blog, dostoevsky, goodness, ideology, money, newest ideology, post, qwelly, qwellyblog, universal godness, ანტიქველობა, ახალი თაობა, ახალი იდეოლოგია, დანაშაული და სასჯელი, დოსტოევსკი, ეკონომიკა, ეკონომიკური კეთილდღეობა, კეთილდღეობა, ლაშა ჩილინდრიშვილის ბლოგი, მაღალი შემოსავალი, მეტი ფული მეტი სიკეთე, მომავლის იდეოლოგია, საყოველთაო სიკეთე, ფულით ნაყიდი კეთილდღეობა, ქველი, ქველიბლოგი

     მეცხრამეტე საუკუნის 60-იან წლებში გამოიცა ერთი ნაწარმოები, სადაც წააწყდებით საინტერესო დიალოგს. დიალოგი იმდენად საცნობლად ღირებულია, რომ XXI საუკუნეში 15 წლის შებიჯების შემდეგაც ჩვენს ყოველდღიურობაში ძალიან აქტიუალურ საკითხებს განიხილავს.

გაეცანით:

     "უნდა მოგახსენოთ, აგერ თითქმის ათი წელიწადია, დედაქალაქში აღარა ვყოფილვარ. ეს ჩვენი ახალი ამბები, რეფორმები, იდეები, ყოველივე ეს პროვინციამდეც მოაღწევს ხოლმე, მაგრამ ადამიანმა რომ უფრო ნათლად და თანაც თავისი თვალით დაინახოს, დედაქალაქში უნდა იყოს. დიახ, და ჩემი აზრიც ის გახლავთ, რომ ყველაზე მეტს მაშინ გაიგებ და შეამჩნევ, თუ ჩვენს ახალ თაობას დააკვირდები. გამოგიტყდებით: გავიხარე...

- რამ გაგახარათ?

- თქვენი კითხვა ერთობ ვრცელია; რასაკვირველია, შეიძლება ვცდებოდე, მაგრამ მაინც მგონია, ახალ თაობას უფრო ნათელი შეხედულება აქვს, უფრო მეტი კრიტიკა და საქმიანობა შეუძლია...

- სტყუი, საქმიანობა ნაკლებადაა. საქმიანობა ადვილი შესაძენი როდია, ვისმე ციდან როდი უვარდება პირში. ჩვენ კი აგერ, თითქმის ორასი წელიწადია ყოველგვარ საქმეს გადაჩვეულნი ვართ... იქნებ იდეები მართლაც არის სადმე აქა-იქ გაფანტული, კეთილი სურვილიც არის, თუნდაც ბავშვური; იქნება პატიოსნებაც მოიძებნება სადმე, თუმცა ყოველ მხრივ ურიცხვი გაიძვერა გვახვევია, მაგრამ საქმიანობა მაინც არ არის არსად! საქმიანობა ჯერ ჩექმებით დააბოტებს.

- არ გეთანხმებით! რასაკვირველია, გატაცება და შეცდომები მუდამ იქნება, მაგრამ არც აგრე სასტიკად უნდა მოვეპყრათ. გატაცება საქმის მხურვალე სიყვარულის მომასწავებელია და გვიჩვენებს, რამდენად შეუფერებელ გარემოებაში იმყოფება საქმე. თუ დღემდე ცოტა გაკეთებულა, იმიტომ, რომ დროც დიდი არა გვქონია. რაც შეეხება საშუალებას, ეს ხომ სახსენებელი არც კია. ჩემი აზრით, პირიქით, ზოგიერთი რამ კიდეც გაკეთდა: გავრცელდა, მაგალითად, ახალი, სასარგებლო აზრები, გავრცელდა წინანდელ საოცნებო, რომანულ თხზულებათა ნაცვლად ახალი და სასარგებლო თხზულებანი; მწერლობა თანდათან წელში მაგრდება, ვითარდება; ბევრი მავნე და სამარცხვინო ცრურწმენა ძირიანად აღმოიფხვრა... ერთი სიტყვით, თითქმის რომ სამუდამოდ ჩამოვცილდით წარსულს, რაც, ჩემი აზრით, მცირე საქმე არ არის... ხომ მართალია? წარმატება, ანუ როგორც ამბობენ, პროგრესი, თუნდაც მეცნიერებისა და ეკონომიკური ჭეშმარიტების სახელით, ეჭვს გარეშეა...

- გაცვეთილი აზრია.

- არა, ბატონო, გაცვეთილი აზრი არ გახლავთ! დღემდე თუ მეუბნებოდნენ - "გიყვარდესო" და მეც მიყვარდა, რა გამოდიოდა აქედან? გამოდიოდა ის, რომ ტანისამოსს შუაზე ვხევდი და მოყვასს ვუზიარებდი, და ანდაზისა არ იყოს: "ორი კურდღლის მადევარი ვერც ერთს ვერ დაიჭერსო", ორივე ნახევრად შიშვლები ვრჩებოდით. მეცნიერება კი ამბობს: უპირველეს ყოვლისა, შეიყვარე თავი შენი, რადგან ქვეყნიერებაზე ყველაფერი კერძო ინტერესზეა დამყარებულიო. თუ თავს არ დაივიწყებ, საქმესაც რიგზე მოაგვარებ და ტანისამოსიც მთელი შეგრჩებაო. ეკონომიკური ჭეშმარიტება კი დასძენს: რამდენადაც მეტია საზოგადოებაში რიგზე მოწყობილი კერძო საქმე და რამდენადაც მეტი ტანისამოსია მთელი, იმდენად თვით საზოგადოებაც და საზოგადო საქმეც მტკიცედ და უკეთ არის მოწყობილიო. მაშასადამე, როდესაც მხოლოდ და მხოლოდ ჩემთვის ვიძენ რასმე, ამითი ვზრუნავ სხვებისათვისაც და ვცდილობ, მოყვასმა ჩემმა დაგლეჯილ ტანისამოსზე ცოტა რამ უკეთესი მიიღოს, მაგრამ კერძო წყალობითა და თანაგრძნობით კი არ მომდის ეს, საყოველთაო სიკეთეზეა ეს ჩემი მისწრაფება დამყარებული. უბრალო და მარტივი აზრია, მაგრამ, საუბედუროდ, დიდხანს არავის მოსდიოდა ფიქრად, რაღაც აღტაცებითა და ოცნებით იყო დაჩრდილული, თუმცა მის აღმოჩენას თითქოს დიდი მახვილი გონება არ უნდოდა..."

ციტატის დასასრული.

გამიზიარეთ შთაბეჭდილება, ეთანხმებით თუ არა ბოლო აბზაცის გახმიანებულ იდეებს?!

ნახვა: 509

ტეგები: ანტიქველი, დოსტოევსკი, კეთილდღეობა, კომფორტი, ქველი

Kakha: ივნისი 24, 2015||8:01pm

ეკონომიკურ აზროვნებას ყოველთვის ვაფასებდი, განსაკუთრებით თუ ტრაქტატი ადამ სმიტის მიერ არის დამოწმებული :DD

ლაშა: ივნისი 24, 2015||9:17pm

ადამიც არ იყო გამორჩეული - მასაც სულ კარგი აზრები აწუხებდა )) 

Kakha: ივნისი 25, 2015||7:07pm

და რამე დააშავა მერე? :DD

ლაშა: ივნისი 25, 2015||9:16pm

არც არაფერი, მე როდის დავადანაშაულე რაიმეში ბატონი სმიტი, თავისებური კაცი იყო და საკუთარ ხელობაში ფრიად წარმატებული და მცოდნე და წერდა იმას რაც ესმოდა, აბა სხვა პროფესიებივით ყველაფერს კი არ ედებოდა :D 

ლიკა: ივნისი 26, 2015||1:20pm

თითქოს ყველაფერი კარგად არის მაგრამ არც არაფერი არ არის კარგად :D 

საიდანაა ეს? თაგებში დოსტოევსკი კი შევნიშნე მაგრამ უფრო კონკრეტულად? :D 

ლაშა: ივნისი 26, 2015||1:38pm

აბა რა გითხრა ჩემო ლიკუნკუნა, თანამედროვე საზოგადოება, მოდერნული თაობა ხომ ამ პრინციპებით იჭყიპება? "უკეთესი ანაზღაურებით, უკეთესი ცხოვრებით, სხვასაც უფრო წაადგები" )) საბოლოო ჯამში იქნებ ეკონომიკური კეთილდღეობის მოტივით, თლათ არასახარბიელო საქციელის ჩადენაც კი იყოს გამართებული ))) 

mariami: ივნისი 26, 2015||1:47pm

მე არ ვეთანხმები :D ურთიერთსაწინააღმედგო მოსაზრებაა, შეიყვარო საკუთარი თავი და საყოველთაო სიკეთე იყოს ჩემი მისწრაფება. ანუ პირველ ადგილზე მეყენოს ჩემი თავი და ისე ვცხოვრობდე, რომ პირველ რიგში მე ვღებულობდე სარგებელს ეწინააღმდეგება საყოველთაო სიკეთეს, და საერთოდ სიკეთის ცნებას, სადაც სხვა უფრო დომინირებს

Kakha: ივნისი 26, 2015||9:18pm

ამბობენ სიკეთე გადამდებიაო :DD

Kakha: ივნისი 26, 2015||9:20pm

ლიკა როდიონის აზრებია:P მაგის წინ კი ფიქრობს რომ ყველაფერი ადამიანის ხელშია, მისი მომავალიც და აწმყოც ))

ლაშა: ივნისი 26, 2015||10:57pm

მარიამ, აქ ორ ეტაპიანი სიკეთეა. 1. - სიკეთე შენი თავისთვის და 2. საყოველთაო სიკეთე. ანუ მთავარია ჯერ შენ, პირადი სიკეთე, კეთილდღეობა და ეკონომიკური დოვლათი დააგროვო, რადგან შემდეგ უკეთ შეგეძლოს სხვების დახმარება და საყოველთაო სიკეთეში მონაწილეობა. აბა, კვლავ არ ეთანხმები? )) 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

კანონიერების გამოკვლევა, დაპირისპირება დმანისში და ბერობიდან განყენება

გამოაქვეყნა Giorgi_მ.
თარიღი: სექტემბერი 21, 2021.
საათი: 11:16pm 0 კომენტარი

      უპირველესად გილოცავთ ღმრთისმშობლის შობას. დღის მთავარი პოლიტიკური ამბები კი უკავშირდება საარჩევნო დებატებს. დღეს მეინსტრიმში იყო ასევე სისხლიანი ბანერები, დმანისში არეულობა, ფარული ჩანაწერების კანონიერება თუ უკანონობა, მგზავრობა თბილისში და სივერაგე ოკუპაციაში. ვალუტის კურსი - 1 აშშ დოლარი - 3.1163 ლარია.

საქართველოს და მსოფლიოს ამბები | 21 სექტემბერი, 2021…

qwellynews, სიახლეები, ნიუსები, ამბები, სექტემბერი

გაგრძელება

ბილბორდების ბედი, საიას სარჩელი და ფარული საქმის კომისია

გამოაქვეყნა Giorgi_მ.
თარიღი: სექტემბერი 20, 2021.
საათი: 11:00pm 0 კომენტარი

      სანამ არჩევნები არ ჩატარდება, მოგვიწევს ასეთი ამბები ავიტანოთ - ჩანაწერები და მიყურადებები, კომპრომანტების გამოქვეყნება და მერე მათზე კომენტარები, ახალი გამოძიებები და ასე წრეზე სიარული. დღეს ბილბორდების თემაც აქტუალური იყო - ე.წ. სისხლიანი ბილბორდები. ასევე მეგის ქარდავა და საიას სარჩელი. ვალუტის კურსი - 1 აშშ დოლარი - 3.1099 ლარია.

საქართველოს და მსოფლიოს ამბები | 20 სექტემბერი,…

გაგრძელება

თითებზე ასხმული ქალაქები

გამოაქვეყნა Tamila Moshiashvili_მ.
თარიღი: სექტემბერი 19, 2021.
საათი: 10:24pm 1 კომენტარი

      დიდი ხანია ოქრომჭედელი არ ყოფილა ჩვენი ბლოგის სტუმარი. დღეს ოლა შეხტმანი (Ola Shekhtman) უნდა გავიცნოთ. ოლას უყვარს მოგზაურობა და მოგზაურობისას, ამა თუ იმ ქალაქის სუვენირების შეგროვება. ერთხელაც გადაწყვიტა რომ თავად შეექმნა მუდმივი თანამგზავრი სუვენირი. ქალაქში ჩასვლისას, ოლა ფართო პეიზაჟებს აკვირდება, სწავლობს, ხატავს და ერთ სიბრტყეზე გადააქვს. შემდეგ იწყება ყველაზე რთული. თითოეული მისი ბეჭედი ხელით არის დამუშავებული, დახერხილი,…

გაგრძელება

ექსტრადირების ამბავი, კოკაინი და მიყურადება

გამოაქვეყნა Giorgi_მ.
თარიღი: სექტემბერი 17, 2021.
საათი: 11:00pm 1 კომენტარი

      ნელ-ნელა იწყება კოვიდის მეხუთე ტალღაზე საუბარი და შესამზადებლად ვაქცინაციის წახალისება. დღის მთავარ ამბებში კვლავ საარჩევნო „სისუფთავეა“, ასევე ფარული ჩანაწერები ნელ-ნელა გამომზეურება მტყუან-მართლის გარკვევის პარალელურად. მეგის ქარდავას ექსტრადაცია განხორცილდება. ვალუტის კურსი - 1 აშშ დოლარი - 3.1129 ლარია.

საქართველოს და მსოფლიოს ამბები | 17 სექტემბერი, 2021…

qwellynews, სიახლეები, ნიუსები, ამბები, სექტემბერი

გაგრძელება

Qwelly World

free counters