ზამთრის სუსხში გაზის ფასი გაეზრდა იურიდიულ პირებს, გარდა პურის მწარმოებლებისა. სავალალო ანონსია. პური არ გაძვირდება აპრილამდე და მერე ვნახოთო. ოპოზიციამ, ვადამდელი არჩევნებია ჩვენი ერთადერთი სასაუბრო თემაო და მეორე მხრივ, პოლიტიკოსების სასამართლო საქმეებს აპროტესტებენ. ვაქცინას ველოდებით ორ-სამ კვირაში, იქამდე კი ვითვლით კოვიდიანებს - 143376 დადასტურებული, აქედან გამოჯანმრთელებული - 121621, გარდაცვლილი - 1342, კარანტინში - 1980. რაც შეეხება დოლარს, მისი ფასი 3.3189 ლარია.

საქართველოს და მსოფლიოს ამბები / 2 დეკემბერი, 2020

      #Covid19GEO - საქართველოში კორონავირუსის 4033 ახალი შემთხვევიდან 1705 - თბილისში, 402 - აჭარაში, 624 - იმერეთში დაფიქსირდა. 39 პაციენტი გარდაიცვალა. საქართველოს მოქალაქეები, რომლებიც საზღვრის გადმოკვეთამდე PCR კვლევის ნეგატიურ დოკუმენტს წარმოადგენენ, 8-დღიან თვითიზოლაციას დაექვემდებარებიან. ეკატერინე ტიკარაძე - ბავშვთა ცხელი ხაზის 111-ის მეშვეობით მშობლებს საშუალება ექნებათ მათ საჭიროებებთან დაკავშირებით ონლაინ კლინიკას დაუკავშირდნენ. გაფართოებული ტესტირებისას როგორც სწრაფ, ასევე PCR ტესტებსაც გამოიყენებენ. ონლაინ კლინიკაში რამდენიმე ფსიქოლოგია ჩართული. ამ ეტაპისათვის თავისუფალია 611 საწოლი და მიმდინარეობს როგორც გაწერის პროცესი, ასევე დამატებით მობილიზაცია. შეზღუდვების გადახედვა ვერ მოხდება. კლინიკური აუდიტი სწავლობს გარდაცვალების ყველა შემთხვევას, რომელიც დადგა და რომელიც, სამწუხაროდ, მაგრამ შემდეგ დღეებშიც დადგება. შსს-სთან მიმდინარეობს აქტიური მუშაობა, რომ მეტადონის პროგრამა მინიმალური ხარვეზებით წარიმართოს. ნებისმიერმა კერძო სექტორის წარმომადგენელმა უნდა აიღოს ვალდებულება და შეასრულოს დადგენილებაში მითითებული ტარიფებით სამედიცინო პერსონალის სახელფასო ანაზღაურება. ამირან გამყრელიძის ინფორმაციით, კორონავირუსის საწინააღმდეგო ვაქცინის დანერგვის გეგმა საქართველოს დაახლოებით ორ კვირაში ექნება. ამირან გამყრელიძის განცხადებით, სწრაფი ტესტის პასუხი „პისიარით“ მხოლოდ ორ შემთხვევაში უნდა გადამოწმდეს და ამ გადაწყვეტილებას ექიმი იღებს. 1342 ადამიანია ვინც კოვიდს შეეწირა, მაჩვენებლით როცა ვსაუბრობთ, გასაგებია, რომ 0.94% არ არის 2-3%, რაც სხვა ქვეყნებს აქვთ, მაგრამ ჩვენთვის ეს სერიოზული რიცხვია. გასაგებია, მაკრიტიკებენ და თქვენც შეგიძლიათ გამაკრიტიკოთ, რომ არაფერი გაკეთებულა, მაგრამ როგორ არ გაკეთებულა. პირადად მე არ მეგონა, რომ ყველაფრის მიუხედავად, ჯანდაცვის სისტემა ამდენ შემთხვევას გაუძლებდა. საქართველოს მთავრობამ გრიპის ვაქცინის 10 ათასი დოზა აფხაზეთს გადასცა. თენგიზ ცერცვაძე - წამოვიდა კრიტიკა, "რემდესივირი" რატომ აღმოჩნდა თენგიზისთვის და არა სხვებისთვის - მე მეგობრებმა გამომიგზავნეს უცხოეთიდან და ვის შეუძლია ეს შეზღუდოს, რატომ უნდა იყოს კრიტიკის საგანი?! ჩვენი ჯანდაცვის სისტემა წამყვან ქვეყნებთან შედარებით ბევრად სუსტია - საქართველოსნაირ ქვეყანას მოსთხოვო ყველაფერმა საათივით გამართულად იმუშაოს და არ იყოს შეფერხებები, შეუძლებელია. პროტექციონიზმი ყველგან არსებობს და სავარაუდოდ, საქართველოშიც არის მსგავსი შემთხვევები, როცა პაციენტები ნაცნობობით ხვდებიან კლინიკაში. ცერცვაძე უცხოეთში მოღვაწე ექიმებს - უცხოეთში კრემატორიუმებთან მიცვალებულებით მანქანები რიგში იდგნენ, ასეთი რამ საქართველოში გინახავთ?! - მიხედეთ იმ ქვეყანას, სადაც საქმიანობთ.

      აკრძალვების ბიზნესი - შსს-მ პანდემიის გამო დაწესებული შეზღუდვების დარღვევის 1028 ფაქტი გამოავლინა.

      აუდიტის სამსახური - მთავრობამ ორ კვარტალში 445 მლნ ლარი ვერ აითვისა და მსგავსი ტენდენცია ნარჩუნდება მესამე კვარტალშიც. ლარის კურსის გაუფასურების გამო, 8 თვეში მთავრობის ვალი დაახლოებით 1.8 მილიარდი ლარით გაიზარდა. 5 საინვესტიციო პროექტისთვის გამოყოფილი კრედიტი 0%-ითაა ათვისებული - 8 თვეში საკრედიტო სახსრების ათვისება 60%-ზე ნაკლებია 14 პროექტის შემთხვევაში.

      ოპოზიციის სალაპარაკო - მამუკა ხაზარაძე - უცებ, ერთ დღეს გაახსენდათ, რომ პოლიტიკური ლიდერების სასამართლო სხდომები უნდა განახლდეს - ეს პარტიებზე ზეწოლისთვის პირდაპირი წნეხია. ირაკლი ოქრუაშვილის ადვოკატი აცხადებს, რომ არჩევნებიდან მალევე, ბუტა რობაქიძის საქმეზე სასამართლო პროცესების განახლება კითხვის ნიშნებს აჩენს. მამუკა ხაზარაძე - „ქართული ოცნების“ პირობებში, ევროკავშირში და ნატო-ში გაწევრიანების სერიოზული პერსპექტივა არასდროს გვექნება. აქციის მონაწილეებმა აჭარის მთავრობის სახლთან ბუშტები მიიტანეს წარწერით - „მონობა ტეხავს“. აჭარის მთავრობის სახლთან ოპოზიციური პარტიების წარმომადგენლებსა და სამართალდამცავებს შორის დაპირიპირება იყო. აჭარის მთავრობის სახლთან მიმდინარე აქციაზე „ნაციონალური მოძრაობის“ წევრი რეზო ხარაზი დააკავეს. აჭარის პოლიციის დეპარტამენტის უფროსი - რეზო ხარაზი პოლიციის კორდონის გარღვევას ცდილობდა, კანონიერ მოთხოვნას არ დაემორჩილა და ამიტომ დავაკავეთ - ბუშტის გაშვებას არავინ უშლით. ირმა ნადირაშვილი - ეს იქნება 50-ე თუ მე-100 რაუნდი, ოპოზიცია დაიწყებს საუბარს ხელახალი არჩევნების ჩატარების მოთხოვნით. ძალიან ძნელია ხელისუფლება უწოდო იმ ჯგუფს, რომელიც ადამიანების მძევლად აყვანით ვაჭრობს. ნიკა გვარამიას ადვოკატის განმარტებით, გახმაურებულ საქმეებზე ზედიზედ პროცესების დანიშვნა პოლიტიკური გადაწყვეტილებაა. ანზორ ბიწაძის განცხადებით, სასამართლოში პოლიტიკური ლიდერების წინააღმდეგ საქმეების განახლება „ივანიშვილის ბოროტი ტაქტიკაა“. ბადრი ჯაფარიძე - მოლაპარაკების მესამე რაუნდი ჩატარდება იმ შემთხვევაში, თუ გვეცოდინება წინასწარ, რომ ამ რაუნდს შეუძლია შედეგი მოიტანოს. დავით ბაქრაძე - მთავარი, რასაც განვიხილავთ არის ის, როგორ უნდა მოხდეს ხალხის ნების გამოხატვა და ჩვენთვის, ხალხის ნების გამოხატვა გადის გაზაფხულზე ჩასატარებელ ვადამდელ არჩევნებზე. ნიკა მელიასა და ნიკა გვარამიას გარდა, ირაკლი ოქრუაშვილისა და გიგი უგულავას სასამართლო პროცესებიც გადაიდო.

      ხორბლის ქვეყანა - ხორბლისა და ფქვილის მწარმოებელთა ასოციაციის თავმჯდომარე - გავრცელდა ინფორმაცია, რომ 1 ტომარა ფქვილი ყველგან 53 ლარი იქნება, ეს ასე არაა, 53 ლარი იქნება პურის ქარხნებისთვის მისაწოდებელი ფასი.

      გაძვირებული გაზი - 3 იანვრიდან შპს“ თბილისი ენერჯის“ არასაყოფაცხოვრებო მომხმარებლებს, პურის საწარმოების გარდა, ბუნებრივი გაზის ღირებულება 24 თეთრით ეზრდებათ და ერთ კუბურ მეტრზე 86 თეთრის ნაცლად, ერთი ლარით და 10 თეთრით განისაზღვრება. კომპანიაში აღნიშნულის მიზეზად ლარის კურსის გაუფასურებას ასახელებენ. რესტორატორთა ასოციაციის ვიცე-პრეზიდენტი - როცა ბიზნესი ჩამოქცევის პირასაა, გაზის ტარიფის გაზრდა სადიზმია - ეს გარდაუვლად გამოიწვევს პროდუქციის გაძვირებას. მალხაზ დოლიძე - რეალურად, პური 15-20 თეთრით ძვირდება, თუმცა მოსახლეობისთვის სუბსიდირების ხარჯზე არ გაძვირდება - ეს მდგომარეობა გათვალისწინებულია აპრილამდე. დავით ნარმანია - მოქალაქეებს ბუნებრივი გაზის ტარიფი არ გაეზრდებათ.

      ტიფლისი - კახა კალაძე პარტიებს მოუწოდებს, ქალაქში გაკრული საარჩევნო პლაკატები არჩევნების საბოლოო შედეგების გამოქვეყნებიდან 15 დღის ვადაში ჩამოხსნან. ძალიან მალე თბილისს ექნება ახალი ევროპული ტიპის ვაგონები. წელს საახალწლო სოფელი არ მოეწყობა და საახალწლო სოფელში დასახარჯი თანხები გაჭირვებული ოჯახების დასახმარებლად მიემართება. თბილისი თავისი სიმწვანით მართლაც იქნება მოწინავე ქალაქი ევროპაში. დაახლოებით 25 მემანქანე დაინფიცირდა - ვირუსმა არ იცის ვინ არის მემანქანე, ტაქსის მძღოლი, ქალაქის მერი, მინისტრი.

საზღვარგარეთულები:

      #WorldCorona2020 - სომხეთში კორონავირუსის 1264 ახალი შემთხვევა გამოვლინდა და 35 ადამიანი გარდაიცვალა. რუსეთში კორონავირუსის 25 345 ახალი შემთხვევა დაფიქსირდა, 589 პაციენტი გარდაიცვალა. აშშ-ში კორონავირუსის 180 083 ახალი შემთხვევა დადასტურდა და 2 597 ადამიანი გარდაიცვალა. ირანში კორონავირუსის 13 621 ახალი შემთხვევა დადასტურდა და 362 ადამიანი გარდაიცვალა.

      მთიან ყარაბაღში სამხედრო ნაწილში მომხდარი აფეთქების შედეგად ორი სომეხი ჯარისკაცი დაიღუპა.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 73

ტეგები: qwellynews, ამბები, ბლოგი, დეკემბერი, ნიუსები, სიახლეები

Kakha: დეკემბერი 3, 2020||9:08pm

ისეთი მდგომარეობაა კომენტარი ზედმეტია ) 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ბლოგ პოსტები

Three ways to get Final Fantasy XIV Gil for players

გამოაქვეყნა Selena_მ.
თარიღი: ნოემბერი 30, 2021.
საათი: 6:30am 0 კომენტარი

Final Fantasy XIV players have many things to do in the game, such as completing a wonderful storyline, participating in PvP and so on. At the same time, they also have a decent quality of life, and this requires players to have some FFXIV Gil to embark on a journey in this fantastic land. FFXIV Gil is the currency in Final Fantasy XIV. Just like the British Pound or Japanese Yen, FFXIV Gil is the basis for all legal transactions in Final Fantasy XIV.

FFXIV Gil has too many functions,…

გაგრძელება

ომიკრონი მსოფლიოში, სააკაშვილი საქართველოში და აზარტის მართვა

გამოაქვეყნა Giorgi_მ.
თარიღი: ნოემბერი 29, 2021.
საათი: 10:30pm 0 კომენტარი

ბერძნული ანბანის სიდიადე ვირუსსმა გაისიგრძეგანა - მსოფლიო კოვიდვირუსის ახალმა შტამმა დაზაფრა - ომიკრონი. ჩვენთან კი მიხეილ სააკაშვილის პროცესს უფრო დიდი გამოხმაურება აქვს, ვიდრე სხვა ყველაფერ დანარჩენს. დღეს სასამართლოს დამნაშავე პრეზიდენტიც დაესწრო და სიტყვით მიმართა მოსახლეობას. დღე სულ მას მიეძღვნა და ასევე აზარტული თამაშების აკრზალვას. რაც შეეხება მოახლოებულ ზამთარს - საქართველოში 2 დეკემბრამდე წვიმაა მოსალოდნელი. დოლარის ღირებულება - 3.0867 ლარია.

საქართველოს და მსოფლიოს ამბები |…

გაგრძელება

რეალობის აღქმა

გამოაქვეყნა Kakha_მ.
თარიღი: ნოემბერი 28, 2021.
საათი: 7:00pm 1 კომენტარი

   რეალობა პირობით მოვლენაა, თან ცვლადი და არც ისე შორს არ იძლევა გახედვის საშუალებას, რაც დღეს მონაპოვარი და განმტკიცებული და სწორი გვგონია ის ხვალ არა, ზეგ უკვე დიდი შეცდომააა, ადამიანის ფსიქიკა ძალიან სენსიტიური მოვლენაა, რაც იმას ნიშნავს მეგობრებო რომ დღეს უცებ რომ ვინმემ გვითხრას 18 წლის უკან მომხდარი ფაქტი რაც ყველას ჰგონია რომ…

გაგრძელება

DR8926-300 Nike Air Max 90 "Green Snakeskin" will be released in 2022

გამოაქვეყნა W Y_მ.
თარიღი: ნოემბერი 27, 2021.
საათი: 6:30am 0 კომენტარი

As the Nike Air Max 90 inches approaches its 32nd anniversary, it has some non-original but eye-catching styles. Recently, Tinker Hatfield's iconic design incorporates green snakeskin panels and pink-style children's exclusive suits. Although the new surface layer retains the model's standard mesh sole, synthetic leather and TPU components, most of its upper also has a scaly covering layer. This detail can pay tribute to the upcoming animal-inspired Nike Sportswear series, as other Air Max…

გაგრძელება

Qwelly World

free counters