ზაფხული ცხელი იქნება, ყოველშემთხვევაში პირველი დღე ძალიან ცხელი გამოდგა, როგორც მაისის ბოლო კვირიაკე. დღეს საპირველივნისო ამბები იყო მთავარი, ასევე დაუსრულებელი ომი, ჩვენი ევროპული გზის პრობლემები და მოულოდნელი გარდაცვალება. ლარის ამბავი - 1 დოლარის ღირებულება - 3.0307 ლარია.

საქართველოს და მსოფლიოს ამბები | 1 ივნისი, 2022

qwellynews, სიახლეები, ნიუსები, ამბები, ივნისი

      პირველივნისობა ანუ ბავშვების დღე ნინოობას - ირაკლი ღარიბაშვილი სოციალურად დაუცველი ბავშვების დახმარებაზე - დღეიდან დახმარება კიდევ იზრდება და 150 ლარს შეადგენს, პროგრამა 215 ათასზე მეტ ბავშვს შეეხება. მიხეილ ჩხენკელი - ჩემო ძვირფასებო, გილოცავთ ბავშვთა დაცვის საერთაშორისო დღეს, გისურვებთ ბედნიერ და წარმატებულ მომავალს. ბაია პატარაია - ნინოწმინდის ბავშვთა პანსიონის საქმეზე გამოძიება არ მიმდინარეობს, ეს საპატრიარქოს ქვეშ არსებული პანსიონატია და არ სურთ ვინმე პასუხისგებაში მისცენ - ვაპირებთ საერთაშორისო ტრიბუნალებს მივმართოთ. მიხეილ ჩხენკელმა ბავშვთა დაცვის საერთაშორისო დღე ნორჩ მოჭადრაკეებს პირადად მიულოცა. ირაკლი ღარიბაშვილი - 2023 წელს დაგეგმილია როგორც XI კლასის სასკოლო სახელმძღვანელოების, ასევე დაწყებითი საფეხურის I-IV კლასების განახლებული სახელმძღვანელოების გრიფირება. ინტერნეტ სივრცეში ბავშვების უფლებების დაცვასთან დაკავშირებით პერსონალურ მონაცემთა დაცვის სამსახურმა გზამკვლევი გამოსცა. დავით სერგეენკო - ბავშვის უფლებების კუთხით მთავარი გამოწვევები ბავშვთა სიღარიბე და ძალადობაა. შალვა პაპუაშვილი - ძალისხმევას არ დავიშურებთ ქვეყანაში ბავშვის უფლებების ეფექტიანი რეალიზების ხელშეწყობისა და არსებული გამოწვევების დასაძლევად. საქართველოს საჯარო და კერძო სკოლებში ამ დროისთვის 1000-მდე უკრაინელი მოსწავლე სწავლობს.

      პრემიერი - მარტიდან დღემდე, 155 000-ზე მეტმა ჩვენმა თანამოქალაქემ შეიძინა თურქეთიდან იმპორტირებული მედიკამენტები და ძველი ფასებით, 74 მილიონის ნაცვლად, დაახლოებით 23 მილიონი ლარი გადაიხადა.

      მოულოდნელი გარდაცვალება - თბილისის მერის მოადგილე ილია ელოშვილი გარდაცვლილი იპოვეს. ილია ელოშვილის გარდაცვალების ფაქტთან დაკავშირებით გამოძიება თვითმკვლელობამდე მიყვანის მუხლით დაიწყო.

      ევროგზა - პრემიერი - გრძელდება თანმიმდევრული რეფორმები ევროკავშირთან ასოცირების დღის წესრიგის შესაბამისად. პაატა მანჯგალაძე - თუ ასე ადვილია ევროპელ ლიდერებზე გავლენის მოხდენა, „ქართული ოცნება“ ევროპარლამენტში „სოციალ-დემოკრატების“ წევრია და გამოიტანონ საქართველოს მხარდამჭერი გადაწყვეტილება. ლევან იოსელიანი - რატომ არა აქვს „ოცნებას“ მხარდაჭერა სტრასბურგსა და ბრიუსელში და რატომ არ ისმის მათ მიმართ არც ერთი მხარდამჭერი განცხადება ევროპარლამენტართა მხრიდან? შალვა პაპუაშვილის განცხადებით, ოპოზიციის ნაწილი ჩართულია კამპანიაში, რომ საქართველომ ევროკავშირის კანდიდატის სტატუსი არ მიიღოს. იმედი მაქვს, ევროკავშირს ეყოფა სიმამაცე, რომ ერთის მხრივ, ქართველ, უკრაინელ და მოლდოველ ხალხს სოლიდარობის სიგნალი გამოუგზავნოს და მეორეს მხრივ, რუსეთის განწყობების პირისპირ თავისი გადამწყვეტი სიტყვა თქვას.

      შალვა პაპუაშვილი - დღეს ჩვენ აღვნიშნავთ საქართველოსა და ისრაელის სახელმწიფოს შორის დიპლომატიური ურთიერთობების 30 წელს, ჩვენს ქვეყნებს შორის ჩამოყალიბებულია წარმატებული თანამშრომლობა.

საზღვარგარეთულები:

      ომიანობა - გუბერნატორი - რუსული ძალები სევეროდონეცკში შტურმს ახორციელებენ. ოკუპანტებმა სლავიანსკი, სევეროდონეცკი და რაიგოროდოკი დაბომბეს- არიან დაღუპულები და დაშავებულები. რუსეთის ბირთვული ძალები წვრთნებს ატარებენ. დიდი ბრიტანეთის დაზვერვა - სევეროდონეცკის ქუჩებში ბრძოლები გაძლიერდა და რუსული ძალები ქალაქის ცენტრს მიუახლოვდნენ. უკრაინის გენშტაბის ინფორმაციით, რუსულმა ძალებმა 30 700 ჯარისკაცი დაკარგეს. რუსეთის ფედერაციის საბჭოს სპიკერი - რუსეთი მზადაა, ხელი მოაწეროს სამშვიდობო შეთანხმებებს კიევთან. პრემიერი - უკრაინაში რუსეთის სრულმასშტაბიანი სამხედრო აგრესიის დაწყების დღიდან, საქართველო მტკიცედ განაგრძობს უკრაინის მხარდაჭერას როგორც პოლიტიკური და დიპლომატიური, ასევე ჰუმანიტარული მიმართულებით. ჟოზეფ ბორელი - ნუ დააკნინებთ იმ ფაქტის მნიშვნელობას, რომ ჩვენ რუსული ნავთობის შემოსავლის 90% შევამცირეთ - იარაღის ნაკადი, რომელიც უკრაინისკენ მიედინება, მაღალი ტემპით გრძელდება. რუსეთის შეჭრის დაწყების დღიდან უკრაინაში 243 ბავშვი დაიღუპა. ოლაფ შოლცის განცხადებით, გერმანია უკრაინას თანამედროვე საჰაერო თავდაცვის სისტემებს, IRIS-T-ს გადასცემს. რუსეთის საგარეო საქმეთა მინისტრის მოადგილე - უკრაინისთვის იარაღის მიწოდება რუსეთსა და აშშ-ს შორის პირდაპირი დაპირისპირების რისკს ზრდის. ლუგანსკის ოლქის გუბერნატორი - სევეროდონეცკის 70%-ს რუსული მხარე აკონტროლებს. მიხაილო პოდოლიაკი - რუსეთმა ჩვენი შვილების ბავშვობა მოიპარა - დღევანდელი ბრძოლა არის ბრძოლა ჩვენი შვილების მომავლისთვის. მეუფე იაკობი - უკრაინა თავის საწინააღმდეგო ომს თვითონ აფინანსებს, გაზსადენი ხომ გადის და ხომ ატარებს?! - ჩვენ სანქციებით რა უნდა შევუბორკოთ რუსეთს? - თავი მოსაფხანად ხომ არ გვაქვს, ჩვენც ვიფიქროთ. დიმიტრი პესკოვი - აშშ-ს მიერ უკრაინისთვის იარაღის მიწოდება კიევთან მოლაპარაკებების განახლებას ხელს არ შეუწყობს - აშშ მიზანმიმართულად ასხამს ცეცხლზე ნავთს. უკრაინელი სამხედროების ინფორმაციით, ბოლო 24 საათის განმავლობაში, უკრაინაში 7 ადამიანი დაიღუპა და 16 დაშავდა. ვოლოდიმირ ზელენსკი - უკრაინაში ახალი სისტემა აშენდება, რომელიც „რკინის გუმბათზე“ ძლიერი იქნება. რუსეთმა დანიას გაზის მიწოდება შეუწყვიტა. ენტონი ბლინკენი - უკრაინისთვის განკუთვნილი იარაღის ახალი პაკეტი არის ზუსტად ის, რაც მათ სჭირდებათ - რუსეთის ტერიტორიაზე სამიზნეების წინააღმდეგ გამოყენებული არ იქნება. იენს სტოლტენბერგი აცხადებს, რომ ნატო-ს მიერ დამატებითი ჯარების განლაგება არის მცდელობა, შეაჩეროს კონფლიქტის ესკალაცია და გამორიცხული იყოს „მოსკოვში არსებული ნებისმიერი არასწორი გათვლა“. უკრაინის გენშტაბი - რუსმა ოკუპანტებმა სევეროდონეცკის აღმოსავლეთ ნაწილზე კონტროლი დაამყარეს.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 80

ტეგები: qwellynews, ამბები, ბლოგი, ივნისი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

Dungeoneering talents

გამოაქვეყნა MacMillanwu_მ.
თარიღი: ოქტომბერი 5, 2022.
საათი: 4:30am 0 კომენტარი

I've stopped for breaks, usually while I'm playing a brand new sport, that is,  throughout the years. The longest break was taken off when I was playing Evolution of Combat (additionally called EoC) transformed into a launch by the talent and motion bars were against the RuneScape portion of my brain.



RuneScape is, however, constantly finds a way to entrap me and this time it was Legacy Combat Mode, which revived the tick-primarily based totally combat from the days of. EoC and I…

გაგრძელება

დაკეცილი ქანდაკება ანუ სკულპტურა კუბიკში

გამოაქვეყნა Tamila Moshiashvili_მ.
თარიღი: ოქტომბერი 2, 2022.
საათი: 10:41pm 0 კომენტარი

      სკულპტორები გამიბრაზდნენ, დიდი ხანია ჩვენზე არ დაგიწერიაო, - მომივიდა წერილები. ამიტომ ყველაზე თანამედროვე ამბავი ვიპოვე ინტერნეტში და უნდა გაგიზიაროთ. კლასიკოსები ალბათ ვერც წარმოიდგენდნენ მათ შედევრებს ასეთი ბედი თუ ეწეოდათ, მაგრამ ადამ პარკერ სმიტს (Adam Parker Smith) სხვა გეგმები აქვს. ამ ცნობილმა, თანამედროვე სკულპტორმა, ახალი ხაზის კოლექცია წარადგინა სახელწოდებით „მსხვრევა“ Crush. რომში ნასწავლ-დახელოვნებული…

გაგრძელება

თამაშებით შეცვლილი ცხოვრება

გამოაქვეყნა MacMillanwu_მ.
თარიღი: სექტემბერი 29, 2022.
საათი: 12:00pm 0 კომენტარი

While you're making your way to Lumbridge and begin to explore the town, all of the stage-playing addicts could be your in the future. It's intoxicating. "More than the other games I've played, the avatar is me - it's an amalgamation from the entire that I've accomplished in and is important to us gamers."

A variety of online games attempt to take over your life, but RuneScape is the maximum sincere about it. The magic isn't the quests or stories. If people talk about the…

გაგრძელება

ლუკაშენკოს ხავერდოვანი სეზონი და სამასპინძლო აქციები ლარსთან

გამოაქვეყნა Giorgi_მ.
თარიღი: სექტემბერი 28, 2022.
საათი: 11:30pm 0 კომენტარი

      გუშინ რომ სოხუმის დაცემა გაიხსენეს, დღეს ბელარუსის პრეზიდენტი სწორედ აფხაზეთში ჩავიდა ოფიციალური ვიზიტით და დაარღვია საქართველოს სახელმწიფოს კანონი. აქამდე ჯერ კიდევ მეგობართა სიაში იმყოფებოდა ოფიციალურ დონეზე მაინც. დღეს ასევე აქციები მოეწყო ლარსთან და ხოშტარიას დროამ „მასპინძლობა“ გაუწია რუსეთიდან გამოქცეულებს, რომლებაც რატომღაც დეზერტირებს ეძახიან ანუ ჯობდა ეომათ?! დღის მთავარ ამბებში კვლავ ომბუდსმენიც ფიგურირებს და კალაძის თბილისიც. დღეს…

გაგრძელება

Qwelly World

free counters