როცა აქციაა, ყველაფერი ჩერდებაო ამბობდნენ პოლიტოლოგები ძველ ეგვიპტეში. დღესაც ასე იყო, ქართული ოცნების აქციის გარსემო და მიხეილ სააკაშვილის პატიმრობის ირგვლივ მოიყარა მთელმა მედიამ და იმის იქით სად რა ხდებოდა, არავის არაფერი აინტერესებს. დღე ცივი და მოჟამული იყო, მაგრამ მომავალი დღეები იქნება მზიანიო, ამბობენ სინოპტიკოსები და არჩევნების თბილ გარემოში ჩატარებას გვპირდებიან ცესკოსთან ერთად. ვალუტის კურსი - 1 აშშ დოლარი - 3.1557 ლარია.

საქართველოს და მსოფლიოს ამბები | 27 ოქტომბერი, 2021

qwellynews, სიახლეები, ნიუსები, ამბები, სექტემბერი

      #კოვიდსაქართველო - ბოლო დღის განმავლობაში, ბოლო 24 საათში - 4 337 ახალი შემთხვევა გვაქვს, გამოჯანმრთელდა - 3 137 ადამიანი და გარდაიცვალა 42.

      ოცნების აქცია გადაკეტილი თბილისში და შეფასებები - „ქართული ოცნების“ მხარდამჭერები თბილისში დაგეგმილ აქციაში მონაწილეობის მისაღებად სხვადასხვა ქალაქებიდან გამოემგზავრნენ. ლაშა დამენია - „ქართული ოცნება“ ადმინისტრაციული რესურსით ცდილობს ძალის დემონსტრირებას, თუმცა 30 ოქტომბერს პირწმინდად დამარცხდებიან. თავისუფლების მოედანზე, სადაც "ქართული ოცნების” შემაჯამებელი აქცია უნდა გაიმართოს, მოსამზადებელი სამუშაოები მიმდინარეობს. გურამ მაჭარაშვილი - დღეს დაინახავენ, რომ საზოგადოების აბსოლუტურ უმრავლესობას უნდა, დამთავრდეს ისეთი რადიკალური ძალის არსებობა, როგორიც „ნაცმოძრაობაა“. მამუკა მდინარაძის განცხადებით, „ქართული ოცნების“ აქციაზე მისულ მოქალაქეებს პირბადეს დაურიგებენ და ვირუსის გავრცელების რისკის მინიმუმამდე შემცირებას უზრუნველყოფენ. მოსალოდნელია, რომ მთელი რიგი პარტიული აქტივისტების და მედიის მხრიდან იქნება მცირე პროვოკაციები, ჩვენს მხარდამჭერს გთხოვთ, ნუ აყვებით ამ მდარე პროვოკაციას. სერგო ჩიხლაძე - დღეს ჩვენ ვიხილავთ დაშინებულ საჯარო მოხელეებს აქციაზე, რომელთა დიდი ნაწილი სულაც არ არის „ქართული ოცნების“ მხარდამჭერი. თინა ბოკუჩავა - დარწმუნებული ვარ, რომ 30 ოქტომბრის არჩევნებით დასრულდება ადამიანებით მანიპულირების პრაქტიკა ქვეყანაში. ირაკლი მეზურნიშვილი - ყალბია ინფორმაცია, თითქოს დაძალებით ხდება შეკრებაზე ხალხის მოყვანა - ნახავთ, რომ დღეს ათი ათასობით ადამიანი შეიკრიბება. დავით მათიკაშვილი - ეს არის ღირსეული ქართველების აქცია. შალვა პაპუაშვილი - ოპონენტებმა უყურონ ამ აქციას, ქართველ ხალხს შეხედონ თვალებში და გააცნობიერონ ის მარცხი, რომელიც 30 ოქტომბერს ელით. ირაკლი ღარიბაშვილი - სახელმწიფო მოქალაქეს გვერდში დაუდგა, გავათავისუფლეთ დატერორებული ბიზნესი და მედია, რაც მთავარია, ხელისუფლება ხალხის სამსახურში ჩადგა. ჩვენ ვართ ხელისუფლება, რომელმაც დამოუკიდებელი საქართველოს ისტორიაში ყველაზე ხანგრძლივად შეძლო მშვიდობისა და სტაბილურობის უზრუნველყოფა. ჩვენ რამდენიმე დღეში კიდევ ერთხელ უნდა გავაკეთოთ არჩევანი სამართლიანობასა და უსამართლობას შორის, სიკეთესა და ბოროტებას შორის. ადრე თუ გვიან, სამართალი ყველასთან მივა და არავის ვაპატიებთ ხალხის ჩაგვრას, ტერიტორიების დაკარგვას, მიწის გაყიდვას, პატრიარქის, სასულიერო პირების და ქართული სახელმწიფოს ფუნდამენტის, მართლმადიდებლური ეკლესიის ლანძღვას. აღარ უნდა გავიმეოროთ წარსულის შეცდომები, გამოუსწორებელი შეცდომები - სამოქალაქო ომი, ტერიტორიების დაკარგვა, ქვეყანაში კრიმინალური ბანდების თარეში, დიქტატორი სააკაშვილის მჩაგვრელი რეჟიმის მმართველობა. ირაკლი კობახიძე - ჩვენი ოცნებაა ეროვნული ერთიანობა, სადაც ადამიანებს არ ყოფს სიძულვილი, არამედ აერთიანებს სიყვარული ერთმანეთისა და სამშობლოსადმი. არჩევნებში გამარჯვება და სააკაშვილის ციხეში ყოფნა არის ორი ფაქტორი, რომელიც უნიკალურ შესაძლებლობას გვაძლევს საბოლოოდ დავამთავროთ პოლარიზაცია. კახა კუჭავა - დღეს ჩვენ გვაქვს ევროპული ტიპის საპარლამენტო რესპუბლიკა - “ქართული ოცნების“ პოლიტიკა იზიარებს ხალხის ისტორიულ არჩევანს, რაც არის ევროპულ და ევროატლანტიკურ სტრუქტურებში ინტეგრაციის პოლიტიკა. ჩემი ოცნებაა, რომ ჩვენმა შვილებმა იცხოვრონ ევროპულ, დემოკრატიულ, უსაფრთხო და ერთიან საქართველოში და ეს ოცნება აუცილებლად ახდება. მამუკა მდინარაძე - ამ ქვეყანაში ვერასდროს გაიმარჯვებს სიცრუე, ძალადობა, წარსული, სიბნელე, ადამიანებზე ძალადობა, მორალური ტერორი. ნათია მეზვრიშვილი - „ქართული ოცნება“ მოქალაქეებს მმართველობის 9 წლის თავზე ისევ მიტინგების ენით ელაპარაკება, როგორც ჩანს, მომავალთან დაკავშირებით სათქმელი სხვა არაფერი დარჩა - აქციას ატარებს „ნაცმოძრაობის“ ჯიბრით.

      კალაძის სამსახური - კახა კალაძე - გავაგრძელებთ მუშაობას, რომ ძველი თბილისი ყველაზე მოწესრიგებული იყოს. კიდევ ერთი პროექტი დავამთავრეთ - ეს არის ვაკის პარკის რეაბილიტაცია-განახლება. სანამ მერი ვარ, ვერავინ გაბედავს, რომ ქალაქში რეკრეაციული სივრცეები გააოხროს, გააუბედუროს და მის მაგივრად მშენებლობები განახორციელოს. დიდუბეში დღეს 14 ავტოფარეხის დემონტაჟი განხორციელდება.

      საარჩევნო მზადება - ცესკოს თავმჯდომარე - საარჩევნო ადმინისტრაცია მზად არის, არჩევნების მეორე ტურის პროფესიონალურ, ყველასთვის ხელმისაწვდომ და ჯანმრთელობისთვის უსაფრთხო გარემოში ჩასატარებლად. მინდა მივმართო ამომრჩევლებს, მოვიდნენ არჩევნებზე და იყვნენ დარწმუნებულნი, რომ ექნებათ უსაფრთხო არჩევანის გაკეთების შესაძლებლობა. ცესკოს ინფორმაციით, არჩევნების მეორე ტურზე 1749 საუბნო საარჩევნო კომისიაში უზრუნველყოფილი იქნება ხმის დათვლის ვიდეოგადაღება.

      აქტუალური პატიმარი - მიხეილ სააკაშვილის უკრაინელი ადვოკატი - ქართული სტუმართმოყვარეობა საკუთარ მაგალითზე გამოვცადე, თბილისის აეროპორტში არ შემიშვეს და უკრაინაში დამაბრუნეს. ცენტრი „ემპათია“ მიხეილ სააკაშვილთან დაკავშირებით ალტერნატიული კონსილიუმის შექმნის მიზნით, საქმის მასალებს შეისწავლის. უკრაინის ომბუდსმენი რუსთავის მე-12 სასჯელაღსრულების დაწესებულებაში მიხეილ სააკაშვილს შეხვდა. უკრაინის ომბუდსმენი - სააკაშვილი საკუთარ თავს პუტინის ტყვედ მიიჩნევს. მიხეილი ამბობს, რომ ოთხი კრიზისი ჰქონდა - ციხესთან მორიგეობს რეანიმაციის ბრიგადა, მაგრამ იმ შემთხვევაში, თუ რომელიმე მნიშვნელოვანი ორგანოს ფუნქციის აღდგენა გახდება საჭირო, ისინი ამის გაკეთებას ვერ შეძლებენ. ომბუდსმენი საქართველოს იუსტიციის სამინისტროს მიმართავს, მიხეილ სააკაშვილი სამოქალაქო კლინიკაში გადაიყვანონ. საქართველოში შემოსვლისას საზღვარზე დამაყოვნეს და მეკითხებოდნენ, რისთვის ჩამოვედი - მხოლოდ ჩემი მხრიდან გარკვეული ზარებისა და მუქარის შემდეგ შემომიშვეს. ადვოკატი - უკრაინის სახალხო დამცველს ინფორმაციას მივაწვდით ყველა იმ პრობლემაზე, რომელიც სააკაშვილის უფლებების დაცვის პროცესში შეგვიქმნა სახელმწიფომ. თინა ბოკუჩავა მიიჩნევს, რომ მიხეილ სააკაშვილის უკრაინელი ადვოკატის საქართველოში არშემოშვების ფაქტზე უკრაინას მკაცრი რეაგირება ექნება. „სტრატეგია აღმაშენებელი“ მიხეილ სააკაშვილის სამოქალაქო სექტორის მრავალპროფილურ კლინიკაში გადაყვანას მოითხოვს. უკრაინელი ჟურნალისტი დიმიტრი გორდონი აცხადებს, რომ საქართველოში არ შეუშვეს. დიმიტრი გორდონი - ჩემი დეპორტაცია არასდროს არსაიდან მომხდარა - საქართველოს ხელისუფლებას ეშინია სააკაშვილთან ჩემი შეხვედრის, რომელთან ინტერვიუს ჩაწერაც პირდაპირ ციხეში მსურდა. ადვოკატის განცხადებით, მიხეილ სააკაშვილი არ გამორიცხავს, რომ პროტესტის ფორმები უფრო გაამწვავოს. ადვოკატი - სააკაშვილთან შეხვედრის ოთახი აღჭურვილია ვიდეოკამერებით და ხორციელდება აუდიოჩაწერა, იმისთვის, რომ ჩვენი კომუნიკაცია დაცული ყოფილიყო, წერილობით ვეკონტაქტებოდით, დღეს კი ეს სივრცე ამოქოლეს. ევროპის კონსერვატორებისა და რეფორმისტების ჯგუფი - ყოფილი პრეზიდენტის ჯანმრთელობაზე პასუხისმგებლობა მხოლოდ საქართველოს მთავრობას და მმართველი პარტიის ხელმძღვანელობას ეკისრება. მიხეილ სააკაშვილი - ამ წუთიდან უარს ვამბობ შიმშილობასთან დაკავშირებულ ყველანაირ მკურნალობაზე, ანალიზებზე, რეანიმობილის ბრიგადის მომსახურებასა და შემოწმებაზე. ნიკა გვარამია - განიხილავენ სააკაშვილის გადაყვანას ულიცენზიო დაწესებულებაში, სადაც არ არსებობენ კომპეტენტური პირები, ვინც განახორციელებს სამედიცინო მომსახურებას. კელი დეგნანი - წუხილს გამოვთქვამთ მიხეილ სააკაშვილის ჯანმრთელობის მდგომარეობის გამო - აქტიურად ვადევნებთ თვალს მის მდგომარეობას. მიხეილ სააკაშვილი ზუგდიდელებს - ზუსტად ვიცი, რომ თქვენ იქნებით იმ კოლონის სათავეში, რომელიც სრულიად საქართველოს გაათავისუფლებს და გამათავისუფლებს მეც -„აბა ულა!

საზღვარგარეთულები:

      #კოვიდმსოფლიო - ბულგარეთში კორონავირუსით ინფიცირების რეკორდულად მაღალი დღიური მაჩვენებელი 6 813 ინფიცირებული დაფიქსირდა. სომხეთში კორონავირუსის 2074 ახალი შემთხვევა დადასტურდა და 39 ადამიანი გარდაიცვალა. რუსეთში კორონავირუსით გარდაცვალების მორიგი ანტირეკორდი დაფიქსირდა - 1123 ადამიანი გარდაიცვალა. აზერბაიჯანში კორონავირუსის 2 300 ახალი შემთხვევა გამოვლინდა, გარდაიცვალა კიდევ 27 ადამიანი.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 194

ტეგები: qwellynews, ამბები, ბლოგი, ნიუსები, ოქტომბერი, სიახლეები

George: ოქტომბერი 28, 2021||12:38am

ყველაზე მაგრად მომეწონა, რომ გიორგი ძველეგვიპტური პოლიტოლოგიის სპეციალისტია 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

დაკეცილი ქანდაკება ანუ სკულპტურა კუბიკში

გამოაქვეყნა Tamila Moshiashvili_მ.
თარიღი: ოქტომბერი 2, 2022.
საათი: 10:41pm 0 კომენტარი

      სკულპტორები გამიბრაზდნენ, დიდი ხანია ჩვენზე არ დაგიწერიაო, - მომივიდა წერილები. ამიტომ ყველაზე თანამედროვე ამბავი ვიპოვე ინტერნეტში და უნდა გაგიზიაროთ. კლასიკოსები ალბათ ვერც წარმოიდგენდნენ მათ შედევრებს ასეთი ბედი თუ ეწეოდათ, მაგრამ ადამ პარკერ სმიტს (Adam Parker Smith) სხვა გეგმები აქვს. ამ ცნობილმა, თანამედროვე სკულპტორმა, ახალი ხაზის კოლექცია წარადგინა სახელწოდებით „მსხვრევა“ Crush. რომში ნასწავლ-დახელოვნებული…

გაგრძელება

თამაშებით შეცვლილი ცხოვრება

გამოაქვეყნა MacMillanwu_მ.
თარიღი: სექტემბერი 29, 2022.
საათი: 12:00pm 0 კომენტარი

While you're making your way to Lumbridge and begin to explore the town, all of the stage-playing addicts could be your in the future. It's intoxicating. "More than the other games I've played, the avatar is me - it's an amalgamation from the entire that I've accomplished in and is important to us gamers."

A variety of online games attempt to take over your life, but RuneScape is the maximum sincere about it. The magic isn't the quests or stories. If people talk about the…

გაგრძელება

ლუკაშენკოს ხავერდოვანი სეზონი და სამასპინძლო აქციები ლარსთან

გამოაქვეყნა Giorgi_მ.
თარიღი: სექტემბერი 28, 2022.
საათი: 11:30pm 0 კომენტარი

      გუშინ რომ სოხუმის დაცემა გაიხსენეს, დღეს ბელარუსის პრეზიდენტი სწორედ აფხაზეთში ჩავიდა ოფიციალური ვიზიტით და დაარღვია საქართველოს სახელმწიფოს კანონი. აქამდე ჯერ კიდევ მეგობართა სიაში იმყოფებოდა ოფიციალურ დონეზე მაინც. დღეს ასევე აქციები მოეწყო ლარსთან და ხოშტარიას დროამ „მასპინძლობა“ გაუწია რუსეთიდან გამოქცეულებს, რომლებაც რატომღაც დეზერტირებს ეძახიან ანუ ჯობდა ეომათ?! დღის მთავარ ამბებში კვლავ ომბუდსმენიც ფიგურირებს და კალაძის თბილისიც. დღეს…

გაგრძელება

სოხუმის დაცემის დღეს რუსების შემოსვლის აქტუალობა

გამოაქვეყნა Giorgi_მ.
თარიღი: სექტემბერი 27, 2022.
საათი: 11:30pm 0 კომენტარი

      რუსეთში გამოცხადებული სამხედრო მობილიზაცია არის მეინსტრიმული მთავარი თემა საქართველოშიც, რადგან ბოლო დღეებია ვრცელდება კადრები კილომეტრიანი რიგების და საცობების ჩვენს ჩრდილოელ მეზობელ-მტერთან - გამორბიან და გამორბიან ომს განრიდებული რუსები და ახლა აქ მთავარი თემა ისაა, უნდა მივიღოთ თუ საზღვარი ჩავუკეტოთ. დღეს ასევე სოხუმის დაცემის დღეა და როგორც სექტემბრის ყოველ მიწურულს, დღესაც კადრები, მოგონებები, ყვავილები და გახსენებები ისმოდა-იკითხებოდა…

გაგრძელება

Qwelly World

free counters