო დღე - ამჯერად, მადლობა ლუგარის ლაბორატორიას და მის მკვლევარებს გადაუხადა. დღის მთავარი ამბავი სწორედ ესაა და მასთან ერთად, ცხადია კორონა ვირუსიც. გახმაურებულია ახალგაზრდა ფეხბურთელის გარდაცვალების იდუმალი საქმე, სადაც შესაძლო დანაშაულებებზე მიუთითებენ მოწმეები, ასევე ოპოზიციაში მაჟორიტარების გაყოფის თემა და ლიდერად მოვლენილი რურუა და მის გარშემო ეპისტოლარული ჟანრი. ცხადია, გაბუნიას საქმეც არ მიჩქმალულა. ამინდს რაც…

გაგრძელება

Qwelly World

free counters