ტექდათვალიერების ჩავარდნა, თეთრი ტაქსების ქალაქი, მამების პოლიტიკური აქციები, აზიური ბაზარი და ნარკომანია რეცეპტით

      ქვეყანაში აქტიურობა საკმაოდ მაღალი და მრავალფეროვან სიახლეებში რომელიმეს დაწინაურება შედარებით გართულებულიც კი. გამოსარჩევად შეიძლება კალაძის თბილისი დასახელდეს და ტაქსების თუ ინსპექტირების ნიუსები, ასევე მამების განახლებული აქცია, სადაც უკვე პოლიტიკურ აქცია დაასახელეს თავად მამებმა. დღის სიახლეები ასევე ეხებოდა სააფთიაქო ნარკომანიას და ცოტ-ცოტა ბევრ სიახლეს.

საქართველოს და მსოფლიოს ამბები / 26 სექტემბერი, 2018 /

      დაცვა-დაპირისპირებები საარჩევნოდ - ირაკლი კობახიძე - მიხეილ სააკაშვილმა 2008 წელს საქართველოში სალომე ზურაბიშვილის მიერ გაყვანილი რუსული ჯარი შემოიყვანა.

      საგარეო საქმეები და ასოცირება - დავით ზალკალიანი - დადებითად შეფასდა საქართველოს ინიციატივა, გადაიდგას უფრო მეტი ნაბიჯი ასოცირების შეთანხმების მიღმა. ევროკომისიის პრეზიდენტისა და ავსტრიის კანცლერთან შეხვედრების დროს საუბარის თემა საქართველოს ევროკავშირში ინტეგრაციის საკითხები იყო. დავით ზალკალიანმა ლიბიელ კოლეგასთან დაკავებული ქართველი მეზღვაურების საკითხი განიხილა.

      თბილისი კალაძის მმართველობაში - კახა კალაძე მოითხოვს, უზნაძის ქუჩაზე დაწყებული სარეაბილიტაციო სამუშაოები დროულად დასრულდეს. კახა კალაძე - კახეთის გზატკეცილზე ინფრასტრუქტურული სამუშაოებისას წარმოქმნილი პრობლემის გამო, სახელმწიფო უწყებებს ინტერნეტი არ მიეწოდებოდათ. დიღმის ტყე-პარკში საუკეთესო დასასვენებელი სივრცე უნდა მოეწყოს, ამიტომ იქ მშენებლობები დაუშვებელია. თბილისობასთან დაკავშირებით, დედაქალაქის მერია კონკრეტულ ლოკაციებზე გარევაჭრობას დაუშვებს. ე.წ. ექსპერტები გამოყავთ, რომლებსაც ცხოვრებაში არაფერი შეუქმნიათ, უქნარა ადამიანები საუბრობენ ვაკის პარკის სარეაბილიტაციო სამუშაოებზე. ლევან არველაძე - დედაქალაქის მთავრობა სატრანსპორტო და ეკოლოგიური მდგომარეობის გასაუმჯობესებლად კომპლექსურ სამუშაოებს ახორციელებს.

      მამების აქცია რუსთაველზე - რუსთაველის გამზირზე შვილმოკლული მამების მხარდასაჭერი აქცია-პერფორმანსი გაიმართა. ზაზა სარალიძე პარლამენტთან შეუძლოდ გახდა, მას პირველადი დახმარება პოლიციის თანამშრომლებმა გაუწიეს. ზაზა სარალიძემ ექიმების დახმარებაზე უარი თქვა, მისი მდგომარეობა სტაბილურია. პარლამენტთან სარალიძისა და მაჩალიკაშვილის მხარდასაჭერად რიგი არასამთავრობო ორგანიზაციები და მოქალაქეები შეიკრიბნენ. სამართალდამცველებმა ზაზა სარალიძის მეუღლეს ტერიტორიაზე პლედის შეტანის საშუალება არ მისცეს, რასაც ხმაური მოჰყვა. პარლამენტთან მიმდინარე აქციის მონაწილეთა ნაწილმა სახალხო დამცველის წარმომადგენელს ტერიტორია დაატოვებინა.

      სააფთიაქო ნარკომანია - ერთ-ერთი ბრალდებულის შეუძლოდ გახდომის გამო, ე.წ. სააფთიაქო ნარკომანიის საქმესთან დაკავშირებულ პროცესზე შესვენება გამოცხადდა. პროკურატურა ე.წ. სააფთიაქო ნარკომანიის ბრალდებით დაკავებული ყველა პირისთვის, მათ შორის ჯანდაცვის სამინისტროს მაღალჩინოსან გია თვალავაძისთვის პატიმრობის შეფარდებას ითხოვს. ე.წ. სააფთიაქო ნარკომანიის საქმეზე დაკავებულების ნაწილი ბრალს აღიარებს. სამედიცინო საქმიანობის რეგულირების სააგენტოს ყოფილ თავმჯდომარეს გია თვალავაძეს თავდებში ექიმები უდგებიან.

      იბერიას საქმე ლონდონში - ბრიტანელი იურისტი „იბერიას“ საქმეზე - საქართველოს მთავრობის ყოფილი და მოქმედი წევრების წინააღმდეგ ლონდონის სასამართლოში წარსადგენად სარჩელი მომზადდა. ანზორ ჩუბინიძე - „იბერია“ ბავშვობაში მახსოვს და ახლა გავიგე, რომ ასეთი ტელეკომპანია არის - მზად ვარ ნებისმიერ კითხვას გავცე პასუხი, აბდაუბდაზე თავის მართლებას არ ვაპირებ.

      დაუცველი შრომა - ჯანდაცვის მინისტრის მოადგილე - შემოწმებული 30 კომპანიიდან შრომის უსაფრთხოების ნორმები არც ერთში არ იყო სრულად დაცული. სოფო კილაძე - ახალი საკანონმდებლო ინიციატივით, მნიშვნელოვნად ფართოვდება შრომის ინსპექციის მანდატი. სოფო კილაძემ საერთაშორისო კონფერენციაზე შრომის უსაფრთხოებისა და ინსპექტირების საკითხებზე ისაუბრა.

      კანაფის ბიზნესი - კახა კუჭავა კანაფის სამედიცინო მიზნით კულტივაცია-ექსპორტის წინააღმდეგი არ არის. ემზარ კვიციანი კანაფის კულტივაციაზე - ეტყობა, იმხელა ზეწოლა აქვთ „საცხაიდან“, რომ კანონპროექტს ვერ გაიწვევენ.

      ჩავარდნილი ინსპექტირება - დავით მესხიშვილი - სატრანსპორტო საშუალებების ტექნიკური ინსპექტირების პირველი ეტაპი ჩავარდა. ტექდათვალიერების მოთხოვნები, შესაძლოა, გამკაცრდეს, მათ შორის სავალდებულო გახდეს მანქანაში ე.წ. კატალიზატორის დაყენება. თინა ბოკუჩავა - ე.წ. ყვითელი მიკროავტობუსების 48%-ს ტექდათვალიერება არ გაუვლია და საერთოდ არ გამოცხადებულა შესამოწმებლად. არჩილ თალაკვაძე - როცა 8 მილიონი სტუმარი ჰყავს ქვეყანას, ტრანსპორტის მოწესრიგება ძალიან მნიშვნელოვანია. „თბილისის მიკროავტობუსი“ - მიკროავტობუსები ტექნიკურ დათვალიერებას წელიწადში ორჯერ გადიან. ეკა ლალიაშვილი - ჰაერის დაბინძურების დიდი წილი მოდის მოძველებულ ავტომობილებზე.

      თეთრი ტაქსების ქალაქი - ეკა ლალიაშვილი - ტაქსის ფერზე მეტად მნიშვნელოვანია ხაზი გაესვას უსაფრთხოების ნორმებს, კარგი იქნება მძღოლები აკმაყოფილებდნენ გარკვეულ მოთხოვნებს. რომან გოცირიძე - გადაწყვეტილება, რომ ყველა ტაქსი თეთრად გადაიღებოს, კორუფციულია - მერიაში ალბათ უკვე დაიწყეს თეთრი საღებავების ბიზნესის აწყობა. ვასილ ურუშაძე - ტაქსის შეღებვასთან, ტექპასპორტის შეცვლასთან დაკავშირებული გადასახადები მძღოლის წლიურ ხარჯებში აისახება, რაც მგზავრობის ტარიფს გაზრდის. ნინო წილოსანი - ტაქსების რეგულაცია პირდაპირ კავშირშია ადამიანების უსაფრთხოებასთან. ბექა დავითულიანი - ტაქსების რეგისტრაციისთვის სტანდარტების დაწესება არათუ სასურველი, არამედ აუცილებელია.

      შტორმი ზღვაზე - შავი ზღვის სანაპიროზე 5-ბალიანი შტორმია.

      მერაბიშვილის ავადმყოფობა - ვანო მერაბიშვილი კლინიკაში გადაიყვანეს და მოგვიანებით ე.წ. მატროსოვის ციხეში დააბრუნეს. სოფო კილაძე ვანო მერაბიშვილზე - ჩვენთვის მთავარია, რომ თითოეულ მსჯავრდებულს მოვეპყრათ ისე, როგორც კანონმდებლობა ამბობს.

      ხობელების უკეთესი მოსავალი - სურსათის ეროვნული სააგენტო - ხობის მოსახლეობის ინფორმაციით, წელს შარშანდელთან შედარებით, გაცილებით უკეთესი მოსავალია.

      ძიუდოს ამბები - ანზორ ჩუბინიძე - დავით ქევხიშვილი ჩემი მეგობარია, მაგრამ მე ყოველთვის ვცდილობდი, ძიუდოს ფედერაციაში მიმდინარე პროცესებისგან დისტანცირება მომეხდინა.

      ფართო ინვესტიცია - გიორგი ქობულია - აზიის განვითარების ბანკი საქართველოში 1,5 მილიარდიანი საინვესტიციო პორტფელის გაფართოებას გეგმავს.

      აზიური ბაზრებისთვის უსაფრთხო საქართველო - ნიკოლოზ მანჯგალაძე - უსაფრთხო ქვეყნების რეიტინგში საქართველოს დაწინაურება მნიშვნელოვანია განსაკუთრებით აზიური ბაზრებისთვის.

      აფხაზეთის დაკარგვის 25-ე წელი - დავით ზალკალიანი - ოკუპირებულ ტერიტორიებზე მდებარე კულტურული მემკვიდრეობის უნიკალურ ძეგლებს სერიოზული საფრთხე ემუქრება.

საზღვარგარეთულები:

      ამერიკული მხარდაჭერა ავტოკეფალიას - ამერიკის სახელმწიფო დეპარტამენტი - ამერიკა მხარს უჭერს უკრაინისთვის ავტოკეფალიის მინიჭებას. დახმარება მეგობრებს - დონალდ ტრამპი - ამიერიდან დახმარებას მხოლოდ მათ გავუწევთ, ვინც პატივს გვცემს და ჩვენი მეგობარია. აშშ-ს პრეზიდენტის მრჩეველი - თეირანის დაუსჯელობის დღეები წარსულს ჩაბარდა. ჯეიმს მატისი - აშშ-ს უსაფრთხოებისთვის უმთავრეს საფრთხეს რუსეთის ბირთვული შეიარაღება წარმოადგენს.

      ბელგია ამერიკისკენ - ბელგიის პრემიერი - აშშ ევროპული კომპანიების ნაცვლად ვერ გადაწყვეტს, თუ ვისთან უნდა აწარმოონ ვაჭრობა.

      მოკლევადიანობა - ჰასან რუჰანი - გრძელვადიან პერსპექტივაში აშშ ვერ შეძლებს ირანთან მიმართებაში ცალმხრივი სანქციების შენარჩუნებას.

      ირანული გაზი თურქეთს - რეჯეფ თაიფ ერდოღანი - თურქეთი ირანიდან გაზის იმპორტზე უარის თქმას არ აპირებს.

      უკრაინის არჩევნები - საპრეზიდენტო კანდიდატების რეიტინგში პირველ ორ ადგილს იულია ტიმოშენკო და პეტრო პოროშენკო ინაწილებენ.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 140

ტეგები: qwellynews, ბლოგი, ნიუსები, სექტემბერი, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

Everything about the Final Fantasy XIV Endwalker Dungeon

გამოაქვეყნა Selena_მ.
თარიღი: ოქტომბერი 28, 2021.
საათი: 6:32am 0 კომენტარი

The upcoming expansion of Final Fantasy XIV, Endwalker, is just around the corner. Players are making all preparations to discover its new content and the ending of the story. Square Enix has revealed a lot of information about the new content that will be launched with Endwalker, but there are other projects that are less advanced in development, but will still be released in the expansion cycle.



A new dungeon is part of these projects. It will be launched during Endwalker, but the… გაგრძელება

შეგულიანების აქცია

გამოაქვეყნა Giorgi_მ.
თარიღი: ოქტომბერი 27, 2021.
საათი: 11:21pm 1 კომენტარი

      როცა აქციაა, ყველაფერი ჩერდებაო ამბობდნენ პოლიტოლოგები ძველ ეგვიპტეში. დღესაც ასე იყო, ქართული ოცნების აქციის გარსემო და მიხეილ სააკაშვილის პატიმრობის ირგვლივ მოიყარა მთელმა მედიამ და იმის იქით სად რა ხდებოდა, არავის არაფერი აინტერესებს. დღე ცივი და მოჟამული იყო, მაგრამ მომავალი დღეები იქნება მზიანიო, ამბობენ სინოპტიკოსები და არჩევნების თბილ გარემოში ჩატარებას გვპირდებიან ცესკოსთან ერთად. ვალუტის კურსი - 1 აშშ დოლარი - 3.1557 ლარია.…

გაგრძელება

როგორ მოვხვდეთ ფანტაზიის ფინალურ ეტაპზე?!

გამოაქვეყნა Selena_მ.
თარიღი: ოქტომბერი 27, 2021.
საათი: 6:00am 0 კომენტარი

A mount is an item that allows players to quickly browse the huge digital world of this type, instead of walking and jogging like an idiot. In its ten-year existence, the stables of rideable creatures and devices in Final Fantasy XIV have expanded to nearly 200 mounts. Unlocking each mount has different requirements, from upgrading to paying actual money.

Players can participate in the game's regular activities to obtain the Final Fantasy XIV mount, in which they can interact with…

გაგრძელება

პროტესტი შიმშილით და შიმშილობის პროტესტი

გამოაქვეყნა Giorgi_მ.
თარიღი: ოქტომბერი 26, 2021.
საათი: 9:30pm 0 კომენტარი

      ქვეყანაში არეულ ამინდებს არეული პოლიტიკური ამბები მოჰყვა. მაგრამ ძირითადი თემა მაინც საარჩევნო სამზადისებია და კოვიდის მომატებული სტატისტიკა. ათასებს ვითვლით ყოველდღიურად იმფიცირებულ ადამიანებში და ნელ-ნელა საუბარი შეზღუდვების აუცილებლობაზე მიდის. წინ არჩევნებია და არჩევნების შემდეგ ვნახოთ რა იქნება. იქამდე, დღის მეორე თემა მოშიმშილე პატიმარი სააკაშვილი და მისი ჯანმრთელობის მდგომარეობაა. რაც შეეხება ეკონომიკას და ვალუტის კურსს - 1 დოლარის…

გაგრძელება

Qwelly World

free counters